% Text title : Shiva Shatakam 4 % File name : shivashatakam4.itx % Category : shiva, shataka % Location : doc\_shiva % Transliterated by : Ruma Dewan % Proofread by : Ruma Dewan % Description/comments : Kavyamala 3 % Latest update : April 17, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shiva Shatakam 4 ..}## \itxtitle{.. shivashatakam 4 ..}##\endtitles ## (mahAmahopAdhyAyashrIgokulanAthavirachitaM) vitatavividhasampradAyashAkhAvyatikaraveShTitamUrtaye namo.astu | bahutarajagadaNDabIjapUraprasavaphalegrahipAdapAya tubhyam || 1|| na dharaNisalilAnalA na vAyurna khamata eva na khAni nApi varShma | na samayakakubhau na chinna chittaM puruShapurandara pUruShastavAsmi || 2|| avirataparivR^ittadaNDakAShThAkulamatulavyativartamAnavegam | bhramayasi jagadaNDagolamAlAkalashakalApakulAla kAlachakram || 3|| bhuvanapuTakuTIrahaTTayantrabhramaNasahadhruvatarkutaH krameNa | sR^ijasi samayasUtramatra mAyAmayapaTavAnavidhAnatantuvAyaH || 4|| nigamavanavanaspate prasUShe kati jagadaNDamayAnyudumbarANi | dadhati bahalajantujAlamantaH punarapi tAni layaM tvayi prayAnti || 5|| bahutarajagadaNDabhArabharturnahi mahimAnamahaM tavAvayAmi | mashaka iva shalATugarbhajanmA viTapabR^ihattvamudumbaradrumasya || 6|| pravishati mama chittaveshma sarvendriyavikalaH shrutishiShyamANavartmA | vidhigR^ihatilabindujAlabarhI galitavapuH prapitAmahaH prajAnAm || 7|| vigalitavapuShaM vikAravArtArahitamanindriyamakriyaM purANam | tvamasi taditi chetanAvisheShaM nijapitaraM nigamAH prabodhayanti || 8|| jagadidamupadIpayatyavidyAtimiraripau tvayi na svamapyavaimi | pratapati tapanAtape tapartau bhajati yadAndhyamasAvulUkalokaH || 9|| viShamanigamakAnanAntashAkhAtatiShu nilIya parAnnirIkShamANaH | pariNatividalajjagatkapitthagrasanakape suchirAnnirUpito.asi || 10|| sakalamapi mayA svakarmabIjaM tvayi vR^iShavAha samarpayAmbabhUve | tava mama cha na chetphalaM prasUte kathamadhunA.apyahameva doShabhUmiH || 11|| naTa iva vashago bhavAmi yAsAmahamapahastitasarvabhUtapUrvaH | prakR^iticharitanATyasUtradhAra bhramayasi mAmiyatIShu bhUmikAsu || 12|| bhavadabhiruchitAsu me kriyAsu vyavaharato.anudinaM hitAhitAsu | janananidhanabandhamochaneShu prabhurasi bhUtapate tavA.asmi dAsaH || 13|| bhavadabhimatameva sevamAno hitamahitaM cha tathA vR^ithA.asmi baddhaH | tadapi katamamAshraye sharaNyaM bata paravAnitaraH patistvameva || 14|| varamupahasanIyavarNako.ayaM vividhavikAraviDambitasvarUpaH | tadapi kR^itakahAsamAtrahetorvirama nivAraya niHsaho.asmi mAyAm || 15|| kva jagati katamAhni kasya hetorahamiha baddha iti tvameva vettha | tvamapi yadi na chetaye na cha tvAM mama karuNAmaya tatra ko.aparAdhaH || 16|| aviditagatinA pramAdanidrAmuShitamatiH kitava tvayA.asmi baddhaH | kathamapi mama dR^iShTivartmavartI bhava pathataskarabandhane prabhuH syAH || 17|| bahuvidhabhavabhUmikAbhirAbhirnaTayasi nAtha yathA tathA naTAmi | kR^ipaNa gamayitA bhavAnavidyAjavanikayA.antaritaHkiyantyahAni || 18|| vapasi vigatabhogabhAgya dUrAnmayi vR^iShavAha tavAhamurvarAsmi | svapadamupadadhAsi yatra tasminbhavati kaDa~Ngara eva karmabIjam || 19|| prabhavati mataye padaprabandho na tava niratyaya