% Text title            : Shivaproktam Kashimantramahimavarnanam
% File name             : shivaproktaMkAshImantramahimAvarNanam.itx
% Category              : shiva, shivarahasya, mantra, tIrthakShetra
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 29 shivagaurIsaMvAde kAshIprabhAvakathanam | 177-196||
% Latest update         : June 16, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktam Kashimantramahimavarnanam ..}##
\itxtitle{.. shivaproktaM kAshImantramahimAvarNanam ..}##\endtitles ##
(shivarahasyAntargate ugrAkhye)
shrIshivaH (uvAcha)
kAshItivarNayugalaM niHsR^itaM yanmukhAmbujAt |
tasya saMsAranigalA galitA eva tatkShaNe || 177||
vivashenApi kAshIti yenaiva samudIritam |
sa sadyaH sakalApadbhyo muchyate nAtra saMshayaH || 178||
kAshIti paramaM mantraM sarvamantrAdhidaivatam |
muktidaM munayaH sarve japantyanudinaM mudA || 179||
kAshItyamR^itakallolalolajihvA manIShiNaH |
prayAnti shivasAyujyaM ijyAdAnAdibhiryamam(rvinA) || 180||
kAshIti varNayugmasya prabhAvaM veda sha~NkaraH |
kAshIti varNadvandva yadbahuduHkhApahArakam || 181||
tadvidhUya dvandvaduHkhaM shuddhamaddhA dadAti cha |
kAshItyuchcharita yena parihAsena vA yama |
tena svopArjitAnantapApaM nashyatyasaMshayam || 182||
pApakAnananAshAya kAshItyeSha hutAshanaH |
parameshena nirdiShTaH shiShTaH kaShTavinAshakR^it || 183||
janmamR^ityujarAduHkhamahArogauShadhaM param |
kAshIti paramo mantro santrAsayati pAtakam || 184||
saMsArapApamattebhapa~nchAnanamanAmayam |
saMsAragartamagnAnAM kAshItyeSha mahAmanuH || 185||
samAkarShakaraM spaShTaM sarvashreyaskaraM tathA |
saMsArasarpadaShTena kAshIti manumUlikA || 186||
saMsAraviShashAntyarthaM sevanIyA muhurmuhuH |
muktikAntAkarShako.ayaM kAshIti manuruttamaH || 187||
asakR^idvA sakR^idvApi kAshIti manumuttamam |
yo japetsa mahAghebhyaH sadya eva vimuchyate || 188||
yama kAshIti vAgvallI suvarNadvandvapallavA |
svargApavargaphaladA balapramathanapriyA || 189||
kAshI nAma sudhA dhanyA vasudhAtalavAsinAm |
pibanti shraddhayA siddhAH shamanaitAM tapodhanAH || 190||
kAshIti mantrarAjo.ayaM puNyarAshisamR^iddhidaH |
anantAbhedyavividhapAparAshimahAshaniH || 191||
kAshItvamR^itamuskR^iShTaM surANAmatidurlabham |
pibanti sAdhavo bhaktyA bhAlalochanapUjakAH || 192||
pItvApyamR^itamAshAsya surA bhUtvA punarnarAH |
bhavanti na tathA kAshInAmAmR^itanipAyinaH || 193||
kAshItyeSha mahAmantraH shreShTho.ayamamR^itAdapi |
amR^itaM nashvaraM yasmAdanashvaramaya manuH |
(amR^itaM nashvaraM yasmAnmanureSha hyanashvaraH .)
etAdR^isho.ayaM kAshIti mahAmantro.amR^itAtmakaH || 194||
kAshIti nAmochcharaNaM sarvA~Nge bhUtidhAraNam |
kasya vA maraNe.abhyarNe na nirvANaM prayachChati || 195||
kAshIprayANaM kAshIti nAma pIyUShabhakShaNa(sevana)m |
vibhUtidhAraNaM cheti trayaM nirvANadaM na kim (dAyakam) || 196||

|| iti shivarahasyAntargate shivaproktaM kAshImantramahimAvarNanaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 29 shivagaurIsaMvAde kAshIprabhAvakathanam | 177\-196||
##
- .. shrIshivarahasyam . ugrAkhyaH saptamAMshaH . adhyAyaH 29 shivagaurIsaMvAde kAshIprabhAvakathanam . 177-196..

Notes:
Śiva ##shiva## describes about the merits of Varṇayugma ##varNayugma## that forms the MantraRāja/MahāMantra ``Kāśī'' ##mantrarAja/mahAmantra ``kAshI''##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}