% Text title : shivapAdAdikeshAntastutiH % File name : shivapAdAdikeshAntastutiH.itx % Category : shiva, shankarAchArya % Location : doc\_shiva % Author : Shankaracharya % Transliterated by : Rajnarayanan C K krajnara at gmail.com % Proofread by : Rajnarayanan C K, PSA Easwaran psaeaswaran % Description-comments : Brihatstotraratnakara 1927 Madras, page 144 to 152 % Latest update : January 25, 2017 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Shiva-PadadikeshAnta Stuti ..}## \itxtitle{.. shrIshivapAdAdikeshAntastutiH ..}##\endtitles ## kalyANaM vo vidhattAM kaTakataTalasatkalpavATIniku~nja\- krIDAsaMsaktavidyAdharanivahavadhUgItarudrApadAnaH | tArairherambanAdaistaralitaninadattArakArAtikekI\- kailAsashsharvanirvR^ityabhijanakapadassarvadA parvatendraH || 1|| yasya prAhussvarUpaM sakaladiviShadAM sArasarvasvayogaM yatyeShushshAr~NgadhanvA samajani jagatAM rakShaNe jAgarUkaH | maurvI darvIkarANAmapi cha paribR^iDhaH pUstrayI sA cha lakShyaM so.avyAdavyAjamasmAnashivabhidanishaM nAkinAM shrIpinAkaH || 2|| Ata~NkAvegahArI sakaladiviShadAma~NghripadmAshrayANAM mAta~NgAdyugradaityaprakaratanugaladraktadhArAttadhAraH | krUraH sUrAyutAnAmapi cha paribhavaM svIyabhAsA vitanvan ghorAkAraH kuThAro dR^iDhataraduritAkhyATavIM pATayennaH || 3|| kAlArAteH karAgre kR^itavasatirurashshANashAto ripUNAM kAle kAle kulAdri pravaratanayayA kalpitasnehalepaH | pAyAnnaH pAvakArchiHprasarasakhamukhaH pApahantA nitAntaM shUlashshrIpAdasevAbhajanaparahR^idAM pAlanaikAntashIlaH || 4|| bhajanarasajuShAM devasyA~NkAshrayAyAH kulagiriduhiturnetrakoNaprachAra\- prastArAnatyudArAn pipaThiShuriva yo nityamatyAdareNa | Adhatte bha~Ngitu~Ngairanishamavayavairantara~NgaM samodaM somApIDasya so.ayaM pradishatu kushalaM pANira~NgaH kura~NgaH || 5|| kaNThaprAntAvasajjatkanakamayamahAghaNTikAghoraghoShaiH kaNThArAvairakuNThairapi bharitajagachchakravAlAntarAlaH | chaNDaH proddaNDashR^i~NgaH kakudakabalitottu~NgakailAsashR^i~NgaH kaNThe kAlasya vAhaH shamayatu duritaM shAshvataH shAkkarendraH || 6|| shamayati shamalaM niryaddAnAmbudhArAparimalataralIbhUtalolambapAlI jha~NgAraiH sha~NkarAdreH shikharashatadarIH pUrayanbhUrighoShaiH | shArvassauvarNashailapratimapR^ithuvapussarvavighnopahartA sharvANyAH pUrvasUnussa bhavatu bhavatAM svastido hastivaktraH || 7|| yaH puNyairdevatAnAM samajani shivayoshshlAghyavIraikamatyAt ## var ## vIryaikamatyAt] yannAmni shrUyamANe ditijabhaTaghaTA bhItibhAraM bhajante | bhUyAtso.ayaM vibhUtyai nishitasharashikhApATitakrau~nchashaila\- ssaMsArAgAdhakUpodarapatitasamuttArakastArakAriH || 8|| ArUDhaprauDhavegapravijitapavanaM tu~Ngatu~NgaM tura~NgaM chelaM nIlaM vasAnaH karatalavilasatkANDakodaNDadaNDaH | rAgadveShAdinAnAvidhamR^igapaTalIbhItikR^idbhUtabhartA kurvannAkheTalIlAM parilasatu manaH kAnane mAmakIne || 9|| ambhojAbhyAM cha