% Text title            : Shivamide Stavah
% File name             : shivamIDestavaH.itx
% Category              : shiva
% Location              : doc\_shiva
% Proofread by          : Mohan Chettoor
% Description/comments  : Jnanavasishtha
% Latest update         : January 13, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivamide Stavah ..}##
\itxtitle{.. shivamIDestavaH ..}##\endtitles ##
vailakShaNyaM dhAmasu yasya triShu siddhaM
      bhogyAdbhokturbhogata evaM trividhAchcha |
yasmAchChratyA nAsti cha kashchid vyatirikta\-
      staM chinmAtraM sAkShiNamekaM shivamIDe || 1||
eko dhyeyastvAtmatayeti hi vedAnte
      yo.anyatsarvaM shrUyata evaM santyajya |
sarvavyApI bhAti cha bhagavAn yo deva\-
      staM chinmAtraM sAkShiNamekaM shivamIDe || 2||
AkAshoyaM syAdyadi daharonAnandaH
      kohyevAnyAtprANabhR^idatra gataprANyAt |
bhUmAnandaH pratyagabhinnaH sakalAtmA
      taM chinmAtraM sAkShiNamekaM shivamIDe || 3||
AdityAntaryAmiNamoshvaramAtmechChu\-
      rgAyatryaivAnanyamihAnvahamArAdhya |
prApnotyArAdviShNupadaM tachChivasa.nj~naM
      taM chinmAtraM sAkShiNamekaM shivamIDe || 4||
duHkhasyAntamabhIpsava enaM sadrUpaM
      brahmAbhikhyaM svAtmatayA hR^idi yaM matvA |
muktiM yAntItyatra tu nAnyosti cha panthA
      taM chinmAtraM sAkShiNamekaM shivamIDe || 5||
satyaj~nAnAnantarasostyapi chAsthUlo
      hrasvojo yo.aNutvavihIno na cha dIrghaH |
advaitAtmakapUrNashivo yo brahmAkhya\-
      staM chinmAtraM sAkShiNamekaM shivamIDe || 6||
dhyAtR^idhyAnadhyeyabhidAM yaH parihatya
      svastho bhUtvA kevala ekaH parishiShTaH |
svAnanyatvaM pashyati yaj~nassamabhakta\-
      staM chinmAtraM sAkShiNamekaM shivamIDe || 7||
yasyaivaikampAdamamuM vai bhuvanAkhyaM
      tyaktvA nAnAkAratayaivatribhiranyaiH |
aikyaM labdhvA bhAti cha yogI kramasho.asmin
      taM chinmAtraM sAkShiNamekaM shivamIDe | 8||
sarvAtmasthaM svAtmatayA sampratipanna\-
      ssvAsthyaM vai tatsarvatayA cha pratipannaH |
pUrNAnando mAdR^iganantaH puruShassyA\-
      ttaM chinmAtraM sAkShiNamekaM shivamIDe || 9||
sarvaj~natvaM mAyikamIshe santyaktvA
      ki~nchijj~natvaM tadvadamuShminnapi jIve |
chinmAtraikaM pashyati yogI lakShaNayA
      taM chinmAtraM sAkShiNamekaM shivamIDe || 10||
sarvaj~no.api svAdhikahInaH sakalaj~naH
      ki~nchijj~no.api svayamihahInaH ki~nchijj~naH |
j~nAnAj~nAnAbhyAmapi chAnyaH paramAtmA
      taM chinmAtraM sAkShiNamekaM shivamIDe || 11||
o~NkArArtho haMsarahasyaH paripUrNaH
      pratyagrUpo bhAti cha pa~nchAkSharagamyaH |
Ishasso.asmItyeva samAdhyA viditassyA\-
      ttaM chinmAtraM sAkShiNamekaM shivamIDe || 12||
shaivAgamyo vaiShNavagamyashshiva ekaH
sarvairavyairvedamatasthairna cha shaivAd\-
vaitadhyAtR^ibhireva tu sa~Ngamya\-
