% Text title            : Shivanirdishta Shivavandana
% File name             : shivanirdiShTashivavandanA.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 1 | 189-202||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivanirdishta Shivavandana ..}##
\itxtitle{.. shivanirdiShTa shivavandanA ..}##\endtitles ##
ye muktidAyaka mahesha pinAkapANe shambho girIsha hara sha~Nkara chandramaule |
vishveshvarAndhakaripo purasUdaneti mAmarchayantyanuvadanti ta eva dhanyAH || 189||
ye devadeva jagadIshvara pa~nchavaktra shrInIlakaNTha varadottama vishvabAho |
somAgnibhAnunayanAmala sha~Nkareti mAmarchayantyanuvadanti ta eva dhanyAH || 190||
ye sharva bhAlanayanAkhilavishvamUrte kalyANabhUdharadhanurdhara shUlapANe |
bharga trilochana bhagAkShiharAjareti mAmarchayantyanuvadanti ta eva dhanyAH || 191||
ye viShNuvallabha sadAshiva kAlakAla kAlAgnirudra karuNAkara dInabandho |
karpUragaura paramesha maheshvareti mAmarchayantyanuvadanti ta eva dhanyAH || 192||
ye vAmadeva bhavabha~njana bhUtibhUSha bhUtesha khaNDaparasho pramathAdhinAtha |
vishvAdhika tridashavandya sureshvareti mAmarchayantyanuvadanti ta eva dhanyAH || 193||
ye bhaktavatsala jaTApaTalAbalambibAlendukhaNDa ruchimaNDalamaNDitA~Nga |
ratnasphuradbhujagarAjavibhUShaNeti mAmarchayantyanuvadanti ta eva dhanyAH || 194||
ye bhIma ShaNmukhaguro mR^igashAvahasta shArdUlacharmavasanAvyaya satyandha |
shailAdhirAjanilaya tripurAntaketi mAmarchayantyanuvadanti ta eva dhanyAH || 195||
ye bhIma rudra vR^iShabhadhvaja vIrabhadrabhadrAvatAra bhagavan bhavabhAvarUpa |
niHsa~Nga nirmala nira~njana nirguNeti mAmarchayantyanuvadanti ta eva dhanyAH || 196||
ye kAlakUTaviShabhUribhayArtadevasaMrakShakAdya viShamAkSha samastasAkShin |
sUkShmAtisUkShma shiva dakShamakhAntaketi mAmarchayantyanuvadanti ta eva dhanyAH || 197||
ye yaj~nashAsana vR^iShAsana dharmarUpa yaj~nAdikarmaphaladAyaka yaj~namUrte |
sR^iShTisthitipralayakAraNa sAtviketi mAmarchayantyanuvadanti ta eva dhanyAH || 198||
ye nIlalohita digambara kR^ittivAsaH shrIkaNTha shAnta nirupAdhika nirvikAra |
mR^ityu~njayAvyaya nidhIsha gaNeshvareti mAmarchayantyanuvadanti ta eva dhanyAH || 199||
ye soma sAmba shipiviShTa jagannivAsa kailAsavAsa munihR^itkamalAdhivAsa |
somAvataMsa shitikaNTha shivApriyeti mAmarchayantyanuvadanti ta eva dhanyAH || 200||
(phalam)
mannAmAmR^itapAyinaH svajananIstanyaM punaH sarvathA
no kA~NkShanti na chApnuvanti satataM matpAdapadmArchakAH |
malli~NgArchanatatparAH mama hitA malloka evAnishaM
santiShThanti nirastaduHkhanikarA madbhaktavaryA mudA || 201||
malli~NgasampUjanasaktachittA madbhaktapUjArthamupAttavittAH |
mannAmasa~NkIrtanapUtachittAH vasanti mannAmasudhaikachittAH || 202||
santaH kvachitsanti nishAntamIshaM svAntaHsthitaM santatamarchayantaH |
mAmeva vishveshamanantamAdyamavedyamekaM nigamAntavedyam || 203||

|| iti shivarahasyAntargate shivanirdiShTa shivavandanA sampUrNA ||

\- || shrIshivarahasyam | ugrAkhyaH saptamAMshaH | adhyAyaH 1 | 189\-202||
##
- .. shrIshivarahasyam . ugrAkhyaH saptamAMshaH . adhyAyaH 1 . 189-202..

Notes:
The source text has a numbering error from shloka 194 onwards that has been rectified for this webpage.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}