% Text title            : Shivaproktam Kashisthita Muktimandapamahatmyam
% File name             : shivaproktaMkAshIsthitamuktimaNDapamAhAtmyam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 7 | vAvRittashlokAH ||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktam Kashisthita Muktimandapamahatmyam ..}##
\itxtitle{.. shivaproktaM kAshIsthita muktimaNDapamAhAtmyam ..}##\endtitles ##
\- shivapArvatIsaMvAde \-
shrIpArvatyuvAcha \-
vishveshvarAkhilArAdhya sarvaj~na karuNAnidhe |
kva muktimaNDapasthAnAM tatpramANaM kiyanmatam || 1||
muktimaNDapasa.nj~nApi kathamasyAbhavachChubhA |
etatsarvaM visheSheNa shretumichChAmi sha~Nkara || 2||
shrIsadAshiva uvAcha \-
ati kaShTamidaM pR^iShTamidAnIM varavarNini |
muktimaNDapamAhAtmyaM shR^iNu vakShye manoharam || 3||
yatra jyotirmayaM li~NgaM mama vishveshvarAbhidham |
tatrAsti ratnaprasAdaHsarvalokamanoharaH || 4||
tatprasAdaprabhAsa~NgairdishaH pratidishAstathA |
atyUrdhvalokAssarve.api dIpitAH samala~NkR^itAH || 5||
prAsAdo.api saratnADhyo li~NgAkAro virAjate |
tanmUlamagrabhAgo vA na kenApi cha dR^ishyate || 6||
anardhyaratnamAlAbhiH sarvadAla~NkR^itAH shubhAH |
muktAmAlAparivR^ito mUlabhAgo.asya sarvadA || 7||
prAsAdadivyaratnAni rAtrau dIpA ivAmbike |
tiShThantyatyantaramyANi netrotsavakarANi cha || 8||
kadAchidapyandhakArasambandhastatta sarvadA(thA) |
nAstyeva ratnadIpaughasambandhena varAnane || 9||
sahasraratnashR^i~NgANAM rAjate tatra sarvadA |
li~NgAkArANi shR^i~NgANi shuddhAnyapratimAni cha || 10||
tejaH pu~njamivAbhAti prAsAdaH sarvadA shubhe |
ratnapu~njamayaH prItiM santanoti nirantaram || 11||
rAshIkR^itamahAratnaprabheyamiti dhIHsadA |
sarveShAM bhavatispaShTaM tatprAsAdAvalokanAt || 12||
vilAsasadanaM ramyaM mama tAdR^ishamambike |
nAnyatra dR^ishyate bhavyaM nityotsAhakaraM param || 13||
sahasrakoTigaNapairatyugrairudyatAyudhaiH |
vIraiH saMrakShyate nityaM prAsAdo vimalo mama || 14||
shrAvyo dundubhinirhrAdo jAyate tatra sarvadA |
gAyanti gAyakA nityaM shivanAmAni sAdaram || 15||
nR^ityanti nartakAshchAtra chitranR^ityavishAradAH |
mandArapuShpasa~nChanno ratnatoraNasaMvR^itaH || 16||
nityAnandakaro bhavyaH sarvama~NgalasaMshrayaH |
daivairArAdhito nityaM dhyAtacha sakalaiH suraiH || 17||
tatprAsAdasamAloke prAsAdo naiva dR^ishyate |
sarveShAM muktido nityaM darshanAdeva sarvathA || 18||
tatra li~NgaM mamAstyekaM ramyaM vishveshvarAbhidham |
tatprabhAvo na devaishcha shakyate j~nAtumambike || 19||
talli~Ngatattvamamalairvedairapi na nishchitam |
tatsvarUpaM kathaM j~neyaM tadanyairalpabuddhibhiH || 20||
vedairapi yathAshakti tadeva pratipAdyate |
tadevopAsyamakhilaistadevAbhIShTadAyakam || 21||
tadanirdeshyamamalamaprameyamanAmayam |
niShkala~Nka nirAkAraM tadeva hi nira~njanam || 22||
tadeva nidhanetyAdimantravedyaM yathAtmakam |
darshanAdeva sarveShAM mokShadaM tatsanAtanam || 23||
anekakAlamatyugraM tapaH kurvanti sAdaram |
vishveshvarAbhidhaM li~NgaM draShTumeva manIShibhiH || 24||
anekakalpaparyantamupavishya mayApi vA |
prabhAvastasya li~Ngasya vaktavyaH kathamambike || 25||
kadAchidapi talli~NgaM na dR^iShTaM yena sarvadA |
