% Text title : Shri Shivashatakam 02 10 % File name : shivashatakam2.itx % Category : shiva, shataka % Location : doc\_shiva % Proofread by : Aruna Narayanan % Description/comments : From stotrArNavaH 02-10 % Latest update : July 25, 2021 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Shivashatakam ..}## \itxtitle{.. shrIshivashatakam 2 ..}##\endtitles ## nyastodastAdasIyaprapadagurubharanya~nchitoda~nchitorvI\- prakhyAtakShIrasindhuchChalanamukulanAndolalIlAkalAbhiH | (sindhUchchalan) prasphArasvApasaukhyaprasararabhasinaH sheShashayyAshayAlo\- rAshAsyA shashvadAstAM viShamasharamuShaH shreyase lAsyalIlA || 1|| chUDApIDoDuvoDhR^isphuTaniTilataTIchatvaroditvarochchai\- rjvAlAjAjvalyamAnaM galakalitamahAnIlapAShANashIlam | sarvA~NgAli~Ngiri~NgannirupamasuShamaM vedadurvedabhedaM (?) ki~nchichchidvastu vAstUbhavatu hR^idi mahAnandasandohasAndram || 2|| AkR^ityA kUrmamarmAvidhamakhilanakhajyotsnayotsArayantaM puMsAM hiMsAtamisraM kisalayamamalachChAyayA tuchChayantam | baddhaspardhaM cha sArdhaM giriduhitR^ivapurmArdavollAsikAbhiH vande pAdaM vibhostatkaTakataTanaTannUtnaratnaiH sayatnam || 3|| shaivo.ayaM shIghrama~NghrirvighaTayatu sadAnandanasyandane.asmin gADhonmIlatpadAtidyutikabahutamovAraNe bhavyavAhe | sarvA~NgeNAnavadye prakR^itisumadhure.ambhojasAmrAjyabhAji bhrAjiShNau satsahAye jayati yatimanomaNDalaM drAgarINAm || 4|| dhyeyA mAdhuryadhArA vibhupadamadhuno ye yadAsvAdavantaH santaH santoShavanto muhuramR^itabhujAM shlAdhyabhAgyarddhibhAjAm | teShAM puMsAM mate sA svaguNashatasudhAbAdhikA sAdhurambhA\- rambhastrIbimbabimbAdharamadhuravidhA kalpate.alpAnukalpam || 5|| tadbhadrANyudraNatku(ddR^iNAtu)prabhuvaracharaNaM nUnamIsho.api yasmi\- nneva~NkAraM varAbhItyanavarakarayugvyAjato vyAjahAra | ye sarvaM kharvayantaH pravishata sharaNaM mAmake.asmin sharaNye vaikuNThe.akuNThakaNThIrava iva khalu te vikrameNa kramadhvam || 6|| pAdau tAvandhakAre hR^idi vahata yayoH prAjyarAjIvarAjyaM dvairAjyenodavAtsIttadupachitakhidevAtra nidrAdaridre | bhR^i~NgA jha~NkArakolAhalamukharadisho.abhyetyaga(chA)ntarvishantaH kalye.apyudyanmarandAbhidhavividhadhanAnyAttavanto.apayAnti || 7|| anyonyodyadguNaughobhayasadR^ishatayA bibhradanyonyarAgaM pAdadvandvaM purAreH sukhayati nikhilaM dUravichChedatuchCham | yasmAdutpadyamAnaM prathitapR^ithuguNaiH puShpitaM tattrivargI muktishcheti dvikanyaM svayamiha vR^iNute bhoginaM yoginaM cha || 8|| sharvANIprANabandhoH praNamata charaNaM prANitaprANivarge lakShmIlIlAnivAsAyitanijakaTake rAjarAjAdhisevye | nAnAnItyA samudyattarasujanapade yatra rAjIvarAje na sthAne hanta jAne vividhaguNanidhau bhaktamAtre.apyapekShA || 9|| yo.asAvAtrAnuraktastrijagati bhajate so.atimAtraM viraktiM tasmAt sarvottamaM tatpadanalinayugaM trAyatAM sarvashatroH | sevAhevAkabhAjAM yugapadupanamaddikpatInAM dashAnAM naitat sImAvibhAgaM kimakR^ita kR^itakAda~NgulInAM dashAnAm || 10|| madhye.adhvAnaM nidadhyAddharacharaNayugaM niryadAshcharyacharyaM yasyAkR^ityAM sphurantyAM manasi munijano drA~NnirAkArabhUyam | vindetAnandasAndraM truTitaguNagaNo yadguNe bhAvyamAne yadrAge vItarAgaH samabhavadapi chAprAkR^ito yatprakR^ityAm || 11|| aishau pAdapravAlau hR^idayaparisare j~nAnavR^iddhAvalInAM sa~NkrIDetAM sahelollalitasulalitau pathyanepathyavantau | yau