% Text title            : Shivanama Kalpalata Alavalah
% File name             : shivanAmakalpalatAlavAlaH.itx
% Category              : aShTottarashatanAmAvalI, shiva, nAmAvalI, shivarahasya
% Location              : doc\_shiva
% Author                : Traditional
% Description-comments  : see corresponding stotram/nAmAvalI.  shivarahasyam Amsha 7 | adhyAya 13/203-215||
% Latest update         : September 12, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivanama Kalpalatalavalah ..}##
\itxtitle{.. shivanAmakalpalatAlavAlaH ..}##\endtitles ##
(1 shArdUlavikrIDita)
OM mokShasyaikanidAnamabjanayanabrahmendrachandrAdibhi\-
rdevaiH prANapadIkR^itaM kalimalapradhvaMsi dharmA~NkuraH |
bhAratyApi sudurnirUpamahima trayyantare gopitaM
vakturma~NgaladaM shiveti vimalaM nAmaiva nastArakam || 1/1||
(2 sragdharA)
AnantyaudAryasatyAdR^iti(dati)mR^itihR^itibhiH svalpasevAtitoShA\-
tsaMkaShTochChittyupechchAbhaya(maya)hitavachanairuttamatvAchcha shambhuH |
sevyo viShNUpamanyudruhiNamunisutashrIdamanthechChudevai\-
rdakShashrIrAmavedairashishupashuvadhUrAkShasaiH sAkShibhirnaH || 2/2||
(3 sragdharA)
nAtha tvachChaktitattvAvyayacharitabhagavyUhamUrtya~NgasA~Nga\-
pratya~NgopA~NgakR^ityAgamabhajanakalAMshAdiniShkarShamUDhAH |
tvannAmApi tyajAmo yadi duritaharaM sAnvavAyAH kR^itArthIH
kenopAyena jAyemahi kalihatake janmabhAjo vayaM hi (janmanityAmatatra) || 3/3||
(4 shikhariNI)
shiveti dvau varNo parapadapataddhaMsagarutau
taTau saMsArAbdheH svaviShayakabodhA~Nkuradale |
shruterantargopAyitatararahasyabruvacharau (rahasyAhR^iticharau)
gharaTTagrAvANau bhavaviTapibIjaughadalane || 4/4||
(5 shArdUlavikrIDita)
svAminkarmaNi kAyike na jarasA shakto.asmi no mAnase
chA~nchalyAnmanaso na nirdhanatayA pUrteShTadAnAdike |
tasmAdvAchikameva karma viduShAM sAdhyaM viditvA bhavan\-
nAmnamaShTashataM niruchya januShaH sAphalyamIhetamAm(tarAm) || 5/5||
(6 AryA)
shivanAmakalpavallyAH shivacharitAnandakAnanabhavAyAH |
ruchiraM ratnAvAlaM rachaye satpadyaratnavaraiH || 6/6||
\- \-
OM shivAya namaH | 1|
(shikhariNI)
prakR^ityA nairmalyAdamalaguNayogAdapi shamA\-
jjagatyAdhAratvAdbhajadamR^itadAnAchcha bhavataH |
balAdichChAshakteH prathitapuri bhadrashrava iti
pratItastvaM li~Nge tripurahara ! tasmAdasi shivaH || 1/7||
OM maheshvarAya namaH | 2|
(vaMshasthA)
taveshvaratvaM trijagadvilakShaNaM
tvamIshvarANAM mahatAmapIshvaraH |
jagattirodhAnakaraH shrutIritaH
tvaM pa~nchaviMsho.api paro maheshvaraH || 2/8||
OM shambhave namaH | 3|
(upagIti)
shaM bhAvayasi cha bhavase shaM cha bhavasi cheti vA devaH |
tvaM devadAruvipine li~Nge prathito.asyataH shambhuH || 3/9||
OM pinAkine namaH | 4|
(vasantatilakA)
nAko.api yena pihito munikaNvamUrdha\-
valmIkaveNujadhanustritayAgrajanmA |
yaH saptashIrShaphaNirUpa udArakarmI
chApastamAvahasi nAtha tataH pinAkI || 4/10||
OM shashishekharAya namaH | 5|
(drutavilambita)
matimayo.akhilajIvasamaShTira\-
pyamethi dakShamakhe himargurvR^ithA (himaguthA) |
iti dhiyA dayayA vidhR^itastvayA
shirasi tena bhavAn shashishekharaH || 5/11||
OM vAmadevAya namaH | 6|
(shAlinI)
vAmArdhena krIDasi tvaM trilokI\-
vakrAchAro valgumodo.asi tasmAt |
