% Text title : Shri Shivashatakam 02 04 % File name : shivashatakam1.itx % Category : shiva, shataka % Location : doc\_shiva % Proofread by : Aruna Narayanan % Description/comments : From stotrArNavaH 02-04 % Latest update : July 25, 2021 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Shivashatakam ..}## \itxtitle{.. shrIshivashatakam 1 ..}##\endtitles ## shivaM gaurIshliShTaM suraviTapimUlasthitamahaM suvarNAbhaM padmAsanasahitamardhendushirasam | kuThAratrAsAnugrahavaragadAla~NkR^itakaraM triNetraM saMseve guhagajamukhotsa~Ngamanisham || 1|| manobhUsandohAdapi suvapuShaM mandahasita\- prabhAstomasthemadviguNitamukhAmbhojasuShamam | vR^iShArUDhaM prauDhAmaranikarakoTIravilasa\- tpadadvandvaM seve paramashivamAryAsahacharam || 2|| shivaM shANollIDhasphaTikamaNishobhaM shashikalA\- shubhottaMsaM haMsAdR^itapadayugaM shyAmalagalam | umAshyAmArdhA~NgaM bhujagapatibhUShaM suvapuShaM jaTAjUTakroDabhramadamaraga~NgaM shubhavR^iSham || 3|| nirIhaM nirmAyaM niravadhisukhaM nirmalataraM nirAsa~NgaM nIrAganiyaminiShevyaM nirupamam | nirAta~NkaM nityaM nikhilaguNanirmuktamagadaM nirAdhAraM nIDaM nikhilajagatAM tadbhaja manaH || 4|| tava stotuM shambho guNamagaNanIyaM suragaNAH svatobhAtashrutyAdyakhilavachanArthA na kR^itinaH | mamAsminnaj~nasyAdhikR^itirahaha kvAchyutasaro\- bhavApatyAbhyAmapyaviditapadAmbhojamakuTa || 5|| tathApi tvAM stotuM sapadi yatate sharva rasanA madIyA nedIyassarasiruhajanmapraNayinIm | prasAdya prAgjanmAcharitasukR^itAlepasarasAM nirAsAya trAsAdyakhilavipadAM mR^ityuvijayin || 6|| kathaM te vAggumbhaH kathamapi cha vANIcharaNayoH prasAdaH prAchInavratijanataporAshisulabhaH | bhaveditthaM prashnastava yadi vadAmyuttaramahaM bhavatpAdadvandvasmaraNamaghahArin hR^idi na kim || 7|| tava bhrAntA janmAntarakR^itasarUpodayajuShaH\- pragalbhante shambho paramasukhasAmrAjyavimukhAH | na vij~nAtuM draShTuM bhuvi kathayituM shrotumapi vA janAH sarve yatki~nchidapi mahimAmbhonidhikaNam || 8|| avidyAvaishadyaprakaTanaparAbhUtamatayo viri~nchAdIna~nchantyahaha shiva sR^iShTyA tvayi vibho | prapa~nchAn ki~nchittvAM smaraNapadavIM chApi na jaDA nayanti tvAM hitvA taratu bhavameShAM kathaya kaH || 9|| na jAne.ahaM shambho sakR^idapi bhavantaM shrutigirA\- mabhUmiM saMsArabhramaNavidhinA mohitamanAH | athApyadyAstikyaM mama bahu samIkShya prabhumaNe prasIda kShipraM me niravadhikakAruNyanilaya || 10|| svakarmAdyaiH shambho duravagamatAmarthamanasAM narANAM sarveShAM shiva tava nishamyaiva yatayaH | nirAsa~NgAstu~NgaM shrutishikhariNAM shR^i~Ngamabhito gaveShante tvAM te kaluShadhiShaNo.ahaM bhuvi kiyAn || 11|| katha~nchit kAmAre kaluShamatayaH kechana vibho