mugdhasnigdharUpAvatimR^idulatarau saspR^ihaM darshanIyA\- va~Nke sve nikShipantI paricharati chiraM shrImadambAvilambAt || 12|| bhUyo bhUyo vibhAvyaM tribhuvanavibhavadvaibhavasyA~NghriyugmaM niShkAmAyAttakAmAya cha vitarati yatprArthitaM nirvisheSham | tatrAdyaH shuddhabuddhAM dhiyamatha sahajAM preyasA(sI)marpayitvA yasmai sarvAnapAsya shrayati hi tadasAvAntaro.anyastu bAhyaH || 13|| kalyaM yatpallavaM tatsvashirasi bibhR^iyAduchchalachChoNashobhaM shrIrudrasyAntarudyadvitatatarasirAbha~NgibhAgUrdhvarekham | mugdhasnigdhena yena shrutiyuvatiratipremabandhAnubaddhA prItyA pratyAdishantI nikhilasumanasaH svaM shiraH saMskaroti || 14|| shambhorbobhotu bhUtyai padamidamadhikaM ma~njuma~njIranIla\- grAvNo jAgratkarAgraistaruNatR^iNagaNaiH shAdvalorjasvalAbham | gAvo vIkShA kShudhArtA atikR^itiyatinAM tR^iShNayAsmiMshcharantaH tasthuH susthAstadaiva drutagalitapayaHpUranirvyUDhabhAsaH || 15|| AstAM gatyai padaM tanmama bhR^ishavipado bhUripAdasya shambhoH bhaktebhyaH kiM nu paunarbhavavibhavabharaM sve samAdAya samyak | tebhyo.apaunarbhavarddhiM vitarati nitarAM tAM yadetattathApi svAbhedenaiva chitraM punarapi hi bhavaM saMlabhante paraM te || 16|| bhargA~Nghrestu~NgabhAvaM vimR^ishata manasA durgame puShpavadbhayAM yenArohIha yatnAt sthirasudR^iDhapadaM tasya vaikuNThadhAma | hastaprApyaM kilAShTApadagiriramunA loShTavaddR^iShTa Aste tasyAdhastAt samastaM jagadapi valate so.api sarvopari syAt || 17|| vande shambhoH pade te yamaniyamamahAbhAskaraiH shuShkapa~Nke nakShuNNe vairiShaTkaiH savananiyamanAshuShmaNoShmAyamANe | doShaughairdUrashUnye hR^idayaparisare pArikA~NkShIshvarANAM manye mAnye kimete chirapathikatayAruNyatAruNyapUrNe || 18|| chaNDIshasyA~NghrikuNDaM dahatu madashubhaM yatra rukkandalIbhiH prAjyairAjyaiH samiddhe.aruNamaNikiraNajvAlajihvAlashIle | ma~njIroda~nchinIlopalakaralaharIchAturIbhUmadhUme yogI yogasruveNoddhataShaDarimayIrAhutIH sa~njuhoti || 19|| kAntaprAgbhArabhArIsuramukuTataTIShvashmarashmichChaTAnAM bhogAbhogojjhitAnAM pramadayatu manaH shrIgirIshasya pAdaH | sattvodrikte vivikte sabalahariguhAsAdite yatra ShaDbhyaH shatrubhyaH santrasantI vishati yatimatiH sarvato vItabhItiH || 20|| saMsArAraNyajanyajvalanakabalanottAlatApAkulAnAM nirvANAya kShamAyA nigamavanakhidAM kalpate.analpatR^iptyai | asyAM ye snAnti santaH sapadi virajasaste babhuH sA girIsha shrImatpAdAgrajAgrannakharakarajharInirbharaM naH punAtu || 21|| puMsAM saMsArajIrNAlayagataviShayAkArasha~NkAravArai\- ratyantaM dhUsarANAM tadanushayavatAM mArShTaye kalyatulyAH | a~NghrAvArohaNodyanmunijanamanase sampatattalpakalpAH kalpAntaprAntabhAjo nakharashishirarugrochiShAM pAntu vIthyaH || 22|| saMsAragrAvarohattarasukhashikharisvairasa~nchArabhAjaM chetogambhIravedidvipamapi shanakaiH shikShayA saMvinIya | yasmin badhnAti yatnAdyanupa(masu)guNairyogadhArAdhurINaH shreyassrutyai shrayetAshritavibudhataroshchArumUruprakANDam || 23|| yadrakShAmIti sAkShAdabhilaShati divashchakravartI yatInAM shakraH saMsArachakraM bhR^ishamapavadate yachcha nidhyAya bud.hdhyA | chakrIsho mUrdhni dhatte yadapi cha bhagavAnAttachakro.apyupAste shArve sarvochchachakre jaghanamiti mate mAnasaM sampR^iNaktu || 24|| yogipraj~nApyakAmA samabhisR^itavatI durgame yogamArge cha~nchatkA~nchIvyuda~nchanmaNirajanikaradyotadIpte