% Text title            : Shivaramakrishnasudhikritam Jalakantheshvara Shatakam
% File name             : shivarAmakRRiShNasudhIkRRitaMjalakaNTheshvarashatakam.itx
% Category              : shiva, shataka
% Location              : doc\_shiva
% Author                : Shivaramakrishna Sudhi
% Proofread by          : Sivakumar Thyagarajan Iyer
% Description/comments  : 32 in Stotrasamuchchaya 1, Edited by Pandit K. Parameshwara Aithal
% Latest update         : September 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaramakrishnasudhikritam Jalakantheshvara Shatakam ..}##
\itxtitle{.. shivarAmakR^iShNasudhIkR^itaM jalakaNTheshvarashatakam ..}##\endtitles ##
(32)
OM shrIgaNeshAya namaH |
vANIshapramukhAkhilAmarashirorAjatkirITA~nchala\-
      protasphUrjadamandadivyamaNibhAbhAsvatpadAmbhoruham |
kundendudyutijiShNupAdanakharaprodyatprabhAsundaraM
      vande taM jalakaNThadevamanishaM vandAruchintAmaNim || 1||
kAruNyArdrakaTAkShavIkShaNalavairudgADhanirmApita\-
      trailokyaM sphuradabhravAraNagatiM (lekhAvali) devAsurairvanditam |
sevAnamrasurendramaulimadhupavyAlIDhapAdAmbujaM
      vande taM jalakaNThadevamanishaM vandAruchintAmaNim || 2||
unmattadviparAjaparvatamahAdambholidhArAvahaM
      nirvelodayamadvayaM suruchirAkAraM kR^ipAshevadhim |
vaiyAghrIM tvachamAyatAM chaTapaTadhvAnAM vasAnaM kaTau
      vande taM jalakaNThadevamanishaM vandAruchintAmaNim || 3||
nAnAvedashirobhirunnataguNaiH saMvedyamudyatprabhaM
      kailAsAchalasaudhasImni satataM khelantamuchchaistarAm |
achChAbhI ruchibhirdishAmapi mukhaM kurvantamApANDaraM
      vande taM jalakaNThadevamanishaM vandAruchintAmaNim || 4||
nIhArAchalakanyayA saha tayA nityaM samAli~NgitaM
      nityAnandamanantamAdirahitaM shrInIlakaNThaM shivam |
yakSheshAya nidhipradaM nijapadAnamrAya muktipradaM (sAyujyadaM)
      vande taM jalakaNThadevamanishaM vandAruchintAmaNim || 5||
AdhArAdiShu maNTapeShu cha mitho bhinneShu nAnAtmanA
      nAnAshaktibhiranvitastanubhR^itAM dehAbhidhAne pure |
nADyA yastu suShumnayA parichitastadbrahmarandhra~Ngato
      vande taM jalakaNThadevamanishaM vandAruchintAmaNim || 6||
yenAnAhi jaTAkaTAhakuhare ga~NgA cha tattAdR^ishI
      yenAdAhi lalATanetradahanasyArchirnikAyairajaH |
yasyA~NghrI bhajate janAya jagatIshlAghyA dadAte shriyo
      vande taM jalakaNThadevamanishaM vandAruchintAmaNim || 7||
yasya smerakaTAkShavIkShaNabalAt trailokyasaMrakShaNaM
      samploShastisR^iNAM purAmiva punastasya kShaNAjjAyate |
yasmAdasya samudbhavashcha pR^iShatAM vArAmivAdhIshitu\-
      rvande taM jalakaNThadevamanishaM vandAruchintAmaNim || 8||
yaH kAlaM prapipeSha yaM girisutA shishleSha yena smaro
      nirdagdhaH paramArthashAstrakushalA yasmai namaskurvate |
yasmAnnAnyadidaM cha yasya kalayA yasmin punarlIyate
      vande taM jalakaNThadevamanishaM vandAruchintAmaNim || 9||
pAshagrastashirodhimapyatha nijasvIyA~Nghripa~Nkeruha\-
      dvandvArchaikaparaM mR^ikaNDutanayaM vishvaikasAkShI hi yaH |
sadyaH prodyadamandasantatakR^ipAsArastathApAlayad
      vande taM jalakaNThadevamanishaM vandAruchintAmaNim || 10||
chandrArkAnalavidyutaH suruchayo yasyAMshabhAsAshritAH
      cheShTante yadanupraveshavashataH satyaM jagantya~njasA |
yadbodhAya munIshvarAshchirataraM tIvraM tapaH kurvate
      vande taM jalakaNThadevamanishaM vandAruchintAmaNim || 11||
yaH kalpadrumamUlabhUtalamala~NkurvaMshchaturbhiH svakai\-
      riShTArthAbhayakR^iShNasAraparashUn hastairdadhAnaH kramAt |
vAmA~NgasthitayomayA kR^itaparIrambhotsavaH shobhate