vibhUtIrbhAvatkA vidhishatamakhAdyA mR^itijuShaH | upAsyaiva prAyaH shithilitamahAmohakaNikA bhavantaM vedAntAdhvani samadhigantuM sukushalAH || 12|| purAre karmANi pratijani shataM prAkR^itajanAH\- shramAt kAra~NkAraM kathamapi bhuvashchAdivamime | samudgamyApatyAtha bhuvamapi vA kleshajaladhau nimajjanti tyAgAttava padasamAlambanavidheH || 13|| tvadAnandaM labdhuM tripurahara karmAdhadimamidaM (dhikamidaM) nidAnaM tajj~nAtvAsukaramiti sarve.api vijahuH | bahushraddhAbhaktidraviNavirahAtte.api bhavataH padAmbhojaM smR^itvA sakR^idiha sukhaM bhUri dadhate || 14|| niShiddhasya j~nAnaM bhavati vihitasyApi cha na hi shrutismR^ityaj~nAnAnmama punarapIShat pashupate | kathaM tatra shraddhA yatanamapi vA pratyuta kR^iti\- rghaTiShyatyatyantaM sharaNamahaha tvaM jaDamateH || 15|| pulindaH kiM vidvAnuta vihitakarmAcharaNavA\- nutasvidvedAdiprakaTitaniShedhAduparataH | sa tAvadbhaktAnAM prathamapadavIM tvatkaruNayA praNItastasmAdapyahamiha bhavantaM shiva bhaje || 16|| kalAhInaM dInaM kaluShahR^idayaM kAmasachivaM shashA~NkaM niHsha~NkaM shirasi cha paraM gUDhavapuSham | vidhatse yattasmAdavihitavidhAnapraNayino mamApIsha shrIshastuta sharaNamekaH pashupate || 17|| yayA lokAH shokAdyakhilabhavapIDAparibhavaM sahanto vibhrAntAH punarapi punaH phalguviShaye | rasabhrAntyA shvAno vigatarudhirakravyashakale vimuhyantIvAsthinyahaha hara mAyAM pashupate || 28|| prasIda tvaM prAhvetanatapanabhAnuvyatikara\- sphuTAmbhojaupamyaM vahati hR^idaye me pashupate | yathA rUDhaM nAnyadbhavati bhavada~NghryambujamR^ite tathA dhUtadvaitaprachurataradurvAsanamiha || 19|| nirAsa~Nge.advaite tvayi virachitaM sha~Nkara vibhA\- vanIshairbrahmAdyairjagadakhilamAropya kudhiyA | mahAsvapne sR^iShTvA bhujagamiva bhItyAdyanubhavAH pralabhyante lokairhR^idayagatadurvAsanatayA || 20|| durAlokaM lokairavikalahR^iShIkairniyamibhiH kiyAn draShTuM shrotuM kathayitumahaM sha~Nkara vibho | bhavantaM pIyUShadyutimamarapItaM cha punara\- pyudItaM ko vAnyo rasayitumadhIsho.atra sakalam || 21|| mR^ikaNDoH satputraM charamasamayatrastamanasaM\- kR^itAntAj~nAchITIM shirasi vidadhAnaiH paTubhaTaiH | drutaM saMrakShyAnyAnavitumiva bhUyo.api charaNaM samudyamyAdyApi prahatashamanaM bharga jayasi || 22|| sudhAdibhyaH shambho ruchirataramAmnAyajaladheH samutpannaM nAmAmR^itamakhilapeyaM tava vibho | purAre kAlAre kusumavishikhAre niyaminaH pibantyurvyAM bhAvajvarabharanirAsapraNayinaH || 23|| mahAmUDhaH kiM vA vigalati dR^igAdIndriyagaNe kaphAviddhe kaNThe charamapavane chojjigamiShau | vapuHkleshe satyapyahaha gahane chApyavasare kariShyatyadyaiva vrajatu sharaNaM bhargacharaNam || 24|| surANAM prAthamyaM vahasi