vivikte | yasmin kR^ichChrAdvishantI priyamiha tu samAsAdi sadyo vinodya svairaM naiva vyaraMsIjjaghanasupulinaM dInabandhorupAdhvam || 25|| shambhorgambhIranAbhIsarasigatarasasyAtishIryadbhavAndhoH pa~NkaiH srakchandanAdyaiH kaluShitavapuShaH sAdhu gAhadhvamaddhA | yasyAtrasyanmahendropalapaTalavalachChR^i~NkhalochChR^i~Nkhalosra\- srotaHprotasya romAvalirupari parIvAhashobhAmuvAha || 26|| mohakrullobhadAvajvalajagadaTavIvyAkulIbhUtachetaH sAra~NgottAlajAlAyitaviShayachayachChedane shastashastrI | dhyAnAdhvashrAntadhAvanniyama(nasu)kR^ishasyAvalambAya yaShTiH sveShTAyottiShThatAM me shiva tava vimalA shyAmalA romarAjiH || 27|| bhAvyAsmin romarAjirbhavagadavipadeyauShadhIvallirAste shAmyantyA ahni puNye sukR^itiShu ??khalinIShu jvalantyAH (?) | etasyAH kA~nchirochirmayasalilabhR^itAchAlavAlAbhanAbhi\- rniShkA niShkAsibhAso.apyupari parilasatsvachChaguchChAyamAnAH || 28|| shyAmA romAvalI te mR^iDa mR^iDayatu mAM nAbhikAsArasAre nirmajjatsajjanAntaHkaraNabahiritA tAmasI rekhikeva | kA~nchIrochiH sabha~Ngodarasarasi saratkAntakAntipravAhe saundaryodyatpratiShThe marakataghaTitanyastayUpAbhirUpA || 29|| rakShet tryakShasya vakShastadakhilajagatIsAvakAshAdhivAsa\- proddAmadyotamAnodarakuharapurIgopurodyatkavATam | syAchChuddhA buddhiretatprabhuvarakR^ipayAsyAntarAnantarAyAM yogIndrANAM vishechchet pratiguDakamasau lokate.asheShalokaM (?) || 30|| shambhoH sarvAgameShu prasR^imaramahimA bAhukalpadrumAlI sAparNAbhogabhUmirdR^iDhavihitapadaM ropyatAM svAntasImni | AkrAmadbhiH shanaiH svaM truTatu kaliratho ShaDbhiruchairamitraiH vishrAmyedeva jIvo.api cha paramasukhaM prApya santyaktatApaH || 31|| bAhAH syurbhadravAhA madanavijayino hR^ittaTIvyAjabhAjaH saMsArakShArasindhuprataraNataraNeH puNyalAvaNyavArAm | srotasyantastarantyA maNigaNakiraNaistantusantAnakalpai\- rotaprotAnubaddhA aviratamabhitaH pAtukAH ke nipAtAH || 32|| luNTAkAH kaNTakAnAM danutanujanuShAM shreyasAmAyuShAM vA nishreNishreNiruchchairduradhigamatamAkuNThavaikuNThadhAmnAm | gIrvANagrAmaNInAmabhayamupayatAM nirbharaM nirbhidurgAH chatvAro bAhavaste ratipatimathiturma~NgalaM bR^iMhayantu || 33|| yAnAlambyaiva yogAt paramagatividaH satpathAdaskhalantaH praj~nAchakShuH pumAMso.apyanavadhivirudhaH ShaDdviSho daNDayanti | daNDAdaNDIti yuddhaM vidadhati cha yamenogradaNDena tasmA\- duddaNDairbAhudaNDairmama madanamuSho daNDyatAM pApaShaNDam || 34|| tAmrAnamnAMshupAtraM karamanishamasAbUrmikAMshUrmikArNaH pUrNaM gR^ihNannashIrNAkShatavalayabaladgAruDAshmosradarbhaiH | yuktaM kIrtiprasUnaiH surabhitamabhito.analpasa~NkalpitArtho\- tsR^iShTyai kR^itsnasya sa~Nkalpayati bhayabhujaH shrIbhujaM taM bhajeta || 35|| sheShAdhIshasya shayyAyugayugalasyAnurUpasvarUpA dehavyUhaprarohA iva bhujagibhujA bhAvanIyA vinItaiH | svArAjo garvasarvasvaparipaNachaturdantadantIndrashuNDA\- daNDAshchatvAra ete tata iyamuchitA puShkarashrIryadante || 36|| kroDakrIDanmR^iDAnIgalatalamilitAH puNDarIkasragAbhA j~nAnonmIlanmunInAM nayananipatitAH sAdhu saudhapravAhAH | rUkShodyadrAkShasAntaH kiraNaparisare kalyashalyAyamAnA doSho bhUShAvisheShAMshubhirasamadR^isho.atIva pIvAna IDyAH || 37|| varNAnAM yachchaturNAM yugapadapi chaturvargamutsargasiddhaM chakre shakreDitA~NghrestaruNitakaruNaM tachchatuShpANi pAtu | AmR^iShTatraipurastrIniTilatalamilatsAndrasindUrabindo rAgairmatveva juShTaM valayasitashilAH svaiH karairyanmR^ijanti || 38|| AkrIDakroDalobhaprabhR^iti gajagaNo yUthanAthAyamAnaM mohAhvAnaM mahebhaM rayabhavavidhuradrAvisattve madIye | antaH kAntAramadhye chidabhidhavibudhAnokahonmUlanochchai\- rmUlaM proda~nchi pa~nchAnananakharasR^iNishreNayaH srAk shR^iNantu || 39|| AmnAyAmnAtadhAmno nigamaparipaNaM tau paNAyeta pANI bibhrANau yo varaM chAbhayamubhayamubhau prANinAM prINanAya | UrdhvaM chAdhaHsthitAnAM suranaraphaNinAM vIkShaNakleshabhAjAM nirvyAjaM sajjamAnau kimu nayanapathe puNyakAruNyavegAt || 40|| shraikaNThaH shrIkuThAro madaghavanaghanIbhUtatAM ja~NghanItA\- drakShAvikhyAtadIkShAM satatadhR^itavataH shrIvibho roShavahnau | yo.ayaM hetAsametA suravarashirasAM satpuroDAshabhAsAM hAhAsvAhAkR^itInAM vidadhadatha jagatsvachChayatyeva satyam || 41|| hastodri~Ngatkura~NgaH kR^ipayatu sa vibhorIdR^ishAli~Ngabha~NgyA yo mAne chApamAne samadR^iganivasan saMsaranneka eva | puNye.araNye taraNyaMshubhirapi jalamugghoradhArAbhirArAt tADyo.apyasyadvikAraH sa hi bhagavadupAdeya ityAdishatkim || 42|| shrIshambhoH kaNThakamburbhavatu bhavabhide pUtamAmnAyavarNaiH pUrNaM lAvaNyapUrairmanasi munijano yannidhAyArpyapAtram | svasmin sa~NgR^ihya tasmAdamR^itadR^igAlokakallolasekaiH saMskurvan pUjyavastUnyapi nikaTacharaprokShaNIpAtramAstAm || 43|| tatkaNThodbhaTTanotthajvalanakaNagaNairulbaNaM yastaDitvAn tatkAntAnAM samantAt sakaruNaruditairUrjitaM chAtigarjan | tAsAmasraM cha varShannanavadhiparashoH saMsmarAmaH smarAre\- rugrakravyAdavarge prasayajaladharasyeva ghorAyitAnAm || 44|| shrIshrIkaNThasya kaNThaM paricharata chiraM sAdhu lekhAbhilekhyaM vyAnaddhaM kAlapAshairgaragilanamilachChyAmalimnashChalena | vAtsalyotsekadarshaM nijabhajanayujAM kAlapAshAvalInAM yo.ajasraM svena vistraMsayati jagati te.asmAdapAshAH prathante || 45|| AdyAvidyAjvarArtA bahuviShayarasairnirbharaM pUrNagarbhAH prodyanmithyAdyapathyAhitapariNatayo.anarthavAcho vimUDhAH | yAM pItvA chittapAtrairatha vigatatR^iShastyaktatApAH stvatiShThan shrIkaNThasyAshraye tAM bhavabhayabhiShajaH kaNThakAlolalakShmIm || 46|| grIvAM shrIvAmadevIM svahR^idi kalayatA dhyAnanidhyAnabhAjAM madhyashyAmApadeshAt kalikaluShamivAchChidya hR^idyAvahantIm | udyannAnAmatenA~NgajavitatibhR^itA nirvirodhaM trirekhA chAturvedena yasyAM nijajanakabhuvi svasya sImA vibhaktA || 47|| taM kaNThaM shUlapANernama samupanamanmArgaNe.anargalena drA~NnirgachChattrivargaprasaraNasaraNIrAdadAnaM trirekhAH | trayyA rajjvA guNAnAM charaNasharaNinAM bandhanaM mochayitvA svAtmanyetAM gR^ihItvA vasati kimu punarbandhanAsha~NkayA yaH || 48|| kaNThe tiShTheta muktyai madanamadabhidaH prA~NnilimpAnukampA\- sampAtaiH pAravashyAdgaralamiva gilan kShubdhadugdhAbdhilabdham | bhaktAdhIno.adhunaiShAM viShayaviSharasAn yo bhavAbdheH prasUtA\- nattItIdaM garANAM gilanaguNanikApATavajjAghaTIti || 49|| kaNThaH sotkaNThashakteH pariluThatu haThAchchittapIThopakaNThe kamboH kiM vAnubimbaH kimasamasuShamAsImavishrAmadhAma | AlekhyAlekharekhAtrayaruchiraruchAbhUShi bhUShAvisheSho madhyodyachchArugArutmatamaNisamarukkomalashyAmalo yaH || 50|| gaurIgADhopagUDhaiH pratiphalitamidaM shastakastUrikAyAH pa~NkaM sha~Nke shashA~NkAbharaNagalamilannIlimA shIlanIyaH | rolambAnAM kadambaM muninayananibhaM santatAmodalAbhe lobhAdyasmin patitvA na khalu punarupAvartituM kaShTamIShTe || 51|| shambhoH shaM bho dishedvo bhavadavavidhurAH kaNTharugvarShukAbhraM muktAsraksadbalAke.anavaratavilasatpuNyalAvaNyanIre | graiveyavyagranAnAmaNikiraNagaNairindrachApAbhirUpe yatrodyadvidyudAste giriduhitR^iparIrambhasaMrambhibAhuH || 52|| guchChAvalyantarachChachChavivibhavamahAnIlashailopale (me) yAM madhyekaNThasya kuNThetarataruNaghanashyAmashobhAM pratImaH | yo yogodyogabhAjAM viShadabharanasandigdhadugdhopalabdheH (?) svAntasyAntarnilIno.adhigamayati nijAkArasAkArabhAvam || 53|| bhasmasmeratripuNDrojjvalaniTilataTaM bimbasaMvAdakoShThaM nirnIkAbhasvanAsAshvasanabahuguNaM jaitranetratrayIkam | ambhojAbhyarNaghUrNadbhramaraparikarabhrAntibhR^ichChmashrulekhaM bho bhoH shambhormukhAmbhoruhamanurahasaM chetasA chintanIyam || 54|| graiveyodagrajAgranmaNighR^iNibhiratho maulimUlopalAnAM rochirvIchiprapa~nchaiH paridhividhiradhiShThIyate yanmukhendau | bibhrad bhrUvibhramA~NkaM smitasitalasitaprAMshudantAMshurAshIn varShan pIyUShavarShaM dishi dishi dishatAdeSha harShaprakarSham || 55|| svenAsImnA mahimnA yadidamuDupatermaNDalaM ma~NkShu jitvA jIvagrAhaM gR^ihItvA tamatha surasarillolakallolapUraiH | bhAlAkShNo jvAlajAlairapi viShamatame (?) kutrachit sthApayitvA krAmaM krAmaM krameNa krashayati tadihopAsyatAmaishamAsyam || 56|| pAtraM nityApachityA atha kamalavanojjAsano viprayoge yo yaM bhAsvatsvarUpo vahati kila sadA yAminI rUDhabhAsaH | tattAdR^iktArakAntaH paramahitataro.apyandhakArAtirochI rAjadvaktrAchChadhAmA sa mahimabharitaste mude drAgudetu || 57|| a~nchedyaH pa~nchakaM tatsumatiratimahachchaiva vaktrAmbujAnAM kvAsIttasya trasantI shira upari narInR^ityate pa~nchatA sA | sa~ncha~nchatpa~nchakaM tadbhR^ishavashamayate cheddhatAmindriyANAM dussArANAM sharANAM tadapi shivaripornirjihIte tadantam || 58|| smaryA bAlendumaulervishadatarasaratsusmitasyandi chanda\- tpIyUShAsArasa~NgAddviguNamadhuratAdhoraNI sAdharasya | AsvAdyainAM munInAM savanajamamR^itaM yajvabhojyaM paraM ya\- ddivyairAdyaM dvaye.asminnaruchirudayate toShaleshAvabhAse || 59|| tAM dantashreNimuktAsrajamasamadR^isho hastasAdeva kR^itvA bhaktyAtyuchchairjapantI munivarajanatA sAdhayenmokShalakShmIm | nidhyAyAdhyAsyamAnAM hR^idayaparisare saMyamochchairdhanAnAM yAM tattadratnavR^indaM chapalataramano lajjayA nirjihIte || 60|| ghoNAvaMsho.asya shasyastilakusumatulAmAdadAno.ayamevaM vAdo lokApavAdo na hi tilakusumairApyate.amuShya gandhaH | yasyAmnAyAtmakAnAM shvasitasumarutAM bhavyasaurabhyalobhAd yattA rolambamAlA bhR^ishamasR^iNamaShIchIrNavarNAyitAste || 61|| dR^iShTirbhavyAya bhAvyA sarabhasapatitAM yAM vibhorbhaktigAtre dR^iShTvAnandAdamandodyatanayanajalaiH kaNTakaiH sa~NkaTe cha | nArhantIM kvApi gantuM budhavibudhadR^ishastratra sAjAtyahArdA\- ddhastagrAhaM ninIShAdarabharabharitAH sambhramAtsampatanti || 62|| devashreNIShu gaurIvadana iva tamonodane modamAnA\- stasyAshcha~nchadvyuda~nchatkucha iva suchiraM lolupA bhaktapa~Nktau | ki~nchitsa~nchArichelA~nchala iva jaghane.aki~nchane vyagratogrA nAnAbhAvena bhavyAstripuraharadR^isho nirbharaM bhAvanIyAH || 63|| yA sodaryeva taulyAnmahimani chaturo vargasargAn svasa~NkhyA\- vaiShamyeNAvibhajyAn janakachirachitadravyavatpAlyamAnAn | sAdhAraNyAdanAsthaM vitarati nitarAmagrataH sthAyukebhyo.a\- nyonyaspardhAbhigardhAdiva madanamuShaH sAstu jaitrI triNetrI || 64|| shyAmodyanmadhyasImAruNimataruNimAli~NgitApA~Ngara~NgaM smartavyaM tatparatrollasitasitaruchA rochamAnaM trichakShuH | ekaikena trilokIkR^itibhR^itivihatIH kartumAdAyi mUrtaM traiguNyaM kiM nu manye nayanavilasitAdhInasarvakriyasya || 65|| gAvo bhAvoparaktaM jhaTiti pashupateH sAdhubodhAdhirodhAt shaShpairdurvAsanAbhiH kila kalilatame mAmakAntashcharantu | atyachChAn bhaktavatsAn sthirasudR^iDhataraM yatra sannahya chohe yA dugdhAnIva dugdhA vividhamabhimataM yogadagdhairvidagdhaiH || 66|| dR^iShTiM tAM vishvasR^iShTeratishayalalitAM dhyAyatAmAtmabud.hdhyA baddhA deveShu siddhAdiShu cha bahuchiraM sambhramAdyA bhramantI | mUrChAmR^ichChatyatulyAM nijajanajanakA~Nke visha~NkaM patitvA tatra prItyAtiharShAshrubhiratha sukhitA.apyAyate.apyAyate.achCham || 67|| shobhAbdherujjihAnAM chiramupacharitAM chAmarAlImarAlai\- rbhaktasvAntarmilindasvaditasurachitAmandachandanmarandAm | uchchairvAchaMyamAnAM viShayavisR^imaraj~nAnadhArAmR^iNAlAM chakShurnAlIkapAlIM hR^idi vahata vibhostApashAntyai nitAntam || 68|| lakShmIvatpakShmalekhaM shraya viShamadR^isho.anukShaNenekShaNaM tatsusnigdhashyAmadhAmottaralatarapariShkArakR^ittArakaM yat | bhAsvatsindUrakendIvaravaravidhayA shvetaraktAsiteti traivarNodIrNajanyadyutitativitataM sarvavarNAshrayo.api || 69|| shambhornamyeta vAmetaranayanamajasraM bhavoddAmadhAmA gharmAMshuH svetaraistaistaraNibhirananuShTheyamevAnutiShThan | sveShAmantassamantAdvitatatamatamomarmanirmanthakarmA shiShTAnAM viShTapAnAM trayashayaviShayAn vya~nchayatya~njasA yaH || 70|| dR^iShTirbhAvyApasavyA taraNiriyamaho karNadhAratvamasyAH pashyAsau pAratIraM bhavanibhajaladheH pArakA~NkShitvabhAjaH | nityAnityAdisaktAnupahR^itabhajanaikAgratAkalyamUlyAn dhanyAnanyAnapekShaM gamayati nigamaprAntarAshrAntapAnthAn || 71|| lIlAlolA~nchalAlpAruNimadhavalimadrAkchalannishchalendra\- svArAjyaM prAjyadhAmAdibhirabhilaShitasnigdhamugdhAvalokam | rakShettrayakShendunetraM nijajanamamR^itenokShayApyAyayadya\- dyogIndrAnandasindhuM sthagayati bhR^ishamadhyAtmaleshodayena || 72|| chaNDAgniM dR^iShTikuNDe smara niTilataTImaNTape hiNDamAnaM kalpAntAntyeShTiyajvA samuditajagatIsAmidhenIsamiddham | yasya jvAlAhvajihvAmanu madanamayodIrNapUrNAhutInAM juhvatprahvAtibhAsAM nijaparuSharuShAM shAntikarmAntaro.abhUt || 73|| kAmakrodhAdibAdhAdudiyadurumarudvepamAno.atimajjan saMsArApAravArAnnidhiShu chiramaghAduchcharadgadgadoktiH | jADyenADhyambhaviShNuryadupagamavashAdastajADyAdirAste susthaH sa shreyase stAnniTilanayanatAmAshrayannAshrayAshaH || 74|| lAlATI dR^iShTiriShTaM jhaTiti ghaTayatu draShTR^ipa~Nktau sukhAnA\- madvaitaM bhoktumichChau nijasukR^itaparIpAkapAtrAnurUpam | bhUyaH pre~NkhatkaTAkShAmR^itamativiShamaM vyutkrameNAdadhatyAH atyAshcharyaM tathApi sthitiratitapanA jAgarUkAsti yasyAH || 75|| kalpAntottAlakAlAnalakuTilachalajjvAlajihvAkarAlaM tApArte shIlashIlaM sajalajalamuchAM shIlayadyattathApi | tArtIyIkekShaNaM tatsmarati makhamuSho dagdhakAmAdamuShmA\- dAshcharyaM vItakAmAH svayamapi munayaH pUrNakAmA bhavanti || 76|| jyotiH sarvAtishAyiprabhuniTilataTIlakShmaNo.abhIkShNamakShNo bud.hdhyA dadhyAdamuShmin yativaradaharavyomani