vishvottIrNaH sraShTTatAmapyatItaH 
preyAnAtmA kathyase vAmadevaH || 6/12||
OM virUpAkShAya namaH | 7|
(gIti)
viShamANi vividhashaktInyakShINi vilakShaNAni vAkShANi |
hara ! hemakUTashaile li~Nge vyakto.asyato virUpAkShaH || 7/13||
OM kapardine namaH | 8|
(meghavisphUrhitA)
nadIpUraiH shodhAdatha suradhunIshodhanAttatpradAnAt\-
kachagrantherbhedo.atishayitaguNaH syAtkapardo varATaH |
tadAdhAraH pUrasthaganamapi tatpAvanaM tatprakAsha\-
kShamatvaM mairAlIM prathayasi tanuM ChAgalANDe kapardIm || 8/14||
OM nIlalohitAya namaH | 9|
(lalitA)
nemA~NganaM prakR^itipUruShaM rave\-
rantashcha rUpayugavedvapustava |
vedho.alikAmbukaNato.aruNAsitA\-
jjAtaH shiva tvamiti nIlalohitaH || 9/15||
OM sha~NkarAya namaH | 10|
(pathyAvaktra)
kara eva sukhaM dhatse bhaktAnAM kuruShe cha tat |
pIThe chandrapurAbhikhye nAmnA khyAto.asi sha~NkaraH || 10/16||
OM shUlapANaye namaH | 11|
(aupachChandasika)
shiva tR^iptapurasya(stha) li~Ngamadhye 
prakaTassaMstriguNAtmakAlalokaiH |
shuchishaktidashAdibhistrishUlaM 
vidadhattvaM prathito.asi shUlapANiH || 11/17||
OM khaTvA~Ngine namaH | 12|
(shambhu)
druhiNasyaikaM vadanaM mithyAvachanaM dR^iShTvA sadyashChinnam |
na tato vedhomaraNaM shambhoH kva punarhiMsAjanyaM pApam ||
atha daNDArthaM(rdhaM) vahasi tvaM tajjanashikShArthaM khaTvAyA vA |
charaNaM yattaTvimalaM sattvaM prathitastena tvaM khaTvA~NgI || 12/18||
OM viShNuvallabhAya namaH | 13|
(vaitAlIya)
vitaran haraye tapasyate padarekhAjanitaM sudarshanam |
vapurardhamapi priyAya te prathitastvaM bhuvi viShNuvallabhaH || 13/19||
OM shipiviShTAya namaH | 14|
(toTaka)
pashavaH paramAtmani dhIvirahAt
dvipado.api narAshcha surAH shipayaH |
tadanugrahakR^iddhR^idayaM pravishan
prathito.asi vibho shipiviShTa iti || 14/20||
OM ambikAnAthAya namaH | 15|
(AryA)
nAthasi himAchalamumAM manasA tAM nAthase.atha tannAthaH |
(nAthasi himAchalamumAM manasA tAM nAthase tannAthaH) |
prakaTo.asi devikAyAM li~Nge tenAmbikAnAthaH || 15/21||
OM shrIkaNThAya namaH | 16|
(vidyunmAlA)
kShvelaM ga~NgAmindorlekhAmAdyotthAM vA kAntiM kaNThe |
bibhranmANDalye(vye)she li~Nge vikhyAto.asi tvaM shrIkaNThaH || 16/22||
OM bhaktavatsalAya namaH | 17|
(indravaMshA)
dAsAnurasyAvapasIti tarNakAn
bhaktAtmakAnodanabAlakobhayam |
poShAya gR^ihNAsyatha teShu sauhR^idaM 
puShNAsi tasmAdasi bhaktavatsalaH || 17/23||
OM bhavAya namaH | 18|
(udgIti)
sattAmAtramadhiShThAnamupAdAnamasi vishvasya |
salilasyAdhiShThAtrI mUrtistava tena vishruto.asi bhavaH || 18/24||
OM sharvAya namaH | 19|
(upendravajrA)
yadetadAbhAti bahuprakAraM 
jagattadante sakalaM shR^iNAsi |
adhiShThito madhyamadeshali~Nge 
dharaNyadhiShThAtR^itayApi sharvaH || 19/25||
OM trilokIshAya namaH | 20|
(AryAgIti)
UrdhvAdhomadhyabhuvAm
amarAsuramAnavaprakaranibiDAnAm |
antaryamanAt tripuTI\-
sAkShitayA sha~Nkara trilokIshastvam || 20/26||
OM shitikaNThAya namaH | 21|
(ardhA~NgI)
dadhadadhigalamindrapaviprahR^itiprabhavaM kAlam |
kAla~njaraigirishi(she)khare prathitastvaM shitikaNThaH || 21/27||
OM shivApriyAya namaH | 22|
(pramANikA)
vati(mati)rdhR^itiH kR^itirbalaM sharIramindriyaM manaH |
samastameva te shivA bhavAnataH shivApriyaH || 22/28||