yadana~NgAhita vibho tataste dugdhAbdheH prathamabhavamastu dhruvamiti | karAlaM sadyo.apAyayadasurahantA sa bhagavAn mahAshvelaM tApaglapitanikhilasvAntakamalam || 25|| shivatvAtte shambho bhavadupanatAnAmashivatA kutaH sarvaj~natvAdapi kusha(kR^isha)tarAj~nAnamapi vA | mR^iDatvAchchAsaukhyaM shamanashamanatvAchcha shamanAt bhayaM dAridryaM vA dhanapatisakhatvAchcha bhagavan || 26|| tvadAkhyAyAmugra smR^itimupagatAyAM viShamahI\- ruhoM.ahassa~NghAkhyaH sapadi parito mlAyatitarAm | galAgraM shliShyantyAM jvalati samamAmUlamachirAt rasaj~nAM prAptAyAmapi bhuvi nR^iNAM shAmyatitarAm || 27|| mayA te yatki~nchit kR^itamapi saparyAdikaraNaM bahu j~nAtvA viprabruvamimamavAdyaiva kR^ipayA | kuberasnigdha tvaM kimavasi na cha smA.a.asyagalitaM phalaM toyaM dhR^itvA shirasi cha pulindaM vanabhuvi || 28|| mahattvaM kIdR^ik te madanamathana kShoNipatayo dhanAdyaM yat ki~nchit shatadhR^itimahendraprabhR^itayaH | padaM svIyaM shambho bhavadupakR^itAstvachcharaNayoH kR^itAsa~NgAH santaH sapadi dadate muktimapi te || 29|| kriyAsu shrautIShu smR^itisamuditAsu tvadabhidhAM gR^iNantaH sevante shatadhR^itipadaM cha pratipadam | samudyadvaikalyakShapaNavidhihetoH shiva vibho kimu tvatsAyujyaM sapadi bhagavannAma bhajataH || 30|| durAshAndho jIvo jaTharatalamandhoriva vishan mahAmohAkhyasya bhramati natabandho yamaripo | parikrandannityAH sapadi bhavato naiva karuNA bhavechchelloko.ayaM taratu kathamArtIH sumahatIH || 31|| yadAlambAdambA tribhirapi guNaiH sthAvaracharaM prapa~nchaM sR^iShTvAsmin pashusutakalatrAdivashatAm | praNIya prAyastadviShayagataduHkhAnubhavato manuShyAdIn jantUn glapayati sa me.astvatra sharaNam || 32|| girIsha svAmiMste triguNaguNite dAmani mahA.a\- vivekAkhye baddhAH pashava iva martyAshcha viShayAn | tR^iNastambAn bhuktvA jahati sukhamAtyantikamaho pramattA AyattAH kudhanamadironmattamanasAm || 33|| hR^iShIkANi prAyo viShayavashagAni pratipadaM vidhAya svAntassthaM girisha mR^igayante jaDadhiyaH | bahistvAmaj~nAnastabakitamahAmohatimirAH samantAdAlambya tvahaha galachAmIkaranayam || 34|| idaM janma brAhmaM kathamapi samAsAdya bhagavan mahAmohaireva vyavahitamanAH pashchimadine | bhavAn dhyeyo matvetyanupadamasUn mu~nchati janaH kadA vA santIrNo bhavati bhavasindhurjanimatA || 35|| tvadAvirbhAvena tripuramathana svAntaviShaye jarIjR^imbhante.amI shamamukhaguNAH samprati satAm | vibho shambho kAmaprabhR^itiripavo dhikkR^itabalAH palAyante chintAdyakhilaparivAraiH kvachidime || 36|| pishAcho.aha~NkAro hR^idayatarumAsAdya mamatA\- pishAchIsaMshliShTo viShayarudhirAnmohanishi cha | nipIyemaM jIvaM janiShu bahudhAdyApi kalayan tvayi prApte chittaM tripurahara