% Text title            : Shivaproktam Bilvavaibhavavarnanam
% File name             : shivaproktaMbilvavaibhavavarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhImAkhyaH aShTamAMshaH | adhyAyaH 13 | 11.2-55||
% Latest update         : July 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktam Bilvavaibhavavarnanam ..}##
\itxtitle{.. shivaproktaM bilvavaibhavavarNanam ..}##\endtitles ##
(shivarahasyAntargate bhImAkhye)
\- shivapArvatIsaMvAde \-
shivaH (uvAcha)
mama netrasamudbhUto mArtANDashchaNDavikramaH || 11\.2||
sarveShAM tejaso rAshirIshAnAtmaka eva saH |
chaturdashalokotthatamonAshAya kalpitaH || 12||
chandro.apyoShadhirAT klR^ipto mama savyorunetrakaH |
atibhAlatalodbhUtanayano lokadAhakR^it || 13||
na tu pApavinAshAya kalpitaH kashchanAmaraH |
tadarthaM chintayitvAhamasR^ikShaM bilvameva hi || 14||
mama priyakaro nityaM tarurAjo.ayamIshvari |
yathA tvayi sadA prItirbilve.apyasminsadA mama || 15||
madrUpo vR^ikSharAjo.ayaM vR^ikShANAM patirasmyaham |
rudragIto.ahamIshAni pApabhedAya sR^iShTavAn || 16||
bahu cha brAhmaNenokto jyotirbilveti pArvati |
yato madakShisambhUta AdityaH samajAyata || 17||
bilvo mamAkShasambhUta ubhayorjanakastvaham |
somasyApyasmi janakaH sarveShAM shrutichoditaH || 18||
brahmaNo janakashchAhaM viShNorindrasya pArvati |
matto yato.abhavadbilva Adityo.api maheshvari || 19||
vede.api yajuShobhAge prokta AdityasodaraH |
tamonAshAya sR^iShTo.ayamAdityastapatAM varaH || 20||
pApanAshAya sR^iShTo.ayaM bilvo bhUtalamAshritaH |
pApAnAM pApinAM vApi darshanArchanataH svayam || 21||
pApaM harati vR^ikSho.asau darshanasparshanArchanaiH |
tridaLaM bilvapatraM cha triguNAtmakameva hi || 22||
brahmA viShNushcha rudrashcha vR^ikSha(bilva)patratraye sthitAH |
tasmAdayaM vR^ikSharAjo matpriyaH pApanAshakaH || 23||
sarveShAM sarvapApAni nAshayatyeva kR^itsnashaH |
yathA tamoguNaM kR^itsnaM nAshayeddivi saMsthitaH || 24||
tathA bhUmigato bilvaH pApanAshAya sha~Nkari |
lokAnAM pApanAshArthaM samAnIto mayAmbike || 25||
kailAsamaulito bilvapatreNArchantu mAM janAH |
ityevaM kR^ipayA pApAn dR^iShTvA narakaduHkhitAn || 26||
asa~NkhyAnmAnavAMshchApi munInapi maheshvari |
lokapAlAnutApena samAnIto bhuvaM prati || 27||
archanti mAM sukR^itino bilvapatraistrishAkhakaiH |
komalairvA parimlAnaiH shuShkaiH paryuShitairapi || 28||
tena muktiM prayAntyete bilvairli~NgArchanena me |
bilvapatrArchanAbhAve mama pUjaiva niShphalA || 29||
sarvopachAraklR^iptApi bilvapatravivarjitA |
tasmAdddbilvArchanenaiva sarveShAM muktidohyaham || 30||
dhanyaH pUjayate bilvairdhanyo mAmabhivIkShyate |
nAdhanyaH kIrtayenmAM hi pUjane tasya kA kathA || 31||
yo bilvapatraM sa~NgR^ihya rakShati prItamAnasaH |
matpUjArthaM mahAdevi shuShkaM paryuShitaM tu vA || 32||
tripatramekapatraM vA pAtayelli~Ngamastake |
tena svavaMshagaiH sarvairmadagre krIDate gaNaH || 33||
ekenApi cha bilvena sakR^itsampUjayeddhi mAm |