      vande taM jalakaNThadevamanishaM vandAruchintAmaNim || 12||
yaH shuddhasphaTikopamena vapuShA sarvA dishaH shobhayan
      somAskandavinAyakaH saha gaNaiH kailAsashailA~NgaNe |
devairviShNupurogamairapi yathAkAlaM muhuH sevyate
      vande taM jalakaNThadevamanishaM vandAruchintAmaNim || 13||
jAtyandho.api mahAjaDo.api vigalatprANo.api niHsvo.api vA
      rogArto.api bhayAkulo.api sutarAM prApto.api kaShTAM dashAm |
yatsevAsamakAlameva labhate vA~nChAnukUlaM phalaM
      vande taM jalakaNThadevamanishaM vandAruchintAmaNim || 14||
yatpAdAmbujadarshanAya sa hariH pAtAlalokAnadhaH
      prAvishyAbhigaveShayannapi manAgaprApya kAmaM punaH |
AgatyAramahaM jaDo.asmyatitarAmityuktitaH pUjyate
      vande taM jalakaNTha devamanishaM vandAruchintAmaNim || 15||
vedhAH sarvacharAcharavrajavidhAdakSho.api yanmastakA\-
      lokAya sphuTamUrdhvalokamakhilaM gatvApi bhUyaH patan |
bhrashyatketakasa~Ngato.anR^itagirA sthAnArchanairvarjito
      vande taM jalakaNThadevamanishaM vandAruchintAmaNim || 16||
yaH sarvaM sacharAcharaM jagadidaM nirmAti narmANi cha
      prApayyAvati tat punashcha samaye yaH saMharatyantataH |
sR^iShTyAditrayasAkShimAtrakatayA yaH kevalo vartate
      vande taM jalakaNThadevamanishaM vandAruchintAmaNim || 17||
yashchaiko.akhilabhUtasantatiguhAgR^iDhaH prakAshAtmako
      .apyuchchairvyApya jaganti rAjati parichChinno.api yaH prANiShu |
karmAdhyakShatayA sthito bhavati yaH sAkShI paraM nirguNo
      vande taM jalakaNThadevamanishaM vandAruchintAmaNim || 18||
draShTApi svayamasya yastu jagataH sarvasya no dR^ishyate
      mantA yastu na manyate.api vibudhaiH shrotApi na shrUyate |
chaktA na sphuTamuchyate kvachidapi j~nAtApi na j~nAyate
      vande taM jalakaNThadevamanishaM vandAruchintAmaNim || 19||
R^igbhiryaM makhino makheShu niyatAH shaMsanti mantraiH punaH
      sadravyairyajuShAM yajanti vilasadgAnaishcha yaM sAmabhiH |
brahmAdyAH kila saMstuvanti yadanudhyAnAdapAstaihikA
      vande taM jalakaNThadevamanishaM vandAruchintAmaNim || 20||
yo.antaH sthAvaraja~NgameShu cha bahishchordhvaM virAjatyadhaH
      kartA kArayitA kriyApi cha havirboddhA cha bodhyashcha yaH |
bodhashcha prabhavantyamandamatayo yadvedanaprodyamA
      vande taM jalakaNThadevamanishaM vandAruchintAmaNim || 21||
yadbodhAya kilAcharanti sumahat tIvraM tapo yogino
      yAgaM bhUparicha~NkramaM nirashanaM tIrthAbhiShekaM muhuH |
dAnAni prathitAni ShoDasha mahArAjAshcha bhogatyajo
      vande taM jalakaNThadevamanishaM vandAruchintAmaNim || 22||
kechiddhanyatamAH sthirA api gR^ihe saddeshikoktyA sphuTaM
      shrutyantArthamanantasaukhyagamakaM bhUyastarAM jAnate |
gAhante.api cha puNyatIrthanikaraM yasya prasAdAt paraM
      vande taM jalakaNThadevamanishaM vandAruchintAmaNim || 23||
yaM dhyAyan manasi kShaNaM girijayA gADhopagUDhaM prabhuM
      saskandaM savinAyakaM suragaNAdhyakShaM mahokShAshrayam |
svArAjyaM cha charAcharasya bhajate sargAdiShu prAbhavaM
      vande taM jalakaNThadevamanishaM vandAruchintAmaNim || 24||
yatpAdAmburuhArchanaM savinayaM svasyekShaNAmbhoruhA
      padmasthAnajuShA vidhAya bhagavAn nArAyaNastarakShaNAt |
bhaktAgresaratAmavApya sarasIjAtAkShatAmabhyagAt
      vande taM jalakaNThadevamanishaM vandAruchintAmaNim || 25||
vedAntA nikhilA yameva paramAtmAnaM samAchakShate
      yattattvAvagamAya nishchitadhiyo muhyanti nAnAgirA |
shuddhaM buddhamanantamujjhitaguNaM shaMsanti yaM chAgamA
      vande taM jalakaNThadevamanishaM chandAruchintAmaNim || 26||
kopavyAkulitena dArukavane saMsthAsnunA bhUsura\-
