% Text title : shivashatakam 3 by Ramapanivada % File name : shivashatakamrAmapANivAda.itx % Category : shiva, shataka % Location : doc\_shiva % Proofread by : PSA Easwaran % Latest update : August 13, 2022 % Send corrections to : Sanskrit@cheerful.com % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shivashatakam by Ramapanivada ..}## \itxtitle{.. rAmapANivAdavirachitaM shivashatakam ..}##\endtitles ## || shrIH || namaste gaurIsha! tripurahara! shambho! trinayana ! prasIda shrIkaNTha! smarahara! mamAghaM hara hara! | bhavAmbhodherasmAdayi bhava! bhavAnuddharatu mAM kR^ipAmugdhaiH snigdhairavikalamapA~NgainuguNaiH || 1|| atuchChashrIrachChasphaTikamaNishubhrairavayavai\- rdadhannAnArUpaM bhujagamayamAkalpapaTalam | jaTAjUTabhrAjattridashataTinIchandrashakalaH kR^ipAmbhorAshistvaM shamaya shamalaM me pashupate! || 2|| chalachchArI chakrabhramaNaramaNIyAbhinayana\- jhjhalatkAri pre~NkhatphaNivalayama~njIrakaTakam | kapardavyAmardasphuTamukharaga~NgormipaTalaM tavAvandhyaM sandhyAnaTanamahamIDe puraripo! || 3|| samAnandannandiprahatamukhArAvamadhuraM samudgAyatkAlIkarakalitatAlAnumilitam | stutaM bhUtapretaissuradanujasAmAjikamano\- vinodaM te nR^ittaM nudatu duritaM me smararipo! || 4|| kapAlairmUrdhanye niTilataTanetrAnalashikhA\- vilInendusyandAmR^itaghaTitajIvairabhinutam | valadbhUpAbhogiprakarakharashUtkAramukharaM dhutAlasyaM lAsyaM tava shiva! shivaM me vitaratu || 5|| padakShepotkShepakShaNapariNatonnamradharaNI\- bharaklAntAshAntadviradakR^itaphITkAraparuSham | naTannAnAveShapramathagalahu~NkArabahalaM bhaje.ahaM bho shambho! tava tamanaghaM tANDavamaham || 6|| muhurmUrdhoddhUtishlathabhujagarajjupravisara\- jjaTAjhATAlIDhasphuTitataTidudgArimudiram | harichchakrAtItaprakaTabhujasAhasramayi te vinA jADyaM nATyaM vighaTayatu shUlin! mama rujam || 7|| karAgravyAvalgaDDamarukachamatkArakalilaM karAlaM chAmuNDAgalavigalitairaTTahasitaiH | arINAhishreNImaNimahitakA~nchIkalakalaM purAre! pApaM me haratu bhavato nartanamidam || 8|| mamApAyaM sAyannaTa! jhaTiti nirdhUya bhagava\- nnumAjAne! tuShTo bhavatu bhuvanAdhIshvara! bhavAn | kShamethA nAtha tvaM sakalamaparAdhaM mama vibho! namastubhyaM mR^ityu~njaya! jaya jayAna~Ngavijayin! || 9|| girIsha! shrIkaNTha! tripurahara! shambho! triNayana! smarAre! kAlAre! bhava! mR^iDa! pinAkin! pashupate! | virUpAkSha! sthANo! shashimakuTa! he sha~Nkara! shiva! prasIda tvaM ga~NgAdhara! hara! mahAdeva! bhagavan! || 10|| uttaMsIkR^ita mugdhachandramukuTaM tva~Ngattara~Ngollala\- dga~NgAviShTakapAlakandarajharIjhAtkAravAchAlitam | naddhaM deva! suvarNavarNabhujagashreNyA tavAtyunnate\- rabhrAntabhramadabhrajAlakalitAmardaM kapardaM bhaje || 11|| phAlAkShijvaladAshushukShaNishikhAlelihyamAnAmbaraM chandrArkAtmakachArulochanayugaM chillIlatollAsitam | cha~nchatkuNDalikuNDaladvayalasadgaNDaM sunAsApuTaM bimboShThaM mR^iduhAsabhAsurataraM vande tavAsyAmbujam || 12|| kaNThaste shitikaNTha! kambusadR^ishaH kAkolarekhA~Nkita\- shshliShTAnekabhuja~NgahArapaTalIsaMvyAnabhavyottaraH | bhasmAliptamurashcha nishchalarasaM gaurIkuchAshleShaNA\- dAsaktAmalaku~NkumaM