dhAvatyahaha saH || 37|| prasAdAtte sattvaH prabhavati guNaH sha~Nkara bhava\- tyanenAsmi~njIvaH kathamapi vimuktaH pashupate | avidyAkArAyA vigalitasamIhAkhyanigalo hR^iShIkaiH sa svAntairamR^itaviShayastomakabalaH || 38|| vidhirvA shakro vA vividhamapi bhAgyaM dishatu me mahArogyaM vAntaHkaraNagatamohastu bhavatA | mahAdeva kShayyastimiranikarastigmamahasA nivAryo nishsheShaM pihitashashinakShatramahasA || 39|| purAre kAlAre kusumavishikhAre tvaditare surAH sarve svarvAsina iha samuddhartumadhinam | yadItthaM jAyante tadidamamitadhvAntaharaNaM kuhUrAtryA khadyotakiraNasahastraiH prasR^imaraiH || 40|| mahesha tryakSha tvachcharaNasharaNA vIkShaNakaNaiH kR^ipAsAndrairichChAM praNatajanatAyAH phalavatIm | prakurvANAH sraShTuttribhuvanapaterja~Ngajayino mahIpAlasyApi pratibhaTapaTutvaM vidadhate || 41|| abhivyApya trailokyamapi vasataste shiva vibho shiro dhAtA draShTuM kathamapi samAruhya bhagavan | divaM kShINATopo.arahayadalaghutvaM hi tarasA kuto vAha~NkArI na bhajati parAbhUtimadhikAt || 42|| purastisro lakShyaM sharadhirudadhirmAdhava iShu\- rmahAmerushchApaH kShitirapi rathaH sArathirabhUt | vidhirvedavyUho hayavarasamUhaH sa bhagavAn pinAkI me bhUyAt sapadi vipadAM bha~Ngavidhaye || 43|| padAnte shobhante pariNatashubhAnAM pashupate kirITAni brahmAdyakhilasumanobAhujanuShAm | vipadbha~NgAyaiva hyayamapi tavAgre sharaNami\- tyajasraM sAShTA~NgaM sadaya shatakR^itvaH praNamati || 44|| smitaM te nIhArAchalaparasutAnAyaka vibho sharajyotsnApUraprasR^imaramahApANDimasamam | aho santApaghnaM shishirataramekAntamanasAM kathaM vAbhravyApi tripuramadahat kShipramahaha || 45|| vinA yaM vA loko guNinamavanIpaM sa cha shachI\- patiM hastodastasvarumapi vinA so.api cha vinA | vidhiM daityatrAsApanayaghaTakaM so.api na lase\- dvinA tvAmIshAnAkhilabhuvanajanmAdikaraNe || 46|| charitraM te chitraM purahara pavitraM niyaminAM pravekaH satrAdau kalahajanirudgAyati sadA | mahatyA sa~njAtotpulakamukulAlIkakhachita\- svakIyA~NgaM bAShpastabakitadR^igambhojayugalam || 47|| pinAkinnadyApi prakaTayasi kiM vikramaramAM tvadIyaM sthAnaM me hR^idayamarayo nirdayamime | samAkramyaidhante sarabhasahR^iShIkAlipR^itanA\- gR^ihItaprastyAyadviShayakabalA harShashabalAH || 48|| bhavadbhaktyA shambho kabalitamahAmohatimira\- stapasvI yaM pUrvaM viShayasamudAyaM sukhakaram | vijAnIte smemaM garalamadhunA tattribhuvanaM sasatyaM chAsatyaM tadaparamivAtmAnamapi cha || 49|| dvijottaMsashrImaddhanadadhanadAmoghakaruNa triNetra tvAM ko vA virahayatu bhAvashramabharaH | dvijanmApi bhrAntvA bhuvanamabhitaH shrAntahadayaH shrutismR^ityAdyarthAvagatinipuNaH prANiShu mahAn || 50|| vinA~NghriM