staM chinmAtraM sAkShiNamekaM shivamIDe || 13||
jyotirli~NgaM svAtmani dR^iShTvA dehAdIn
      lokAn hitvA.akhaNDamanantaM paripashyan |
jIvanmuktoha~NkR^itahInashshivayogI
      taM chinmAtraM sAkShiNamekaM shivamIDe || 14||
nityaM shAntaM nirguNamAryaM nikhilasthaM
      dIpAkAraM sadguruto.ayaM mudrikayA |
dR^iShTvA nityAbhyAsavashAdyaH paripUrNa\-
      staM chinmAtraM sAkShiNamekaM shivamIDe || 15||
akShiNyenaM dakShiNa IshaM shashitulyaM yaM
      vyomnyekIkR^itya shivetaM parame cha |
sarvAtmAnassaMsR^itipAshAdiha muktA\-
      staM chinmAtraM sAkShiNamekaM shivamIDe || 16||
dR^ishyo deho nAyamahaM satsukhamAtraM
      chidrUpo.asmItyaikyamupetyopari yena |
saMsArottha shokamanantaM vijahAti
      taM chinmAtraM sAkShiNamekaM shivamIDe || 17||
AkAshAdIn bhUtavikArAnapalApya
      svAdhiShThAnaM sheShitamasmItyachireNa |
j~nAtvA yuktyA mu~nchati chAnyA iha vAcha\-
      staM chinmAtraM sAkShiNamekaM shivamIDe || 18||
j~nAte yasmin sarvavidaM syAdviditaM syA\-
      daj~nAtesmin naiva samastaM viditaM syAt |
nAnudhyAyAdyadvidasatsabahushabdAM\-
      staM chinmAtraM sAkShiNamekaM shivamIDai || 19||
vAchaM tyaktvA sadguruvaktrAchChutivAkyAd\-
      vaktAraM yaM pratyagamikhyaM paripUrNam |
lokAtItaM naiva vijAnan bhavabhAva\-
      staM chinmAtraM sAkShiNamekaM shivamIDe || 20||
yo vai bhUmA yassukharUpaH paramAtmA
      dyAvApR^ithvI chApi yadantarguNahInaH |
prANaprANo deha ihAhampadalakShya\-
      staM chinmAtraM sAkShiNamekaM shivamIDe || 21||
prAgo~NkAraM ShoDashadhaiva pravibhajya
      svatvenAstAn bhAgachatuShkaM turyAshan |
samyakpashyaMstatra chaturthaM padamenaM
      taM chinmAtraM sAkShiNamekaM shivamIDe || 22||
yasminnotaM protamitItthaM jagadeta\-
      ttAtparyeNaivopaniShadbhiH pratipAdyam |
sohaM nAnyaH kashchana manto vidurevaM
      taM chinmAtraM sAkShiNamekaM shivamIDe || 23||
avyaktAdapyasti paro yaH puruSho.ante
      yasminnetatkalpitamanyaiH shrutihInaiH |
jyotIrupaM bhedavihInaM paramArthaM
      taM chinmAtraM sAkShiNamekaM shivamIDe || 24||
tattvaM tvaM tatso.ahamahaM so.asmyakhilAtme\-
      tyaikyaM vidvAnatra viditvA vimalAtmA |
svAtmArAmo.akhaNDarasAtmA shrutisiddha\-
      staM chinmAtraM sAkShiNamekaM shivamIDe || 25||
dyubhvAdInAmAyatanaM yassakalAnA\-
      mAtmaiteShAM prANabhR^itAmapyakhilAtmA |
jIvebhyo.anyo.apyatra yadanye na cha jIvA\-
      staM chinmAtraM sAkShiNamekaM shivamIDe || 26||
Anando hi syAtprachuro.ayaM mayahantaH
      puchChabrahmetyAhurasattachChrutihAneH |
nAyaM jIvaH pa~nchamakosho.atItatvA\-
      ttaM chimAtraM sAkShiNamekaM shivamIDe || 27||
kaukSheyAgnirnaiva cha vaishvAnarashabdo
      bhUtAgnirvAnApi tadIyo na cha devaH |
shArIro vA nAsitu vimalaH kUTastha\-