na tasya muktistatsatyaM satyaM satyaM na saMshayaH || 26||
yadarshanArthaM munayaH kurvanti bahudhA tapaH |
taddhi vaishveshvaraM li~NgaM draShTavyaM bahuyatnataH || 27||
yannapashyanti munayo yanna pashyanti devatAH |
yanna jAnanti vedAshcha talli~NgaM prekShyamanvaham || 28||
dvitrANyatIva ramyANi bilvapatrANi sAdaram |
yenArpitAni talli~Nge tena muktiravApyate || 29||
abhiShichya vidhAnena yo mAM bilvadalairmudA |
pUjayiShyati puNyAtmA sa mokShamadhigachChati || 30||
madbhaktena mayi premNA patraM vA phalameva vA |
dattaM svopahR^itaM yattu tadgrahiShyAmi sAdaram || 31||
ekaM bilvadalaM ramyaM madbhaktenArpitaM mayi |
anantAghaharaM nUnaM satyamevochyate mayA || 32||
madbhakto.api sa vij~neyaH sarvabhAvena sarvadA |
sarvaM vihAya mAmeva bhajate yaH sadA mudA || 33||
vibhUtirudrAkShaparo li~NgamevArchayanmudA |
mAmeva sharaNaM prApto yaHsa eva mama priyaH || 34||
mahApAshupatAH shuddhAmahAshaivAshcha sarvadA |
mAmarchayanti mAmeva sharaNaM prApnuvanti cha || 35||
madbhaktavaryaiH satataM madarchanaparAyaNaiH |
avimuktamidaM kShetramAshritya sthIyate mudA || 36||
shaivaiH pAshupataiH shuddhairmalli~NgaM pUjyate sadA |
taireva kR^itapUjApi gR^ihyate sAdaraM mayA || 37||
patraM phalaM vA puShpaM vA jalaM vA svArjitaM shubham |
madbhaktenArpitaM mahyamanantAyopakalpate || 38||
patreNApyarchitaM li~NgaM mokShadaM sarvadehinAm |
vishveshvarAbhidhaM tattu tatprAsAde.adhitiShThati || 39||
tatprAsAdavarasyaiva dakShiNAdishi bhAsuram |
ramyaM maNimayaM sthAnamekaM tiShThati pApaham || 40||
tatsahasramaNistambhairuttamairunnataiH shubhaiH |
ra~njitaM rAjitaiHshR^i~NgairhemashR^i~Ngashcha rAjitam || 41||
kvachitsphaTikashR^i~Ngaughairli~NgAkArairmanoharaiH |
sthAnaM tadrAjate devi netrotsavakaraM sadA || 42||
taptAlakAshchatuShShaShTikoTi prathama nAyakAH |
udAyudhA mahAvIrA mama priyakarAH sadA || 43||
tasminneva mahAsthAne shaivAstaptAlakAj~nayA |
upavishyAtisantuShTAstiShTanti shivapUjakAH || 44||
sAdaraM bhasmadigdhA~NgA rudrAkShAbharaNapriyAH |
rudrasUktajapAsaktAstiShThanti vimalAshayAH || 45||
shaivaM mahAmuniM(manuM) nityaM sarvapApaughashAmakam |
japataH satataM santo vasantyatyantamAdarAt || 46||
shuddhAntaH karaNaistatra japtaHshaivairmahAmanuH |
shaivo mokShaprado nUnaM bhavatyeva na saMshayaH || 47||
ekadApyatra shaivena japyaH shaivo manurmudA |
anantaguNito nUnaM pApadAvAgnishAmakaH || 48||
shaivo manuHsvataH shuddhaH pApatUlAdi nAshakaH |
so.apyatra japtaH shaivendrai sarvAbhIShTaprado dhruvam || 49||
shaiva eva mahAmantro japyaH pa~nchAkSharaH paraH |
shaivairmokShArthibhirnityaM mantravalli~NgapUjakaiH || 50||
tanmadhye karNikArA ratnarAjivirAjitA |
atyunnatA vedikaikA tiShThati priyadarshanA || 51||
tanmadhye yeka(chaika) kAshmIramaNirAjitamAnasaM(sanam) |
sthitaM tadupari spaShTamupaviShTaM mayA purA || 52||
tadAnImAgatA kAchidinDhubimbanibhAnanA |
vishAlapadmapatrAbhanayanA nayanapriyA || 53||
mandAramAlAmamalAmamlAnAM madhupAvR^itAm |
dhR^itvA padmAbhahastena kShaumAmbaravirAjitA || 54||
sA mAM dR^iShTvAnatagrIvA praNamya muhurAdarAt |
bilvairmandArapuShpaishcha chakre pUjAM yathAvidhi || 55||