sumadhurachChAyaM mamAstu shriye || 13|| sarpajyAparighR^iShTiniShThurakiNotkR^iShTakoShThAshcha te mAlAshUlakapAlara~NkuparashuprAyairatiprojjvalAH | aShTAviShTavarAbhayapradadhurAshshliShTAhiratnA~NgadAH duShTadhvaMsanashiShTarakShaNaparA rakShantu mAM bAhavaH || 14|| nirmajjattaranAbhirandhanipatatkA~nchI bhuja~NgAvalI\- nIlAshmadyutijAlamIlitanijashyAmatvaromAvalI | avyAnmAmavalagnamIshvara! tava vyAghrAjinAveShTanA\- datyantAdbhutaheturudbhaTaruchishroNIvibhAgashcha saH || 15|| UrU mAraripo! tavorukadalIstambhAtishumbhattarau muktAshuktisamudgavalguvishadashrIshAlinI jAnunI | namrANAmachirAnnirAkR^itavipatsa~Nghe cha ja~Nghe shubhe ma~njIroragama~njushi~njitabhR^itau pAdau cha vandAmahe || 16|| nityAnamranilimparAjamakuTInirmR^iShTareNUtkaraM nishsheShAghanighA(ta) sAdhakatamaM nirvANaniShpAdakam | niShpratyUhasamAdhishodhitadhiyAmantaHsphuratsantataM nistandraM tava nIlakaNTha! charaNadvandvaM niShevAmahe || 17|| a~NkAropitapArvatIkamabhitassaMsevyamAnaM gaNai\- radhyAsInamadhityakAmavirataM kailAsabhUmIbhR^itaH | nandiskandagaNeshabhR^i~NgiriTibhirnamrairamuktAntikaM nAtha! tvAmanishaM namAmi parachinmUrte! pashUnAmpate! || 18|| muktAbha~Ngapi(na)ddhasattvavishadAkAraM mudAmAshrayaM muktAsa~NgamunIndravR^indamanasAmAsAdyamAdyaM mahaH | mugdhasmeramukhAravindamatulaM mugdhendulekhAdharaM mukterAspadamAvirastu purato muDhAtmano me vibho! || 19|| shrIkaNThAya namaH shritAkhilajanashreyaskR^ite te nama\- shchaNDIshAya namashcharAcharajagajjIvAtmane te namaH | sarvaj~nAya namassamastashamalapradhvaMsine te namo bhUteshAya namo bhuja~NgapaTalIbhUShAbhR^ite te namaH || 20|| purahara! bhavadbhaktA dR^iptAH purA tripurAbhidhA vijitajagatashshaktyA daityAstrayaH kila jaj~nire | prathitamavanau gokarNAkhyaM prapadya bhavatpadaM sapadi tapasA dhoreNAmI viri~nchamatoShayan || 21|| tadanu danujaistasmAttisraH puro bata! lebhire kanakarajatAyobhiH klR^iptAH jagadvichariShNavaH | sarabhasamamUradhyArUDhairgR^ihItajaTAdika\- sphuTatarabhavalli~Ngaira~Ngairjaganti babha~njire || 22|| kanakabhavanaM jyAyAnasyAnujo rajavAlayaM sa kila paramo lohAgAraM kramAdabhajanta te | tridivadharaNIpAtAlAni vyajeShata te trayo nanu bhava! bhavadbhaktirvyarthA nisargadurAtmanAm || 23|| nijapadaparibhraShTAH kaShTaM triviShTapavAsino dharaNisharaNA bhogIndrAshcha pracheluritastataH | adhikavidhurAssarve divyA viri~nchamupAsata tvaritamayamapyetaissArdhaM mukundamupeyivAn || 24|| atha madhuripustvadbhaktAnAM purAM punarAtmanA vadhamasukaraM jAnAno.api prakAmamupAyavAn | drutamiva bhavan buddhAchAryassa bodhitaroradho jinavaramataM vINApANiM munIndramashikShayat || 25|| viramata tapoduHkhAnmUrkhAH kalevarakarshanAt na khalu paraloko vA klesho yadarthamapArthaka | kva punaraparo dehAdAtmA kva vA shiva ityasau kalaharasiko viShNoshishaShyo jajalpa jagatpate! || 26|| tadanu militAstatraivAmI trayo.api mahAsurA jinamunimahAvR^idAddhAdadhyaiyatAkhilamAgamam | jahuratha jaTAbhasmAkShasragbhavatpratimAdikaM nikhilamakhilesha! tvAmuchchairasha~NkamapAhasan || 27|| munivaramukhAdAkarNya tvaM puratrayacheShTitaM jhaTiti