rambhArathacharaNalatAdvandvakumbhIndrakumbhai\- rbimbenendoshcha kamborupari vilasatA vidrumeNotpalAbhyAm | ambhodenApi sampAditamupajanitADambaraM shambarAreH shambhossambhogayogyaM kimapi dhanamidaM sambhavetsampade naH || 10|| veNIsaubhAgyavismApitatapanasutAchAruveNIvilAsA\- nvANInirdhUtavANIkaratalavidhR^itodAravINAvirAvAn | eNInetrAntabha~NgInirasananipuNApA~NgakoNAnupAse shoNAn prANAnudUDhapratinavasuShamAkandalAnindumaulaiH || 11|| nR^ittArambheShu hastAhatamurajadhimiddhiMkR^itairatyudArai\- shchittAnandaM vidhatte sadasi bhagavatassantataM yassa nandI | chaNDIshAdyAstathAnye chaturaguNagaNaprANitasvAmisatkA\- rotkarShodyatpratApAH pramathaparivR^iDhAssantu santoShiNo naH || 12|| ## var ## rotkarShodyatprasAdAH pramathaparivR^iDhAH pAntu muktAmANikyajAlaiH parikalitamahAsAlamAlokanIyaM pratyuptAnargharatnairdishi bhavanaiH kalpitairdikpatInAm | udyAnairadrikanyAparijanavanitAmAnanIyaiH parItaM hR^idyaM stutyaM surANAM mama bhuvanapaterdhAma somArdhamauleH || 13|| ## var ## hR^idyaM hR^idyastu nityaM stambhairjambhAriratnapravaravirachitaissambhR^itopAntabhAgaM shumbhatsopAnamArgaM shuchimaNinichayairgumbhitAnalpashilpam | kumbhaissampUrNashobhaM shirasi sughaTitaiH shAtakumbhairapa~Nkai\- shshambhossambhAvanIyaM sakalamunijanaissarvadA suprasannaH || 14|| janaiH svastidaM syAtsado naH nyasto madhye sabhAyAH parisaravilasatpAdapIThAbhirAmo hR^idyaH pAdaishchaturbhiH kanakamaNimayairuchchakairujjvalAtmA | vAsoratnena kenApyadhikamR^idukareNAstrato vismR^itashrIH\- ## var ## tareNAstR^ito pIThaH pIDAdharaM naH shamayatu shivayossvairasaMvAsayogyaH || 15|| pIDAbharaM AsInasyAdhipIThaM trijagadadhipatera~NghripIThAnuShaktau pAthojAbhogabhAjau parimR^idulatalollAsipadmAbhilekhau | pAtAM pAdAvubhau tau namadamarakirITollasachchAruhIr\- shreNIshoNAyamAnonnatanakhadashakodbhAsamAnau samAnau || 16|| yannAdo vedavAchAM nigadati nikhilaM lakShaNaM pakShiketu\- rlakShmIsambhogasaukhyaM virachayati yayoshchApade rUpabhede | shambhossambhAvanIye padakamalasamAsa~Ngatastu~Ngashobhe mA~NgalyaM nassamagraM sakalasukhakare nUpure pUrayetAm || 17|| a~Nge shR^i~NgArayonessapadi shalabhatAM netravahnau prayAte shatroruddhR^itya tasmAdiShudhiyugamadho nyastamagre kimetat | sha~NkAmitthaM natAnAmamarapariShadAmantaraM kUrayatta\- tsa~NghAtaM chAruja~NghAyugamakhilapateraMhasAM saMharennaH || 18|| jAnudvandvena mInadhvajanR^iparasamudropamAnena sAkaM rAjantau rAjarambhAkarikarakanakastambhasambhAvanIyau | UrU gaurI karAmbhoruhasarasasamAmardanAnandabhAjau\- chArU dUrIkriyAstAM duritamupachitaM janmajanmAntare naH || 19|| AmuktAnargharatnaprakarakarapariShvaktakalyANakA~nchI\- dAmnA baddhena dugdhadyutinichayamuShA chInapaTTAmbareNa | saMvIte shailakanyAsucharitaparipAkAyamANe nitambe nityaM narnartu chittaM mama nikhilajagatsvAminassomamauleH || 20|| sandhyAkAlAnurajyaddinakarasaruchA kAladhautena gAdhaM