      vrAteneritayormahAbalayujoH shArdUlamattebhayoH |
utpAThyogamanIyatAM vidadhatIM yaH paryadhatta tvachaM
      vande taM jalakaNThadevamanishaM vandAruchintAmaNim || 27||
shatrUn mArayatAbhichAravidhinA protsAhito havyavAT
      kShoNIdevagaNaistviShA dasha dishaH sATopamAhiNDayan |
yenAdAya kareNa lochanapadaM ninye.adhiphAlAntaraM
      vande taM jalakaNThadevamanishaM vandAruchintAmaNim || 28||
yasyAgArati kAnanaM pitR^ipateru~nchairmaNIhArati
      grIvAyAM phaNinAM kulaM himakaro bAlaH sadApIDati |
bhasmAlepati danticharma vasanatyukShA mahAn vAhati
      vande taM jalakaNThadevamanishaM vandAruchintAmaNim || 29||
yenAdAhi puratrayaM madanavad yenoddhR^itaM chandravad
      ga~NgAmbhaH shirasi prasarpati tanau yasyAhirAD bhasmavat |
yasya prItipadaM bhavatyanukalaM nandIshvaraH skandavad
      vande taM jalakaNThadevamanishaM vandAruchintAmaNim || 30||
shaktiryasya punastrilokajananI mAyA parA shAmbhavI
      satyaj~nAnamayIshvarI parashivA durgAmbikA chaNDikA |
 ityAkhyA bahudhA purANanigamakhyAtA jarIjR^imbhate
      vande taM jalakaNThadevamanishaM vandAruchintAmaNim || 31||
yasmAjjanma divo bhuvashcha savitushchandrasya vahnervidhe\-
      rviShNoshcha tridivaukasAM shatamakhAdInAM mahAtejasAm |
siddhaM soma iti shrutirbhagavatI tatra pramANaM mahad
      vande taM jalakaNThadevamanishaM vandAruchintAmaNim || 32||
indrAgnI yamamitramArutaharibrahmAdi mukhyAn surA\-
      nekaM yaM paramAmananti bahudhA viprAstu vij~nAninaH |
indraM mitramiti shrutiH sumahatI tatrAsti mAnaM mahad
      vande taM jalakaNThadevamanishaM vandAruchintAmaNim || 33||
dhyAyanto hR^idayAravindakuhare yaM sAdhubuddhayA janAH
      puNyaM svannamupaskR^itaM rasanayA gR^ihNanti ShaDmI rasaiH |
anye hanta malAshino gamanikA tatrAntarichChantivAg
      vande taM jalakaNThadevamanishaM vandAruchintAmaNim || 34||
chaNDAlo.api shiveti varNayugalaM yadvAchakaM vyAharan
      sambhAShAsahajagdhikArha iti hi brUte shrutirjAgratI |
yashchANDAla iti dvijo yadi kila brUyAt kimatrochyatAM
      vande taM jalakaNThadevamanishaM vandAruchintAmaNim || 35||
shrIkaNTheti vR^iShadhvajeti girijAkAnteti bhUtAdhipe\-
      tyugreti smarasUdaneti girishetIsheti shambho iti |
yannAmAni sakR^it paThannapi janaH prApnoti mokShashriyaM
      vande taM jalakaNThadevamanishaM vandAruchintAmaNim || 36||
pApAnAmadhivAsabhUrapi jano yasmin prabhAbhaktibhA\-
      gekaM vA kShaNamAshu muktaduritadhvAnto nitAntojjvalaH |
yogIva pratipadya pashchimadashAM prApnoti divyaM padaM
      vande taM jalakaNThadevamanishaM vandAruchintAmaNim || 37||
yachChruddhAntasadeshasahyatanayAtIradrumAlokana\-
      dhvastAsheShamahAghapa~njarakuTIgADhAvR^itAnAM nR^iNAm |
tasminneva januShyatarkitapadaM brahmAvabodhotsavo
      vande taM jalakaNThadevamanishaM vandAruchintAmaNim || 38||
pAdAmbhoruhayoH sakR^itpraNamanaM yasyAdarAt kurvatA\-
      maShTaishcharyamudArachArukavitAsAmrAjyamu~njaiHpadam |
AyuShmatsuguNAtmajatvamudyatyante.apyanantaM sukhaM
      vande taM jalakaNThadevamanishaM vandAruchintAmaNim || 39||
lokAnAmapakAriNe nishicharAdhIshAya mUrdhnA dashA\-
      pyutkR^itya svapadAmbujanmayugalImabhyarchate yaH purA |
trailokyAghipatAmananyasadR^ishIM prAdAt kR^ipAmbhonidhi\-
      rvande taM jalakaNThadevamanishaM vandAruchintAmaNim || 40||
yaH svAmI kuladaivataM dvijanuShAM yashcha svayaM brAhmaNaH
      sarvovambudhikanyakAparibR^iDhapraShTheShu deveShvapi |
tvaM deveShviti veda eva gamako yasyAsti tatrAgraho
      vande taM jalakaNThadevamanishaM vandAruchintAmaNim || 41||