ja~NghAlo dR^ishamapi vinA darshanapaTu\- rvinA vAchaM vaktA shrutimapi vinA shrotR^inipuNaH | vinA pANiM sarvagrahaNanipuNo ghrANarahitaH samAghrAtA shambhurmama hR^idayasaudhe viharatAm || 51|| surANAM sarveShAM niravadhikamAhAtmyaviShaye tava sthANo shambho na kimapi manAk saMshayapadam | yataH kAlAna~NgatripuragaralA dussahatarAH parAbhUtAstrAtA druhiNamukhadevAshcha bhavatA || 52|| tvayA dattaM tejaH sarasiruhabandhuH pratidinaM bhraman meroH sAnau ghaTayati paTutvaM janadR^ishAm | tatashchandrastArAgaNahutabhujau rAtriShu maho gR^ihItvA lokAnAM trayamapi sachakShurvidadhate || 53|| padAmbhojaM shambho yadi manasi me puNyapuruShA\- dhirUDhaprauDhimnA kimu vibhavalAbhena karayoH | sakR^itki~nchinmudrA yadi cha viShayA se nayanayo\- shchidA(tA) kiM shUlI chenmama kimu vivasvatsutajayaiH || 54|| ahambhAvaH shambho yadi sumanasAM tvatparatarA iti brahmAdInAM vayamiha mR^ikaNDoH priyasutam | rarakShuH kiM kAlAt kusumavishikhaM vA kimajayan purastisro hAsairyudhi kimaharannaiva bhagavan || 55|| smitena dvaiguNyaM girisha tava shobhA shritavatI dadhAnA devAdyairmathitakalashAmbhodhijanuShAm | shriyaM DiNDIrANAmapi jhaTiti sAkShAnnayatu me purAjAtedAnIntanaduritapa~NkaM pashupate || 56|| tavaivechChA hetuH sakalakaraNe sarvaharaNe samastatrANe vA yadabhajata sarvaM cha karaNam | purAM dAhe shailadraDhimaguNabhAjAmapi shuchi\- smitaM tyaktvetaradiShumukhasyeDyapadavIm || 57|| mano.araNye bhrAntAH prasR^imararajodhUsaratarAH paritrasyajjIvA vigalitavivekAH pR^ithutarAH | mahenomattebhA bhavatha vijitAH samprati mayA yato me pa~nchAsyo hR^idi viharate pi~NganayanaH || 58|| kR^ipAvAnapyugro dhanadadhanado vItavasanaH sumeShupradveShI vapuShi dhR^itayoShichChubhaguNaH | mahAsteyI shuddhaH shashividhishirobhUShitavapuH shiva tvadvairUpyaM sukhamiha paratrApi dishatu || 59|| purA janmasvenaH kR^itamanubhavAmIha janane viditvApi prAyaH pihita iva pApAni kurute | yathAyaM me bhinttAM drutataramahantAM saviShayA\- mashAntAM saMhantA sa sapadi purANAmapi vibhuH || 60|| sharaH shete sindhau sharadhirapi bhaktena tarasA nipItashchApAgre vasati sumanovR^indamakhilam | shatA~Nge sandoho naratarumukhAnAmasumatAM vasatyAstAM yasya tripuravijayI me sa hR^idaye || 61|| sahAyIkR^ityAsmAn kusumasharahA chATTahasitai\- rasau bhasmIchakre trayamapi purANAmiti hariH | hriyA shete nidrANa iva nigamAntAbhinirato virakto vA brahmA vidadhati surAH shailavasatim || 62|| manojanmA.ana~NgAH kR^ita iti lalATAkSha bhavatA divA gachChan sindhau nishi charati bhItyA smarasakhaH | nabhasyevAmbhojaM payasi tadiShurmajjatitarAM samUho mervagre paricharati tatpreraNakR^itAm || 63|| gajaskandhArUDho harirapi