% Text title            : Shivashankara Stuti by Parashuram
% File name             : shivashankarastutiHparashurAma.itx
% Category              : shiva
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : brahmANDapurANam, madhyabhAgaH 3 upodghAtapAdaH | adhyAya: 25 – jAmdagneyakRitashivastutiH | 5 – 31 ||
% Latest update         : March 8, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivashankara Stuti ..}##
\itxtitle{.. shivasha~NkarastutiH ..}##\endtitles ##
parashurAma uvAcha \-
namaste devadevesha namaste parameshvara |
namaste jagato nAtha namaste tripurAntaka || 1||
namaste sakalAdhyakSha namaste bhaktavatsala |
namaste sarvabhUtesha namaste vR^iShabhadhvaja || 2||
namaste sakalAdhIsha namaste karuNAkara |
namaste sakalAvAsa namaste nIlalohita || 3||
namaH sakaladevArigaNanAshAya shUline |
kapAline namastubhyaM sarvalokaikapAline || 4||
shmashAnavAsine nityaM namaH kailAsavAsine |
namo.astu pAshine tubhyaM kAlakUTaviShAshine || 5||
vibhave.amaravandyAya prabhave te svayambhuve |
namo.akhilajagatkarmasAkShibhUtAya shambhave || 6||
namastripathagAphenabhAsigArddhandumauline |
mahAbhogIndrahArAya shivAya paramAtmane || 7||
bhasmasaMchChannadehAya namo.arkAgnInduchakShuShe |
kapardine namastubhyamandhakAsuramarddine || 8||
tripuradhvaMsine dakShayaj~navidhvaMsine namaH |
girijAkuchakAshmIravira~njitamahorase || 9||
mahAdevAya mahate namaste kR^ittivAsase |
yogidhyeyasvarUpAya shivAyAchintyatejase || 10||
svabhaktahR^idayAmbhojakarNikAmadhyavarttine |
sakalAgamasiddhAntasArarUpAya te namaH || 11||
namo nikhilayogendrabodhanAyAmR^itAtmane |
sha~NkarAyAkhilavyAptamahimne paramAtmane || 12||
namaH sharvAya shAntAya brahmaNe vishvarupiNe |
AdimadhyAntahInAya nityAyAvyaktamUrttaye || 13||
vyaktAvyaktasvarUpAya sthUlasUkShmAtmane namaH |
namo vedAntavedyAya vishvavij~nAnarUpiNe || 14||
namaH surAsurashreNimaulipuShpArchitA~Nghraye |
shrIkaNThAya jagaddhAtre lokakartre namonamaH || 15||
rajoguNAtmane tubhyaM vishvasR^iShTividhAyine |
hiraNyagarbharUpAya harAya jagadAdaye || 16||
namo vishvAtmane lokasthitivyApArakAriNe |
sattvavij~nAnarUpAya parAya pratyagAtmane ||17||
tamoguNavikArAya jagatsaMhArakAriNe |
kalpAnte rudrarUpAya parAparavide namaH || 18||
avikArAya nityAya namaH sadasadAtmane |
buddhibuddhiprabodhAya buddhIndriyavikAriNe || 19||
vasvAdityamarudbhishcha sAdhyarudrAshvibhedataH |
yanmAyAbhinnamatayo devAstasmai namonamaH || 20||
avikAramajaM nityaM sUkShmarUpamanaupamam |
tava yattanna jAnanti yogino.api sadA.amalAH || 21||
tvAmavij~nAya durj~neyaM samyagbrahmAdayo.api hi |
saMsaranti bhave nUnaM na tatkarmAtmakAshchiram || 22||
yAvannopaiti charaNau tavAj~nAnavighAtinaH |
tAvadbhramati saMsAre paNDito.achetano.api vA || 23||
sa eva dakShaH sa kR^itI sa muniH sa cha paNDitaH |
bhavatashcharaNAmbhoje yena buddhiH sthirIkR^itA || 24||
susUkShmatvena gahanaH sadbhAvaste trayImayaH |
viduShAmapi mUDhena sa mayA j~nAyate katham || 25||
ashabdagocharatvena mahimnastava sAmpratam |
stotumapyanalaM samyaktvAmahaM jaDadhIryataH || 26||
tasmAdaj~nAnato vApi mayA bhaktyaiva saMstutaH |
prItashcha bhava devesha nanu tvaM bhaktavatsalaH || 27||

|| iti brahmANDapurANAntargatA parashurAmaproktA shivasha~NkarastutiH ||
brahmANDapurANam || madhyabhAgaH 3 \- upodghAtapAdaH |
adhyAyaH 25 \- jAmdagneyakR^itashivastutiH | 5 \- 31 ||
##

Encoded and proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}