% Text title : Shivashatarudriyam % File name : shivashatarudrIyam.itx % Category : shiva, skandapurANa % Location : doc\_shiva % Proofread by : PSA Easwaran % Description/comments : skandapurANa | mAheshvarakhaNDa | kaumArikAkhaNDa | adhyAya 13/140-204|| % Latest update : April 27, 2025 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shivashatarudriyam ..}## \itxtitle{.. shivashatarudrIyam ..}##\endtitles ## shivabhaktisamudraikapUritaH prAha tAnmuniH | na shivAtparamo devaH satyametachChivavratAH || 140|| shivaM vihAya yo hyanyadasatki~nchidupAsate | karasthaM so.amR^itaM tyaktvA mR^igatR^iShNAM pradhAvati || 141|| shivashaktimayaM hyetatpratyakShaM dR^ishyate jagat | li~NgA~NkaM cha bhagA~NkaM cha nAnyadevA~NkitaM kvachit || 142|| yashcha taM pitaraM rudraM tyaktvA mAtaramambikAm | vartate.asau svapitaraM tyaktodapitR^ipiNDakaH | yasya rudrasya mAhAtmyaM shatarudrIyamuttamam || 143|| shrR^iNudhvaM yadi pApAnAmichChadhvaM kShAlanaM param | brahmA hATakali~NgaM cha samArAdhya kapardinaH || 144|| jagatpradhAnamiti cha nAma japtvA virAjate | kR^iShNamUle kR^iShNali~NgaM nAma chArjitameva cha || 145|| sanakAdyaishcha talli~NgaM pUjyAjayurjagadgatim | darbhA~NkuramayaM sapta munayo vishvayonikam || 146|| nAradastvantarikShe cha jadadbIjamidaM gR^iNan | vajramindro li~NgamevaM vishvAtmAnaM cha nAma cha || 147|| sUryastAmraM tathA li~NgaM nAma vishvasR^ijaM japan | chandrashcha mauktikaM li~NgaM japannAma jagatpatim || 148|| indranIlamayaM vahnirnAma vishveshvaraM japan | puShparAgaM guruli~NgaM vishvayoniM japanharam || 149|| padmarAgamayaM shukro vishvakarmeti nAma cha | hemali~NgaM cha dhanado japannAmnA tatheshvaram || 150|| raupyajaM vishvadevAshcha nAmApi jagatAmpatim | vAyavo rItijaM li~NgaM shambhumityeva nAma cha || 151|| kAshajaM vasavo li~NgaM svayambhumiti nAma cha | trilohaM mAtaro li~NgaM nAma bhUteshameva cha || 152|| lauhaM cha rakShasAM nAma bhUtabhavyabhavodbhavam | guhyakAH sIsajaM li~NgaM nAma yogaM japanti cha || 153|| jaigIShavyo brahmarandhraM nAma yogeshvaraM japan | nimirnayanayorli~Nge japa~nsharveti nAma cha || 154|| dhanvantarirgomayaM cha sarvalokeshvareshvaram | gandharvA dArujaM li~NgaM sarvashreShTheti nAma cha || 155|| vaiDUryaM rAghavo li~NgaM jagajjyeShTheti nAma cha | bANo mArakataM li~NgaM vasiShThamiti nAma cha || 156|| varuNaH sphATikaM li~NgaM nAmnA cha parameshvaram | nAgA vidrumali~NgaM cha nAma lokatraya~Nkaram || 157|| bhAratI tArali~NgaM cha nAma lokatrayAshritam | shanishcha sa~NgamAvarte jagannAtheti nAma cha || 158|| shanideshe madhyarAtrau mahIsAgarasa~Ngame | jAtIjaM rAvaNo li~NgaM japannAma sudurjayam || 159|| siddhAshcha mAnasaM nAma kAmamR^ityujarAtigam | u~nChajaM cha balirli~NgaM j~nAnAtmetyasya nAma cha || 160|| marIchipAH puShpajaM cha j~nAnagamyeti nAma cha | shakR^itAH shakR^itaM li~NgaM j~nAnaj~neyeti nAma cha || 161|| phenapAH phenajaM li~NgaM nAma chApi sudurvidam | kapilo vAlukAli~NgaM varadaM cha japanharam || 162|| sArasvato vAchili~NgaM nAma vAgIshvareti cha | gaNA mUrtimayaM li~NgaM nAma rudreti chAbruvan || 163|| jAmbUnadamayaM devAH shitikaNTheti nAma cha | sha~Nkhali~NgaM budho nAma kaniShThamiti sa~njapan || 164|| ashvinau mR^iNmayaM li~NgaM nAmnA chaiva suvedhasam | vinAyakaH piShTali~NgaM nAmnA chApi kapardinam || 165|| nAvanItaM kujo li~NgaM nAmnA chApi karAlakam | tArkShya odanali~NgaM cha haryakSheti hi nAma cha || 166|| gauDaM kAmastathA li~NgaM ratidaM cheti nAma cha | shachI lavaNali~NgaM tu babhrukesheti nAma cha || 167|| vishvakarmA cha prAsAdali~NgaM yAmyeti nAma cha | vibhIShaNashcha pAMsUtthaM suhR^ittameti nAma cha | vaMshA~NkurotthaM sagaro nAma sa~Ngatameva cha || 168|| rAhushcha rAmaThaM li~NgaM nAma gamyeti kIrtayan | lepyali~NgaM tathA lakShmIrharinetreti nAma cha || 169|| yoginaH sarvabhUtasthaM sthANurityeva nAma cha | nAnAvidhaM manuShyAshcha puruShaM nAma nAma cha || 170|| tejomayaM cha R^ikShANi bhagaM nAma cha