% Text title            : Shivaproktam Kashikshetramahatmyavarnanam
% File name             : shivaproktaMkAshIkShetramAhAtmyavarNanam.itx
% Category              : shiva, shivarahasya, tIrthakShetra
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 29 shivagaurIsaMvAde kAshIprabhAvakathanam | 731-782||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktam Kashikshetramahatmyavarnanam ..}##
\itxtitle{.. shivaproktaM kAshIkShetramAhAtmyavarNanam ..}##\endtitles ##
(shivarahasyAntargate ugrAkhye)
(shivapArvatIsaMvade)
kAshIvAso.abhavatpUrvaM sAkShAnmuktipradAyakaH |
pashya pAshupatAnvR^iddhAn bhasmarudrAkShabhUShaNAn || 731||
ete pAshupatAH shuddhAH kAshIM pAshupatasthalIm |
mahApadyapi ghorADhyAM (ghorAyAM) na tyajiShyanti
(naiva tyakShyanti) suvratAH || 732||
asa~NkhyeyA hi te sarve malli~NgArchanatatparAH |
mamaivArAdhanaM kR^itvA tiShThantyatra mumukShavaH || 733||
pashyaitAnbhasmadigdhA~NgAn rudrAkShAbharaNapriyAn |
anardhyArghyakarAndhanyAnmannAmasmaraNotsukAn || 734||
mahAdevetti mAmuchchervadataH prItipUrvakam |
kathamete samAyAnti pashya pashya varAnane || 735||
etaduchcharitaH shrAvyo mahAdevetyayaM dhvaniH |
amR^itAmmR^itabhUto yaH shive ruchikaro mama || 736||
mahAdeveti pIyUShaM pibantIva punaH punaH |
pashyaM pashya punaH prItyA mahAdeveti vAdinaH || 737||
nAnAdigbhyaH samAyAnti pashya pAshupatottamAn |
arghyahastAnmahAdevetyuchchairuchcharato mudA || 738||
kathaM bhAnti shuchirbhUtvA (pUtAtmAnaH kathaM bhAnti)
bhasmabhAsitavigrahAH |
sarve.apyete bhasmaphAlA mama pAriShadAH shive || 739||
madarchanaM vinaiteShAmanyatkAryaM na dR^ishyate |
ete kAlatraye.apyevamAgatyAbhyarchayanti mAm || 740||
shive pashya mahAshaivAn muktimaNTapasaMsthitAn |
pa~nchAkSharajapAsAktAn malli~NgAlokanotsukAn || 741||
rudrAdhyAyajapAsaktAnpashya shaivAn girIndraje |
dhyAyanti yAmajaM nityaM pashyaitAn shaivapu~NgavAn || 742||
ete nR^ityanti shaivendrA mAmabhyarchya yathAvidhi |
sAShTA~NgaM praNamantyete shatadhA pashya tAn shive || 743||
karpUradIpAndhR^itvaite nAmAni shubhadAni me |
gAyantyete gAnalolaM viditvA mAmajaM shive || 744||
sarva.apyete nityatR^iptA nityAnandA nirAmayAH |
dhyAyanti sachchidAnandaM mAmevaite mudA sadA || 745||
matkathA.a.akarNanAsaktA nirvANapadavA~nChayA |
tiShThantyatrAnishaM devi mAmeva sharaNaM gatAH || 746||
pashya pashya gaNAndevi bhairavAdInvilokaya |
sevante mAmajaM nityamanantavijayAnvitAH || 747||
sarvAnsurAdhipAnpashya madarchanaparAyaNAn |
purAtra kArtike mAsi chaturdashyAM surAH shive || 748||
sAya~NkAle samAgatya pUjAM kR^itvA sthitA mudA |
tadA dadhIchirardhyAdyairmAmabhyarchya prayatnataH || 749||
satvaraM gantumudhuktaH sa mahArhamahAstadA |
tadAtu munayaH sarve bahavastena sa~NgatAH || 750||
gantuM samudyatA devi sammardo.abhUttadA bahu |
tataH paramR^iShigaNAH sarve sampUjya mAM nishi || 751||
bhaktyA jAgaraNaM chakruH shR^iNvanto matkathAM shive |
kArtikasya chaturdashyAM bilvaishcha kanakAhvayaiH || 752||
droNapuShpaishcha te pUjAM chakrurmama maheshvari |
tilaiH sasarShapaiH shuklaishchakruH pUjAM mayi priye || 753||
kR^iShNagoghR^itadIpAnAM mahyaM sArdhaM shatatrayam |
dattaM kShIrAnnamAjyAktaM dattaM mahyaM varAnane || 754||
dhUpadIpau punardattau dattaH puShpA~njalistataH |
pradakShiNanamaskArAnkR^itvA cha tadanantaram || 755||
rAtrirnItA prayatnena matkathAshravaNAdibhiH |
tato.aruNodaye jAte snAtvA tIrthe.atha bhasmanA || 756||
tripuNDradhAraNaM kR^itvA kR^itvA rudrAkShadhAraNam |
sandhyAM samApya vishveshaM samabhyarchya yathAvidhi || 757||