OM ugrAya namaH | 23|
(mattA)
uchyasyantarnikhilajanAnAmudgachChasyapyatha jagadUrdhvam |
pravyaktaH san kanakhalali~Nge vAyorantarvasasi tadugraH || 23/29||
OM kapAline namaH | 24|
(mAlinI)
kamalabhavakaroTivrAtamAlAdharatvAt
tadadhikabalashAlI bhAsi ka~NkAlanAthaH |
parashiva (paramashiva) karavIrakShetramadhyastha(sya)li~Nge
nivasasi suravandyo nAmatastvaM kapAlI || 24/30||
OM kAmAraye namaH | 25|
(karpUra)
karpUrashveta tvaM kAmechChordUre niShkAmAnA(NA)mAsannaH |
darpaM kandarpasya prakShiNvan vikhyAto.abhUrloke kAmAriH || 25/31||
OM andhakAsurasUdanAya namaH | 26|
(vibudhapriyA)
lIlayA jagadambayA pihiteShu te nayaneShvabhU\-
dandhakArata eva yaH sa tu bhairaveNa niShUditaH |
tAdR^ishaH kR^ipayA tvayA shiva gANapatyamavApitaH
premavAnapi nAmataH punarandhakAsurasUdanaH || 26/32||
OM ga~NgAdharAya namaH | 27|
(mAlAdhara)
amarataTinI nijaM balamavekShya gavAdbhava\-
chChirasi gaganAdapI(vA)patadatIva vegoddhurA |
paTutarajaTATavImupagatA na dR^iShTA kvachit
paramashiva tAM dadhannigadito.asi ga~NgAdharaH || 27/33||
OM lalATAkShAya namaH | 28|
(bhujagashishubhR^itA)
uDushashiravisaMhartA pralayasamayasaptArchiH |
tamupari nayane vibhradbhava bhavasi lalATAkShaH || 28/34||
OM kAlakAlAya namaH | 29|
(guNA~NgI)
mArkaNDeyaH kAlamukhAdvimukto
dagdho rudraH kAla iti prasiddhaH |
turyAM mUrtiM bibhradumAdi(dhi)nAtha
prakhyAto.asi tvaM bhuvi kAlakAlaH || 29/35||
OM kR^ipAnidhaye namaH | 30|
(shuddhavirAj)
daiteyeShu jalandharAdiShu 
svIyAnAmapakArakeShvapi |
sAlokyAdipadAni ditsasi 
tvaM khyAto.asi tataH kR^ipAnidhiH || 30/36||
OM bhImAya namaH | 31|
(shobhA)
bhiyA vAto vAti jvalanadinakarau shakramR^ityupracheto\-
(jvaladinakarau, jvalatidinakaraH)
mukhA devAstvatto bhayachakitahR^idastatparAH svasvakArye |
nabho.adhiShThAtrI te tanura(ri)tivipulA saptagodAvare cha
pratItastvaM li~Nge girivaratanayAnAtha tenAsi bhImaH || 31/37||
OM parashuhastAya namaH | 32|
(kumAralalitA)
amoghacharitatvaM vyanakti parashuste |
shivAgamavachobhistataH parashuhastaH || 32/38||
OM mR^igapANaye namaH | 33|
(rukmavatI)
dAruvanasthaistvabhicharadbhiH preShita eNo vedasharIraH |
yAchanamudrA vA tava haste tatprathito.asi tvaM mR^igapANiH || 33/39||
OM jaTAdharAya namaH | 34|
(hariNI)
dvi(vi)vidhatanuko dakShadhvaMse babhUvitha yaH purA
mR^igamanuyayAve(thai)ko.anyastu sthito makhamaNDape |
akhilasaritaH pArAvArAn pavichatarAn gha(dha)rAn
shirasi kachatApannAn bibhrachChruto.asi (vibhran shrutosi) jaTAdharaH || 34/40||
OM kailAsavAsine namaH | 35|
(bhuja~NgaprayAta)
harermUrdhni merau hime mandarAdrau
bhavatkelibhUmau(myo) bhavatkarmagamyAH(bhavatkeligamyAH) |
tadUrdhvaM parA j~nAnalabhyAsti tAsu
sthitatvena jAto.asi kailAsavAsI || 35/41||
OM kavachine namaH | 36|
(bhramaravilasitA)
varmAbhAve para(re)sharanayanaiH 
spR^ishyo dR^ishyo bhavati hi sakalaH |
svAtantryeNa dvayamapi tirayan 
duShprApatvAtprabhavasi kavachI || 36/42||
OM kaThorAya namaH | 37|
(vAtormI)
ghoraikA te tanuranyA shiveti
dve te bibhrajjagatAM rakShako.asi |
duShTA jIvA damanenaiva rakShyAH
pUrNatvAdvA kathitastvaM kaThoraH || 37/43||
OM tripurAntakAya namaH | 38|
(bhArAkrAntA)
