% Text title            : Shivanamaushadham
% File name             : shivanAmauShadham.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 19 | 5-15 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivanamaushadham ..}##
\itxtitle{.. shivanAmauShadham ..}##\endtitles ##
yAj~navalkyaH \-
abhinavamidamauShadhaM janAnAM jananavinAshakamekameva loke |
kathamapi girishAbhidhAnarUpaM shiva shiva sR^iShTamidaM manoharaM me || 5||
shiva shiva shiva chAturI kimeShA janajananAmayabhoganAshanAya |
shivapadarachanAnukUlarUpA shivapadametadapUrvamauShadhaM hi || 6||
re re janAH pibata sha~NkaranAmadheyapIyUSharUpamidamauShadhamAdareNa |
tenaiva janmamaraNAdikarogabhogasambhAvito.api na bhaviShyati sarvadA.api || 7||
aho janAstAvadataH paraM naH sarvAtmanA janma jarA mR^itirvA |
nAstyeva sR^iShTaM shivanAmarUpamabhUtapUrvaM paramauShadhaM hi || 8||
shivasha~NkaranAmarUpametat girishenApi na sR^iShTamauShadhaM chet |
jarayA maraNena pIDitAH syuH jananenApi jagattrayAntarasthAH || 9||
janturvA~nChati janmarogavilayaM tatkAraNechChA paraM
loke kasyachideva bhUritapasA puNyairaporairapi |
tattAvadgirishAbhidhAnamasakR^itsaMsevitaM bhAgyataH
tajjanmApanayaM karoti sakR^idapyAvartanenApi kim || 10||
shivAbhidhAnAbhidhamauShadhaM chet pItaM sakR^itsarvarujAM vinAsham |
karoti tattulyamidaM vichitraM mene cha sarvAmayanAsha eva || 11||
shrutamapi shivanAmadheyarUpaM paramamihauShadhamAmayapravAhAn |
pariharati vichitramevametat kimiti na pItamanAmayAya lokaiH || 12||
saMsArAmayabheShajaM shravaNamapyArogyahetuH paraM
tattAvadgirishAbhidhAnamiti me jihvA~NgaNe sarvadA |
nR^ityatyAdarapUrvakaM shivakathApIyUShadhArAnvitaM tat
kiM me na kariShyatIti sakalAbhIShTapradaM tanmama || 13||
ekenApi sakR^it prasa~NgavashataH pItaM tadevauShadhaM
sharvANIramaNAbhidhAnamamarAn kartuM pravR^ittaM shrutam |
tadvaMshyAnakhilAMstadIpsitatamAn bhR^ityAnapItyadbhutaM
manye sha~NkaranAmarUpamanaghaM divyauShadhaM durlabham || 14||
nirAmayo.ayaM dhanarAshibhiH syAt putraiH prapautraiH kamalAvilAsaiH |
vyAptaH shrutenApi shivAbhidhAnadivyauShadheneti matiH priyA me || 15||

|| iti shivarahasyAntargate shivanAmauShadhaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 19| 5\-15 ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 19. 5-15 ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}