yasmin bhaktimapAstasarvaviShayaH kR^itvA kShaNArdhaM jana\-
      shchitte dhyAyati chennitAntamalinasvAnto.apyashAnto.api saH |
sadyo muktasamastabandhanikaraH sarvashriyAmAkaro
      vande taM jalakaNThadevamanishaM vandAruchintAmaNim || 42||
yasyApA~Ngavilokabha~NgikaNikApAtAnnidhInAM pati\-
      rjAto vaishravaNaH sitAchalataTImAsedivAnuchchakaiH |
yannAmasmR^itilabdhatu~NgavibhavAH sarve.api dikpAlakA
      vande taM jalakaNThadevamanishaM vandAruchintAmaNim || 43||
yasyonmattajalandharAsurapatiprANApahartuH prabhoH
      kAruNyena vijR^imbhitena sa mahAviShNushcha chakrAyudham |
samprApya prabaloddhatAnapi danoH putrAn nihantya~njasA
      vande taM jalakaNThadevamanishaM vandAruchintAmaNim || 44||
kShIrAmbhonidhimanthanotthitajagannirdAhihAlAhala \-
      jvAlAlIDhamukundasevitapadadvandvaH kR^ipAshevadhiH |
yastAdR^ikShamapi kShaNena kabalIchakre viShaM vistR^itaM
      vande taM jalakaNThadevamanishaM vandAruchintAmaNim || 45||
yasya smeralalATalochanashikhAleshena lagnAH pura\-
      stisro.api prathitAstrilokahananakrIDAdhurINA api |
hanta prAhuNikAH kR^itAntanagarIsImnaH kShaNenAbhavan
      vande taM jalakaNThadevamanishaM vandAruchintAmaNim || 46||
ga~NgA sApi purA bhagIrathamahIpAlArthitA sambhramA\-
      dAyAntI sahasAvalepabharasa~NkrAntAntara~NgA bhR^isham |
yasyonnaddhajaTAgrasImni patitA kutrApi lInAbhavad
      vande taM jalakaNThadevamanishaM vandAruchintAmaNim || 47||
matto.apyujjhitasatkriyo.api satataM dhUrto.api sampUruSha\-
      drohAchArarato.api hanta nidhanaM pitrostu kurvannapi |
yalli~NgakShaNasevanena sakalAghaudhAjano muchyate
      vande taM jalakaNThadevamanishaM vandAruchintAmaNim || 48||
yasmai drohamamartyarAjavachanaprotsAhito manmathaH
      kartuM mUDhamatirdhanuShyapi sharaM vyApArayanna~njasA |
sarveShAmamR^itAshinAmapi puro bhasmAvasheSho.abhavad
      vande taM jalakaNTha devamanishaM vandAruchintAmaNim || 49||
yalli~Nge chulukodakaM sakR^idapi kShiptvA vidhiM vismaran
      bilvasyApi dalaM kimapyahaha chet tatra kShiped dehavAn |
sa prApnoti punarbhavaM nahi bhuvi vyAdho.atra dR^iShTAntato
      vande taM jalakaNThadevamanishaM vandAruchintAmaNim || 50||
snAnaupAsanavedashAstrakathitAchArapramatto.api vA
      pa~nchAnAmapi vAsabhUrapi chirAdadhyUShuShAmaMhasAm |
yatra kApi cha paryaTan yamavashAt pashyet yadIshatyasau
      vande taM jalakaNThadevamanishaM vandAruchintAmaNim || 51||
sUtrANi prathitA (ni yasya naTane Dhakko) tthitAnyAditaH
      saMshodhyaiva chaturdasha svayamudAhArShInmuniH pANiniH |
sUtrairAtmakR^itaiH sphuTArthaghaTanAM suptipadavyAkR^itiM
      vande taM jalakaNThadevamanishaM vandAruchintAmaNim || 52||
(yasyA) nugrahalabdhabhUrimahimA pashyatpadastApasaH
      shAstranyAyamudAjahAra sakalavyAhArasa~njIvanam |
yatpAdAbjayugInamaskR^itibalAchChautIH \.\.\.\.\.\.\.\..
      vande taM jalakaNThadevamanishaM vandAruchintAmaNim || 53||
durvAsAshcha parAsharashcha mahatAmAdyo munishchA~NgirAH
      kaNvo.atrirbhR^igugautamau kushikajashchAnye (mahAyoginaH) |
(yadbha) ktyA jagadudbhavasthitilayeShvavyAhataprodyamA
      vande taM jalakaNThadevamanishaM vandAruchintAmaNim || 54||
yasminnIshvaratAmananyasadR^ishImAlokya sA (pArvatI)
      \-\-\-\-\-\-\-\-\-\-\-\-\-\-bhaktibhArabharitA prakShobhitApi sphuTam |
yastAdR^igguNagumbhitAM cha dayitAmardhaM ninAyAtmano
      vande taM jalakaNThadevamanishaM vandAruchintAmaNim || 55||
\.\.\.\.\.\.\.\.
      kAruNyAmR^itasArapUritahR^idashliShyet kShaNaM prANini |
sa kShoNIvalayeshvaratvamayate pA \.\.\.\.\.\.\.\..
