% Text title            : Shivaprokta Kanchikshetraprashastih
% File name             : shivaproktAkAnchIkShetraprashastiH.itx
% Category              : shiva, shivarahasya, tIrthakShetra
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 20| 1-18||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaprokta Kanchikshetraprashastih ..}##
\itxtitle{.. shivaproktA kA~nchIkShetraprashastiH ..}##\endtitles ##
(shivarahasyAntargate ugrAkhye)
\- shivapArtavatIsaMvAde \-
shrIshiva uvAcha
devi kA~nchIpurI kAchidyatra vegavatI nadI |
tatra vAsamapekShante nityaM brahmAdayaH surAH || 1||
ekAmreshA(ekAmbarA)bhidhaM li~NgaM tatrAstyekaM madAtmakam |
tadarshanena pApAni vinashyanti kShaNAdiva || 2||
koTitIrthAbhidhaM tIrthaM tatrAstyekamaghApaham |
tatraiva majjanAdeva brahmahatyA vimuchyate || 3||
tatra shrAddhaM vidhAnena kartavyaM pitR^imuktaye |
tarpaNIyAshcha pitaraH koTitIrthodakaiH shubhaiH || 4||
koTitIrthe naraH snAtvA sampUjyaikAmbareshvaram |
muchyate sarvathA devi brahmahatyA.ayutairapi || 5||
tatraiva mAmupAshritya R^iShayo brahmavAdinaH |
vasanti bahavasteShAM sa~NkhyA kartuM na shakyate || 6||
tatra mAM pratyahaM viShNubrahmAdyAH surasattamAH |
kurvanti pUjanaM bhaktyA trikAlaM sarvasAdhanaiH || 7||
pradoShasamaye viShNurmAmabhyarchya vidhAnataH |
sevAM karoti sAnandaM mR^ida~NgamabhivAdayan || 8||
vividhaiH kusumairnUtnaibilvapatraishchaturmukhaH |
mAmabhyarchya tataH sAyaM tolAnvAdayate mudA || 9||
vAgdevI vallakIM dhR^itvA sAyamabhyarchya mAM shivam |
karoti gAnamamalaM gItashAstravishAradA || 10||
indraH sampUjya mAM sAyaM bilvapatrAdibhirmudA |
karoti vaiNavaM vAdyaM tattadrandhraniShevaNAt || 11||
shachI nR^ityaM karotyagre sAyamanvahamAdarAt |
rambhAdyairapsarobhishcha sahitA mama tuShTaye || 12||
lakShmIH sAyaM samabhyarchya svarNavachchAmaradvayam |
gR^ihItvA tava pArshvasthA bhavatImupasevate || 13||
devapatnyastathA.anyAshcha sAyaM sampUjya mAM shivam |
viShNubrahmAdidevAnAM patnyo yAstAstu shailaje || 14||
tava dAsyastanastAste sevAM kurvanti sAdaram |
kAmAkShIrUpamAsAdya tvayA tatra manorame || 15||
sthIyate satataM tvaM tu devadevA~NganArchitA |
kubereNa purA tatra ratnastambhavirAjitam || 16||
shivasthAnaM kR^itaM ramyaM ratnagopurarAjitam |
pa~nchakroshamitaM chakre (yatra) hemaprAkAramuttamam || 17||
chakre prAkArashR^i~NgANi shreShTharatnamayAni saH |
sthIyate tatra satataM mayA ratnashivAlaye || 18||

|| iti shivarahasyAntargate shivaproktA kA~nchIkShetraprashastiH ||

\- || shrIshivarahasyam | ugrAkhyaH saptamAMshaH | adhyAyaH 20| 1\-18||
##
- .. shrIshivarahasyam . ugrAkhyaH saptamAMshaH . adhyAyaH 20 . 1-18..

Notes:
Śiva ##shiva## describes to Pārvatī ##pArvatI## about the Kañcīpurī ##kA~nchIpurI## / Kañcīkṣetra ##kA~nchIkShetra##, that is also an Abode to the Ekāmreśvara / Ekāmbareshvara Śivaliṅga ##ekAmreshvara / ekAmbareshvara shivali~Nga##. He tells Her about the significance of Koṭitīrtha ##koTitIrtha##, especially w.r.t Pitṛtarpaṇa ##pitR^itarpaNa##. Śiva ##shiva## further tells Her about Her temple where She is worshiped as Kāmākṣī ##kAmAkShI##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}