sthUlaM li~NgaM karaNamiti(pi) yattrayaM vapuShAM nR^iNAM
bhaktAnAM chettadakhilamapi tvamantayasi (tvaM matayasi) kShaNAt |
yadvA nAtha tripuradahanAdalaukikacharyayA
shrIshaile.asi prarthi(thi)tatanumAniti tripurAntakaH || 38/44||
OM vR^iShA~NkAya namaH | 39|
(svAgat)
tvaM gavAmanayataH kupito.api 
prArthito.asi sukR^itena vR^iSheNa |
tena taddhvajaratho (tena dhvajaratho) vR^iShashaile 
vishruto.asyabhidhayApi (vishruto.asyabhiyApi) vR^iShA~NkaH || 39/45||
OM vR^iShabhArUDhAya namaH | 40|
(govR^iSha)
nandyArohAt traipuradAhe hariNA pR^iShTe
vedAshvAnAM govR^iSharUpaiH samupAttatvAt |
dharmaj~nAnaishvaryavirAgeShu nirUDhatvA\-
dvikhyAto.asi tvaM suravR^inde vR^iShabhArUDhaH || 40/46||
OM bhasmoddhUlitavigrahAya namaH | 41|
(pAdAkulaka)
svA~Nge bhasma vilimpannAtha j~nAnAM (j~nAnA~Nga) shirovratamupadishasi |
bhUtIshAbhidhatIrthe.api tvaM bhasmoddhUlitavigrahanAmA || 41/47||
OM sAmapriyAya namaH | 42|
(sragviNI)
chandanasparshashItAmR^itasyandinI 
sAntvavAk sAmavedo.atha sAmAni vA |
taiH prayuktairatIvesha saMprIyase (san prIyase)
gIyase tena lokeShu sAmapriyaH || 42/48||
OM svaramayAya namaH | 43|
(shArdUlalalita)
ShaDjodAttamukhAH svarA avayavA vedaikavapuShaH
sAmbavya~njanako bhavAn svaramayI shaktistava matA |
o~NkArAvayaveShu(yavaveShu) maprabhR^itayo rudreshvarashivAH
sarve yasya vibhUtitAM vidadhate so.asi svaramayaH || 43/49||
OM trayImUrtaye namaH | 44|
(trayI)
sAmba R^igvedako.asyAgalAntAt 
A cha nAbheryajurvedarUpaH |
nAbhideshAdadhaH sAmavedaH
tena te.abhUt trayImUrtinAma || 44/50||
OM anIshvarAya namaH | 45|
(vimohA)
IshvaratvAvadhiryaH sa sarveshvaraH |
tasya neshaH paraM tvaM tato.anIshvaraH || 45/51||
OM sarvaj~nAya namaH | 46|
(sarvaj~na)
ShaTtriMshattattva tvayyevAdhyastA |
sarvAdhiShThAnaM tattvaM sarvaj~naH || 46/52||
OM paramAtmane namaH | 47|
(tanumadhyA)
antaryamayaMstvaM bhUtAnyakhilAni |
bhUyaH kathito.asi shrutvA paramAtmA || 47/53||
OM somasUryAgnilochanAya namaH | 48|
(lochana)
mAnasAtigaM tvAM vidanti no lochanAni te ki~ncha tAnyataH |
bhAntamanvamI bhAsvadAdayo bhAnti somasUryAgnilochanaH || 48/54||.
##var.##
gamAtR^ikAyAM tu bhAsvadAdayo lochanAni te mAnasAtigaM tvAM vidanti no |
bhAntamanvamI bhAnti sAmprataM tena somasUryAgnilochanaH || 48/54||
OM haviShe namaH | 49|
(dugdha)
dugdhamAtrasya kuhare yathA ghR^itaM 
prANimAtrasya dahare tathA bhavAn |
chetasA saMmathita eva labhyate 
hUyamAnaM tvamakhilaM tato haviH || 49/55||
OM yaj~namayAya namaH | 50|
(bhuja~NgavijR^imbhita)
vedaH pAdo yUpo daMShTrAnalachayanarasanavadanastanUruhadharmakaH
srauvashcha~nchuHsarpirnAsA(so) divasarajaninayanayugaH karaH savanatrayam |
audgAtrAntro vedIskandhashcharaNayugalamupaniShadaH pravargyakachabhramiH
vakShodAkShiNyo mantrasphigvividhamakhakaraNatanuko.asi yaj~namayAbhidhaH || 50/56||
OM somAya namaH | 51|
(mattamayUrA)
mUrtiShvaShTAsvIsha tavekA rajanIsho
jyotiShTomastasya havishchaiDeviDashcha |
saurAShTrasthastvaM shiva ga~NgAyamunastho
gauryA sAkaM nityavihArIti cha somaH || 51/57||
OM pa~nchavaktrAya namaH | 52|
(sragdharA)
sarvesha brahmatattvendriyaviShayakalAbhUtasAdAkhyamUrti\-
