% Text title            : Shivamahima KalikastutiH
% File name             : shivamahimakalikAstutiH.itx
% Category              : shiva, appayya-dIkShita
% Location              : doc\_shiva
% Proofread by          : Mohan Chettoor
% Latest update         : January 13, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivamahima KalikastutiH ..}##
\itxtitle{.. shivamahimakalikAstutiH ..}##\endtitles ##
yatsarvakratuphaladaM yadakhilayaj~nAdikAmahitam |
yatsakaladevarUpaM jyotistadupAsmahe somam || 1||
avirakAssomabhavAnakhilAgamavinutasakalamantrA~NgaH
brahmAdyAstugavAdivadamarAssarve vikArAste || 2||
saha vede paThyantAM sahasramiShTayAdivattayA tridasha |
nyAyavido budhyante teShAM somapradhAnaM tvAM
sarveshvara nAmaiva sphuTayati sarvAdhipatyamIsha tava |
vAjina iva somapadaM stutyartha kevalaM tadanyatra || 4||
nAmedaM tvayi shikhayA hyanyasuratyAgahetuparamuditam |
nahyatretivadIshvara hetuparaM nAvivikShatasvArtham || 5||
tvattaH kila jAyante pratikalpaM brahmAviShNurudrendrAH |
teShvapakR^iShTeShu vibho na syustadadhastanAH kimapakR^iShTAH || 6||
AvApodvApAbhyAM pratikalpaM devatAH pR^ithak kurvan |
duradhigamavividhashaktiviharasi deva pratIShTi veda iva || 7||
tvachChaktivilAsena svasvapade devatA iti prathitAH |
yAgA iva shabdavidhau na svavyApAratashiva tridashAH || 8||
yadupahatashakti kaH kila purahara shaknoti kimapi vidhAtum |
mantrasthayajatyAdivadamaragaNaH kastatastvadadhikassyAt || 9||
tvachChaktyadhiShThitatvAtparabhAvassphurati padmajAdhyeShu |
vedAkSharamishratvAdvedatvaM nanu vibhAti kalpyeShu || 10||
tvayi yAgavatpradhAne sthite.api bhagavan dhiyaiva saMvedye |
sthUladR^ishAM homeShviva guNamUrtiShu bhAsate pradhAnatvam || 11||
na paraM guNamUrtibhyo vidanti durdarsharUpamabudhAstvAm |
hAvirantarAlayuktaM vidhimiva viShNvAdivAkyebhyaH || 12||
jyotirmaye tvayi sati tridashagaNohargaNa ivAsmAkam |
nopachayArthamupAsyashshatokthyagAnAmivokthyAnAm || 13||
Ashritya hi labdhapadA jyotiShTomamiva sarvaphaladaM tvAm |
ki~nchitki~nchitphalamiha saMsyA iva devatAH prayachChanti || 14||
AkA~NkShitaM labhantAM soma surAstvatpradiShTamakhilamapi |
na gavAdivallabhante tvaddeyaphalapradhAnasAmarthyam || 15||
tvAmatiyajeta bhagavan yadi kuladaivataM dvijAtikurajAtaH |
ubhayabhraShTo nashyedabhyudayo pAMshuyAjavajjaDaH || 16||
brahmakule jAto.api tvadbhajanaM nijamapAsya yo vikR^itaH |
na brAhmaNasya bhagavannahamantro mantramadhyagovyUhaH || 17||
jyotiShTomamiva tvAM nityaM yassargasadbhAvyam |
atilanghyetarajanaM kurute na tatosti nirayabhAganyaH || 18||
agnyAdyA viShNvantAssarve devAH parigrAhyAH |
soma tvAmadhigantuM tapashcha niyamAshcha bhUyAMsaH || 19||
dIkShAbhirabhisameto vipashchidakhilA~NgajAtagocharayA |
soma tvadbhAvanayA duHkhamasambhinnasukhamupaiti padam || 20||
tantrANya~NgAni tava svAmin dIkShApradhAnAni |
tanniShThaH kramashastvAmahInamukhye prasAdhanamupaiti || 21||
dharmAnugrahalAbhAd brAhmaNavargasya varNasAmyAchcha |
tvaddharmAH paramuchitA shivAjyadharmA madhUdakassevA || 22||
anR^itAdidUShito.ahaM vinA tava parigrahaM virUpAkSha |
tava dharme tatparatAM na labheya vidherivArthavAdAMshaH || 23||
aparAdhanirastamapi svIkuru karuNAnidhe punashshiva mAm |
vidhitaH prapadyamAnaM havirabhyudayaj~na darshavatsvAmin || 24||
nAtha tava mahimakalikAkakubhaH shrutyantapArijAtabhavA |
surabhayatu karuNayA tava mImAMsAnyAyaparimilollAsaiH || 25||

iti shrImadappayadIkShitavirachitA shivamahimakalikAstutiH sampUrNA |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}