% Text title            : shivamIDestavaratnam
% File name             : shivamIDestava.itx
% Category              : shiva, stotra, tyAgarAja
% Location              : doc\_shiva
% Author                : tyAgarAja
% Transliterated by     : Sridhar Seshagiri
% Proofread by          : Sridhar Seshagiri
% Latest update         : June 20, 2002, September 7, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shivamIDestavaratnam ..}##
\itxtitle{.. shrIshivamIDestavaratnam ..}##\endtitles ##
svaprakAshashivarUpasadguruM niShprakAshajaDachaityabhAsakam |
aprameyasuguNAmR^itAlayaM sa.nsmarAmi hR^idi nityamadbhutam || 1||
yaH krIDArthaM vishvamasheShaM nijashaktyA
     sR^iShTvA svasmin krIDati devo.apyanavadyaH |
nistraiguNyo mAyikabhUmivyatiriktaH
     taM sarvAghadhva.nsakamAdyaM shivamIDe || 2||
eko devo bhAti tara~NgeShviva bhAnuH
     nAnAbhUteShvAtmasu sarveShvapi nityam |
shuddho buddho nirmalarUpo niravadyaH
     taM sarvAghadhva.nsakamAdyaM shivamIDe || 3||
devAdhIshaM sarvavareNyaM hR^idayAbje
     nityaM dhyAtvA yogivarA yaM dR^iDhabhaktyA |
shuddhA bhUtvA yAnti bhavAbdhiM na punaste
     taM sarvAghadhva.nsakamAdyaM shivamIDe || 4||
shrautaiH smArtaiH karmashataishchapi ya Isho
     durvij~neyaH kalpashataM tairjaDarUpaiH |
sa.nvidrUpasvaikavichArAdadhigamyaH
     taM sarvAghadhva.nsakamAdyaM shivamIDe || 5||
karmAdhyakShaH kAmijanAnAM phaladAtA
     kartR^itvAha~NkAravimukto nirapekShaH |
dehAtIto dR^ishyavivikto jagadIshaH
     taM sarvAghadhva.nsakamAdyaM shivamIDe || 6||
nAntarbAhye nobhayato vA pravibhaktaM
     yaM sarvaj~naM nApi samartho nigamAdiH |
tattvAtItaM tatpadalakShyaM gurugamyaM
     taM sarvAghadhva.nsakamAdyaM shivamIDe || 7||
yadbhAsArko bhAti himA.nshurdahano vA
     dR^ishyairbhAsyairyo na cha bhAti priyarUpaH |
yasmAd bhAti vyaShTisamaShTyAtmakametat
     taM sarvAghadhva.nsakamAdyaM shivamIDe || 8||
AshAdeshAdyavyavadhAno vibhurekaH
     sarvAdhAraH sarvaniyantA paramAtmA |
pUrNAnandaH sattvavatAM yo hR^idi devaH
     taM sarvAghadhva.nsakamAdyaM shivamIDe || 9||
ko.ahaM devaH kiM jagadetat pravichArAd
     dR^ishyaM sarvaM nashvararUpaM guruvAkyAt |
siddhe chaivaM yaH khalu sheShaH pratipannaH
     taM sarvAghadhva.nsakamAdyaM shivamIDe || 10||
satyaM j~nAnaM brahma sukhaM yaM praNavAntaM
     sarvasphUrtiH shAshvatarUpastviti vedAH |
jalpantyevaM svachChadhiyo.api prabhumekaM
     taM sarvAghadhva.nsakamAdyaM shivamIDe || 11||
yasmAd bhIto vAti cha vAyustripureShu
     brahmendrAdyAste nijakarmasvanubaddhAH |
chandrAdityau lokasamUhe pracharantau
     taM sarvAghadhva.nsakamAdyaM shivamIDe || 12||
mAyAkAryaM janma cha nAshaH purajetuH
     nAsti dvandvaM nAma cha rUpaM shrutivAkyAt |
nirNItArtho nityavimukto nirapAyaH
     taM sarvAghadhva.nsakamAdyaM shivamIDe || 13||