Shvekaikashyena pa~nchAtmasu tava vadaneShvAdihIneShu satsu |
yo.ayaM sundopasundAsurahanananimittApsarastallajekShA
prAdurbhAvaH sa tadbhaktyatirabhasakR^ite.ajAyathAH pa~nchavaktraH || 52/58||
OM sadAshivAya namaH | 53|
(rathoddhatA)
yo vidhIshvaradR^ishA sadAshivaH
taddR^ishApi khalu yaH sadAshivaH |
tasya kAlakalanA kva te tada\-
syaupachArikatayA sadAshivaH || 53/59||
OM vishveshvarAya namaH | 54|
(vishva)
kevalaM chinmayajyotirAtmaiva kAshI
tena sarvANi vishvAnyatItApi vishvam |
tatra vAsAt parichChedabuddhyA gR^ihItaH
kAshikAdhIshvaro.apIsha vishveshvarastvam || 54/60||
OM vIrabhadrAya namaH | 55|
(vaishvadevI)
shrIgauryA vIraH svIkR^itaH putrabuddhyA
krodhAmisvedotpAdito bhadranAmA |
bhadrAyogAdvA rAjapUrvAsashAlI
tadvAMstadrUpastvaM tato vIrabhadraH || 55/61||
OM gaNanAthAya namaH | 56|
(vR^intA vR^itta)
shashikaraguNamukhasaMkhyAnAM pramathatuShitamayamukhyAnAm |
adhipatirasi shiva kailAse puri nivasasi gaNanAthastvam || 56/62||
OM prajApataye namaH | 57|
(shyenI)
antarikShabhUminAkasaMsthitA 
yAH sahasrashaH sahasrasaMhi(mi)tAH |
rudranAmikAH prajAH sR^ijasyataH 
sthANunAmako bhavAn prajApatiH || 57/63||
OM hiraNyaretase namaH | 58|
(indravajrA)
tvadvIryayogena bhaveddhiraNyaM 
yadvAgnirUpo.asyathavA jalArdhe |
tyaktena (yuktena) vIryeNa babhUva haima\- (hema\-)
maNDaM tadIshAsi hiraNyaretAH || 58/64||
OM durdharShAya namaH | 59|
(paNava)
kailAse shikhariNi paulastyaprAgalbhyaM tR^iNasamatAM prApa (tR^iNasamatAmAprApa) |
evaM satyabhibhavakArI kastasmAttvaM bhavasi hi durdharShaH || 59/65||
OM girIshAya namaH | 60|
(chitrapadA)
bhUriguNe padavAkye niShkaluShe susamarthaH |
parvatarADapi shaMbho tena mato.asi girIshaH || 60/66||
OM girishAya namaH | 61|
(halamukhI)
meruparvatamapi dhanurhetave kR^ishayasitarAm |
parvate nivasasi sukhaM nAtha tadbhavasi girishaH || 61/67||
OM anaghAya namaH | 62|
(anagha)
duHkhaM nAtha na te pApaM cha vyasanam |
trailokyAdhipate tasmAdasyanaghaH || 62/68||
OM bhuja~NgabhUShaNAya namaH | 63|
(ekarUpa / aparAntikA)
abhichArasamarthadArukAvanamaiH prahitAnahIndan dadhat |
garuDAdapi bibhyatastanau kathito.asi bhuja~NgabhUShaNaH || 63/69||
OM bhargAya namaH | 64|
(madalekhA)
bharjyante duritAnAM saMdohA yadavAptyA |
gAyatrIpratipAdyastvaM tasmAdasi bhargaH || 64/70||
OM giridhanvane namaH | 65|
(tanvI)
vAgviShaye tvaM maruriva bhavasi tvAM hi manAgabhidadhati na vAcho
divyarathe vA puradahanavidhau vedamayAH kila chaturatura~NgAH |
chakrayugaM te dinarajanikarau bANasharIrabhR^idabhavadupendro
merurabhUtte dhanururagapatirjyAbhavadIsha tadasi giridhanvA || 65/71||
OM giripriyAya namaH | 66|
(samAnI)
premabhUri te vibhAti vaidikastavAtmavAchi |
sarvaparvateShvapIti nAmato giripriyo.asi || 66/72||
OM kR^ittivAsase namaH | 67|
(chandralekhA)
vArANasyAM shiva tvadbhaktAMstudantaM gajendraM
viprotsR^iShTAbhichAravyAghraM cha shUlena hatvA |
charmadvandvaM tadIyaM prAvR^itya vibhrAjamAno\-
(.a)syekAmre chandralekhAmaule tataH kR^ittivAsAH || 67/73||
OM purArAtaye namaH | 68|
(mandAkinI)
bhavAn pUrvamAbhAti chandrAdikAt
trayANAM purANAmArAtishcha vA |
munInAM purANAM maghovAsti vA
tatastvaM purArAtinAmAsi vai || 68/74||.