      bande taM jalakaNThadevamanishaM vandAruchintAmaNim || 56||
kaNThe yasya hi kAlimA dhavalimA dehe.apasavye svake
      savye dIvyati nIlimA sumahimA yasyaiva mU (rtyaShTake) |
(yannAma) shrutimUrdhni bhAti tapasAM sImA sudhAmA cha yo
      vande taM jalakaNThadevamanishaM vandAruchintamaNim || 57||
ga~NgA yasya chirAya rAjati jaTAjUTe (.agajArdhA~Ngake
      sarvA~Nge) Shu cha bhasmadhUliralike netraM jvalatpi~Ngalam |
vaiyAghraM vasanaM punaH kaTitaTe charma sphurat karkashaM
      vande taM jalakaNThadevamanishaM vandArUchintAmaNim || 58||
\.\.\.\.\.\.\.\. gamayaM mahaH sagarimottu~Nge kuchakShmAdhare
      madhye sakrashimollasattaruNima svA~NgeShu sarveShvapi |
gAtre nIlimashAli chA \.\.\.\.\.\.\.\. lochane
      vande taM jalakaNThadevamanishaM vandAruchintAmaNim || 59||
yasya svAtmajayordvayorgajamukhaH kashchit punaH ShaNmukhaH
      kashchid gR^ihyasamastasAdhanachaNo vandI \.\.\.\.\.\.\.\.
\.\.\.\.\.\.\.\. yasya vadhUTikAkaTugaNodantaM nishAntaM puna\-
      rvande taM jalakaNThadevamanishaM vandAruchintAmaNim || 60||
yalli~NgaM nikhilAgamasmR^itipurANAdyeShu shAstreShu cha
      \.\.\.\.\.\.\.\. chatu)rbhujamukhapraShThaiH samArAdhitam |
dR^iShTvA daivavashAt pradoShasamaye janturbhavAnmuchyate
      vande taM jalakaNThadevamanishaM vandAru chintAmaNim || 61||
kR^ityAkR^ityavivecha \.\.\.\.\.\.\.\. nnAbhakaH
      pUjAvighnavidhAyinaM janakamapyAhiNDya chaNDaH krudhA |
yali~NgarchanapuNyarAshivashatashchaNDeshatAmA (ptavAn)
      vande taM jalakaNThadevamanishaM vandAruchintAmaNim || 62||
kashchidbAlakadArakaH svabhavanaprAptAtithiprINano
      madhyAhne.atithirUpiNaH sa jaraThAkArasya yasyAj~nayA |
\.\.\.\.\.\.\. januShaM hA hanta mAhAtmya bhU\-
      rvande taM jalakaNThadevamanishaM vandAruchintAmaNim || 63||
kuntIsUnuShu madhyamena satapashcharyeNa santADitaH
kodaNDena varAhapoShaNakR^itA madhyeshiro \.\.\.\.\.\.\.
\.\.\.\.\.\.\. balopalAlitamanAH prItyA shamasmai dadau
vande taM jalakaNThadevamanishaM vandAruchintAmaNim || 64||
AkheTavyasanAkulo vanacharo bhrAntvA dinAnte muhuH
      shrAntaH sA \.\.\.\.\.\.\. bilvasya yaM mUlagam |
abhyarchyAsya shiphaM gato vilulitaiH patrairvimuktiM gato
      vande taM jalakaNDadevamanishaM vandAruchintAmaNim || 65||
yanmUrtiM \.\.\.\.\.\.\. mapi dhyAyan jaDo.apyuchchakai\-
      rvAchAmoshvaratAmavApya sakalagranthArthanirNAyakaH |
prakhyAtaM labhate parAvara \.\.\.\.\.\.\.
