% Text title            : Shivarahasyashravanaphalakathanam
% File name             : shivarahasyashravaNaphalakathanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | 36 phalashravaNakathanam | 45-68 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivarahasyashravanaphalakathanam ..}##
\itxtitle{.. shivarahasyashravaNaphalakathanam ..}##\endtitles ##
(shivarahasyAntargate IshAkhye)

\- jaigIShavyaskandasaMvAde \-

skanda uvAcha |

shamAyanatapodhanAH shivapadAbjasadbhAvanAH
sanandanasanAtanabhR^iguvasiShThabodhAyanAH |
shivArchakajanAvanAH shivakathAshravAtpAvanA
bhavantu mama hR^ijjanA bhavapadAbjasaMsevanAH || 45||
tura~NgamAta~NgashatA~NgadhAtrIM
pavitrapAtraM pradadAti gAM vasu |
satrAtirAtrairyajate sa vedA\-
nadhIyate tIrthajalAplutaH saH || 46||
tato.adhikaM puNyamavApya modate
kinnAkapR^iShThaM sukR^itAmathaukaH |
sadAshivasyAsya rahasyasaMshravAt
kailAsamaulau nivasan gaNo bhavet || 47||
sA~NkhyavyAkhyAna saukhyapradamadamahimAsa~Nkhyahetau na jIve
yogo rogaika bhogo bhavati janimatAM rAgado no virAgaH |
sa~njAyeta bhaveShu bhAgyajanuShAM vairAgyabhAgyodayaH
ArogyaM khalu sha~NkarA~NghribhajanAchChevaiH paraM labhyate || 48||
kAyaM sAyamumAsahAyacharaNAmbhojArchanAjjAyate
sApAyaM na upAyasAdhyagadayuk ko.ayaM na jAnAtyamum |
hAyaM pApamavashyamavyayamajaM shAntaM turIyaM shivaM
dhyAtvA hR^itkamale vasaiva niyataM kailAsavAsAdaraH || 49||
shrIkaNTharatnADisujambukesha\-
japyeshamadhyArjunakumbhaghoNe |
shvete vane brahmavane cha kA~nchyAM
shrIkAlahastAvaruNAchale vA || 50||
vR^iddhAchale vA.abhrasabhA sugonage
shrutIvane setuvare supuNye |
hAlAsyake veNuvane cha tAmrA\-
kaverajAgA~NgasunarmadAre || 51||
godAvarI kR^iShNabhavA cha yAmunA\-
tu~NgAsu sambhedavare cha majjanaH |
asAvathAtrApyavimuktavAsa\-
yogyaH shivaprItatanurbhaveta || 52||
bhakto.avimukte.api vasannathesha\-
kR^ipA vashAdvAsamaho labheta |
kailAsavAso.apyavimuktavAsibhiH
prApyeta shambhoH kila bhaktiyogaiH || 53||
ye sha~NkarAsyakamalAnnigamAgamAntya\-
puShpotthasundaramarandarase.arthavAdam |
te manvate khalu narAH kharavAnarAdi\-
garbheShu jArajabhavA navaduHkhabhAjaH || 54||
shivarahasyamidaM shivavarNitaM
yadi sakR^itpaThate bhuvi bhaktitaH |
nA.avadyameShu bhavitA bhavavIkShaNena
bhAveShu ghorabhavajaM vibhavaM bhajenna || 55||
yastUrdhvapuNDramalike vidadhannalIkaM\-
nAlIkajAsanashataM niraye pachet saH |
yo viShNusAmyakadhiyA hR^idaye bhavedyo\-
vishvAdhivishvagaNayoniShu sambhavetsaH || 56||
bhasmatripuNDrarahitaH shivali~Ngamatra\-
sampUjanojjhitamatiH shruNuyAdrahasyam |
shaivaM vinindati na nandati buddhipUrvaM
bauddheShu jAyati chiraM nirayAgato.api || 57||
yo.arthAshayA shivarahasyamidaM tvashaive
saMshrAvya bhavyapadavIM na sa jAtu vindet |
lAlAmukhe cha niraye kR^imibhuk sa tiShThet
viShThAsu niShThurakashAgravikIrNadehaH || 58||
tasmAtparaM shivarahasyamidaM mahArthaM
shrAvyaM shivArchakajanairdvijashAmbhavebhyaH |
bhasmAkShadhAribhiraharnishametadeva
pAThyaM maheshamatibhiryatibhishcha nityam || 59||
gobhUhiraNyakanakAmbararaupyakUpya
dhAnyaidhanairgajatura~NgavaraistathAnyaiH |
sampUjayedgR^ihavarairvarashAmbhavaM yaH
dhanyo.atha shambhugaNapaH sa shivaM yajechcha || 60||
pratyaMshaM paripUjya shAmbhavavaraM chaitasya saMvAchakaM
bhAvAn bhojya subhojyaShaDrasavaraiH srakchandranAdyarhaNaiH |
tAmbUlairvaragosudakShiNadhanairyovA sahasraM shataM
ekaM vA dasha vA sushAmbhavavarAn vishveshasantuShTaye || 61||
tasmai prasannasumukhaH prabhavenmahesho
vighneshaShaNmukhasamaM pravibhAvayettam |
vittardhidhAnyadhanabhUmigavAshvasa~Ngha\-
mAta~NgaputrasukalatrayutaM karoti || 62||
prAjyaM rAjyamumApatiH prati dishetprAsAdamatyujjvalaM
yogaM bhogamapi prasAdasumukho bhakteShu muktiM tathA |
shaktiM bhuktimamutra putrasahitaM pAruShyahInaM vachaH
AyuShyaM pradadAti puShyati paraM joghuShyate tadyashaH || 63||
ye vai likhanti sumukhA makhajAtapuNyaM
te vai labhanti cha labhanti mahendralekhAH |
te sanmukhAH shivagR^ihasya rahasyatAraM
te ShaNmukhopamadhiyo na hi duHkhabhAjaH || 64||
yo.asyAkSharashravaNakR^it kSharayatyaghaughaM
sushloka eva sa bhavet kila shlokapAThI |
adhyAyamAtrapaThanashravaNAdvimuktaH
yo.asyArthavipratipadaM sa bhavedvimuktaH || 65||
bhinnA ye hR^idayena duHkhanikaraiH sannA jarAdyairgadaiH
annAnAM patimIshvaraM cha jagatAM shIghraM prasannaM kuru |
kailAsAchalavAsamodasumanasyArthAya kAshIM vraja
daivairbhUsurasattamaishcha gaNapairyukto vimuktiM vraja || 66||
yallAbhAnnaparaM cha lAbhamadhikaM hR^illAsamanyanmune
ullAsAya manaH svasannibhakathAsAmyaM na chollasyati || 67||
nayAmi shivapUjanairdivasamIshato.anyaM suraM
na yAmi sharaNAntaraM pravijahAmi pApaM sadA |
bhajAmi shivamanvahaM prati yajAmi yaj~nairahaM
prayAmi manasA haraM prati harAmi chittaM sadA || 68||

|| iti shivarahasyAntargate shivarahasyashravaNaphalakathanaM sampUrNam ||

\- || shrIshivarahasyam | IshAkhyaH dvAdashamAMshaH | 36 phalashravaNakathanam | 45\-68 ||
##
- .. shrIshivarahasyam . IshAkhyaH dvAdashamAMshaH . 36 phalashravaNakathanam . 45-68 ..

Notes:

Skanda ##skanda##  details to Jaigīṣavya ##jaigIShavya##  about the merits of reading and/or listening to The ŚivaRahasyam ##shivarahasyam##.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}