ghITatAtkrodhAduchchestarAmudajR^imbhathAH! | ghaNaghaNaraNatghaNTotkaNThaM mahokShamadhiShThitaH sarabhasamavArukSho rUkShAkR^itiH sphaTikAchalAt || 28|| samajani rathastAvatkShoNI rathA~NgatayA sthitau mihirashashinau dhAtA sUtaH kashA praNavo.abhavat | . api cha turagA jAtA vedA dhanuH kanakAchalaH shikhimukhamarutpakSho bANaH svayaM madhusUdanaH || 29|| phaNivaraguNe sandhAyAstraM hariM girikArmuke niTilanayanajvAlonmishraistadagnishikhAshataiH | kvachana yugapatprAptaM bhasmIchakartha puratrayaM tribhuvanapate! yastvaM sa tvaM prasIda namo.astu te || 30|| apratyutthAyinaM tvAM prati kuShitamatirdakShanAmA prajAsR^iT kShipraM prArabdhadarpAtripurahara! bhavadbhAgavarjaM sa yaj~nam | vishvastairvishvasR^iDbhissaha mahati bhR^iguprAyaklaptakriyAke tasminnujjR^imbhamANe sati samupasaratsarvasauvargavarge || 31|| somAdyairdakShajAmAtR^ibhirabhimilitasvasvadArairudArai\- ryAne prastUyamAne bhava! tava ramaNI tatkShaNaM dakShaputrI | mA gA madbhAgavandhyaM makhamasukhakaraM draShTumityaShTamUrte! saMruddhApi tvayA sA sapadi gatavatI daivayogo balIyAn || 32|| ukShArUDhAtha gatva saha gaNanivahairyaj~nashAlAM vivikShu\- dakSheNAkSheparUkShAkSharamabhilapatA vAritA dvAri tAvat | nindantI chandramaule! nijamapi vitaranirbharakrodhashokA pAtraM kAnteH svagAtraM sapadi bhagavatI yogavahnAvahauShIt || 33|| bhUtAstAvatprabhUtA jhaTiti kaTutarakrodhabhArAtighorA bha~njanto yaj~navATaM bhayabharataraLAnR^itvijastADayantaH | sarvAn saMhartukAmAssapadi bhR^igurutAdutthitairAshrayAshA\- duddAmodrikta sArairR^ibhubhirabhihatA rudra! vidvAvitAste || 34|| shR^iNvan karNadruhaM taddrutamupasarato nAradAddAranAshaM kruddho mUrdhnaH samutpATya cha sapadi jaTAmakShipastvaM dharitryAm | sthUladrAdhiShThagAtrasphuTavivR^itamukhaH spaShTadaMShTraH pranarda\- nnudbhUtaH ko.api kopAruNapR^ithunayano bhUtalAdbhUtarAjaH || 35|| dakShaM durnItidakShaM jahi vihatamakho vIra! he vIrabhadra! kShudro.asAvapriyaM naH subahu vihitavAnitthamenaM nyayu~NkthAH | so.api prItiprakarShadrutataracharaNanyAsanamrIkR^itAdri\- rbhUtaiH sArdhaM pratasthe mukharitabhuvano niShThurairaTTahAsaiH || 36|| shambho! sadbhrAntajambhAntakavaruNamaruddharmavittAdhinAthaM bibhyatsabhyaM vivignadravadatithijanaM yaj~navATaM vibhindan | utkR^intannuttamA~NgaM bhuvi vinipatitasyAshu dakShasya tasya prakShobhI vIrabhadro gataghR^iNamajuhottatkShaNaM dakShiNAgnau || 37|| kurvan durbAravIryastava bhuvanapate! shAsanaM bhAsamAno mAnodriktAvalepapramathaparivR^ito dhIradhIrvIrabhadraH | sadyaH samprApya samprINitasakalajanasnehavantaM bhavantaM vyAnamrAtAmrabhUrisphuTavikaTajaTAspR^iShTapAdo vavande || 38|| santrastAstatra sa~NkrandanadhanadashikhipretarAjapradhAnA\- ssarve gIrvANasa~NghAssaha shatadhR^itinA tuShTaye tuShTuvustvAm | prItastvaM jIvayAmAsitha vigaladasuM dagdhamastaM tu dakShaM prAyastvaM prANayAmAsitha pashushirasA nirvahan pUrvakAyam || 39|| dAkShAyaNyA vinAshAduparatahR^idayo ruddhasarvendriyassa\- nnAsInastvaM himAdrau mahasi paratare lIyamAnAntarAtmA | prArabdhAshsharva! nirvANakR^idapi tapasi vyApR^itAnAM tapAMsi shreyaskAmAya mahyaM sa hi