      vande taM jalakaNThadevamanishaM vandAruchintAmaNim || 66||
saundaryaikaparAyaNaM manasijasyaikAntasa~njIvanaM
      vedhAH kAmapi sundarIM surakR^ite sR^iShTvA cha dR^iShTvA cha tAm |
yavdhuM tAdR^iganudravanmR^igamayIM yenAshirAH kalpito
      vande taM jalakaNThadevamanishaM vandAruchintAmaNim || 67||
yasyodya~nchaturarNavIjalamabhUt kaNThopakaNThaM gataM
      bhUyaH kukShigatAvanAya pibatA tadyena kaNThe kR^itam |
 ityAdIn jalakaNThatAM prati budhA hetUn samAchakShate
      vande taM jalakaNThadevamanishaM vandAruchintAmaNim || 68||
AyantaM harisevanAya vilasadrudrAkShabhasmA~NgakaM
      pashyadbhiH svamathAlayaM sughaTitadvAraM jaDaistAntrikaiH |
yaddhayAnAd vidadhe kShaNena vivR^itadvAraM muniH kumbhajo
      vande taM jalakaNThadevamanishaM vandAruchintAmaNim || 69||
svAM patnImasurAlipAlanaparAM nighnantamapyachyutaM
      dUrAdeva samAgato bhR^igumunirbhakteShu yasyottamaH |
martyatvaM pratipadya dAravirahI bhUyA iti prAshapad
      vande taM jalakaNThadevamanishaM vandAruchintAmaNim || 70||
kShubhyattu~Ngatara~Ngasa~NghataTinIsa~NghAtasa~NghaTTitaM
      pAthodhiM yamayA~nchakAra sahitaM sa~NghairmahAyAdasAm |
rAmo brahmachaturbhujAdidiviShadvandyasya yasya smR^ite
      vande taM jalakaNThadevamanishaM vandAruchintAmaNim || 71||
yatkAruNyakaTAkShavIkShaNabalAvaShTambhavaiyAtyata\-
      shchakre satyavatIsutaH shrutishiraHsUtrANi mokShArthinAm |
AnandAya nirastasarvaviShayAnandAya niryatnato
      vande taM jalakaNThadevamanishaM vandAruchintAmaNim || 72||
jyotiHshAstranitAntarUDhanikhilAdR^iShTArthanirNAyaka\-
      granthavyAkR^itikR^id varAhamihiraH khyAto yadArAdhanAt |
anye kechidatIndriyArthagamakapraj~nAH paraj~nAnino
      vande taM jalakaNThadevamanishaM vandAruchintAmaNim || 73||
yaH saMsAradave durantaviShayappoShonnate bhrashyatA \-
      muddhArAya sametya sha~NkarapadaM vaiyAsikInAM girAm |
bhApyaM jIvaparaikyabodhajanakaM shArIrakaM nirmame
      vande taM jalakaNThadevamanishaM vandAruchintAmaNim || 74||
AmnAyatritayaM yataH shvasitavat prAdurbabhUva sphuTaM
      sarvArthapratipAdakaM dvijakulAchArapratiShThApakam |
viprAn yaH svayameva deshikapade sthitvA tadadhyApayad
      vande taM jalakaNThadevamanishaM vandAruchintAmaNim || 75||
krodhAd yasya satIviyogakaluShasvAntasya raudrAkR^iti\-
      rbhUtvA ma~NkShu kapardataH kaTutaraH shrIvIrabhadraH purA |
dR^ipyaddIkShitadakShashikShaNamadhAdUrdhvaM suradhvaMsanAd
      vande taM jalakaNThadevamanishaM vandAruchintAmaNim || 76||
yasyAj~nAvashagaH krudhAndhahR^idayaH kApAliko bhairavaH
      kShIrAmbhonidhimadhyasImni phaNirADuttu~Ngama~ncheshayam |
sambodhya svapadAbhighAtakashayA viShNuM vyadhAdAhataM
      bande taM jalakaNThadevamanishaM vandAruchintAmaNim || 77||
sauraM maNDalamAsthitasya mahato devasya yasya tviShA
      gopAdyAni jaganti gADhatamasA baddhAni buddhAni cha |
sampashyanti samastavastuvitati vibhraMshitAM tattvato
      vande taM jalakaNThadevamanishaM vandAruchintAmaNim || 78||
yaH savyAdudapAdayannijatanoraMshAt sarojekShaNaM
      sR^iShTyAdau kamalAsanaM savanitaM devo.apasavyAdapi |
pashchAdeva charAcharAtmakamidaM romNAM gaNebhyo jagad
      vande taM jalakaNThadevamanishaM vandAruchintAmaNim || 79||
yashcho~NkAramayaH kakhaprabhR^itayo varNAH svarAH ShoDashA\-
      pyAsan yatkalayA parAdimagirAM janmApi yasmAdabhUt |
nAdo bindurapi prabhUtamamalaM sArasvataM yanmayaM
      vande taM jalakaNThadevamanishaM vandAruchintAmaNim || 80||
bhUtAnAmapi pa~nchakaM yadudayaM vAyU ravishchandramA
      vahnirjiShNurime charanti parito yasmAd bhiyA rodasi (? sI) |
mR^ityurvR^ittimasheShamAraNachaNAmAshishriye yadgirA
      vande taM jalakaNThadevamanisha vandAru chintAmaNim || 81||
khyAtaM brahmahaNo.api niShkR^itipadaM yannAmasa~NkIrtanaM
      yalli~NgArchanataH padaM vidhiharI sR^iShTisthitIsha~Ngatau |
yadbhaktyA munirAchachAma kalashIjanmA mahAmbhonidhiM