##var.##
bhavAn pUrvamAbhAti pashchAdidaM jagadbhAti yadvA purANAmariH |
tanoH kAraNasthUlasUkShmAtmano vinAshena vA te purArAtitA || 68/74||
OM bhagavate namaH | 69|
(jaloddhatagati)
parAkramamatI virAgayashasI
shriyA saha jagatpatitvamiti ShaT |
guNA bhagapadochitAstvayi vasa\-
ntyataH shrutigirerito.asi bhagavAn || 69/75||
OM pramathAdhipAya namaH | 70|
(upasthitA)
mathnantitarAM yadavaidikAM\-
stvatpAriShadAH pramathA matAH |
tAn Isha sadA paripAlayan
bhaktairuditaH pramathAdhipaH || 70/76||
OM mR^ityu~njayAya namaH | 71|
(mR^ityu~njaya)
rudrAchyuteshabrahmaNAM koTyo yayA gIrNAH kShaNAt |
tadgocharo na tvaM vibho tenAbhavo mR^ityu~njayaH || 71/77||
OM sUkShmatanave namaH | 72|
(chuDAmaNi)
durj~neyamUrtidharo.apyAbhrAtake prakaTaH |
sUkShmAdapIsha tanu(kR^isha)stenAsi sUkShmatanuH || 72/78||
OM jagadvyApine namaH | 73|
(jaladharamAlA)
sattA bhAnaM priyamiti chAnusyUtaM
sarveShvartheShvanubhavasiddhaM loke |
sachchitsaukhya(khyaM) trayamapi yauShmAkINaM
rUpaM tasmAdbhavasi jagadvyApI (jagadvyApIti) || 73/79||
OM jagadguruve namaH | 74|
(aparAjitA)
vaTatarunikaTe munInakhilAn surAn
kamalabhavamukhAn prabodhanamudrayA |
upadishasi paraM mahastava dakShiNA\-
mukhaparashiva tanmato.asi jagadguruH || 74/80||
OM vyomakeshAya namaH | 75|
(mandAkrAntA)
pR^ithvIpAthojvalanapavanavyomarUpeShu bhUte\-
ShvalpAlpAni prathamagaditAnyuttarANIshitR^INi |
vyomno.apIsho.asyatha cha gaganaM kuntalAste virAjo\-
ga~NgAdhArA viyadiva jaTAstena cha vyomakeshaH || 75/81||
OM mahAsenajanakAya namaH | 76|
(mahAsena)
subrahmaNyena pR^iShTe praNavaparamArtho.atra ka iti
brahmaNyabjekShaNe svaM dishati sati kArAniyamite |
AtmA vai putranAmetyupadishati tau mochitavati
tvayyabjAkShAjaputraiH stuta iti mahAsenajanakaH || 76/82||
OM chAruvikramAya namaH | 77|
(kAmadA)
parashiva tvayA ye niShUditAH
gajajalandharatraipurAdayaH |
apunarAgamaM te padaM gatA\-
stava chamatkR^itashchAruvikramaH || 77/83||.
(tavachanamatkR^itashchAruvikramaH) || 77/83||
OM rudrAya namaH | 78|
(alolA)
bAlo dhAtR^ilalaTAjjAtaH sannarudastvaM
so.arodIdyadarodIdagnitvAdapi rudraH |
ullAghIkaraNAdvA nishchintIkaraNAdvA
saMvarte rodayasi brahmAdIn iti (api) rudraH || 78/84||
OM bhUtapataye namaH | 79|
(pramitAkSharA)
dharaNIjalAdiShu tathAtmagaNe\-
Shvanuvishya tAnniyamayannaTasi |
athavA pishAchanikarAnnaTayan
bhuvanAvanAya nanu bhUtapatiH || 79/85||
OM sthANave namaH | 80|
(asambAdhA)
vR^ikShAbhaH stabdho divi bhuvi pura uddishya
sphAraM varShANi sthiratara udatiShThastvam |
jyotirli~Nge.api prabhavati(si) sati(shiva) naishchalyAt
kalpAnte vAtairna chalasi tadasi sthANuH || 80/86||
OM ahirbudhnyAya (ahaye budhnyAya) namaH | 81|
(kusumitalatAvellitA)
brahmANDasyAdho dashashataphaNo budhnabhAvaM prayAte
pAtAle sAdhurvahati vasudhAM sArNavadvIpashailAm |
tamUrdhabhyo.ante viShamayavapuH kAlasa~NkarShaNAkhyo
rudro bhUtvedaM dahasi nikhilaM so.asyahirbudhnyanAmA || 81/87||
OM digambarAya namaH | 82|
(pa~nchachAmara)
mahesha dArukAvane maharShisiddhasevite
tada~NganAH pativratAH parIkShamANayA dhiyA |
manobhavAtishAyinIM manoharAM dadhattanU(nu)\-
mupAgatastadAshrameShu bhikShituM digambaraH || 82/88||
OM aShTamUrtaye namaH | 83|
(AndolikA)
medinIM bhUtamabhimanyase sharva iti 
pAthaso bhavapadenAbhimAnI |
rudranAmnA tu vaishvAnarasyogra iti 
mArutaM bhIma ityambarasya |
bhAnumIshAna iti shItabhAnuM mahA\-
deva ityAtmano yajvano vA |
manyase pashupatIbhUya shambho jagad
vyApya tiShThan bhavasyaShTamUrtiH || 83/89||
OM anekAtmane namaH | 84|
(sAvitrI)
yatki~nchidbrahmANDe sarva vai rudrastat |
sa~NkhyeyattAbhAvAdvikhyAto.anekAtmA || 84/90||
OM sAttvikAya namaH | 85|
(aparavaktra)
tvayi nivasati janturastitA\-