sakalapate! chandrachUDa! prasIda || 40|| yogotsR^iShTasvatanuratanupremabhArA satI sA menA nAmni kShitidharapatervallabhAyAM janitvA | ratyA sArdhaM bhavati bhagavanna~NgarekhAmapuShNAt pUrvAbhyastaM tyajati na sharIrAntarastho hi jIvaH || 41|| tAtAdeshaM sarasamurarIkurvatI pArvatI sA sAkaM vR^indairanupadi mudA sammukhInAM sakhInAm | brahmAnandapravaNamanasaM brahmamUrte! bhavantaM puShpairmAlyairniyamasalilaishchAdarAtparyachArIt || 42|| devAstAvaddanujapatinA tArakeNAbhibhUtA\- shshakrAdyAste shatadhR^itimupAsAdya sarvaM shashaMsuH | so.apyadrAkShItkShapitatapasaH svIkR^itAyAmumAyAM vIryAdhAnaM varada! bhavataH svArthasiddherupAyam || 43|| tasyAdeshAttridashapatinA saMsmR^itaH puShpadhanvA ratyA sAkaM saha cha madhunA satvaraM samprapede | ki~nchAnuj~nAmachalavimatasyAdarAdAdadAno mAnonmattaH shamanadamana! prAvishattvannivAsam || 44|| mAleyodyatparimalabhR^itA mArutenArutena AleyAdrau parabhR^itatateshchAdhunAno vanAni | svAmuddishya tripuravijayinnikShuchApaH svachApe lolambajyAmR^iduni samadhAdAshu sammohanAstram || 45|| kishchiddhairyaskhalanachalito dikShu vikShiptachakShu\- rdakShArAte! daraparigalanmAlyadhammillabhArAm | gADhotkampastanabharaparibhraShTapaTTottarIyA\- mArAdhyantImachalatanayAmaikShathAstvaM purastAt || 46|| mugdhasmeraM muhurupachitaM trAsalajjAnurAga\- vyaktIbhAvapravaNanayanopAntamasyA mukhAbjam | pashyan ki~nchiddhR^ita iva bhavAna~Nga shR^i~NgAralakShmyA sadyo bud.hdhyannatha pashupate! hetumatrAnviyeSha || 47|| tatrApashyoM valayitadhanurnyasta sammohanAstra\- stiShThantaM taM triNayana! mahADambaraM shambarArim | krodhodrekaprakaTakuTilabhrukuTIbhImavaktra\- stArtIyIkaM nayanamakR^ithAH ki~nchidutpakShmalaM tvam || 48|| kalpApAyeShvakhilabhuvanagrAsagR^idhnoramuShmA\- dUShmotkarShaglapitavibudhottaMsamandAramauleH | pratyudvAntaiH sphuTakaTuravairmAramahnAya vahne\- rjvAlAmAlairakuruta bhavAn bhassamAtrAvasheSham || 49|| trAsodbhrAntatridashapaTalIdUramuktAntarikShA\- dasmAddeshAdatimukharitAnmAravadhvA bilApaiH | antardhAya pramathanikaraissArdhamardhendumaule! kailAsAdriM samupagatavAn pAtu rogAdbhavAn mAm || 50|| bhayopahitavepathutruTitabandhasandhArita\- prabhUtakabarIbharA sapadi shailarAjAtmajA | sasambhramamupeyuShA kila tuShArabhUmIbhR^itA nijaM padamanIyata prachitakelirAlIjanaiH || 51|| bhavantamakhileshvara! prakR^itidurlabhaM vallabhaM vidhAtumanasA tayA viShamavANavidhvaMsinam | svamAtR^ipitR^ibandhubhishchiraniruddhayApi kShaNA\- dupAkrami tapo mahachcharitumeva tatromayA || 52|| vihAya vihR^itau ratiM vimalabhUShaNAnyujjhatI vidhArya taruvalkalaM vidadhatI jaTAmaNDanam | viviktamabhilAShukA vipinachATamAsedupI visheShavijitendriyA vitanute sma tIvraM tapaH || 53|| shanairanashanAya yAvadhutaparNayAparNayA visoDhatuhinAvapAshrajaladhArayA dhIrayA | anArata bhaktparasmaraNadhanyayA kanyayA mudA sthitamudArayA suchirametayA pUtayA || 54|| parIkShitumupAgato varada! varNili~NgI bhavA\- nudAhR^itatadAdR^itavratavisheShadoSho.api san | tadIyadR^iDhanishchayoditanitAntasantoShito nijaM vapurapaprathat pR^ithumaho mahAmohanam || 55|| vilokya tapasaH phalaM vimalahAsamugdhAnanaM