      vande taM jalakaNThadevamanishaM vandAruchintAmaNim || 82||
prApte vaidikavairiNA chirataraM vAde svapitrA samaM
      trailokye miShati prataptakaThinAM kArpNAyasIM pIThikAm |
ArUDhe haradattayogini kR^ipAmAdhatta yastAdR^ishIM
      vande taM jalakaNThadevamanishaM vandAruchintAmaNim || 83||
trailokyadruhi rAkShase dashamukhe svAvAsarUpyAchalo\-
      tkShepavyagrabhuje.api sAmavachanairuchchairabhiShTotari |
yaH kAruNyabharaM girAmaviShayaM gADhaM nichikShepa yo
      vande taM jalakaNThadevamanishaM vandAruchintAmaNim || 84||
tAdR^igdurgatiduHkhite dasharathApatye vanAbhyantare
      prAdurbhUya puraH svayaM paruvake ratnaM yathADhyo bhuvi |
yaH prItyA nidhe tathA manuvaraM pa~nchAkSharaM sha~NkaraM
      vande taM jalakaNThadevamanishaM vandAruchintAmaNim || 85||
kodaNDaM kanakAchalaH sharavaraH shrIshaH phaNIndro guNaH
      sUtaH pa~NkajasambhavaH shashiravI chakre rathaH kAshyapI |
yuddhe yasya purAM tathApi hanane mandasmitaM kAraNaM
      vande taM jalakaNThadevamanishaM vandAruchintAmaNim || 86||
nyagrodhadrumamUlabhUmni vasatiH shrIdakShiNAshAmukhaH
      savyaM jAnu tadanyasakthini chiraM vinyasya chinmudrayA |
maunI bodhayati sma yastu yaminAM tattvaM padArthaM sphuTaM
      vande taM jalakaNThadevamanishaM vandAruchintAmaNim || 87||
yaH sadyastanadivyasauramasudhAsAreNa devadruhAM
      sAhityasya chikIrShayaiva mahilAkAre harau kAmukaH |
shAstAraM samajIjanat khalatatau voDhAramanvarthatAM
      vande taM jalakaNThadevamanishaM vandAruchintAmaNim || 88||
rudraprashnavishiShTavAkyasamudAyAdyantavartI namaH\-
      shabdaH sarva udAradivyamahimashlAghAnibaddhAshayaH |
shAntAkA~NkShamananyadevasadR^ishe yasmin paraM shlipyate
      vande taM jalakaNThadevamanishaM vandAruchintAmaNim || 89||
yatpUjAvidhimAchachAra nayanAmbhojena nArAyaNaH
      shUlodbhinnalalATaniryadasR^ijA yasmai vitene balim |
bhikShAdAnakR^ite svakaM kamalabhUryasmaika kapAlaM dadau
      vande taM jalakaNThadevamanishaM vandAru chintAmaNim || 90||
saptAnAM yaminAM matena tuhinakShoNIdharo bandhubhiH
      sArdhaM menakayA tathA dayitayA patnAyutairdaivataiH |
yasmai svAM praNayinIM sammantrya chArdhAMshagAM
      vande taM jalakaNThadevamanishaM vandAruchintAmaNim || 91||
yasyAbhUnnayanatrayaM bhagavato jyotistrayaM bhAsvaraM
      kalpe phAlagatAkShikoNavilasajjvAlotthakAlAnalaH |
yaH kAruNyarasArdradR^iShTikaNikoda~nchadramAvAkpati\-
      vande taM jalakaNThadevamanishaM vandAruchintAmaNim || 92||
jAgratsvapnasuShuptiShu pratidinAvasthAsu yenaikatA\-
      mAtmAnaM praNayanti santatamahambrahmAsmivAchA budhAH |
pratyakShaM bhavasi tvameva paramabrahmati yachChrayase
      vande taM jalakaNThadevamanishaM vandAruchintAmaNim || 93||
yatra snihyati me manaH shrutiyugaM shushrUShate yatkathAM
      yaddhAmaiva didR^ikShate.akShiyugalaM jihvA cha tuShTUShate |
tvag ghrANaM parirambhaNAya samavaghrANAya yasyehate
      vande taM jalakaNThadevamanishaM vandAruchintAmaNim || 94||
karmabrahmapadArthashabdavivR^itiH prakhyApitA jaimini \-
      vyAsodArakaNAdapANinimukhairAchAryavaryaiH param |
teShAM tatkavanaprachodakaparij~nAnaM tu yanmUlakaM
      vande taM jalakaNThadevamanishaM vandAruchintAmaNim || 95||
vedAshcha smR^itayashcha yasya nayanAnyAsan purANAgamA
      brahmANDaikaniketanasya hR^idayaM sarvANi shAstrANi tu |
uchchairvyApya chaturdashApi bhuvanAnyAtasthivAMsaM prabhuM
      vande taM jalakaNThadevamanishaM vandAruchintAmaNim || 96||
uchchairdeshikatAmavApya sumahAn devo.ardhanArIprabhuH
      shiShyANAM kR^itinAM shrutismR^itipurANArthopadesheShu yaH |
chinmudrAH karapa~Nkaje.apyabhinayan vidyotate sarvato
      vande taM jalakaNThadevamanishaM vandArUchintAmaNim || 97||
prAchAryo gurudeshikAviti mahopAdhyAya AchArya i\-
      tyutkR^iShTo janakaH piteti paramo mantropadeShTeti cha |
yaH sa.nj~nApadabhedato hi bahudhA nirdishyate paNDitai\-