madbhatAnbhojayAmAsurannairnAnAvidhaiH shubhaiH |
yaH shuklorjachaturdashyAmupoShya prayataH shive || 758||
mAmarchayati vishveshaM sa mukto bhavati dhruvam |
malli~NgapUjanaM puNyaM sarvadA sarvakAmadam || 759||
UrjashuklachaturdashyAM architaM bahupuNyadam |
kArtikasya chaturdashyAM sitAyAM mAM prayatnataH || 760||
yaH pUjayati puNyAtmA sa mukto nAtra saMshayaH |
idaM vishveshvaraM li~NgaM sAkShAnmadrUpamuttamam || 761||
ko vA nAtiprayatnena samArAdhayati priye |
asya li~Ngasya mAhAtmyaM vedairnaj~nAyate shive || 762||
na viShNunA brahmaNA vA kiM tu tajj~nAyate mayA |
mAhAtmyaM j~nAtumetasya vedaistaptaM tapaH purA || 763||
viShNunApi tapastaptaM brahmaNApi varAnane |
ete taptvA mahAghoraM bahukAlaM prayatnataH || 764||
tatastatvamavij~nAya viratAstapasaH shive |
etAdR^ishamidaM li~NgaM sarvavedAntasaMstutam || 765||
surAsurArchitaM li~NgaM nAnAmunivarArchitam |
mama li~NgamidaM devi pUjitaM bhuktimuktidam || 766||
pUjayasvAdya yatnena navabilvadalAdibhiH |
abhiShechaya malli~NgaM kShIrAdyairbhaktipUrvakam || 767||
tato.asya kuru li~Ngasya kapUrAdhanulepanam |
tato mandArakusumairbilvapatraishcha koTishaH || 768||
sampUjya kuru naivedyaM saghR^itaM kShIramuttamam |
kR^itvA pradakShiNAdIni li~NgadhyAnaM kuruShva me || 769||
nityametasya li~Ngasya bhakti kuru manorame |
dR^iShTvedaM li~NgamamalaM sarve.apyabhyarchayantyataH || 770||
priye tvamapi yatnena kuru malli~NgapUjanam |
mamApi jAyate bhaktirmalli~NgAbhyarchane shive || 771||
dR^iShTvedaM li~NgamamalaM ko vA nAbhyarchayiShyati |
 mama priyataraM li~NgaM sarvadevastutaM priye || 772||
idaM li~NgaM svaprakAshametadbhAsaiva kevalaM |
vibhAti sarvametadyaddR^ishyate sacharAcharam || 773||
nedaM vibhAsayatyarko na bhAsayati chandramAH |
na tArakA bhAsayanti vidyuto.api kuto.analaH || 774||
etAdR^ishamidaM li~Nga avikAraM madAtmakam |
draShTavyamarchanIyaM cha dhyAtavyaM cha prayatnataH || 775||
sarvo.api puNyakAlo.atra kAshyAM malli~NgapUjane |
vyatIpAtAdayo yogAH bhavantyapi varAnane || 776||
sAdaraM pratigR^ihNAmi madbhaktakR^itapUjanam || 777||
\- \-
sUtaH (uvAcha)
iti shrIvishvanAthasya shrutvA vachanamambikA |
bhaktyA vaishveshvaraM li~NgaM pUjayAmAsa cheshvarI || 778||
tatastasminmahAli~Nge sarvadevashikhAmaNiH |
umayA saha samprItashchakAra vasatiM shivaH || 779||
tadeva li~NgamadhunA brahmaviShNvAdibhiH suraiH |
sarvadA pUjyate bhaktyA shrImaheshagaNairapi || 780||
shrImadvishveshvaraM li~NgamAnandaghanamadvayam |
shrutaM smR^itaM vA dR^iShTaM vA bhuktimuktipradaM dhruvam || 781||
shrImadvishveshvaraM li~NgaM prasa~NgAdapi saMshrutam |
chaturvargapradaM viprAH satyaM satyaM mayochyate || 782||

|| iti shivarahasyAntargate shivapArvatIsaMvade shivaproktaM kAshIkShetramAhAtmyavarNanaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 29 shivagaurIsaMvAde kAshIprabhAvakathanam | 731\-782||
##
- .. shrIshivarahasyam . ugrAkhyaH saptamAMshaH . adhyAyaH 29 shivagaurIsaMvAde kAshIprabhAvakathanam . 731-782..

Notes:
Śiva ##shiva##, while showing around Kāśī ##kAshI## to Pārvatī ##pArvatI##, tells Her about the Pāśupata-s ##pAshupatAH## who reside there while worshiping Him. He mentions about the merits of worshiping His Śivaliṅga ##shivali~Nga## in Kāśī ##kAshI##, especially during the Ūrja Śukla Caturdaśī ##Urja shukla chaturdashI## / Kārtika Sita Caturdaśī ##kArtika sita chaturdashI## and that all times are benefic for worshiping His Śivaliṅga ##shivali~Nga## apart from (malefic ones like) Vyatipāta Yoga ##vyatipAta yoga##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}