guNa iti tAni tava prayojanam |
tvamapi bhavasi teShu tadvapuH 
parashiva tena mato.asi sAttvikaH || 85/91||
OM shuddhavigrahAya namaH | 86|
(pushpitAgrA)
ghanaghR^itamiva sattvamAtrapiNDo
na tu vapuraNvapi te rajastamoktam |
shiva bhavasi na chaiva kUTayodhI
harasi malAniti shuddhavigrahastvam || 86/92||
OM shAshvatAya namaH | 87|
(ja\-vipulA)
pUrvato jagato janeH sarvasaMhArataH pare |
vartamAne jagatyapi tvamasyeveti shAshvataH || 87/93||
OM khaNDaparashave namaH | 88|
(chapalA)
gajAsuravadhe khaNDAstava jAtAH parashavaH |
tadArabhyAkhilairdevairgIyase khaNDaparashuH || 88/94||
OM ajAya namaH | 89|
(ramaNI)
na janiH shiva te tadasi tvamajaH || 89/95||
OM pAshavimochanAya namaH | 90|
(ujjvalA)
abhimatiguNapa~nchaparurdashatrichaturayutaviMshatipAshataH |
shivapadabhajanena vimochayan pashugaNamiti pAshavimochakaH || 90/96||
OM mR^iDAya namaH | 91|
(parantI)
pUrNAhutyA tvayi suhite yaj~ne pUrNe sati suhite |
yaShTR^In dhyAtR^Inapi sukhayasyAryAnetastadasi mR^iDaH || 91/97||
OM pashupataye namaH | 92|
(suvadanA)
khyAtaM tantreShu pAshaH pashuratha patirityetattrayamapi
tvadrUpaM nAtha jIvAnniyamayasi nuto muktAMshcha kuruShe |
grAmyAraNyAdhipatyaM vahasi cha yajamAnAtmAbhimatimAn
bhaktAn nepAlapIThe ramayasi nivasannAsIH pashupatiH || 92/98||
OM devAya namaH | 93|
(moda)
dyutimodavyavahArAtsurajAtiShvavatArAt |
shashimaule jagatInAmadhipatvAdapi devaH || 93/99||
OM mahAdevAya namaH | 94|
(kalahaMsI)
gIrvANAnAmapi madhuhAdInAM
namanIyaH stavanIyastvaM devaH |
shashibimbe.adhiShThAtrI tava mUrti\-
rjagadApyAyayatIti mahAdevaH || 94/100||
OM avyayAya namaH | 95|
(ruchirA)
na jAyase pariNamasi pravardhase
na hIyase na cha vikR^ito.asi nashyasi |
tvamavyayairdashabhirapi kShamAdibhiH
pariShkR^itaH parashiva tena chAvyayaH || 95/101||
OM haraye namaH | 96|
(pramuditavadanA)
parashiva tava nAmasa~NkIrtanaM
kalikaluShitachetasAM pAvanam |
nivasasi nagare harishchandrake
harasi cha duritAni sa tvaM hariH || 96/102||
OM pUShadantabhide namaH | 97|
(priyamvadA)
adhimakhaM radavikAsapUrvakaM
parihasantamavalokya pUShaNam |
shiva bhavAn akR^ita piShTabhAginaM 
galitadantamiti pUShadantabhid || 97/103||
OM avyagrAya namaH | 98|
(haMsashyenI)
paulastyenonnamanasamaye kailAsAdre\-
rbrahmANDAnAmapi dahanakAle saMvarte |
yuddheShvanveShvapi bahuShu santoShodrekA\-
ddevIM pashyannaTasi shiva tasmAdavyagraH || 98/104||
OM dakShAdhvaraharAya namaH | 99|
(kalAtantra)
purA devo dakSha iti shiva tavaikaH shvashurakaH
paro martyo dakSha iti viTapikanyodarabhavaH |
prachetaHputro.akhilamakhaphaladAtApi cha bhavAM\-
stayoryaj~nau hA vyadalayaditi dakShAdhvaraharaH || 99/105||
OM harAya namaH | 100|
(maNiguNanikara)
parashiva janayasi bhava iti bhaNitaH(tadidaM)
sthiramapi rachayasi mR^iDapadagaNitaH(gaditaH) |
sucharamacharamapi charamaguNadharaH
praharasi jagadidamakhilamiti haraH || 100/106||
OM bhaganetrabhide namaH | 101|
(bhArAkrAntA)
viShNubrahmAdyakhiladiviShadvR^ite makhamaNDape
vIraM bhadrApatimupagataM surAsuramardanam |
kopATIpAdaruNanayamo bhagastamadIdR^ishat
tannetre sa prasabhamabhinattato bhaganetrabhit || 101/107||
OM avyaktAya namaH | 102|
(kuTilA)
sA~Nkhyo mUlaprakR^itiriti yadAchakhyau
yatpArAsharyashchiditi gadati tattvaM tattvam |
sAmaShTyaM chAkSharamapi bhuvi naiva vyaktaM
li~NgaM bANAbhidhamapi shiva ityavyaktaH || 102/108||
OM sahasrAkShAya namaH | 103|
(Ananda)
agaNitakaracharaNashirodaMShTrodayuk pratibhaya\-
mAshcharyaM yugapatsR^iShTisthitilayakAri cha yadavachChedakabhedena |
kShetre cha suvarNAkShe prathitaM li~Nge shiva tava yadrUpaM
bahuvidhakarmaj~nAnendriyaparipUrNaM taditi sahasrAkShaH || 103/109||
OM sahasrapade namaH | 104|
(prabhadraka)
