% Text title            : Shivaproktam Kashimahimavarnanam
% File name             : shivaproktaMkAshImahimAvarNanam.itx
% Category              : shiva, shivarahasya, tIrthakShetra
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 29 shivagaurIsaMvAde kAshIprabhAvakathanam | 2-35.1||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktam Kashimahimavarnanam ..}##
\itxtitle{.. shivaproktaM kAshImahimAvarNanam ..}##\endtitles ##
(shivarahasyAntargate ugrAkhye)
(shivagaurIsaMvAde)
shivaH uvAcha
pR^ithivyAM santi tIrthAni koTishaH kamalAnane |
tAni sarvANi tIrthAni kAshIprAptikarANi cha || 2||
shrIkAshIkShetrabhinnAni santi tIrthAni koTishaH |
teShu tapte hi tapasi kAshI samprApyate shive || 3||
yena janmasvananteShu kR^itA dharmAH sahasradhA |
tenaiva labhyate kAshI madrUpA muktidAyinI || 4||
na kAshyA adhikaM kShetraM na kutrApi varAnane |
satyaM satyaM punaH satyamuddhR^itya bhujamuchyate || 5||
yadetadvimalaM li~NgaM dR^ishyate.adya madAtmakam |
etalli~NgasamaM li~NgaM na kutrApi varAnane || 6||
idameva paraM jyotiridameva parAtparam |
idameva madAkAramanantamidameva hi || 7||
anantavedavedAntasAraH sarvo varAnane |
piNDIbhUyAtra satataM li~NgAkAreNa tiShThati || 8||
nirvikAraM paraM brahmali~Ngametanmanorame |
niShkalaM nirmalaM shAntamidameva na saMshayaH || 9||
shaivametanmahassAkShAdakShayaM li~Ngamuttamam |
idaM li~NgamanAdyantaM sachchidAnandalakShaNam || 10||
sarvapuNyaphalAkAramavikAraM nira~njanam |
li~Ngametanmamo~NkAraM muktipradamanuttamam || 11||
girije pashya pashyedaM li~NgaM ma~NgaladAyakam |
kathametatprabhAkUTo dishi vishrAmya gachChati || 12||
vedAH stuvanti bahudhA li~NgasyAsya madAkR^iteH |
mAhAtmyaM mokShadaM puNyaM svasvashaktyA varAnane || 13||
kR^itadharmAH pUtachittA ye tapomUrtayo janAH |
teShAmevAsya li~Ngasya darshanaM bhavati priye || 14||
yadAkadAchidyenedaM li~NgaM dR^iShTaM mama priye |
tena garbhAshayAvAsaduHkhaM no prApyate dhruvam || 15||
asmilli~Nge mudA yena dattaM bilvadalAdikam |
tena dattAni ratnAni koTisho nAtra saMshayaH || 16||
asmilli~Nge mundA dattaM yenA.a.akalpaM mama priyam |
sasAgaranadItoye dattaM tenAkhilaM priye || 17||
yenAtra phalamanyadvA dattaM li~Nge madAtmake |
tena merusamAnnAni dattAnyeva na saMshayaH || 18||
eko.api datto yenAtra dIpastena tu koTishaH |
nityamatyujjvalA dIpA dattAstena na saMshayaH || 19||
ekA vApi kR^itA yena li~NgasyAsya pradakShiNA |
pradakShiNIkR^itA tena kShoNI sarvA na saMshayaH || 20||
praNAmo.asya kR^ito yena li~Ngasyaiko.api bhaktitaH |
tenAnantAH kR^itA bhaktyA praNAmA nAtra saMshayaH || 21||
`li~NgametatkShaNArdhaM vA yena dhyAtaM madAtmakam |
tena dhyAto.asmyahaM sAkShAdbahukAlaM varAnane || 22||
tilaistraiyambakenAgnau yenaikApyAhutirhutA |
koTihomAH kR^itAstena shrautAgnau vidhipUrvakam || 23||
yenaikavAraM japto.atra shaivaH pa~nchAkSharo manuH |
tena taptaM tapo ghoraM kalpakoTyayutaM shive || 24||
yenaikavAramAtraM vA paThitaM rudrasUktakam |
vedapArAyaNaM tena kalpakoTyayutaM kR^itam || 25||
tena vedatrayIpAThaH kR^itaH kalpAvadhi priye |
yena kAshyAM sthitaM bhaktyA kShaNArdhamapi shobhane || 26||
pa~nchAgnimadhye tenaiva sthitamabdasahasrakam |
yenedaM pUjitaM li~NgaM jalapuShpaphalAdibhiH || 27||
tenAhaM pUjitaH sAkShAnnityamabdasahasrakam |
dR^iShTaM yenedamamalaM li~NgaM vishveshvarAbhidham || 28||
tena sAkShAdahaM dR^iShTaH paramAnandalakShaNaH |
yenedaM praNataM li~NgaM mama vishveshvarAbhidham || 29||
tena sAkShAdahaM bhaktyA praNataH suravanditaH |
j~nAnavApyAM nimajjyAtra yo mAM li~NgasvarUpiNam || 30||
yaH smerat sa hi mAmeti svavaMshyairakhilaiH saha |
yena stutamidaM li~NgaM mama vishveshvarAbhidham || 31||
tena sAkShAdahaM devi stuta eva na saMshayaH |
yena spR^iShTamidaM li~NgaM mama vishveshvarAbhidham || 32||
tena sAkShAdahaM devi spR^iShTa eva na saMshayaH |
pUjito.ahaM mahAdevo dR^iShTaH spR^iShTaH stuto nataH || 33||
dAsyAmyaishvaryamatulaM bhaktiM cha paramAM shive |
upasarga sahasrANi soDhvA kAshyAM vasanti ye || 34||
tAnantakAle saMsArAttArayiShyAmi sha~Nkari . 35\.1

|| iti shivarahasyAntargate shivaproktaM kAshImahimAvarNanaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 29 shivagaurIsaMvAde kAshIprabhAvakathanam | 2\-35\.1||
##
- .. shrIshivarahasyam . ugrAkhyaH saptamAMshaH . adhyAyaH 29 shivagaurIsaMvAde kAshIprabhAvakathanam . 2-35.1..

Notes:
Śiva ##shiva## describes to Pārvatī ##pArvatI## about Kāśī ##kAshI##, and the merits of worshiping Him there. He mentions about the Viśveśvaraliṅga ##vishveshvarali~Nga## and Jñānavāpī ##j~nAnavApI##.
Kaśī ##kAshI## harbors several ŚivaTīrthaKṣetra ##shivatIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}