bhrAjamAne | kva kleshArkaprakAsho.apasarati viShayajyotsnayA vAkyalInaM kiM vAnyadyasya pashchAdanusaradavachogocharaM jyotirAste || 77|| raudre bhAlAkShNyabhikhyA madanapitR^ivane bhairavI bhAvanIyA sidhyAdadvaitavedAgamasugamamatirbhaktimArdvIkamadyaiH | jIvaM yasyai nivedyAmR^itamatha kimapi prAshya dUre cha kR^itvA prAvR^ityAkShepametadviShayasamudayaM vismaranneva mAdyet || 78|| atryairustraiH svavargyairvyavahitakR^ipaNAnugrahavyagrabhAva\- prAdurbhAvAya yAbhUt kila taditarayornetrayorUrdhvamAste | kenAnAmnAyadhAmrA jvalati jagati cha shrIprabhoshchopamauli grAhyA sA bhAladR^iShTiH kR^ipayatu bhavato bhItabhItAn bhavArteH || 79|| bhaimaM bhAlAkShi bhAvyaM munijanamanasAM bhaktisAmrAjyabhAjA\- mAjanmAkhaNDadaNDAyitasukR^itashatenApyamadhyUShuShAM yat shvetachChatrAyamANA shishirakarakalA koTikoTIrahIra\- jyotishchandrAtapAbhashchalavitatakare kuNDale chAmare dve || 80|| khadyotadyotavadyo.ahani bata vishatAM shItatAmAgato.asau krUraH kAlAgnikIlo bhava vibhavanibho yasya vIryAdashIryat | saMvartodvartanR^ityaddyumaNighR^iNighR^iNAM prastuvantaM vitantraM chandrApIDe tamIDe kaTutarakuTilaM naiTilAkShNaH kushAnum || 81|| chaNDIkAntasya gaNDasthalamamalatalaM rAjatAdarshadR^ishyaM nAmAstAM darshanIyaM hR^idi bata yadaho yatra yogIndrachitte | yadyAsItsAmmukhInaM kShaNamidamudare deshataH kAlato vA sotkarShaM viprakarShannapi viShayachayaH pratyahaM pratyaphAlIt || 82|| satradhruTshrotrakUpaM kalayata lalitaM sA manIShA munInAM yatprAvINyena pUrvaM taTanikaTacharIsaMsR^iteH khinnakhinnA | chAturyapreryamANA yamanu nipatitA na tyajedyatsamAdhiM dUre kR^itvA kaliM tattrijagati viditaM dIrghadarshitvamasyAH || 83|| bAlenduM chandramauleH smara satatamasau shAmbhavo.asmItyahaMyuH prodyannAste mamAste.apyayamiti taraNAvIrShyayA karshitAMshuH | muktidvArAdhikAraM tadadhikamatanoddvAdashAtmA sa chAsI\- nnAnAtmA syAmitIchChuH svanatitatikR^itashchandrachUDAnakArShIt || 84|| svargAdga~NgApravAhaH sagarasutachitApyAyanAyAyamAno.a\- sha~NkyaM tatsAhasikyaM tvidamiti vimR^ishannadhvamadhye.apyadhItya | santaptApyAyanI yatsavidhamadhivasan kR^ityakR^ityai samAgAt sAMhaHsa~NghAtahatyai rajanikarakalA shAmbhavI bobhavItAt || 85|| na vyAdhivyAdhabAdhA na cha bhavadavajA jvAlamAlA navAlA vAlAhvA vAgurA veti cha vimR^isha manaHkIra re nIDayAsyAm | sAnnidhyAtsiddhasindhoratishayasubhagambhAvukA bhAvukAnAM mUlaM nAnAphalAnAM pralayanaTajaTAjUTakUTATavIyam || 86|| bhAvyA bhAvAH kapardAH mukuTapuTanaTaddhemarugvallikalpA yogIndrasyendriyANAmupayamanakR^ite rajjavaH sajjamAnAH | dhyAnAdhvanyadhvanInAH kvachidapi na kadA saMshayAnAshayAnAM duHsarpA eta evaM yadudabhavadaho nityanirbAdhabodhaH || 87|| sarvAkharvAghasa~NghakrathanakR^itikR^ite haimanArAchadhArA sphoTatkoTIrakoTirnaTatu paTutaraM hR^ittaTe dhUrjaTerme | nADInAmekadhATI yadiyamR^iShitateH prANasandhAraNInA\- masyAM pashyanti vishve pratiniyatamato jIvanasyAnubaddham || 88|| traiyakShe jUTakUTe viharatu hR^idayaM brahmavadyannameyaM tattAdR^igbrahmalokAdapi paramasukhasyAspadaM cha pratImaH | yadbhaktyA brahmalokAt tridashasaridupAgatvarI satvareNa svachChandaM syandamAnA chiramiha parato gantumIhAmahAsIt || 89|| adhyArohantu te.antaHkaraNataruvaraM prANisatkarmarAjI bIjAtsa~njAyamAnAH puravijayijaTAkalpavallImatallyaH | yAsAmAbAlalIlAvalishashikalayA yAshcha sa~NkalpapUrtyai kalpante nirvikalpaM sakalasumanasAM chAshrayAH satphalAnAm || 90|| shrIpakShIndradhvajenAdR^itamahimatate rakShaNakleshapakSho haMsottaMsAdhikAraM manasi bahuchireNepsitaM vIpsayAmi | bhaktyA yaM pakShayitvA gatividatha gaNo.apakShatInAM yatInAM dhikkR^itvA ShaDvipakShAn sukhataramayate tatpadaM tAdR^iguchcham || 91|| brahmajyotirvivartAyitanijasalile jahnuje svAmishIrShNAM sImopaskArakAriNyadhinirayarayo vAryatAmAryavarye | yattvaM durbodhatattve bhagavati bhavatIM ye namantIha santa\- steShAM mUrdhAnamArohasi tava tadayaM durvibhAvaH svabhAvaH || 92|| AroDhuM brahmadhAma sphaTikamayamahottAnasopAnapAlI brahmANDe brahmaNA yA shrutisurasurabherdugdhadugdhAyamAnA | sampadyante yadete vibhumukuTamaNe devi te vAmadeve sambandhasyAnubandhAtphalamakhilamidaM jahnukanye.adya manye || 93|| yo yo.apaptat sutapto nijaghanavR^ijinainirbharaM durbharatvA\- dUrdhvaM te yAnti dhautAkhilamalalaghavo yatpR^iShasparshaleshAt | AnandAdvaitapadyA pathikanijajano brahma sabrahmachArI gA~NgaH pUraH punItAM prabhutanuruchaye nityadattasvahastaH || 94|| sA trisrotAH punItAM tribhuvanajanatApAvanI jIvanIyA vaikuNThe tanninIShArabhasaparavashatvAdbahirbhUya tasmAt | ye jihmaM brahmalokaM pratijigamiShavastAdR^ishAnAM mahesha\- syA~NghrermUlaM hi mUlAyatanamiti maternUnamatrAgatAste || 95|| gaurIbhartuH sharIraM vimR^ishata suShamAsImaratnAkare.asmin sammIladdhR^iShTadR^iShTishvasanatatitadekAgrajAgrannitAntam | majjanto dAsavaryA hR^iShitatanuruhAH kampasampanna dehA labdhvA chinnUtnaratnaM kathamapi suchireNaiva nirvAnti hanta || 96|| shashvatkasmaichidasmai duradhigamatamaishvaryabhAje namaste gaurIjAne.ardhajAne kiyadabhilaShate.aki~nchanAnAM chayAya | yattvaM sAyujyacharyAM vitarasi tarasA sarpakoTIkaroTI\- mAlAhAlAhalAdyairdhanavata iha te durgatattvaM hi bIjam || 97|| muktishchAdhUlikeliprathamasahacharIvAsti yasyAshcha vashyA dAsIvAsIttrivargI vidhivadhupadavI sAdhusairandhrikeva | tyaktvAta~NkaM yada~Nke duhitR^ivadanishaM cheShTate chAShTabhUtiH sA bhaktirbhaktabandhau jagadashivashive shrIshive nityamAstAm || 98|| pAyAdAyAsakhedakShubhitaphaNiphaNAratnaniryatnanirya\- chChAyAmAyApata~NgadyutimuditaviyadvAhinIchakravAkam | abhrAntabhrAntachUDAtuhinakarakalAlIkanAlIkanAla\- chChedAmodAnudhAvaddruhiNarathakhagaM dhUrjaTestANDavaM vaH || 99|| shIrShANi nya~nchi kiM~nchittvayi vidadhati ye teShvavA~nchedviri~nchi\- ryastAvat stAvakaste tamamarapariShadvyastamastA stuvItAt | dhatte chitte pramatte ya iha tava padaM taM cha madhyesamAdhi dhyAyedyogIndravR^indaM praNatasurataro taM bhavantaM prapadye || 100|| nATyaM khaTvA~NgapANermanasi naTayatAdvibhrameNa bhramINA\- mAmUlachChinnabandhabhramadakhilajagaddAruNaM prastute.asmin | ghUrNadbhUchakraghR^iShTotkaTakamaThamahApR^iShThanaiShTuryaniShThA\- niShThyUtAchChinnadhArajvalanakaNakaNairdIpikAkR^ityamAsIt || 101|| unmIlatkampasampachchaladachalamithaHspaShTasa~NghaTTarugNa\- grAvNAM nirghoShadairghyaiH paTupaTaharavADambaro.api vyaDambi | udvelodvelladabdheH samasamayavalallolakallolatAlai\- ruttAlAtAlalIlAbhayasamupanamadbrahmakAkushcha gItiH || 102|| || iti shrIshivashatakaM sampUrNam || ## Proofread by Aruna Narayanan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}