nityachetanasya | na bhajasi karuNAsato(mataH)purAre mama kR^ipaNaiH paridevitaprapa~nchaiH || 20|| sarasamapi varaM na bhoktumIhe hara mama shambalasa~nchayaM gR^ihANa | upadisha kataraddhi dUrayAtrAshramashamanaM bhavavartmano.avasAnam || 21|| mama bhavapathikasya karmabhogyaM pralayanishi tvamavekShathAH shayAloH | tvayi sakalamaki~nchano bubhUShuH praharakavetanametadarpayAmi || 22|| shrutijanaka raTatyasau kumArI tava duhitA bahiretya neti neti | vyavahita nikaTasthite.api tasmAttvayi milite.api mamAtitheH kva bhogaH || 23|| aparimitavibhAgabhUmirekastvamasi tato jagadaNDabindurAsIt | iti bhuvanabharaikadhurya jAne dasha kakubho gaNitakrameNa siddhAH || 24|| kathaya ka iva digviparyaye.api prabhavati gantumataH kva saMsareyam | bhava bhavapathikasya ko.apyapUrvastvamahamiti prasR^ito mama pramohaH || 25|| mayi paramavibhau vishuddhasattve yadiha sharIratadAtmatAmadhAsIH | nigamapuruSha tatpratikriyAyai tvayi nidadhAmi samastavastvabhedam || 26|| nibiDajaDatadAtmatApramohaM vimalayati tvadabhedavibhramo mAm | prakR^itimupanayanti vAridhAnIM katakarajAMsi rajo.antarApakarShAt || 27|| puri puri viharAmahe bhramantaH purahara pashyasi bhogava~nchito.asmAn | kimiti na viharAmahe nAthavanto vayamitare tvamanAtha eka eva || 28|| svapiShi na parakarmasu prasaktaH paramupabhojayatastava kva bhogaH | paracharitamavaiShi nirnimeShaH prakR^itidaridra na ko.api pashyati tvAm || 29|| prakR^itichaTula sUkShmabhUtasheShe prakR^itivikAranikochabhAji kAle | avirataparivR^ittikhedakhinne svapiti jane pratibudhyase tvamekaH || 30|| pralayadahanadagdhasheShapIluprakarashilo~nChapavitravR^ittirAdau | ghaTayasi bhuvanAni teShu jIvaprakR^itichalaiH paramANubhiH sharIram || 31|| janasharaNa sharIriNAM prasR^iptaiH karaNagaNairupalabhyachetanAnAm | katichana janurantarAnubhUtiprasR^imaravAsanayA smR^itIH prasUShe || 32|| atishayitavibuddhavatpurANaH smarati munirnigamaM hiraNyagarbhaH | gaganapavanasannipAtakartA kathayasi vA karaNAnapekSha eva || 33|| atha kR^itakakalevaradvayena vyavaharatA cha nideshadAyinA cha | avagamitapadapravR^ittimAdau kavayasi lokahitAya sampradAyam || 34|| hitavidhikapaTAnnisargamUDhaprakR^itirasAvahitAnnivartanIyaH | iti viShamatame.api saMvidhAne gaNayatu kastava nAtha kaushalAni || 35|| bhavatu vidhirapUrvakAryatattvAshayahitasAdhanatAbhidhAsu kashchit | tadapi muShitadoShamantarA tvAM na bhavitumarhati chodanA pramANam || 36|| prabhavati paramApta yo durantAdapasaraNAya hite pravartanAya | saha charati chaturbhirarthavAdairnigamakave sa tavaiva sUktasAraH || 37|| ajinamusalavediyUpashamyAdR^iShadupalasphyahaviHkapAlashUrpaiH | atha guruyajamAnagAtR^ihotR^iprabhR^itibhiradhvarakarmasu tvamijyaH || 38|| vikirati parito ghanAvalIva shrutiramR^itAni tavAshayAdudasya | vilayamayamupaiti chitsamudra tvayi jagato nigamasya chitpravAhaH || 39|| abhisarati paraM paraM purAre viShayamanekamapAsya pUrvapUrvam | varuNanilayamApageva yAvadbhajati bhavantamasau na chittavR^ittiH || 40|| guNagaNamapanIya chittakUpe mama nigamaiH sahasA nipAtito.asi | amR^itakalasha tiShTha tiShTha manye punarapi jIvanamuddhariShyase naH || 41|| prathamasamayasa~NgamAya