      rvande taM jalakaNThadevamanishaM vandAruchintAmaNim || 98||
nAnAshAstraparishramAdapi bahugranthAlivanyAbhramAt
      saMsArArNavamajjanAdapi vadhUputrAdiduShTAgrahAt |
nirviNNasya vimuktaye hyunadishatyante ya omakSharaM
      vande taM jalakaNThadevamanishaM vandAruchintAmaNim || 99||
bhaktAnAM samaye kadAchana (paTheta?)shvAsAvadhau sannidhiH
      praiShodAharaNaM shiveti vachanaM svasya smR^itiM vA hR^idi |
yaH svAmI ghaTayatyayatnamudayatkAruNyapUrormilo
      vande taM jalakaNThadevamanishaM vandAruchintAmaNim || 100||
shuddhaM buddhamabaddhamavyayamajaM dAntaM prashAntaM mahaH
      kAntaM santatamantakArimanadhodantaM mahAntaM param |
nityaM nirmalamekamAdyamajaDaM satyAvabodhAtmakaM
      vande taM jalakaNThadevamanishaM vandAruchintAmaNim || 101||
duHkhArteShu dayAvatA natikR^itAmAnandaveNIkR^itA
      prAleyAchalakanyayA viharatA chAndrIM kalAM bibhratA |
bhasmoddhUlayatA jaganti vahatA yenAttanAthA vayaM
      vande taM jalakaNThadevamanishaM vandArUchintAmaNim || 102||
dhyeyo yastu mumukShubhishchirataraM chitte nirastaiShaNai\-
      rvandyo bhAskaramaNDale pravilasanmUrtiH phalArthe cha yaH |
yaH sarvairabhinandyate munigaNaiH shrIdakShiNAshAmukho
      vande taM jalakaNThadevamanishaM vandAruchintAmaNim || 103||
nAnto yasya na janma chAsti na pitA mAtA cha na bhrAtaro
      no santi kvachana svasAra uta na snigdhAshcha no bAndhavAH |
ki.ntvekA dayitAsti sarvaphalasandhAtrI vapurhAriNI
      vande taM jalakaNThadevamanishaM vandAru chintAmaNim || 104||
Apo gandhavaho vihAyasamaNirvaishvAnarashchandramA
      yajvA bhUmiranantamityatitarAmAmnAtabhinnAbhidhA |
yanmUrtiH punarekikApi jagati prakhyAtimetyaShTadhA
      vande taM jalakaNThadevamanishaM vandAruchintAmaNim || 105||
anviShTe nikhile.api vedanichaye kutrApi na shrUyate
      yasyotpattikathAthavA layakathA sAmbasya sarvAtmanaH |
tattAdR^ikShamanAdimadhyanidhanaM tApatrayadhvaMsinaM
      vande taM jalakaNThadeva manishaM vandAruchintAmaNim || 106||
rudrAkShAn dadhataM tripuNDravilasatphAlaM jaTAmaNDala\-
      shlipyaddevatara~NgiNIshashikalAchakShuHshravovallabham |
unmattaprasavAvataMsamudayanmandasmitAla~NkR^itaM
      vande taM jalakaNThadevamanishaM vandAruchintAmaNim || 107||
bhaktAd yasya bibheti mR^ityuriha yattatprItadevAyanaM
      mArkaNDeyamuniM vikR^iShya yadanudhyAnaikavaddhAshayam |
kupyatsvAmipadAbhighAtavidaladvakShaHsthalaH prAgabhUd
      vande taM jalakaNThadevamanishaM vandAruchintAmaNim || 108||
kAverIpuri sahyajAtaTabhuvi prAkArataH pUrvataH
      svAmI kumbhabhavena yaH khalu purA saMsthApitaH prAktanaH |
tatratyAnavanIsurAnavanipAnanyAMshcha rakShatyasau
      vande taM jalakaNThadevamanishaM vandAruchintAmaNim || 109||
yaH shrIdoDDayabhUmahendrahR^idayaM prAvishya sambodhya cha
      trAyasva dvijasa~NghamityatitarAmAkArayitvA cha tam |
tat tatsevanakaitavAdanudinaM kAladvaye trAyate
      vande taM jalakaNThadevamanishaM vandAruchintAmaNim || 110||
yasyAbhUt tuhinAchalendratanayA sA pArvatI vallabhA
      yogakShemavichAraNe.atinipuNA tasyAH sakhI sAjA |
nandI mantrivaraH prabhuH pratidinaM ChAtraH sa doDDeshvaro
      vande taM jalakaNThadevamanishaM vandAruchintAmaNim || 111||
yasya stotramidaM paThan virachitaM shrutyarthasandAnitaM
      muktyarthaM shivarAmakR^iShNasudhiyA doDDeshvarAnuj~nayA |
chAgdevImadhikAM shriyaM cha labhate vidvajjanairvandyate
      vande taM jalakaNThadevamanishaM vandAruchintAmaNim || 112||
hR^idyAn dvAdashasaMyutaM shatamapi |
##(further portions of the manuscript lost)##

iti shivarAmakR^iShNavirachitaM jalakaNTheshvarashatakaM sampUrNam |
##Note: This stotra is on Bhagwan Shiva
jalakaNTheshvara at kAveripaTTanam, near
Vellore, TN written by Sivaramakrishna, at
the bidding of the local ruler doDDeshvara.
Lacunae have been noticed in the verses 52
to 66.##

##
Proofread by Sivakumar Thyagarajan Iyer

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}