      staM chinmAtraM sAkShiNamekaM shivamIDe || 28||
jIvAjIvAvatra sharIre vasato dvA\-
      veko bhu~Nkte karmaphalaM yastvitaro.asmAt |
Isho.anashnan pAyayatItaravAkye yaM
      taM chinmAtraM sAkShiNamekaM shivamIDe || 29||
ChAndogye hi shrUyata evaM tatsatyaM
      tattvaM putrAyAruNivAkyaM niravadyam |
tanniShThasyAtra tathA muktyupadeshA\-
      ttaM chinmAtraM sAkShiNamekaM shivamIDe || 30||
avyaktasyevekShati karmAnupapatte\-
      ssA~NkhyoktasyAshabdatayApi cha jADyena |
na j~neyatvaM yasya tu noktAnupapatti\-
      staM chinmAtraM sAkShiNamekaM shivamIDe || 31||
lIlArUpA kavadeShA khalu sR^iShTistva\-
      mIshasyAsyAM naiva phalaM paritR^iptasya |
karmApekShaM j~nAniShu loke viShamatvaM
      taM chinmAtraM sAkShiNamekaM shivamIDe || 32||
audAsInyaM vAstavamAtmani saMsiddhaM
      sraShTutvAdishaktigadharmopyupapannaH |
nAvyaktAderityupadeshAdasakR^idvai
      taM chinmAtraM sAkShiNamekaM shivamIDe || 33||
jIvasyaivotkrAntiramuShmAdgatirerna
      lokaM pratyuShyAgatiranyasya tu bhUmnaH |
nishcheShTatvAnnApi cha buddherjaDatAyA\-
      staM chinmAtraM sAkShiNamekaM shivamIDe || 34||
sa.nj~nAmUrtyoH klR^iptiradhIshasya hi karma
      tredhaikaikAM kurvata evaM shrutishabdAt |
yasmAjIvo.ananya itIhAbhyupagamya\-
      staM chinmAtraM sAkShiNamekaM shivamIDe || 35||
bhUtairjIvonantaradehapratipattau
      raMhatyevaM karmaphalAnAmupabhuktyai |
retassigyogotha bhaviShyatyaha yasmA\-
      ttaM chinmAtraM sAkShiNamekaM shivamIDe || 36||
vidyAbhedo vedyabhidApa shrutishIrShai\-
      rnaivochyeta prAkR^itadR^iShTessaguNA syAt |
anyA shaivI nirguNarUpA yadadhInA
      taM chinmAtraM sAkShiNamekaM shivamIDe || 37||
kAryotkarShAtsarvapadArthe shivadR^iShTistaM
      vAntesmishChAsti cha shAstraM sadayaM yam |
vinno vedotkarShayananyapyapakarShaM
      taM chinmAtraM sAkShiNamekaM shivamIDe || 38||
bhUmAnandassaindhavatulyastvavinAshaH
      kUTasthAtmA hyakShararUpo kSharagamyaH |
yasya brahmakShatramapi syAdashanArtha
      taM chinmAtraM sAkShiNamekaM shivamIDe || 39||
puruShasyAsminvAgapi chitte chittaM cha
      prANe prANastejasi tejo viduSho.asmin |
yadrUpaM tadehAyogeparilInaM
      taM chinmAtraM sAkShiNamekaM shivamIDe || 40||
nyUnAdhikyaM nottaradakShiNasa.nj~nAbhyA\-
      mutkrAntasyApyatra vidussyAdayanAbhyAm |
bhitvAdityaM gachChati siddhaM brahmasthaM
      taM chinmAtraM sAkShiNamekaM shivamIDe || 41||
utpattyAdivyAhR^itivarjaM tvaNimAdi\-
      syAdaishvaryaM muktabhavAnAM viduShAM cha |
nAvartante lokamimaM te khalu shabdA\-
      ttaM chinmAtraM sAkShiNamekaM shivamIDe || 42||

iti j~nAnavAsiShThe chaturthapAde ShaShThAdhyAye shivamIDestavaH sampUrNaH |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}