naitajjagadupajIvati kevalaM bhavantam | bhavatu satatasantamantarA tvAM kathamanidamprathamA.api vastusattA || 42|| pravahapavanavegaghaTTito.api skhalati na yajjagadaNDapiNDabhAraH | laghugurutulanAtulAprakANDa draDhimaguNaH sa bhavadguNatrayasya || 43|| tvamakhilajagadIsha ShaDbhira~NgairupachitavedamajIjanaH ShaDa~Ngam | kathaya kathamasAvupaitvasattAM satatasato bhavataH svataH prapa~nchaH || 44|| vishakalitamanuvrajannichitya sthapatiriva tvamajIghaTaH prapa~ncham | vibhurasi na cha yujyase vikAraistvayi samavaitu kathaM sa bhUtasargaH || 45|| na jagadidamahetuto na shUnyAdavadhimatAM kathamudbhavo.astvakasmAt | prakR^itiriyamadharmadharmarUpA puruShaguNaH kathamArabheta vishvam || 46|| svaparaparichayAndhyahetumetaM shiva bhavadAvaraNIyamandhakAram | shamayati jagadaNDabinduvR^indAmbuda bhavadekapadA vivekavidyut || 47|| smarasi kathamananyadeva vR^ittAM prabhavakathAvidhurAM nijAmavasthAm | punarapi na chirAjjanArdana tvAM na parichariShyati chetano dvitIyaH || 48|| nimiShaparichito hare samUlaM harasi visheShaguNavrajaM parasya | prathayasi khalatAmimAmapUrvAM kathayasi yadviguNatvamAtmano.api || 49|| alamavagalitendriyapravR^ittestava jarataH puruShasya jAgareNa | ayamahamadhunA prabud.hdhyamAnaH puruShavikArakarIM nihanmi mAyAm || 50|| asakR^idanaTadasmitA naTI me nihitapadA mashake mata~Ngaje cha | dhruvamupari tavAdhirokShyatIyaM bhava mahato.api mahAnaNoraNIyAn || 51|| vilayamupajagAma chedakhaNDastvayi jaraTho jagadaNDagulmapiNDaH | kShapayasi tadapi kShapAmanidraH katibhirasau hi bubhUShati prarohaiH || 52|| vikirati paradR^iShTiva~nchanAya tvadupari viShTapasarShapAnavidyA | tadapi nimiShamAtranirgato.api pravishati bhUtagaNo bhavantameva || 53|| asakR^iduparamadbhira~NkabhedairnaTagaNaniShkramaNAdviviktara~NgaH | aviditamukhasandhirAmukhAnto nigamakavestava nATakaprabandhaH || 54|| bhramayasi jagatastvameva sa.nj~nAparichayasaMskR^itirUpavedanAbhiH | sadasadatadapoDhavastuchintAkR^itiriti kalpayase vivekavedyam || 55|| tvamamR^ita viShayapraveshabhUmau bhavasi dR^ishaH pathi yasya sa dvitIyam | jagati na paripashyati smA jihmA smarahara dR^iShTiviShAdhikA gatiste || 56|| druhiNabhavanapadmabIjamAlAmaNiparivartanatatparAtmanaste | grasitumakhilameva jantujAtaM vijanayato viditA biDAlavR^ittiH || 57|| aparimitakR^iternirAshrayasya bhramarahitasya nirastacheShTitasya | dR^iShadudaradarIShu dardurANAM ghaTanapaTostava kIdR^ishaM sharIram || 58|| bhuvanabhavanabhAsanapradIpa nyapatadasau tvayi chetanApata~NgI | kShaNamadhikamadIpyata jvalantI punarajahAtprathamAmapi svasattAm || 59|| dhruvamiyamapavargarAtrisandhyA bhavati yatastvayi nirbharo.anurAgaH | ruchimaya charamo.ayama~njaliste nanu nachirAdbhavitA bhavAnadR^ishyaH || 60|| yadapi tava vashe mamendriyANi shrutiviShayAvadhivartamAnadR^iShTeH | mukhamasi jagatastathApi nAtha shrutimukureNa vinA na veditAse || 61|| matidhanamitare sudIrghanidrApravaNadhiyastvayi nikShipantyatantre | upaharaNasusa~nchito na jAtu vyayamupagachChati chetanAnidhiste || 62|| kvachidapi viShame tvayA niyujya sthitimanavApya chirasya saMsarAmi | bhavagirisaridasmi chitsamudra svamapi