vR^iShArUDha namati praNauti shrIdo.api pravaNahR^idayo dikpaTavara | tapasvI nidhyAyatyapi vidhishirashChedanapaTo mahattvaM ko j~nAsyatyahaha bhagavannIdR^ishamiti || 64|| mahAtmAnaH shambho tava charaNadAsAH kR^itadivA\- karApatyAnIkinyadhipamakuTIbha~NgavidhayaH | na mAM dAsaM tyakShyantyasharaNasharaNyA na cha tathA yadi prAyaste.api shrutirapi bhavadbhAganR^itagIH || 65|| adhItA nAmnAyAH sakR^idapi tadarthA na viditA na karmANi svIyAnyapi virachitAni kShititale | tathApyante shambho manujapashunochchArya bhagavan tavAkhyAmuttIrNo bhavasaridadhIsho bhavati hi || 66|| aho pa~nchAsya tvaM kathamibhamukhaM lAlayasi vA pishAchAnAM nAtha tvamavasi kumAraM kathamiva | shmashAnAvAsI tvaM niyamijanatAM pAvayasi cha prapannAnAM kAmAn vitarasi kathaM kAmavijayin || 67|| tapastaptvA ghoraM chiramasukaraM bhUdharasutA mahAntaM bhartAraM ramayitumaho gotravikalam | atAtaM taM sthANuM sthavirataradoShAkaradharaM bhavantaM samprAptA kathamiha bhuja~Ngairvalayitam || 68|| viri~nchAdyAH sarve harasadR^ishatAM.vA~nChatha yadi prakAmaM dugdhAbdhiM punarapi vimathyAdya pibata | mahAshvelaM chandraM dharata bhajatApIShadupamA\- shriyaM no chet kvAsau kva nu khalu bhavantaH pashusamAH || 69|| tavopAnte shambho sarasiruhapITho.anR^itamukhaH shirodeshAloke svayamanubhavan garhaNadashAm | anarhatvaM lokeShvapi bhajati ko vA dhuri satAM mR^iShAvAdI saukhyaM kva nu bhajatu vedAntavidapi || 70|| bhuja~NgAla~NkArAmbujabhavashiromaNDitatano kapAlinnekokShAshraya garalapAyin sumanasAm | praNetAraste tvAM sharaNamupasa~Ngamya cha dishA\- madhIshatvaM prAptA jagati vijayante harimukhAH || 71|| girIsha tvajjAyAvadanasamatAbhAvanabhava\- nmanashshalyastulyAdhikavirahitAhAnijarujaH | sudhAMshuH saurIbhirdyutribhiraruNAbhirhR^idi kR^ita pratApotthaM lakShmAvahati hariNAdhIsha kapaTAt || 72|| chirAdhItAmnAyashravaNamananAdyairupachitai\- rbhavajj~nAnaiH shambho vighaTitatamaHsattvarajasAm | munInAM sandarshaH kathamiti bhavenme jaDamateH prasIdAdAyAdya praNatimasakR^inme pashupate || 73|| sharIraM kalpAntasthamiti paramAtmAnamiti cha (paramAtmeti cha mudhA) pravij~nAyApatyAdyakhilamamatAbandhayamitAH | manorAjyaM jIvAH pratipadavipatsa~NkulahR^idaH shiva tvAM sevante sakR^idapi na chAho yamaripo || 74|| purA dehaM chAtmetyupachayadashAyAM pashupate sharIraM tatpashchAdapachayadashAyAM vigaNayan | apIShattasmiMshchAdhyasanamadhunApyujjhati yayA na chAyaM mAyAM tAM parihara sukhaM prApaya cha mAm || 5|| tvayA shambho bhaktAH shamanadamana prAkR^itaguNai\- rvimuktA bhAsante tvamapi bhagavan rAjasitarAm | vinA (sa~NgaM) sarvAnnAnAvidhabahulasa~NkalparahitaiH sadA tairApannArtihara iti chAtmA