vilolaphaNikuNDalaM bilasadinduchUDAmaNim | bhavantamachalAtmajA bahalarAgalajjAkulA vikampitaghanastanI vinimamajja modArNave || 56|| visR^ijya bhavanAya tAM virahadUyamAno bhavA\- nayAchata himAchalaM munimukhena mugdhekShaNAm | sa chApi sacharAcharatribhuvaneshvaraM shAshvataM bhavantamanujaj~nivAnatimudaiva jAmAtaram || 57|| vivoDhumachalAtmajAmachalato.achalastvaM vibho! visheShamaNibhUShaNAyitakapAlasarpAvaliH | gR^ihItasitachAmaraishshatamakhAdibhishchAmarai\- ssamaM cha madhuvairiNA muditachetasA vedhasA || 58|| sametya himavatpuraM samupaklR^iptavaivAhika\- prashastashubhavastukaM pramathanAtha! tuShTo bhavAn | upAyata kR^ipAnidhe! girivareNa dattAmumA\- mashobhata sa tAvakAlikadR^igagnisAkShI vidhiH || 59|| prapadya rajatAchalaM prakR^itiramyayA dharmyayA sahaiva shivashIlayA sarasalIlayA bAlayA | tayA satatamAramannamitamodashAlI bhavAn bhavArNavavighUrNitaM varada! pAtu mAmAturam || 60|| pariNataghanarAgaramyabhAvAM giritanayAmadhiropya vAmama~Nkam | girivaramaNimandire virAjan girisha! vibho! paripAlayAnishaM mAm || 61|| aviratamavataMsitArdhachandraM pravilasadaNDajakuNDalAbhirAmam | parashumR^igasanAthapANipadmaM paramashiva! praNamAmyahaM bhavantam || 62|| niravadhinigamAntashIlanena sphuTajanitAdvayavodhashodhitAnAm | aviralatamamAtmani sphurantaM bhajatu mano mama niShkalaM bhavantam || 63|| aparimitamanAdimantahInaM vimalamavikriyamakriyaM vishAlam | janavachanadhiyAmagocharaM taM bhajatu mano mama niShkalaM bhavantam || 64|| pratiphaladiva bhAti yatra shuddhe sphaTikamaNAviva kAryajAtametat | kamapi tamatamaskamadvitIyaM bhajatu mano mama niShkalaM bhavantam || 64|| sR^ijati kila jaganti sAkShimAtre sthitavati nishchaladhAmni yatra mAyA | yamiyamiha janAya nihnute taM bhajatu mano mama niShphalaM bhavantam || 66|| bahirabahirapi prakAshamAnaM nanu jagato vigatochchanIchabhAvam | upaniShadupagUDhamujjvalaM taM bhajatu mano mama niShkalaM bhavantam || 67|| anubhavaramaNIyamarthanIya nirupadhibhaktiguNena gamyamAhuH | parachidanagharUpamavyayaM taM bhajatu mano mama niShkalaM bhavantam || 68|| jananamaraNasindhumuttarItuM sharaNamiyaM khalu yasya bhAvanaiva | tamimamamitasammadAtisAndraM bhajatu mano mama niShkalaM bhavantam || 69|| paramashiva! purAntakAntakAre! giritanayAramaNArdhachandramaule! | triNayana! hara! sha~Nkara! smarAre! vR^iShavaravAhana! dhUrjaTe! namaste || 70|| kalpasyAdAvudItaM kila kimapi mahastAvaka deva shambho! gambhIrimNA garimNApi cha vipulatayA chAparichChedyamAdyam | atyAdityaM tadatyunnatamativimalaM vIkShya sArdhaM suraughai\- ssambhUtA viShNujambhAntakashataghR^itayo vismitAste babhUvuH || 71|| kasyedaM kiM pramANaM kimadhikaraNamityatra jij~nAsamAnau mAnotsiktAvadhastAdupari cha yugapajjagmatustigmavegau | kR^itvA vR^itrArimatra pratibhuvamagajAkAnta ! viShNurvidhishcha praj~nAvantAvapImAviha tu vidadhaturmohatassAhasikyam || 72|| tatrAdhomArgagAmI madhuripuratalAdInatho saptalokA.N\- lla~NghitvA kAraNAmbhonidhimadhikajavenAvagADho vichinvan | divyAnAM vatsarANAmayutamayamatIyAya naivopalebhe bhUman! dhAmno.avadhiM te tadanu nivavR^ite