% Text title            : Shiva Namavali
% File name             : shivanAmAvalI.itx
% Category              : shiva, ApaTIkara, nAmAvalI
% Location              : doc\_shiva
% Author                : ma. sa. ApaTIkara
% Transliterated by     : Mandar Mali aryavrutta gmail.com
% Proofread by          : Mandar Mali aryavrutta gmail.com
% Description/comments  : stotrapanchadashI by Shri M. S. Apatikar, Satara
% Source                : Sharada year 11, Vol 21-22, September 1970
% Acknowledge-Permission: Pt. Vasant A. Gadgil, Sharada Gaurava Granthamala, 425 Sadashv Peth, Pune 30
% Latest update         : June 13, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shivanamavali ..}##
\itxtitle{.. shrIshivanAmAvalI ..}##\endtitles ## 
     	 (pa~nchachAmaram)
anAdimAdinAyakaM ibhendracharmavAsasam |
tamIshvaraM sadAshivaM namAmyahaM maheshvaram || 1||
umeshamUrdhvaretasaM R^iShIshvarAdivanditam |
tamekadantavatsalaM namAmyahaM maheshvaram || 2||
tamaihikapradaM shivaM tamauShadhIshabhUShaNam |
tamantakachChidaM haraM namAmyahaM maheshvaram || 3||
kapardinaM cha kAmadaM kirAtarUpadhAriNam |
tathaiva kIrtidaM shivaM namAmyahaM maheshvaram || 4||
kumAratAtamIshvaraM himAdrikUTavAsinam |
sadaiva kR^ittivAsasaM namAmyahaM maheshvaram || 5||
kharatnalochanaM shivaM khakuntalaM cha sha~Nkaram |
tathA cha khecharIpatiM namAmyahaM maheshvaram || 6||
gajendracharmavAsasaM cha gA~NgavAribhUShaNam |
girAmadhIshvaraM shivaM namAmyahaM maheshvaram || 7||
namAmi ghasralochanaM tathaiva ghargharIpriyam |
tathA cha ghorarUpiNaM namAmyahaM maheshvaram || 8||
namAmyana~NganAshakaM viha~NgabhakShyabhUShaNam |
sadaiva sa~NkaTAntakaM namAmyahaM maheshvaram || 9||
chakorabandhushekharaM suchAruchandrabhUShaNam |
chitAvibhUtibhUShitaM namAmyahaM maheshvaram || 10||
namAmi ChatrakapriyaM cha ChAgavAhanastutam |
trimUrtimIshvaraM shivaM namAmyahaM maheshvaram || 11||
jaTAdharaM cha jAhnavIshamIshvaraM jitendriyam |
tathaiva jIvarakShakaM namAmyahaM maheshvaram || 12||
jhaShadhvajAntakaM shivaM tathA cha jharjharapriyam |
triyambakaM trilochanaM namAmyahaM maheshvaram || 13||
anekapApasa~nchayAntakaM sadAshivaM haram |
dhana~njayAstradAyakaM namAmyahaM maheshvaram || 14||
naTaM cha nATayadaivataM jaTAdharaM naTeshvaram |
jaTATavIgalajjalaM namAmyahaM maheshvaram || 15||
shaThAntakaM cha nIlakaNThamIshvaraM smarAntakam |
gajAjinAvaguNThitaM namAmyahaM maheshvaram || 16||
prachaNDatANDavapriyaM mR^iDaM mR^ikaNDusaMstutam |
ShaDAsyatAtamIshvaraM namAmyahaM maheshvaram || 17||
namAmi DhuNDhirAjatAtamIshvaraM sadAshivam |
bhavAntakaM cha bhairavaM namAmyahaM maheshvaram || 18||
namAmi rAvaNastutaM phaNAdharendrabhUShaNam |
tathaiva jiShNupUjitaM namAmyahaM maheshvaram || 19||
tapasvigamyamIshvaraM cha tANDavapriyaM shivam |
turIyadhAmadAyakaM namAmyahaM maheshvaram || 20||
sadaiva satpathapriyaM vyathAharaM kathApriyam |
kR^ishAnuretasaM shivaM namAmyahaM maheshvaram || 21||
dayArNavaM cha dAnavendrapUjitaM digambaram |
sadaiva dInabAndhavaM namAmyahaM maheshvaram || 22||
dharAdharendranandinIpatiM cha dhUrjaTiM tathA |
bhavAntakaM makhAntakaM namAmyahaM maheshvaram || 23||
nageshanandinIpatiM cha nAgarAjabhUShaNam |
sunIlakaNThamIshvaraM namAmyahaM maheshvaram || 24||
pareshamIshvaraM shivaM cha pArvatIpatiM tathA |
pinAkapANimIshvaraM namAmyahaM maheshvaram || 25||
supItasarpabhUShitaM puratrayAdinAshakam |
surendrapUjitaM shivaM namAmyahaM maheshvaram || 26||
phaNIndrabhUShaNaM haraM naTeshvaraM cha sha~Nkaram |
sadAshivaM trilochanaM namAmyahaM maheshvaram || 27||
sadaiva bilvapUjitaM budhArchitaM purachChidam |
tathaiva bandhamochakaM namAmyahaM maheshvaram || 28||
bhavaM cha bhAsuraM tathA sadaiva bhImasha~Nkaram |
bhuja~NgabhUShaNaM shivaM namAmyahaM maheshvaram || 29||
maheshvaraM cha mAnadaM cha mitrachandralochanam |
tathaiva muktidaM mR^iDaM namAmyahaM maheshvaram || 30||
namAmi yaj~nanAshakaM cha yAminIshabhUShaNam |
yugAntavahnilochanaM namAmyahaM maheshvaram || 31||
ratipriyAntakaM shivaM cha rAmashatrupUjitam |
sadaiva rudramIshvaraM namAmyahaM maheshvaram || 32||
lalATapaTTapAvakaM tathaiva lAsakaM shivam |
sadaiva shambhumIshvaraM namAmyahaM maheshvaram || 33||
vasantamitradAhakaM vibhUtidehabhUShaNam |
vR^iShadhvajaM cha sha~NkaraM namAmyahaM maheshvaram || 34||
shashA~NkamaulimIshvaraM cha shAmbhavIpriyaM shivam |
tathaiva shUladhAriNaM namAmyahaM maheshvaram || 35||
ShaDAsyatAtamIshvaraM cha ShADavapriyaM haram |
kapAlinaM smarAntakaM namAmyahaM maheshvaram || 36||
sadAshivaM cha siddhidaM surAsurendrapUjitam |
sadaiva somanAyakaM namAmyahaM maheshvaram || 37||
haraM himAdrijApatiM tathA cha hIrakaprabhum |
hutAshanekShaNaM haraM namAmyahaM maheshvaram || 38||
shatAdhikAM shivAbhidhAnamAlikAM paThennaraH |
sukhaM labheta jIvite sa sha~NkaraprasAdataH || 39||
akArAdi\-hakArAntaM mAtR^ikAvarNasaMyutam |
shivastotramidaM puNyaM yaH paThet sa bhavet sukhI || 40||
shivanAmAvalI divyAM mahAdevena gumphitAm |
yaH kaNThe dhArayed ramyAM shivastasya prasIdatu || 41||

iti shrI ApaTIkaravirachitA shrIshivanAmAvalI samAptA |
##
Encoded and proofread by Mandar Mali aryavrutta gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}