vibhuriti || 76|| shrutInAM tAtparyaM purahara bhavantaM nR^ipashavaH parij~nAtuM bhaktyaupaniShadavichArau hi karaNam | tathA satyaj~nAnAnnayamukhamahAshAstranichayaM mriyante.adhIyAnA vidadhati cha karmANyapi sadA || 77|| na kartuM ki~nchidvA vihitamapi karma prabhurahaM samastasvAdhyAyAdhyayanatadanuShThAnaviShaye | kiyAn ki~nchit ki~nchit sakR^idapi tathApIshvara vibho tvadAkhyAM sa~njalpAmyatha bhavadadhInaM madavanam || 78|| kalatrApatyAbhyAM svajanasamavAyena cha muhu\- rjvArAdyai rogaishcha vyathitamanaso durgatamaNeH | R^ite tvAM martyasyAH ka iha sharaNaM yakShanR^ipati\- (martyasya AH iti chChedaH |) priyAstApasmArAsura shamitavaivasvatamada || 79|| akurvan satkarmAvihitamapi kurvannanupadaM samudyaddAridryAntakabhayanirAsaikahR^idaya | katha~NkAraM shambho tava charaNadAso.atra bhagavan bhaviShyAmi tvaM vetsyahamapi kupAvatparibR^iDha || 80|| mahAghoraH kAlaH kaTuraTitavAchATitahari\- dbhaTavyUhATopaprakaTitanijATIkana iha | katha~NkAraM pashyet pashumapi dR^ishora~nchalaruchA mR^ikaNDUtpannatrAyaka dhR^itimiti prApya vihare || 81|| kuTumbI pArvatyA guhagajamukhAbhyAM tanayavAn bhuja~NgairbhUShAvAn sitamaNikirITIndukalayA | bhavenme ja~NghAlo dhavalavR^iShabheNAntakajaya\- shriyAyuShmAn so.ayaM yamabhayanirAsAya bhagavAn || 82|| purA mArammAraM jananamatimAtraM shritavatA mayA kiM kiM pUrvaM kR^itamiti na jAne yamaripo | idAnIM vArabhyAmR^itaruchikalottaMsa bhagavan bhavatpAdAmbhojasmaraNanipuNaM mAM virachaya || 83|| yathArhaM vA chitte yamaripumanArAdhya kumate mahAsaMsArAbdhibhramaNaparikhinna kShaNamapi | kimarthaM yAgaM vA satatamupavAsAdiniyamaM karoShi grAvAgre vipinabhuvi veshmanyapi cha vA || 84|| surApaM brahmaghnaM gurujanakalatraspR^ishamapi prakAmaM svarNasteyinamapi svarNaM tvamatha vA | yatashchaNDAlaM vA nayasi hara nirvANapadavIM samAlambe sAmbAviratamavilambaM yamaripo || 85|| jagatsaMhArin saMhara mama purANyadya kR^ipayA (tathA)nte saMhartuM hriyamatitarAM mA gama iha | mahAkAmakrodhaprabhR^itiparipUrNaM trayamataH purANAM kiM bhasmaprachayamakarornATTahasitaiH || 86|| charitraM shrotrAbhyAM tripurahara pItvAhamanishaM na chAlambe sAmba shrutichayapurANasmR^itigatam | yato ga~NgAchandroragabhasitacharmAbjajashira\- ssamAvesho.ayaM te vadati mahimAnaM gurutaram || 87|| prayANArambheShu tripurahara me prANamarutAM bhajantAM karNau tvadvR^iShabhagalaghaNTAmaNiravAH | kR^itAntaprAgbhAgaprasR^imaravinardadbhaTaghaTA\- pishAchAnAmuchchATanapaTutarashrautamanavaH || 88|| nijAvAsaM shailaM bhujaparighadaNDaishchalayataH purA paulastyasya stutibhiramitaiH sAmabhirapi | svayaM tuShTastasmai pramathagaNavaryatvamadisho javAttvaM kAruNyAnmama