vandhyayatnaH sa devaH || 73|| UrdhvaM saptApi lokAndrutamadharayatA vevasA tAvato.abdA\- nmArgitvA mArgakhedAdAdhikavidhuritairindriyairmanditena | ki~NkartavyatvamUDhena cha samadhigatA kevalaM daivayogA\- nmUrdhaste niShpatantI miladalipaTalA divyahemAbjamAlA || 74|| divyatvAdAlapantIM tava bhuvanavibho! maulimAlAM viditvA matpANAvalpakAlaM vasa nibhR^itamiti prArthayAmAsa dhAtA | sApi grAhaM sma kasmaichana punaranR^itaM nAbhidhAtAsi chet tvaM dhAtastvatpANimeyAmiti vidhirapi tAmevamityabhyupAgAt || 75|| pANAvAdAya mAlAmatha muditamanAssannivR^itto viri~ncho yatrAste vR^itravairI saha madhuripuNA tatra sa~NgachChate sma | pR^iShTastAbhyAM cha dR^iShTA kimu kamalabhava! vyuShTirasyeti tAva\- nmUrdhnAmekaM dhunAnaH paramanumatavAna~njasA pa~nchamUrdhA || 76|| tAvatkoTIrabhArasphuradamaradhunI vIchilolendule khaM rAjadbhUShAbhuja~NgaM karakalitakura~NgorukhaTvA~NgashUlam | vaiyAghraM charma rampaM paridadhadadhirUDhaM cha tu~NgaM mahokShaM sAkShAdAsthAya rUpaM nijamajavalajinmAdhavebhyaH sthitastvam || 77|| krodhenojjR^imbhamANastvamatha kamalajasyAshu mithyAvadhUtaM mukhyaM mUrdhAnamUrdhvasthitamalamalunAH pANijaiH padmalAvam | kR^itto.asAvuttamA~Ngo mama bhavatu tava vyakSha! bhikShAkapAlaH tvaM bhUyA bhikShuka(syA ? shchA)niyatamiha bahUnityayaM chAshapattvAm || 78|| shApashchApannabandhostava bhuvanatale sa~nchariShNossahiShNo\- lokAnugrAhako.abhUdatithimasulabhaM yadbhavantaM labhante | yAvatpUrNaH kapAlo bhavati pashupate! tAvadenaM tyajeti brahmA te shApamokShaM vyataradatimudA prasthitastvaM kapAlin || 79|| bhikShAM dehIti yAj~nApi hi mahatitarA tvanmukhendoH pravR^ittA vA~nChanti shrotumenAmamarayuvatayassannidhAnotsukAste | yo.asAvAsAdya sadyo divamaTati bhavAn bhikShuko dakShavairin! so.ayaM dAridryaduHkhaM mama haratu mahAdeva! shambho! namaste || 80|| sharanmeghashvetaM shashadharakalAshekharaM lokaramyaM shamasyaikAvAsa shamitashamalaM shailakanyopagUDham | shayAmbhojabhrAjatparashuhariNaM sha~NkaraM shAntibhAjAM sharIraM te shambho! shatadhR^itinataM shAshvataM me chakAstu || 81|| vishuddhaM vistIrNa vijitavimataM vishvalokaikavandyaM vimukterAdhAraM vimalacharitaM viShTapAnAmadhIsham | virAjantaM svAnte virataviShaye vishrutAnAM munInAM vibho! vij~neyaM tvAM vinayavishado vItatandraM namAmi || 82|| prasIda shrIkaNTha! pramadashamanaprANa saMhArashUra! prapannArtidhvaMsin! pravaravarada! prANinAmekanAtha! | prakR^iShTapraj~nAnaprathitanilaya! prAptaye.ahaM prashAnteH praNaumi tvAmIsha! praNavavapuShaM prA~njalishchandramaule! || 83|| charitraM te stotuM charaNayugalaM chAru chittena dhartu chalatvaM hitvAhaM charamasamaye chandrachUDeti japtum | chaturvedImUrte! chaturakaraNashchatvare vA bane vA charannakleshaH syAM chapalachapalAcha~nchalAsorvaraM tat || 84|| parabrahmAtmAnaM parachidamalaM pArvatIprANanAthaM parichChedAtItaM pariNatalasatpArvarNenduprakAsham | paritrAtAraM naH paramakaruNApAtramekaM pavitraM pashUnAM nAthaM tvAM paramanubhaje pApajAtopashAntyai || 85|| kadAhaM te kAntaM karaparilasatka~NkaNAhiprakANDaM kapAlAla~NkAraM kapishakalamAnamrakoTIrabhAram | kapolavyAlolatkanakaphaNabhR^itkarNabhUShAbhirAmaM kaparddinnIkShiShye kathamapi vapuH kAmadaM kAmavairin! || 86|| bhaje.ahaM bhoH shambho! bhavabhayaharaM bhAnukoTiprakAshaM bhavantaM bhartAraM bhajanaviduShAM bhaktibhAjAM janAnAm | bhavAnInAtha! tvaM bhava bhava! bhavadbhAvanAbhAgino me bhaviShyajjanmachChidbhavatu cha bhavAn bhadrado bhadraketo! || 87|| namAmi shrIkaNThaM natinutividAM, nAkinAM nAthamekaM naTantaM sandhyAyAM nayanasubhagaM nandinAndIvilAsam | namasyadbhiH sadbhirnarakahataye nanditaM nAradAdyai\- rnayantaM kalyANaM nanu natimato nAtha shambho! bhavantam || 88|| nirIhaM nissa~NgaM nigamagamakaM nirmalaM nIlakaNThaM nirutsekaM nityaM nirupamatamaM nishchalAnandasAndram | nirantaM nirmUlaM niravadhiguNaM nirguNaM nirviShaNNaM niSheve deva! tvAM nikhilajagatAM nirbharollAsahetum || 89|| jagannAthaM vande janitajagataM janmamR^ityU harantaM jaTAjUTodvellajjalabharalasajjahnukanyAvataMsam | janAnAmArAdhyaM jayakaramalaM jAgarUkaM sadA tvAM jayesha! tvaM shambho! janaya nanu me janmasAphalyamuchchaiH || 90|| namadamarakirITashreNishoNAshmarashmi\- chChuraNataruNarAgashrImada~NghriprakANDam | nirupamatamaja~NghAjAnupInorukANDaM pratidivasamupAse chandramaule! bhavantam || 91|| pR^ithukaTitaTaM shobhivyAghracharmAvanaddha\- sphuraduragaphaNAlIratnakA~nchIkalApam | avanatashubhanAbhIshobhamAnAvalagnaM pratidivasamupAse chandramaule! bhavantam || 92|| tarala bhujagahArasphArashubhrasthimAlA\- shabala vimalabhasmAlepadorantarAlam | garalaruchikarAlashyAmalAkuNThakaNThaM pratidivasemupAse chandramaule! bhavantam || 93|| phaNikaTakavirAjatpANilagnAkShamAlA\- parashuhariNashUlaj~nAnamudrAkapAlam | giriduhitR^ikuchodyatku~NkumAla~NkR^itA~NgaM pratidivasamupAse chandramaule! bhavantam || 94|| vishadadashanarochirashshliShTabimbAdharoShTha\- dyutijitashashikAnti syUtachUtapravAlam | ruchimasR^iNaphaNAbhR^itkuNDalAlIDhagaNDaM pratidinasamupAse chandramaule! bhavantam || 95|| niTilanayanakoNaprasphuradvisphuli~Nga\- prasaradaruNarochirmaNDalIshoNaghoNam | vikachakamalapatrashrImadakShidvayIkaM pratidivasamupAse chandramaule! bhavantam || 96|| nihutamadanahavyadravyabhavyAgnidIvya\- nnayanatilakarekhAshAliphAlAntarAlam | chaTulakuTilachArushrIkachillIviTa~NkaM pratidivasamupAse chandramIle. bhavantam || 97|| kalitakanakashobhAramyashamyAkamAlaM surasariduruvIchispandamAnendulekham | dadhatamuraganaddhaM chArukoTIrabhAraM pratidivasamupAse chandramaule! bhavantam || 98|| sphaTikadhavaladehaM sphArakAntipravAhaM navabhasitavilepaM nAshitAsheShapApam | kalishamanavibhAvaM kAmadaM vAmadevaM pratidivasamupAse chandramaule! bhavantam || 99|| charitaguNapavitraM chArukAruNyapAtraM chaTulaniTilanetraM chandrikAshubhragAtram | ruchibharajitamitraM rudramApannamitraM pratidivasamupAse, chandramaule! bhavantam || 100|| shivamanudinaM dhyAyaM dhyAyaM shivastavamAdarAt paThati ghaTitaM padyairebhishshatena sukhena yaH | sa khalu nikhilAnAsAdyArthAn kR^itArthamanA jana\- ssvatanuvilaye shambhoH sthAnaM sanAtanamApnuyAt || 101|| shivastavaH samAptaH | shrIgurupAdebhyo namaH | OM namashshivAya | rAmo yatpANivAdo