bhAsvaram | kinnarA dhAtuli~NgaM cha sudIptamiti nAma cha || 171|| devadeveti nAmAsti li~NgaM cha brahmarAkShasAH | dantajaM vAraNA li~NgaM nAma raMhasameva cha || 172|| saptalokamayaM sAdhyA bahUrUpeti nAma cha | dUrvA~NkuramayaM li~NgamR^itavaH sarvanAma cha || 173|| kau~Nkumamapsaraso li~NgaM nAma shambhoH priyeti cha | sindUrajaM chorvashI cha nAma cha priyavAsanam || 174|| brahmachAri gururli~NgaM nAma choShNIShiNaM viduH | alaktakaM cha yoginyo nAma chAsya subabhrukam || 175|| shrIkhaNDaM siddhayoginyaH sahasrAkSheti nAma cha | DAkinyo mAMsali~NgaM cha nAma chAsya cha mIDhuSham || 176|| apyannajaM cha manavo girisheti cha nAma cha | agastyo vrIhijaM vApi sushAntamiti nAma cha || 177|| yavajaM devalo li~NgaM patimityeva nAma cha | valmIkajaM cha vAlmIkishchiravAsIti nAma cha || 178|| pratardano bANali~NgaM hiraNyabhujanAma cha | rAjikaM cha tathA daityA nAma ugreti kIrtitam || 179|| niShpAvajaM dAnavAshcha li~NganAma cha dikpatim | meghA nIramayaM li~NgaM parjanyapatinAma cha || 180|| rAjamAShamayaM yakShA nAma bhUtapatiM smR^itam | tilAnnajaM cha pitaro nAma vR^iShapatistathA || 181|| gautamo gorajamayaM nAma gopatireva cha | vAnaprasthAH phalamayaM nAma vR^ikShAvR^iteti cha || 182|| skandaH pAShANali~NgaM cha nAma senAnya eva cha | nAgashchAshvataro dhAnyaM madhyametyasya nAma cha || 183|| puroDAshamayaM yajvA sruvahasteti nAma cha | yamaH kAlAyasamayaM nAma prAha cha dhanvinam || 184|| yavA~NkuraM jAmadagnyo bhargadaityeti nAma cha | purUravAshchAnnamayaM bahurUpeti nAma cha || 185|| mAndhAtA sharkarAli~NgaM nAma bAhuyugeti cha | gAvaH payomayaM li~NgaM nAma netrasahasrakam || 186|| sAdhyA bhartR^imayaM li~NgaM nAma vishvapatiH smR^itam | nArAyaNo naro mau~njaM sahasrashiranAma cha || 187|| tArkShyaM pR^ithustathA li~NgaM sahasracharaNAbhidham | pakShiNo vyomali~NgaM cha nAma sarvAtmaketi cha || 188|| pR^ithivI meruli~NgaM cha dvitanushchAsya nAma cha | bhasmali~NgaM pashupatirnAma chAsya maheshvaraH || 189|| R^iShayo j~nAnali~NgaM cha chirasthAneti nAma cha | brAhmaNA brahmali~NgaM cha nAma jyeShTheti taM viduH || 190|| gorochanamayaM sheSho nAma pashupatiH smR^itam | vAsukirviShali~NgaM cha nAma vai sha~Nkareti cha || 191|| takShakaH kAlakUTAkhyaM bahurUpeti nAma cha | hAlAhalaM cha karkoTa ekAkSha iti nAma cha || 192|| shrR^i~NgI viShamayaM padmo nAma dhUrjaTireva cha | putraH pitR^imayaM li~NgaM vishvarUpeti nAma cha || 193|| pAradaM cha shivA devI nAma tryambaka eva cha | matsyAdyAH shAstrali~NgaM cha nAma chApi vR^iShAkapiH || 194|| evaM kiM bahunoktena yadyatsattvaM vibhUtimat | jagatyAmasti tajjAtaM shivArAdhanayogataH || 195|| bhasmano yadi vR^ikShatvaM j~nAyate nIrasevanAt | shivabhaktivihInasya tato.asya phalamuchyate || 196|| dharmArthakAmamokShANAM yadi prAptau bhavenmatiH | tato haraH samArAdhyastrijagatyAH prado mataH || 197|| ya idaM shatarudrIyaM prAtaHprAtaH paThiShyati | tasya prItaH shivo devaH pradAsyatyakhilAnvarAn || 198|| nAtaH paraM puNyatamaM ki~nchidasti mahAphalam | sarvavedarahasyaM cha sUryeNoktamidaM mama || 199|| vAchA cha yatkR^itaM pApaM manasA vApyupArjitam | pApaM tannAshamAyAti kIrtite shatarudriye || 200|| rogArto muchyate rogAdbaddho muchyeta bandhanAt | bhayAnmuchyeta bhItashcha japedyaH shatarudriyam || 201|| nAmnAM shatena yaH kumbhaiH puShpaistAvadbhirIshvaram | praNAmAnAM shatenApi muchyate sarvapAtakaiH || 202|| li~NgAnAM shatametachcha shatamArAdhakAstathA | nAmAni cha shataM sarvadoShasannAshakaM smR^itam || 203|| visheShAdeShu li~NgeShu yaH paThiShyati pa~nchasu | pa~nchabhirviShayodbhUtaiH sa doShaiH parimuchyate || 204|| iti shrIskandapurANe mAheshvarakhaNDe, kaumArikAkhaNDe, aShTamAdhyAyAntargataM bhartR^iyaj~namuniproktaM shivamahimAstotraM samAptam | skandapurANa | mAheshvarakhaNDa | kaumArikAkhaNDa | adhyAya 13/140\-204|| ## skandapurANa . mAheshvarakhaNDa . kaumArikAkhaNDa . adhyAya 13/140-204.. Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}