jagadavanArthamaShTasu dhR^itAsu mUrtiShu
smarahara bhAskarasya tava mUrtiraShTamI |
gaNanapathAtigA~NghrimayavishvarUpadhR^ik
shrutigadito.asi sha~Nkara tataH sahasrapAt || 104/110||
OM apavargapradAya namaH | 105|
(pR^ithvI)
pratIkavidahaMgraho bhR^itaka ityupAsternijAd\-
vidheH shivasalokatA shivatadAtmatA sArShTitAH |
bhavanti sasamIpatA amR^itatAtmavij~nAnato\-
.akhilaM phalamato bhavediti mato.apavargapradaH || 105/111||
OM anantAya namaH | 106|
(maNimAlA)
nAtreti vibho nedAnImiti nedaM
brahmeti na vAcho yatra prasaranti |
nAstyeva guNAnAmanto na vibhUteH
sheSho.asi dharAdhR^ittena tvamanantaH || 106/112||
OM tArakAya namaH | 107|
(lAlasA)
tava padakamale bhajanto janAstAritA yattva(tva)yA
bhavajalanidhito mahAdeva tArAkhyavarNAtmakaH |
praNavamupadishan dvijAn kAshikAyAM paretAnapi
shrutiShu nigaditastadanvArthanAmA bhavAM(bhava)stArakaH || 107/113||
OM parameshvarAya namaH | 108|
(hariNapluta, haranartaka)
grAmANAM patayo.api sopapadeshvarA bhuvi bhUrisha\-
ste.api svAshritamAtrapoShaparAstathaiva divaukasaH |
IshAnAmapi cheshitAsi nijAshritAshritatachChritAn
sarvAnapyavasIshatA paramAvadhiH parameshvaraH || 108/114||
\- \-
(1 vasantatilakA)
jAnAti sAmba tava nAmaruchiM dadhIchi\-
rjInAti te padanakhAgrabalaM dashAsyaH |
jAnAti dorbalaparAkramameSha meru\-
rjAnantyamoghapaTubANagatiM purANi || 1/115||
(2 shikhariNI)
iyaM shambhoraShTottarashatakanAmArthavivR^iti\-
rvijAtIyairaShTottarashatakavR^ittairvirachitA |
phalaM nAmasvarthAvagatiShu cha bhUmnaiva viditaM
bahUnAM vR^ittAnAM pramitiradhikApyatra phalati || 2/116||
(3 vaitAlIya)
iti kAshinivAsisAgnichityakratukR^idbhAskararAyabhAratI |
januShaH saphalatvasiddhaye shivanAmAShTashataM vyavarvarIt || 3/117||
shrIsaurAShTrasomeshvarapAdAravindArpaNamastu |

##Notes:

Śivanāmakalpalatālavālaḥ ##shivanAmakalpalatAlavAlaH## of Bhāskarācārya ##bhAskarAchArya## gives the explanation of each of the 108 ##108## Names of Śiva ##shiva## i.e. Śivāṣṭottaraśatanāma ##shivAShTottarashatanAma##.

Kalpalatā ##kalpalatA## implies a fabulous creeper granting all desires.
Ālavāla ##AlavAla## refers to a basin for water round the root of a tree.

A corresponding Stotram ##stotram## of these Names, i.e. ŚivāṣṭottaraśatanāmaStotram ##shivAShTottarashatanAmastotram## is found in the ŚivaRahasyam Amśaḥ 7 Adhyāya 13/203-215 ##shivarahasyam aMshaH 7 adhyAya 13/203\-215 ## and can be referred to from one of the Links given below.

The Śivāṣṭottaraśatanāmāvaliḥ ##shivaShTottarashatanAmAvaliH## has been collated from the ŚivāṣṭottaraśatanāmaStotram ##shivAShTottarashatanAmastotram## from the ŚivaRahasyam Amśaḥ 7 ##shivarahasyam aMshaH 7##, Commentary on the same by Nīlakaṇṭha Dīkṣita ##nIlakaNTha dIkShita##, and the Śivanāmakalpalatālavālaḥ ##shivanAmakalpalatAlavAlaH## of Bhāskarācārya ##bhAskarAchArya##; and, can be referred to from one of the links given below.

The commentary by Nīl̤akaṇṭha Dīkśita ##nIlakaNTha dIkShita## mentions that this Stotram is ``said to be from'' the Skanda Purāṇa - Śaṅkara Saṃhitā - Śivarahasya Khaṇḍa ##skandapurANa \- sha~NkarasaMhitA \- shivarahasya khaNDa##; however, the evidence of the same in print is pending verification.

The variations in the Names found are explained in the commentaries of the respective texts.

The verse numbers correspond to those used in the linked references.  The `1/7' for example indicates 1st name in the nAmAvalI and 7th verse in the print especially with the commentary.

The prosody Chanda-Vritta ##Chanda \- vR^itta ## for each verse is given above the verse in parenthesis.  Refer to the links given in the end for the rules.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}