gurucharaNasarojanmareNuprasAdA\- detAvadviShNupAdastavamapi cha shivastotramatra vyatAnIt | prItyai bhUyAdbudhAnAM tadidamaghaharaM chAstu nistandrameta\- nnityaM bhaktiprakarShottaramanupaThatAmIhayA dehabhAjAm || shrIgurupAdebhyo namaH | shubhamastu | ## \section{Introduction} Shivashataka is a stotra on Lord Shiva in ten dashakas of ten stanzas each by Ramapanivada, the prolific writer who lived in Kerala in the eighteenth century of the Christian Era. The subject matter of these dashakas is as follows: I. The first two and the last two shlokas in this dashaka form a general invocation on Lord Shiva. The other six shlokas are devoted to the description of His evening dance, the tandava, the grosser aspects of which are given greater emphasis than the finer ones. The metre is shikhariNI. II. The first seven shlokas of this dashaka constitute a head-to-foot description of the Lord and the last three shlokas form His general praise. The metre is shArdUlavikrIDita. III. This dashaka details the well-known story of Tripura-dahana. The metre is hariNI. IV. This is in the sragdharA metre and gives an account of Dakshayaga. V, VI. These two dashakas deal with the marriage of Parvati. The fifth describes the birth of Sati as the daughter of Himavan, her attendance on Shiva who was in deep penance, the attempt of Cupid at the instance of the Devas to kindle the fire of love in Shiva for ParvatI, and his miserable discomfiture and death. The sixth dashaka describes Parvati's penance, Shiva's appearance before her as a Brahmacharin to test her mind and the final marriage between them. The metre of the fifth dashaka is mandAkrAntA and that of the sixth prithvi. VII. This is a general eulogy on the Lord in his nishkala form and so from a philosophical point of view. supreme Brahman, boundless and without beginning or end. Words cannot describe Him. He creates the world through Maya, but keeps himself out of its influence. Devotion to Him is the only means of crossing the ocean of Samsara, and it is through devotion and devotion alone is He attainable. The metre is puShpitAgrA. VIII. The story of the appearance of a very brilliant, majestic and extensive halo of Shiva in the beginning of Kalpa, the attempt of Brahma and Vishnu to find cut its upper and lower limits and their failure, Brahma's false utterance that he was able to see the upper limit, and enraged at this false assertion Shiva's clipping off one of his heads, and Brahma's curse that Shiva should beg in the skull-cap of the head so removed till it is filled, is given in this dashaka. The metre is sragdharA. IX. This dashaka is in the meghavisphurjita metre, and is a general praise of the Lord. X. A pAdAdikesha description of the Lord is the subject-matter of this concluding dashaka, which is written in the mAlinI metre. The language of this stotra is stately, as is the case with most of the works of Ramapanivada, but it lacks by comparison the gracefulness which characterises some of his other stotras. Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}