% Text title            : Shivapujavidhanam
% File name             : shivapUjAvidhAnam.itx
% Category              : shiva, pUjA, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 44 | 1-51||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivapujavidhanam ..}##
\itxtitle{.. shivapUjAvidhAnam ..}##\endtitles ##
(shivarahasyAntargate IshvarAkhye)

skanda uvAcha |
atha te sampravakShyAmi shivapUjAvidhikramam |
nigamAgama bhedena pUjA proktA manIShibhiH || 1||
pUjanaM sha~Nkarasyaiva bahudhA parikIrtitam |
shrutismR^iti samA(dA) chAratantrAgamavibhedataH || 2||
bR^ihajjAbAlakAH prochuH kevalaM li~NgapUjanam |
pa~nchAyatanapUjA hi smR^itiproktA munIshvara || 3||
tantrAgamoktapUjA hi shivadIkShAvatAM shive |
nigamAgamasaMyuktA pUjeyaM kathyate tava || 4||
shivapradhAnapUjeyaM shivali~NgaikapUjanam |
kevalaM te samAsena sapa~nchAkSharasaMyutam || 5||
pravakShyAmi yathA devyai proktaM vishveshvareNa hi |
kailAsashikharAsInaM devaM kAmeshvaraM vibhum || 6||
brahmopendramahendrAdyairgaNairvidyAdharaistathA |
dAnavairmunibhiH siddhairyakSharakShogaNAdhipaiH || 7||
herambaskandapUrvAdigaNairbhaktyA susevitam |
akShakrIDArasAsvAdalAlasaM parameshvaram || 8||
praNamya nandI provAcha krIDantaM parameshvaram |
krIDato bhuvaneshasya jagadambikayA saha || 9||
akShapAtAdhikAre tu pakShapAtadhiyojjhitaH |
krIDataH kramayogena jitaM devena shambhutA || 10||
akShaprapAtAddevena proktaM nandin jitaM mayA |
tadA satyAbhiyogena tuShTo.ahaM tvayi bhaktitaH || 11||
varo me priyatAM vatsa yaste manasi vartate |
dadAmi taM na sandehaH prItena manasA tava || 12||
nandIshvaraH uvAcha |
tuShTo.asi yadi devesha jagatAmIshvara prabho |
vada pUjAvidhAnaM te (tAn) shaivAn mantrAn sudurlabhAn || 13||
chakrA~NganyAsasahitAn pUjAkarmasamanvitAn |
shiva uvAcha |
kathayAmi mahAbhAga trailokyeShvapi durlabhAn || 14||
shaivAn sarvamanushreShThAn sarvamantreShu gopitAn |
bhakto.asIti na me ki~nchidavAchyaM tvayi suvrata || 15||
mUlamantrA~NgavinyAsa pUjAkarmasamanvitAn |
dIkShAbhiShekasahitAnadhikArasamanvitAn || 16||
uddhArakramayogena sarvakAmaphalapradAn |
susame bhUpradeshe tu gomayenopalepite || 17||
puShpaprakarashobhADhye gandhadhUpatara~Ngite |
vilikhenmAtR^ikAstatra vargAShTakavibhedataH || 18||
svaraiH ShoDashabhirvarNaiH prathamaH parikIrtitaH |
pa~nchapa~nchAkSharAMshchAnyau dvAvanyau chaturakSharau || 19||
vargAShTakaM bhavedevaM tato mantrAn samuddharet |
pa~nchamasyatu vargasya pa~nchamaM prathamaM bhavet || 20||
ShaShThavargAntimovarNaH prathamAntyasamAnvitaH |
dvitIyaM varNamAkhyAtamaShTamasyAdyamakSharam || 21||
prathamasya tR^itIyArNasametaM tattR^itIyakam |
chaturthaM saptamasyAntyaM dvitIyAdyasamanvitam || 22||
chaturthavarNaM mantrasya saptamAdyaM tu pa~nchamam |
eva pa~nchAkSharo mantraH praNavAdyaH ShaDakSharaH || 23||
yatsAdhanAttu manujAH shivasAyujyamApnuyuH |
praNavastu parabrahmabodhakaH samudIritaH || 24||
pa~nchAkSharamayAni syuH pa~nchabhUtAni suvrata |
bhUtAtmakaM jagadidaM tenAsya jagadAtmatA || 25||
R^iShirukto vAmadevaH pa~NktishChanda udAhR^itam |
sadAshivo devatAsya mantrasya parikIrtitA || 26||
ShaDa~NgAni manorvarNairjAtiyuktAni kalpayet |
tatpuruShAghorasadyovAmadeveshasa.nj~nitAH || 27||
mUlavarNAdikAnnyasya triShu sthAneShvatandritaH |
tarjanImadhyamAntyAnAmA~NguShThena tathA paraH || 28||
AsyahR^itpAdaguhyAdimUrdhni hasteShu chAparaH |
(AsyahR^itpAdaguhyAdau mUrdhni hasteShu chAparaH |)
prAgyAmyavAruNodIchyamadhyavaktreShu pa~nchasu || 29||
tataH ShaDa~NgaM vinyasyedvakShyamANaM yathAvidhi |
sarvaj~no nityatR^iptashcha bodhAnto.anAdireva cha || 30||
svatantrashaktishchAlupta shaktishchAnantashaktiyuk |
mUlamantreNa pUrvaishcha dhAmne shabdAntagaiH kramAt || 31||
ShaDa~NgAni manorasya jAtiyuktAni mantravit |
kurvIta golakanyAsaM rakShAyai nandikeshvara || 32||
hR^idi vaktrAMsayorUrvoH kache nAbhau dvipArshvayoH |
pR^iShThe hR^idi tato mUrdhni vadane netrayornasoH || 33||
doHsandhiShu nakhAgreShu vinyasettadanantaram |
shirovadanahR^itkukShau UrvoH pAdadvaye punaH || 34||
hR^idi vaktrAmbuje kamThe mR^igAbhayakareShvatha |
vaktrAMsahR^itsu pAdoru jaThareShu nyasedatha || 35||
mUlamantrasya ShaDvarNAn yathAvaddeshikottamaH |
mUrdhni pAdodarA~NgeShu hR^idaye tAM punarnyaset || 36||
pashchAdanena mantreNa kuryAtsvaM vyApakaM sudhIH |
gokShIraphenadhavalaM rajatAdrisamaprabham || 37||
chAruchandrakalArAjajjaTAmakuTamaNDitam |
pa~nchavaktradharaM shambhuM shitikaNThaM trilochanam || 38||
shArdUlacharmavasanaM nAnAbharaNabhUShitam |
dakShordhvahaste parashuM tadadhastAdvaraM kare || 39||
vAmordhvahaste haritaM dadhAnamabhayaM kare |
suprasannamukhAmbhojaM niviShTaM padmaviShTare || 40||
viShNubrahmamahendrAdyaiH stutaM bhaktyA shivAyutam |
vishvAdyaM vishvapuShaM bhAvayet hR^idi sha~Nkaram || 41||
iti dhyAtvA gaNashreShThaM mAnasairarchayechChivam |
upachAraiH ShoDashabhirbAhyapIThe samarchayet || 42||
padmaM vasudalaM kR^itvA karNikAkesarojjavalam |
bahiraShTadaladvandvaM chaturasra samanvitam || 43||
chaturdvArasamAyukte maNDale.asmin prapUjayet |
evaM pIThaM samabhyarchya mUrtiM mUlena hR^idgatAm || 44||
AvAhya li~Nge mUlena sapuShpeNa gaNottama |
pAdyArghyAchamanairnIraiH supuShpairvAsitaistadA(thA) || 45||
pa~nchagandhaiHpa~nchaphalairgavAM pa~nchAmR^itairapi |
gandhapuShpAmburatnaudhairuttAnairuttarAgrakaiH || 46||
anyapuShpairyathAlAbhaM mantrairetairgaNottama |
haro maheshvaraH shambhurugro bhImaH shivastathA || 47||
saMsAravaidyaH sarvaj~na ityAdyaishcha namo.antakaiH |
dhUpaM dIpaM cha naivedyaM tAmbUlaM cha tato gaNa || 48||
dadyAnmUlena devAya praNAmaprakramaistathA |
nIrAjanaM nartanaM cha punarmantrajapastathA || 49||
AvAhitasya hR^idaye punarudvAsanaM tathA |
sa~NgrahAdvidhirevAyaM vistare chedathottare || 50||
evaM bhaktagaNottamo.atra hi sadA li~NgaM trikAlaM yajan
kAlaM chaikamatha dvitIyamagaje rudro bhavenmainake |
tenAnuttamabhogasampadakhilA prApyeta bhUmaNDale
li~NgArAdhana sAdhanaikamanasA tuShTo vishiShTo bhavet || 51||