jahAmi tadA labhe yadi tvAm || 63|| bhagavati niyate vidUrayAtrAsahachari saMsaraNAdhvano.ayamantaH | jarati virama niHsahAsi saMvinnagaramataHparamadvayopabhogyam || 64|| vilikhatu kathamakSharANi bhAle sa vidhiradR^iShTapadArthalekhadakShaH | mama hi militamakShapAdapAdapraNipatanena lalATasImni chakShuH || 65|| uDuni mayi rave prakAshaleshaM vyavadhivashAdaparIkShito nyadhAsIH | tamapaharasi sannikarShametya tvadupari tarhi nijaM vapustyajAmi || 66|| bhavapathapathiko.asmi vATapATachchara milito.asi viluNThya sampado me | ahamapi bhavadantaraM pravishya dhruvamachireNa harAmi te vibhUtIH || 67|| shrutirasi puruShArthasannibaddhastava charaNe prathame viraumi vatsaH | amaragavi sa dogdhi kasya hetoramR^itamabhoktari pUrtibhAji bhANDe || 68|| shiva tava mama chAntarAlabhUmau vividhavidhAM vyavadhAM vyadhAdvidhAtA | tadapi hi bhavato.ahameva bhittirbhavati vR^itiH sadanasya nAjirasya || 69|| vyavadhirupararAma bhUrvibhaktA prabhavasi gUDhamatirna mAM prahartum | tadahamahamikAhR^idekasheShAvadhiradhunA dhruvamAvayorvimardaH || 70|| na dharaNirupari prayAti nAdhaH patati na cha plavate na bambhramIti | na cha divi vasati svashaktiyogAdapi tu bhavAnachalAsthiratvahetuH || 71|| aviShamachaturasraShaDvibhAgAM na sR^ijasi kandukanistalAM na sUShe | ghaTayasi pR^ithivImimAM khachakrabhramaNakulAla vishAladarpaNAbhAm || 72|| purahara paradR^iShTidoShashAntyai kati jagadaNDakagaNDakAnbibharShi | tvadupari paripAtayanti dR^iShTiM vijahati sarvamaki~nchanA bhavanti || 73|| parapuramabhivishya sarvalokaM bhramayasi sarvadineShu bhUtavargaH | bhavapitR^ivanavATabodhivR^ikSha pralayanishAsu nilIya sevate tvAm || 74|| grahagR^ihasarasIruhasya rAhubhramaravimardasahArkakarNikasya | bhramaNamidamabhivyanakti lIlAM tava ghaTitAM dhruvanAlaghaTTanAya || 75|| sakalaguNagaNo mamorNanAbhervilayamupaiti vitAyate cha bhUyaH | paTujanajaDatApahArahetoH kShaNamapi na kShamase kShayaM guNAnAm || 76|| na khalu vighaTitAH punarghaTante na cha ghaTitAH sthirasa~NgatAM shrayante | pipatiShumavashaM rujanti vaMshyAstaTatarumApa ivApagANakasya || 77|| vigataviparilopadR^iShTi pashyanvashayasi yAM puruShaprakANDa mAyAm | prakR^itichapalayA tayA vikArairbahuvidhavarNikayA vashIkR^ito.asmi || 78|| prakR^itichapalapIlubIjavarge dalati khagolakushUlaviprakIrNam | aghaTitamitaretareNa kalpakShayarajanau samachIkalastvamekaH || 79|| svapuTapaTalamabhyajIryadAshAvR^itiradalanniravAdravipradIpaH | pralayamavanivAstvagAttathApi kva jagadagAragR^ihastha nishyavAtsIH || 80|| prasarati viShayeShu yeShu rAgaH pariNamate virateShu teShu shokaH | tvayi ruchiruchitA nitAntakAnte guNaparipAkashuchAmagocharo.asi || 81|| pratigR^ihamatithirgR^ihItadaNDo dhR^itajagadaNDakamaNDaluprakANDaH | bhuvanavahana pAtramAtrasheShaM satR^iNamimaM jagadatti kAlabhikShuH || 82|| prasabhanivishamAnakAlasarpapratihatanirgamane khagolanIDe | bahuvidhagatayo viviktajAyAsutajananItanavaH khagA bhramanti || 83|| abhilapitamathAnuchintitaM yo hR^idayaguhAshayitaH shR^iNotyakarNaH | tamimamavachanaM cha vAgmitA cha prabhavati mantrayituM trayI bhuja~Ngam || 84|| paripibati payo bhavAdhvanInastanayakarAjjananIpayodharAchcha | vyapagatamadhunA tadAshayApi prasabhavashAdayamAshayaH shushoSha || 85|| stanakalashamukhena vA jananyAstanayakarA~NgulimadhyakulyayA cha | chapala piba payAMsi yAvadAyurbhavati na chetasi chetanAsamudraH || 86|| vidhivashamilito bhavAdhvayAtrAM harasi jagattilapeShatailiko.asi | na tava pashupate vidanti pAshaM pihitadR^ishaH pashavaH paribhramanti || 87|| mayi phalakadhiyA tvayA kiyatyaH pratikR^itayo likhitAstathA viluptAH | virama bata nisarganirmalasya pramR^ija rajo mama pashya darpaNo.asmi || 88|| kShitibilapatitaM jarAyupeshIsthagitamathANDasamudgake nigUDham | avivR^itamapi dhAtusa~nchayaM te bhava bhavatA hR^itavigraho harAmi || 89|| parimitasukhadaM kaShAyapAkaM virasataraM viShayAntaraM vihAya | niravadhimadhure same samantAttvayi puruShottama vishramo.astu vAchAm || 90|| apagatapadapATavo.api garbhAdupaniShadAmadhunotthitaH prabandhaH | janayatu tava kautukaM kalena pratipadaviskhalitena jalpitena || 91|| prakR^itimalinamR^ikShalakShalikShAchayachitamambarachIvaraM vasAnam | prakaTitabR^ihadaNDamatrapaM tvAM puruShamudIkShya hasAmi chollasAmi || 92|| vyaramadavasaraH sa yatra karmaprakaramakArShamamartyalehyalobhAt | na punarapi pibAmi somapAtrAmR^itadadhi rAhubiDAlapItasheSham || 93|| svayamayamavaleDhi hoturAjyaM tadanu tamAshayate sudhAmbubindUn | ajani tu jananIpayastR^iShArtikShayamavamu~nchati yAjyamijyavargaH || 94|| bhramayasi navadhA khamaNDalAni draDhayasi saptapuTAni bhUtadhAtryAH | upadishasi cha ShaDgatIrgrahANAM dhruvamasi taddhruvayorapi dhruvastvam || 95|| guNamapi tava nirguNatvapakShe bhramayati doShakulAkulaH prabandhaH | malinayati navendusundarANi sphaTikashilAshakalAni kAchasa~NgaH || 96|| kimapi nivishate prakAsharAshau tvayi yamuneva ravau vidhAvivA~NkaH | asitatanuchaturbhujasvarUpaM yadaratarA hR^idayaM haranti vAmAH || 97|| idamaparapuraM tadeva yasminnasakR^idaharniragAnnishi pravishya | vigalitavaraNAdbahirvihInAtkathamadhunA sadanAdito nirIyAm || 98|| yadabhilapasi pudgalAnajIvAsuravaranirjarajIvabandhamokShAn | nayasi cha yadanAvR^itAnviha~NgaprakR^itimatastadupAsyase jinendraH || 99|| prakR^itiriyamanashvarasvarUpA sR^ijati mahAntamasau yato vikAram | avikR^itamapi pashyataH sataste saha ramate hyanayA sakhA tvadIyaH || 100|| yadi mama sahasA tavAbhisArAtkulagurubhirnigamairnivAritAsau | svayamabhisara tarhi vAchamenAM parapuruShaM nigamo na pashyati tvAm || 101|| mama vachanajalAni karNashuktau tava patitAni gatAni mauktikatvam | viguNavilulitAni lAjabud.hdhyA rasayatu kuNDalakuNDaliprakANDam || 102|| apaTubhirabhidhitsitArthabuddhAvanabhimatAnapi bodhayadbhirarthAn | puramathana parAhatairamIbhiH kathaya kadA vihasiShyasi pralApaiH || 103|| na tava puri shilAdaputravetrapratatiniruddhatayA labhe pravesham | shivasahachari gauri gopurebhyo bahirupavishya vasAmi naumi cha tvAm || 104|| na dahati sagarAnvayaM na pAdAtprabhavati nApyalikAdudeti chakShuH | na cha kimapi shR^iNoti netravargo mama kathamastu tava stave.adhikAraH || 105|| || iti mahAmahopAdhyAyashrIgokulanAthavirachitaM shivashatakam || ## Encoded and proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}