% Text title            : Shivaproktam Kaliyuge Shivabhaktiprasadavarnanam
% File name             : shivaproktaMkaliyugeshivabhaktiprasAdavarNanam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | sadAshivAkhyaH navamAMshaH | adhyAyaH 11 kaliyuga(guNa)varNanam | 4-29||
% Latest update         : July 14, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktam Kaliyuge Shivabhaktiprasadavarnanam ..}##
\itxtitle{.. shivaproktaM kaliyuge shivabhaktiprasAdavarNanam ..}##\endtitles ##
(shivarahasyAntargate sadAshivAkhye)
\- shivapArvatIsaMvAde \-
Ishvara uvAcha |
mA bhaiShirdevi bhadraM te bhiShagvaryo.asmyahaM shive || 4\.2||
kalAvapi bhavedbhaktiH keShA~nchitpuNyagauravaiH |
te bhAvaiH pUjayantyeva bhavodbhavamatandritAH || 5||
te tarantyeva deveshi kalAvapi bhavArNavam |
devAshcha munayashcheme manuShyAH sthAvarA api || 6||
kR^itatretAdvApareShu tapaH kliShTAH sadAmbike |
kShaNasiddhau kalau janma vA~nChantyeva hi nAdbhutam || 7||
kalerguNAnpravakShyAmi yadi syAmayibhaktimAn (bhaktirmayIshvari) |
sA bhaktirdurlabhA devi brahmAdInAmapi dhruvam || 8||
prasAdAdeva sA bhaktirmama sarvayugeShvapi |
visheShataH kaliyuge bhavitrI kvachideva hi || 9||
janmahantrI puNyadAtrI pradAtrI sarvakarmaNAm |
phalaM mokShaM cha bhaktiM cha rAjyaM putrAMstriyo dhanam || 10||
pashavo dhAnyanichayabhAyurArogyameva cha |
kalerguNAnpravakShyAmi shR^iNu tvaM sAvadhAnataH || 11||
shiShTAniShTakare.api samprati kalereko vishiShTo guNaH |
kR^ityAkR^ityaguNAguNeShu sumahAvR^iddhirbhavitrI kalau || 12||
naivAnyeShu yugeShu tattraguNitaM dhyAnArchanAvAjapo |
bhUyAtsatyamidaM vishiShTa iti taM jAnAmyahaM taM yugam || 12||
ekaM nandAmi nindAshatamapi kudhiyAM vipravR^indeShu mandA\-
j~nAnAnandamaho dadAti sukalirnAmnaiva me sarvadA |
kiM vakShyAmyagakanyake kalibhavo yo vA kShaNArdhaM muhu\-
rmannAmAmR^itapAkhinIna(pAna pIna)manasa(hR^idaye)sa muktikAntapatiH || 13||
kalikalashaguNo yaH sAdhurevAyamIshe
kShaNamapi mama pUjAdhyAnanAmaika niShThaH |
sa hi kR^itayugatretAdvApare vA sahasrA\-
NyayutatapasamR^iddhyA tatphalaM no labheta || 14||
kvachitkalibhavo naro bhuvi bhaveta bhAgyodayaiH
shivArchanaparAyaNaH prathitabhasmasandhAraNaH |
sa eva sharaNAya vai kalijaleShu santAraNaH
shive sa sukhakAraNo bahulapApasaMhAraNaH || 15||
satyaM satyaM bhavAni kShaNamapi karuNArAshivArAshikanyA\-
patinayanapadAbjadhyAnadhArAnuraktaH |
kalimalakulashailAkArapApeShu sakto \-
.apyatha yadi shivabhaktaH satyameveha muktaH || 16||
alaM kaliyuge.ambike sakalatIrthasatkalpakA
vanairmakhamukhakriyA sakaladAna vishrANanaiH |
alaM vividhabhUsurAshramavichArasaMvartanai\-
ralaM cha susukhaM kriyAvratabhavAdikArye.api kim || 17||
nAlaM kiM shashishekharAmbujapadadhyAnaikamodaM mano
malli~NgArchana yApitottamadinaM nAmaiva nAlaM kimu |
kaH kAlAntakapUjanotsavamatiM kvAyaM spR^ishedvA kaliH