niraparAdhasya kimuta || 89|| anArAdhyeShattvAM kujaniShu purANe yamaripo kalatreNApIhAdhikamavamataH kiM nu kurutAm | iti krandatyasminnanatisulabhAM dIrghakaruNAM niveshya tvaM trAyasva yamabhayato durgatibhayAt || 90|| bhavadbhaktiM tyaktvA bhavabhayanirAsapraNayinIM jaDAH shambho kumbhodbhavashamadhanodgItamahiman | kratuM bhUyo bhUyo janimR^itinidAnaM vidadhate bhavadbhaktiM tyaktvA bhavabhayanirAsapraNAyinIm || 91|| smarAre sakleshaM gurujanamukhAdAgamamukhAH | adhItyeme vidyA bata kudhaninAM kuTTimatale kuTumbatrANAya prakaTitaradA bibhratishucham || 92|| shrutInAM tAtparyaM shiva tava mahimnIti katichit viditvApi tvAmIShadapi dadhate naiva manasi | iti tvaM mA kupyestripurahara me yAti samatAM (?) parij~nAyAkhyAnte jaDamatirahaM so.api kathaye || 93|| bhavadbhaktirhyekA yadi dR^iDhatarA sAmba bhagavan bhavAmbhodhiM tartuM kimiha karaNaishchApi bahubhiH | mahAdAridryAbdhiM bahuladuritakShvelakalilaM parij~nAya prAyastava charaNamevarchChati manaH || 94|| suShuptau svapne vA shiva tava cha jAgratyahamiha bravImyuchchairnAma prashamasamupetairmunigaNaiH | pragItaM sarvAghakSharaNakaraNaM sa~Ngaratale jitArAterbherIninadamiva dhAtrIbalaripoH || 95|| sutau tAvutsa~Nge guhagajamukhAkhyau vapuShi cha priyAM gaurIM ga~NgAmapi shirasi pArshve paricharAn | vidhAyAtisnigdhaM shubhavR^iShabhamAruhya bhagavAn pinAkI rakShAyai mama bhavatu bhItasya yamataH || 96|| jagannAthashrIshaprabhR^itisurasevya tripurajit smarAre kAlAre shvashuramakhahArin pashupate | gajAre bhUtesha pramathagaNanAthAdya bhagavan itIha krandantaM paramakR^ipayA pAlaya vibho || 97|| sudhAbhAnUttaMsasmitamukhasharachchandravadana praNamrApadbha~NgapravaNahR^idayAmbhojanayana | mR^iDa shrIsha snigdhAlikanayana shubhrA~Nga bhagavan itIha krandantaM paramakR^ipayA pAlaya vibho || 98|| nagAdhIsha tryakShAkhilashubhada ga~NgAdhara vibho shiva kShvelagrIva dyumaNishashabhR^idvahninayana | mahAdeva svachChasphaTikamaNisachChAya bhagavan itIha krandantaM paramakR^ipayA pAlaya vibho || 99|| nirAsa~Nga shrIman niravadhikakAruNyanilaya praNAmaprItAntaHkaraNamunivR^indaikasharaNa | vR^iShArUDha prauDhapramathagaNanAthAdya bhagavan itIha krandantaM paramakR^ipayA pAlaya vibho || 100|| bhUyobhUyaH sharaNaM bhUtesho.asau bhavAbdhimagnanasya | avalambahInamanaso hA heti kroshato mamedAnIm || 101|| durgAdhIsha mamedaM daurgatyaM dUrato nirasyaiva | tava nAmakIrtanaM me tArakamekaM sadA dishAnandam || 102|| sahajamahArAjapuragrAmanivAsI vivekimUrdhanyaH | shrIvIrarAghavAkhyaH sa~NkhyAvAn stotrametadataniShTa || 103|| || iti shrIshivashatakaM sampUrNam || ## Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}