pUjayitvA tataH sA mAM kR^itA~njalipuTA tadA |
idameva vachaH prAha stotraiH stutvAhyanekadhA || 56||
maheshadivyasthAnAni santi kAshyAmanekadhA |
kimatra rochate nityaM vasatistava sha~Nkara || 57||
visheShaH ko.atra devesha sarvasthAnavilakShaNaH |
kimasti tattvametasya vada sarvaM visheShataH || 58||
pR^iShTo.ahamevaM subhage tayA tadanu sAdaram |
uttaraM dattavAnasmi tame(de)va shR^iNu sAdaram || 59||
kAshIyaM sarvalokebhyo mama priyakarA.anaghe |
tatrApyantargR^ihannAma kShetraM ruchikaraM mama || 60||
tanmadhyagamidaM ramyaM sthAnaM priyataraM mama |
tattu li~NgamayaM yasmAttatraprItirmamAnaghe || 61||
yAthatra vasatirnityaM tathA nAnyatra shobhane |
anishaM prItiratraiva mama tiShThatyanAmaye || 62||
ki~ncha kAshyAM mR^itAn sarvAn shivadehAn shivArchakAn |
shivaikasharaNAnatra samAnIya tataH param || 63||
etatsihmAsane samyagupavishya yathA sukham |
mamA~Nke vimale shuddhe shaivaM saMveshya sAdaram || 64||
shaivAyAtyantashuddhAya muktyarthaM tadanantaram |
shaivaH pa~nchAkSharo mantro mayAhyatropadishyate || 65||
muktimaNDapasa.nj~nAsya sthAnasya shrutisammatA |
yato mayA manuHshaivo mokShAyAtraiva dIyate || 66||
\- \-
idameva mahatsthAnaM muktimaNTapasa.nj~nakam |
yatropadishyate mantraH shaivAnAM muktikA~NkShiNAm || 103||
ananyasharaNAnAM tu madbhaktAnAmaghApaham |
tataH pravishyadharmAtmA mahAshaivAshrayaM sadA || 104||
muktimaNTapamatyantasukhaM prApya dvijottamaH |
tato mamAntikaM prApya chakArAbhyarchanaM mudA || 105||
mamaiva li~Nge vimale muktide vedasaMstute |
tataH praNamya bahudhA stutvA stotrairanekadhA || 106||
chakAra nR^ityaM bahudhA sAdaraM bhaktipUrvakam |
upavishya tato.atraiva japtvA mantraM shivAtmakam || 107||
tato.antargR^ihayAtrAdi kR^itvA bhaktipuraHsaram |
j~nAnavApItaTe ramye nirAhAro jitendriyaH || 108||
chakArograM tapaHsamya~NmuktayarthaM shaivapu~NgavaH |
shivaikanirato nityaM ShaTsahasrayugAvadhi || 109||
mantrAdhirAjamamalaM japtvA pApaughanAshanam |
tataH sharIraM vijahau j~nAnavApItaTe shubhe || 110||
li~NgapUjAM prakurvANo vadan shiva shiveti cha |
tato mamA~Nka saMvishya mamaivAnugrahAd dvijaH || 111||
mantrAdhirAjamamalaM japan pApaughanAshanam |
shaivaM prApyamahAmantraM mokShaM samprApya shobhate || 112||
ityuktA sA manoramyA muktimaNTapadevatA |
yayau sva sadanaM ramyamambike varavarNini || 113||
ye muktimaNTapamanaghyamananyalamyaM samprApya shaivamanumapyatipuNyalabhyam |
sampUjayanti shivamekamupAsyamIshaM te sarvathA munivarAH shivamApnuvanti || 114||

|| iti shivarahasyAntargate shivaproktaM kAshIsthitaM muktimaNDapamAhAtmyaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 7 | vAvR^ittashlokAH ||
##
- .. shrIshivarahasyam . ugrAkhyaH saptamAMshaH . adhyAyaH 7 . vAvRRittashlokAH ..

Notes:
Śiva ##shiva## details to Parvatī ##pArvatI##, about the eminence of the Muktīmaṇḍapa ##muktimaNDapa## near Jñānavāpī ##j~nAnavApI## at Viśveśvara Jyotirliṅga Sthāna ##vishveshvara jyotirli~Nga sthAna## in Kaśī ##kAshI##.
Kaśī ##kAshI## harbors several ŚivaTīrthaKṣetra ##shivatIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}