% Text title            : Rishi Agastyaproktam Shivalingapradakshinavidhyupadesham
% File name             : shivalingapradakShiNavidhyupadesham.itx
% Category              : shiva, shivarahasya, upadesha, advice
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 26 kumbhaghoNamahimAnuvarNanam | 50-83||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rishi Agastyaproktam Shivalingapradakshinavidhyupadesham ..}##
\itxtitle{.. R^iShi agastyaproktaM shivali~NgapradakShiNavidhyupadesham ..}##\endtitles ##
(shivarahasyAntargate ugrAkhye)
agastyaH (uvAcha)
pradakShiNavidhiM vakShye shR^iNu samyagdvijottama |
namaskAravidhiM chAtra vakShye vaidikamArgataH || 50||
pradakShiNaprakArastu dvividho vedasammataH |
savyApasavyaH savyashcha tatrAdyavidhiruchyate || 51||
vR^iShaM chaNDaM vR^iShaM chaiva somasUtraM punarvR^iSham |
chaNDaM cha somasUtraM cha punashchaNDaM punarvR^iShama || 52||
etatpradakShiNoktAni sthAnAni nava sattama |
na tAnyulla~NghanIyAni vedamArgaratairdvijaiH || 53||
prAgdvAre devadevasya vR^iShasthAnaM prakIrtitam |
pashchimAbhimukhe li~Nge sthAnametadudIritam || 54||
prA~Nmukhe shivali~Nge tu chaNDasthAnaM dvijottama |
IshAnabhAge vij~neyabhanyatra tu na sarvathA || 55||
maheshasyottaraM sthAnaM somasUtrasthalaM smR^itam |
pUrvAbhimukhali~Nge tu niyamo.ayaM prakIrtitaH || 56||
pashchimAbhimukhe li~Nge somasUtraM shivasya tu |
pUrvasthAnaM tu vij~neyamanyatra tu na sarvathA || 57||
trINyetAni sthalAnyeva nava sthAnAni sattama |
eteShveva trirAvR^ittyA navasthAnaprakalpanam || 58||
teShvevaikaikamAvR^ittyA tAnyevAtra punaH punaH |
yatnenAvartanIyAni navatAM yAnti tAnyataH || 59||
upavishya vR^iShasthAne sa~Nkalpya vidhipUrvakam |
kR^itA~njalipuTo maunI chaNDasthAnaM vrajettataH || 60||
punarvR^iSheshamAgatya chaNDasthAnaM vrajettataH |
tato vR^iSheshamaprApya somasUtraM vrajettataH || 61||
somasUtramanulla~Nghya chaNDasthAnAvR^iShaM vrajet |
sthAnAnyevaM samAvR^ittya vR^iShabheshaM punaryadA || 62||
prApnuyAnniyato bhUtvA tadekaM syAtpradakShiNam |
savyApasavyarUpe.asmin vaidike tu pradakShiNe || 63||
pradakShiNavidhiH prokto jAbAlairayameva hi |
evaM pradakShiNaM kAryaM pratyahaM sha~NkarAlaye || 64||
yadyatra mohAdvyatyAsastadA syAdanyathA dhruvam |
divAsandhyAsu kartavyamevametatpradakShiNam || 65||
idaM pradakShiNaM nityaM dvijamAtrasya sattama |
pradakShiNatrayaM kArya ekaM pa~nchadashAtha vA || 66||
aShTau dvAdasha vA kAryANyadhikAnyapi shaktitaH |
savyaM savyena kartavyaM tadapi shrutichoditam || 67||
tadapi dvijamAtrasya nityameva na saMshayaH |
shaktaistu sarvadA kAryaM savyAsavyapradakShiNam || 68||
idaM kAryaM pradoSheShu shaktihInairapi dvija |
savyAsavyavidhAnena pradoShe sha~NkarAlaye || 69||
pradakShiNatrayaM vApi kartavyaM niyamAdvijaiH |
shivAlaye tu yaH kuryAtsavyAsavyapradakShiNam || 70||
sa phalaM vAjapeyasya samprApnoti pade pade |
kR^itA~njalipuTaireva shivadhyAnapuraHsaram || 71||
pradakShiNaM sadA kArya mahAdevAlaye dvija |
aShTA~NgasahitaH kAryaH praNAmaH pArvatIpateH || 72||
sarvakAleShu yatnena shivadhyAnapuraHsaram |
jAnubAhushirovakShogaNDAnAmaShTakaM yadA || 73||
daNDavatpraNatAsaktaM tadaShTA~Nganatirbhavet |
etadaShTA~Nga saMyuktAH praNAmAH pArvatIpateH || 74||
prayatnenAnvahaM kAryAH sAvadhAnaM dvijAtibhiH |
praNAmAH pArvatIshasya kartavyA ekaviMshatiH || 75||
ekAdashA.athavAShTau vA nAto nyUnAH kadAchana |
prAtaH shivArchanaM kR^itvA dasha kuryAtpradakShiNAH || 76||
madhyAhne dvAdasha syuH sAyamekAdashoditAH |
samuddhUlitadehena mahAdevapradakShiNam || 77||
kartavyaM nAtivegena dhR^itvA rudrAkShamAlikAH |
somasUtramanulla~Nghya garbhe kAryAH pradakShiNAH || 78||
vR^iSho yadi bhavedgarbhe no chettatra na sarvathA |
somasUtramanulla~Nghya garbhe savR^iShabhe.api cha || 79||
vihitaM vAstvavihitaM somasUtraM na la~Nghayet |
bahishchApi hi taM sUtramulla~Nghaya naiva sarvathA || 80||
mohAdapi taM sUtramulla~NghyApnoti yAtanAH |
uttarAbhimukhaiH kAryaM shrImahAdevapUjanam || 81||
prA~NmukhenApi vA kAryaM shrImahAdevapUjanam |
pashchimAbhimukhairvApi kartavyaM shivapUjanam || 82||
dakShiNAbhimukhairmatyairna kartavyaM shivArchanam || 83||

|| iti shivarahasyAntargate R^iShi agastyaproktaM shivali~NgapradakShiNavidhyupadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 26 kumbhaghoNamahimAnuvarNanam | 50\-83||
##
- .. shrIshivarahasyam . ugrAkhyaH saptamAMshaH . adhyAyaH 26 kumbhaghoNamahimAnuvarNanam . 50-83..

Notes:
Ṛṣi Agastya ##R^iShi agastya## delivers Upadeśa ##upadesha## (to Dvija ##dvija##) about the two types of Śivaliṅga Pradakṣiṇā ##shivali~Nga pradakShiNA## viz., Savyāpsavya ##savyApsavya## and Savya ##savya## - especially mentioning about not crossing the Somasūtra ##somasUtra##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}