sa mukto mochayedanyAniti viddhi maheshvari || 34||
sarvapuNyAtpriyataraM patrairvA parameshvari |
bilvapatraiH sadA devi yathA priyataro guhaH || 35||
tathA bilvArchanenaiva sarveShAM mudito.asmyaham |
kR^itAnantamahApApo.apyanAyAsena muchyate || 36||
bilvapatraishcha sampUjya malli~NgamabhivIkShyate |
prAtaH sa~NgavamadhyAhne sAyAhne.api pradoShake || 37||
somavAre chaturdashyAM parvasvapi visheShataH |
bilvapatraiH samabhyarchya sarvasiddhiM labhennaraH || 38||
mama priyataro bhUyAdbrahmatatvaM cha vindati |
suvR^itto vApi durvR^itto bilvairabhyarchya mAM shive || 39||
sa sarvapUjyo bhavati sa tapasvI muniH svayam |
sarvatIrtheShu susnAtaH sarvayaj~neShu dIkShitaH || 40||
sa cha sarvamahAnandakR^ittamo hR^ittamo mama |
yo bilvapatrashatakaiH sahastrairapi lakShakaiH || 41||
koTibhirbilvapatrANAM samarchanakaro bhavet |
sa eva dhanyo mAnyo me gaNendro rajatAchale || 42||
yo bilvaM poShayedbhaktyA jaladAnAdibhiH shive |
sa cha vaMshayuto devi bhavetsarvagaNAgraNIH || 43||
bilvapatrairbilvamUle li~NgamabhyarchitaM mama |
tena trailokyali~NgAni pUjitAni na saMshayaH || 44||
bilvavanakartA bilvavandanatatparAH |
bilvali~Ngena saMsaktA bilvadarshanatatparAH || 45||
prAtarutthAya yo bilvaM prayAti prItipUrvakam |
sa kR^itAnalpapApo.api muchyate te.api muktigAH || 46||
bhasma dhR^itvaiva bilvAnAM sarvameva samAcharet |
bilvayuktaM vanaM dhanyaM tatsa~NgAdvR^ikShajAtayaH || 47||
vallIgulmAdayaH sarve mama loke vasantyapi |
sthAvaratvaM parityajya bhavanti gaNapottamAH || 48||
bilvasyaivAnuSha~NgeNa shAmbhavasyA~Ngasa~Ngavat |
bilvapatrArchanakarau dhanyau kaNTakanunnakau || 49||
sha~NkhachakrAdi chihnaiste bhavanti pR^ithivI bhujaH |
bilvamUle prajapto yo mantraH koTigiNo bhavet || 50||
shAmbhavaM bhojayeddevi bilvamUle visheShataH |
sa daridro.api sampanno bhavatyeva na saMshayaH || 51||
pAdau prakShAlya natvAtha bhasmadhAraNapUrvakam |
mantramenaM samuchchArya bilvavR^ikShaM samAruhet || 52||
namaste bilvavR^ikShAya navAruNadalAya cha |
patraM te shivapUjArthaM gR^ihNAmyadya kShamasva me || 53||
iti prArthya mahAvR^ikShaM gR^ihNIyAtpatrameva hi |
uttarAgreNa patreNa pUjanIyo.ahameva hi || 54||
kiM punaHrbahunoktena bilvapatraM mama priyam || 55||

|| iti shivarahasyAntargate shivaproktaM bilvavaibhavavarNanaM sampUrNam ||

\- || shrIshivarahasyam | bhImAkhyaH aShTamAMshaH | adhyAyaH 13 | 11\.2\-55||
##
- .. shrIshivarahasyam . bhImAkhyaH aShTamAMshaH . adhyAyaH 13 . 11.2-55..

Notes:
Śiva ##shiva## describes to Pārvatī ##pArvatI## about the origin of Bilvataru ##bilvataru## and merits of worshiping Him with Bilvapatra ##bilvapatra## especially at the Bilvamūla ##bilvamUla##  and taking care of Bilvavṛkṣa ##bilvavR^ikSha##. He mentions about the worship especially during Somavāra ##somavAra## and Caturdaśī ##chaturdashI##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}