vyAnaddhassnigdhavarNassarasamudarabandhena pItopamena | ## var ## snigdhamugdhaH uddIpraissvaprakAshairUpachitamahimA manmathArerudAro madhyo mithyArthasadhrya~Nmama dishatu sadA sa~NgatiM ma~NgalAnAm || 21|| nAbhIchakrAlavAlAnnavanavasuShamAdohadashrIparItA\- dudgachChantI purastAdudarapathamatikramya vakShaH prayAntI | shyamA kAmAgamArthaprakathanalipivadbhAsate yA nikAmaM sA mA somArdhamaulessukhayatu satataM romavallImatallI || 22|| AshleSheShvadrijAyAH kaThinakuchataTIliptakAshmIrapa~Nka\- vyAsa~NgAdudyadarkadyutibhirupachitaspardhamuddAmahR^idyam | dakShArAterudUDhapratinavamaNimAlAvalIbhAsamAnaM vakSho vikShobhitAghaM satatanatijuShAM rakShatAdakShatannaH || 23|| vAmA~Nke viShphurantyA karatalavilasachchAruraktotpalAyAH kAntAyA vAmavakShoruhabharashikharonmardanavyagramekam | anyAMstrInapyudArAnvaraparashumR^igAla~NkR^itAnsindhumaule\- ## var ## tAnindumaule\- rbAhUnAbaddhahemA~NgadamaNikaTakAnantarAlokayAmaH || 24|| sanbhrAntAyAshshivAyAH pativilayabhayAtsarvalokopatApA\- ## var ## bhiyA sarvalokopatApA tsaMvignasyApi viShNoH sarabhasamubhayorvAraNapreraNAbhyAm | madhye traisha~NkavIyAmanubhavati dashAM yatra hAlAhaloShmA so.ayaM sarvApadAM naH shamayatu nichayaM nIlakaNThasya kaNThaH || 25|| hR^idyairadrIndrakanyAmR^idudashanapadairmudrito vidrumashrI\- ruddyotantyA nitAntaM dhavaladhavalayA mishrito dantakAntyA | muktAmANikyapUravvatikarasadR^ishA tejasA bhAsamAna\- ## var ## mANikyajAla ssadyojAtasya dadyAdadharamaNirasau sampadAM sa~nchayannaH || 26|| karNAla~NkAranAnAmaNinikararuchAM sa~nchayaira~nchitAyAM varNyAyAM svarNapadmodaraparivilasatkarNikAsannibhAyAm | paddhatyAM prANavAyoH praNatajanahR^idambhojavAnasyashambho\- rnityaM nashchittametadvirachayatu sukhenAsikAM nAsikAyAm || 27|| atyantaM bhAsamAne ruchiratararuchAM sa~NgamAtsanmaNInA\- mudyachchaNDAMshudhAmaprasaranirasanaspaShTadR^iShTApadAne | bhUyAstAM bhUtaye naH karivarajayinaH karNapAshAvalambe bhaktAlIbhAlasajjajjanimaraNalipeH kuNDale kuNDale te || 28|| yAbhyAM kAlavyavasthA bhavati tanumatAM yo mukhaM devatAnAM yeShAmAhussvarUpaM jagati munivarA devatAnAM trayIM tAm | rudrANIvaktrapa~NkeruhasatatavihArostukendindirebhya\- stebhyastribhyaH praNAmA~njalimuparachaye trIkShaNasyekShaNebhyaH || 29|| vAmaM vAmA~NkagAyA vadanasarasije vyAvaladvallabhAyA vyAnamneShvanyadanyatpunaralikabhavaM vItanishsheSharaukShyam | bhUyo bhUyo.api modAnnipatadatidayAshItalaM chUtabANe dakShArerIkShaNAnAM trayamapaharatAdAshu tApatrayannaH || 30|| yasminnadhendumugdhadyutitimiratiraskAranistandrakAntau ## var ## dhutinichaya kAshmIrakShodasa~Nkalpitamiva ruchiraM chitrakaM bhAti netram | tasminnullIlachillInaTavarataruNIlAsyara~NgAyamANe kAlArerbhAladeshe viharatu hR^idayaM vItachintAntarannaH || 31|| svAmin ga~NgAmivA~NgIkuru tava shirasA mAmapItyarthayantIM dhanyAM kanyAM kharAMshoshshirasi vahati