|| iti shivarahasyAntargate IshvaraproktaM shivapUjAvidhAnaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 44 shivapUjAvidhAnam | 1\-51||
##
- .. shrIshivarahasyam . IshvarAkhyaH dashamAMshaH . adhyAyaH 44 shivapUjAvidhAnam . 1-51..

Notes:
Skanda ##skanda## narrates the description of ŚivaPūjāVidhāna ##shivapUjAvidhAna## as told to Nandī ##nandI## by Śiva ##shiva## upon being requested. Śiva ##shiva## talks about the ŚivaPañcākṣaraMantra ##shivapa~nchAkSharamantra## i.e. Namaḥ Śivāya ##namaH shivAya## while also referring to the ŚivaṢaḍakṣaraMantra ##shivaShaDakSharamantra## i.e. Om̐ Namaḥ Śivāya ##oM namaH shivAya##. He mentions about the nyāsa ##nyAsa## and mapping of the Five Faces i.e. Pañcavaktra ##pa~nchavaktra## with the Five Akṣara i.e. Pañcākṣara ##pa~nchAkShara## of the ŚivaPañcākṣaraMantra ##shivapa~nchAkSharamantra## Namaḥ Śivāya ##namaH shivAya## Viz.
Tatpuruṣa - Na-kāra ##tatpuruSha \- na\-kAra##,
Aghora - Ma-kāra ##aghora \- dakShiNa \- ma\-kAra##,
Sadyojāta - Śi-kāra ##sadyojAta \- shi\-kAra##,
Vāmadeva - Va-kāra ##vAmadeva \- va\-kAra##,
Īśāna - Ya-kāra ##IshAna - ya-kAra##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}