saMsArAmbudhitArakAraNamume bhaktiH parA me kalau || 18||
shive sukR^itasAdhanaM kaliyugeShu li~NgArchanaM
vadanti nigamAH sadA sugamamArgasandarshanam |
aghaughabalatarjanaM kalimalAdi santarjanaM
bhaveta sukhachodanaM a(ni)khiladuHkhasandIpanam || 19||
kalAvapi tapobalairamitapuNyajAlodayai\-
bhavanti bhuvi te narA haramaheshapAdAdarAH |
taeva khalu vistaraM bhavamahAbdhijaM dustaraM
taranti viShayormimajjanananAshaduHkhaM
(jananamaraNarUpaduHkham) mahat || 20||
surA api munIshvarA kR^itayugAdiShu hyudyatA\-
stapaH paramaduShkaraM chiraphalaM cha kAlena tat |
ayaM kaliraho shive kShaNikachittasaMveshanA\-
tpadAmbujayuge mama prasabhamuktilAbhapradaH || 21||
kalAvapi surA narA janananAshamavyAhataM
vinindyamabhito.ambike hyabhivadanti vA~nChantyapi |
kadA khalu bhaveddhi no jananameva tiShye sadA
sadAshivapadArchane tadiha janmataH satphalam || 22||
yaH kashchitprabhaveta vai kaliyuge malli~NgapUjAdaro
bhasmadyotitapuNDrabhAlatilako rudrAkShakoTIrakaH |
shrIrudrapravaNo.api devi sumahApa~nchAkSharAvR^ittibhAk
evaM yo niyataM vaseta sa muniMstasyaiva muktiH sthirA || 23||
dhIrastiShyaikapuShyatkupathajanijarAroganAshaikanashya\-
lloke putrakalatramitrajaTharItyuShyAtkilaivaM shive |
tatraivaM yadi chandrachUDacharaNadhyAnekShaNaM vA manaH
kR^itvA mR^ityukR^itAM tathA kalikR^itAmartiM na vindennaraH || 24||
kR^ite traitAyAM vai yadi khalu tathA dvApara bhavA
sahasraM vA tatsyAttanukaShaNamAtrAtpalakaNam |
shive li~NgArchAyAM tadiha dinake vai kaliyuge
kShaNaM tryakShadhyAnAdbhavati sa mukteH priyatamaH || 25||
sikatyaM mAM devaM nadi(dI)bhava sikatyAsu cha yajan
rajasye mR^illi~Nge kShaNamapi cha sa kShINakupathaH |
ume dhanyo manyo bhavati kalijanye.api tamasi
aho manye mukhyaM sa hi paramamAnyaH priyatamaH || 26||
triyAyuShamanuprabhAbhasitabhUtapUtA~Ngako
vishoShikaluShochchayo bhavati bhAgyapUrNaH kalau |
asheShasurasaMsadaM sa khalu yati pUShaprabhA\-
vimAnavaramAsthitaH sthiracharAddhi pApApahaH || 27||
mudaiti malli~Ngasamarchanena
kalau narA niShkR^itiduShkR^itAni |
tAnyeva puNyAni bhavanti sadyo
bhavodbhavArchAbalato bhavAni || 28||
AshIviShomaviShaviShayAnudhAva\-
chchitteShvasheShahR^idayotthitakAlatiShye |
bhUShAvisheShakR^itasheShamahoruhAra\-
pUShAkShamIShadapi chintayate sa dhanyaH || 29||

|| iti shivarahasyAntargate shivaproktaM kaliyuge shivabhaktiprasAdavarNanaM sampUrNam ||

\- || shrIshivarahasyam | sadAshivAkhyaH navamAMshaH | adhyAyaH 11 kaliyuga(guNa)varNanam | 4\-29||
##
- .. shrIshivarahasyam . sadAshivAkhyaH navamAMshaH . adhyAyaH 11 kaliyuga(guNa)varNanam . 4-29..
Notes:
Śiva ##shiva## elaborates to Pārvatī ##pArvatI## about the advantage of KaliYuga ##kaliyuga## in being the era where ŚivaBhakti ##shivabhakti## and ŚivaDhyana ##shivadhyAna## of the minutest order can bring about quick results.##
##

Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}