kinveSha kAruNyashAlI | itthaM sha~NkAM janAnAM janayadatighanaM kaishikaM kAlamegha\- chChAyaM bhUyAdudAraM tripuravijayinaH shreyase bhUyasenaH || 32|| shR^i~NgArAkalpayogyaishshikharivarasutAsatsakhIhastalUnai\- ssUnairAbaddhamAlAvaliparivilasatsaurabhAkR^iShTabhR^i~Ngam | tu~NgaM mANikyakAntyA parihasitasurAvAsashailendrashR^i~NgaM sa~NghannaH sa~NkaTAnAM vighaTayatu sadA kA~NkaTIkaM kirITam || 33|| vakrAkAraH kala~NkI jaDatanurahamapya~NghrisevAnubhAvA\- duttaMsatvaM prayAtassulabhataraghR^iNAsyandinashchandramauleH | tatsevantAM janaughAshshivamiti nijayAvasthayApi bruvANaM ## var ## nijayAvasthayaiva vande devasya shambhormakuTasughaTitaM mugdhapIyUShabhAnum || 34|| kAntyA samphullamallIkusumadhavalayA vyApya vishvaM virAjan vR^ittAkAro vitanvanmuhurapi cha parAM nirvR^itiM pAdabhAjAm | sAnandaM nandidoShNA maNikaTakavatA vAhyamAnaH purAreH shvetachChatrAkhyashItadyutirapaharatAdApadastApadA naH || 35|| divyAkalpojjvalAnAM shivagirisutayoH pArshvayorAshritAnAM rudrANIsatsakhInAmatitaralakaTAkShA~nchalaira~nchitAnAm | ## var ## sakhInAM madatarala udvelladbAhuvallIvilasanasamaye chAmarAndolanInA\- mudbhUtaH ka~NkaNAlIvalayakalakalo vArayedApado naH || 36|| svargaukassundarINAM sulalitavapuShAM svAmisevAparANAM valgadbhUShANi vaktrAmbujaparivigalanmugdhagItAmR^itAni | nityaM nR^ittAnyupAse bhujavidhutipadanyAsabhAvAvaloka\- pratyudyatprItimAdyatprathamanaTanaTIdattasambhAvanAni || 37|| sthAnaprAptyA svarANAM kimapi vishadatAM vya~njayanma~njuvINA\- svAnAvachChinnatAlakramamamR^itamivAsvAdyamAnaM shivAbhyAm | nAnArAgAdihR^idyaM navarasamadhurastotrajAtAnuviddhaM gAnaM vINAmaharSheH kalamatilalitaM karNapUrAyatAnnaH || 38|| cheto jAtapramodaM sapadi vidadhati prANinAM vANinInAM pANidvandvAgrakUjatsulalitavilasatsvarNatAlAnukUlA | ## var ## pANidvandvAgrajAgratsulalitaraNitasvarNa svIyArAveNa pAthodhararavapaTunA nAdayantIM mayUrIM mAyUrI mandabhAvaM maNimurajabhavA mArjanA mArjayennaH || 39|| devebhyo dAnavebhyaH pitR^imunipariShatsiddhavidyAdharebhya\- ssAdhyebhyashchAraNebhyo manujapashulasajjAtikITAdikebhyaH | ## var ## pashupatajjAti shrIkailAsaprarUDhAstR^iNaviTapimukhAshchApi ye santi tebhya\- ssarvebhyo nirvichAraM natimuparachaye sharvapAdAshrayebhyaH || 40|| itthaM dhyAyan prabhAte pratidivasamidaM stotraratnaM paThedyaH ## var ## dhyannitthaM kiM vA brUmastadIyaM sucharitamathavA kIrtayAmassamAsAt | sampajjAtaM samagraM sadasi bahumatiM sarvalokapriyatvaM samprApyAyushshatAnte padamayati parabrahmaNo manmathAreH || 41|| iti shrImatparamahaMsaparivrAjakAchAryasya shrIgovindabhagavatpUjyapAdashiShyasya shrImachCha~NkarabhagavataH kR^itau shrIshivapAdAdikeshAntavarNanastotraM sampUrNam || ## Encoded by Rajnarayanan C K krajnara at gmail.com Proofread by Rajnarayanan C K, PSA Easwaran psaeaswaran at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}