nAyaM deho nendriyavargo na cha vAyuH
     nedaM dR^ishyaM jAtyabhimAno na cha buddhiH |
itthaM shrutyA yo guruvAkyAt pratilabdhaH
     taM sarvAghadhva.nsakamAdyaM shivamIDe || 14||
sthUlaM sUkShmaM kShAmamanekaM na cha dIrghaM
     hrasvaM shuklaM kR^iShNamakhaNDo.avyayarUpaH |
pratyaksAkShI yaH paratejAH praNavAntaH
     taM sarvAghadhva.nsakamAdyaM shivamIDe || 15||
yatsaukhyAbdherleshakaNA.nshoH suramartyA\-
     stirya~ncho.api sthAvarabhedAH prabhavanti |
tattatkAryaprAbhavavantaH sukhinaste
     taM sarvAghadhva.nsakamAdyaM shivamIDe || 16||
yasmi~nj~nAte j~nAtamasheShaM bhuvanaM syAd
     yasmin dR^iShTe bhedasamUho layameti |
yasminmR^ityurnAsti cha shoko bhavapAshAH
     taM sarvAghadhva.nsakamAdyaM shivamIDe || 17||
dyAM mUrdhAnaM yasya vadanti shrutayastAH
     chandrAdityau netrayugaM jyAM padayugmam |
AshAM shrotraM lomasamUhaM taruvallIH (taruvallyaH)
     taM sarvAghadhva.nsakamAdyaM shivamIDe || 18||
prANAyAmaiH pUtadhiyo yaM praNavAntaM
     sandhAyAtmanyavyapadeshyaM nijabodham |
jIvanmuktAH santi dishAsu pracharantaH
     taM sarvAghadhva.nsakamAdyaM shivamIDe || 19||
yachChrotavyaM shrautagirA shrIguruvAkyAd
     yanmantavyaM svAtmasukhArthaM puruShANAm |
yad dhyAtavyaM satyamakhaNDaM niravadyaM
     taM sarvAghadhva.nsakamAdyaM shivamIDe || 20||
yaM jij~nAsuH sadgurumUrtiM dvijavaryaM
     nityAnandaM taM phalapANiH samupaiti |
bhaktishraddhAdAntivishiShTo dhR^itiyuktaH
     taM sarvAghadhva.nsakamAdyaM shivamIDe || 21||
pR^ithavyambavagnisparshanakhAni pravilApya
     svasmin matyA dhAranayA vA praNavena |
yachChiShTaM tad brahma bhavAmItyanubhUtaM
     taM sarvAghadhva.nsakamAdyaM shivamIDe || 22||
lIne chitte bhAti cha eko nikhileShu
     pratyagdR^iShTyA sthAvarajantuShvapi nityam |
satyAsatye satyamabhUchcha vyatirekAt
     taM sarvAghadhva.nsakamAdyaM shivamIDe || 23||
chetaHsAkShI pratyagabhinno vibhurekaH
     praj~nAnAtmA vishvabhugAdivyatiriktaH |
satyaj~nAnAnandasudhAbdhiH paripUrNaH
     taM sarvAghadhva.nsakamAdyaM shivamIDe || 24||
sarve kAmA yasya vilInA hR^idi sa.nsthAH
     tasyodeti brahmaraviryo hR^idi tatra |
vidyAvidyA nAsti pare cha shrutivAkyAt
     taM sarvAghadhva.nsakamAdyaM shivamIDe || 25||
sa tyAgeshaH sarvaguhAntaH paripUrNo
     vaktA shrotA vedapurANapratipAdyaH |
itthaM buddhau j~nAnamakhaNDaM sphuradAste
     taM sarvAghadhva.nsakamAdyaM shivamIDe || 26||
nityaM bhaktyA yaH paThatIdaM stavaratnaM
     tasyAvidyA janma cha nAsho layametu |
kiM chAtmanaM pashyatu satyaM nijabodhaM
     sarvAn kAmAn svaM labhatAM sa priyarUpam || 27||

ityAnandanAthapAdapadmopajIvinA kAshyapagotrotpannenAndhreNa
tyAgarAjanAmnA virachitaM shivamIDestavaratnaM sampUrNam ||

##
Encoded by Sridhar Seshagiri

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}