% Text title            : shivastavaH 3 devIkRRitaH
% File name             : shivastavaHdevIkRRita.itx
% Category              : shiva
% Location              : doc\_shiva
% Proofread by          : Aruna Narayanan
% Latest update         : October 17, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devikrita ShivastavaH ..}##
\itxtitle{.. devIkR^itashivastavaH ..}##\endtitles ##
shrI devyuvAcha \-
dInabandho ! dayAsindho ! prabho ! sha~Nkara ! bho hara ! |
shrotumichChAmi ! devesha j~nAnadaH sha~Nkaro yataH || 1||
devadeva ! mahAdeva ! namastubhyaM sadAshiva ! |
namastubhyaM namastubhyaM namastubhyaM maheshvara ! || 2||
vishveshvara ! jagadbandho ! nIlakaNTha ! namo.astu te |
j~nAnesha ! j~nAnadAnandadAyaka ! j~nAnavarddhaka ! || 3||
j~nAnAdhIsha ! j~nAnapate ! namaH kochavadhUpate ! |
namaste paramAnanda ! namaste bhaktavatsala ! || 4||
namaste pArvatInAtha ! ga~NgAdhara ! namo.astu te |
vishveshvara ! jagadbandho ! jagadIsha ! sadAshiva ! || 5||
namaste.astu mahAdeva ! trilokesha ! maheshvara ! |
namaste yogatantraj~na ! namaH kAlIpate namaH || 6||
namastArApate ! tubhyaM namaste bhairavIpate ! |
gaurIpate ! jagannAtha ! namaste chaNDikApate ! || 7||
gururUpatarorbIja\-phalarUpa ! phalaprada ! |
namaste sarvabIjaj~na ! bIjAdhAra ! namo.astu te || 8||
umApate ! namastubhyaM namastubhyaM trilochana ! |
pa~nchAnana ! namastubhyaM namaste shashishekhara ! || 9||
shambho ! maheshvara ! vibho ! virUpAkSha ! chaturbhuja ! |
namaste parvatAtmajA\-pate ! chaNDIpate ! namaH || 10||
trilokesha ! dayAsindho ! karuNAmaya ! sha~Nkara ! |
bhakta\-vatsala ! devesha ! nIlakaNTha ! sadAshiva ! || 11||
namaH kAshIpate ! tubhyaM namaste chandrashekhara ! |
namashchaNDIpate tubhyaM namaste muktida ! prabho ! || 12||
namaste jagadAdhAra! chaturAnana ! vatsala ! |
namaH kriyApate ! tubhyaM namaste muktida ! prabho ! || 13||
ahamevA.abalA bAlA kathaM jAnAmi ! sha~Nkara ! |
nirguNaM saguNaM j~nAtuM na samarthA katha~nchana || 14||
shrI shiva uvAcha \-
nirguNA prakR^itiH satyamahameva cha nirguNaH |
yadaiva saguNA tvaM hi suguNo hi sadAshivaH || 15||
satya~ncha nirguNA devI satyaM satyaM hi nirguNaH |
upAsakAnAM sid.hdhyarthaM saguNA saguNo mataH || 16||
nAnAtantramataM devi ! nAnAyatnAt prakAshitam |
brahmasvarUpaM vij~nAtuM kaH samartho mahItale || 17||
nAnAmArge vidhAvanti pashavo hatabuddhayaH |
shrIdurgAcharaNAmbhojaM hitvA yAnti rasAtalam || 18||
satyaM vAchmi dR^iDha vachmi hitaM pathyaM punaH punaH |
na bhuktishcha na muktishcha vinA durgA\-niShevanAt || 19||
devi ! durgA paraM brahma shrutaM kAlI\-shrutau tvayA |
tArA\-shrutau shrutaM devi! shrutA brahmavichAraNA || 20||
brahmA viShNushcha rudrashcha vAsavashcha divaukasaH |
tvatpAda\-sevanAd devi ! vayaM vai sAdhakottamAH || 21||
na devesho gaNapatirno brahmA no haro hariH |
harirharirahaM devi! sarve pAdAbja\-bhAvukAH || 22||
tvat\-prasAdAnmaheshAni ! brahmA sR^iShTiM karotyasau |
tatprasAdAddhariH pAtA haro hartA mahItale || 23||
vAsavashchAmarAdhIsho.amarA devatAH smR^itAH |
te sarve nirjarA devi ! tvat\-prasAdAnmaheshvari ! || 24||
tvatpAda\-padmasamparkA deva devo.api sha~NkaraH |
atastvaM jagadIshAna\-dayitA ! bhaktavatsale ! || 25||
dR^iShTiM kuru mahAmAye ! namastesyai namo namaH |
tva~ncha kAlI tva~ncha tArA ShoDashI tvaM varAnane ! || 26||
tvaM devi ! bhuvanA bAlA ChinnA dhUmA maheshvari ! |
tvaM devi bagalA bhImA kamalA tvaM maheshvari ! || 27||
mAta~NgI tvannapUrNA tvaM dhanadA tvaM shiva priye ! |
durgA tvaM vishvajananI dashAShTAdasharUpiNI || 28||
saptakoTi\-mahAvidyA upavidyA\-svarUpiNI |
kumArI ramaNI\-rUpA surUpA naganandinI || 29||
shivapUjyA shivArAdhyA brahmapUjyA sureshvarI |
shivo bhinnaH shivAbhinnA na jIvo vAmalochanA |
iti jAnAmi vishveshi ! satyaM satyaM na saMshayaH || 30||
shrI pArvatyuvAcha \-
satyaM me kathitaM nAtha nityarUpo.asi sha~Nkara !|
aha~ncha triShu lokeShu pArvatIshvarI sha~Nkara !|
visheShaM devadevesha! sarvaj~na! kathayasva me || 31||
shrI shiva uvAcha \-
visheShaM na cha jAnAmi kathayasva varAnane ! |
sarvaj~nAsi maheshAni ! yataH sarvaj~na vallabhA || 32||
shrI pArvatyuvAcha \-
goloke chaiva rAdhA.ahaM vaikuNThe kamalAtmikA |
brahmaloke cha sAvitrI bhAratI vAk\-svarUpiNI || 33||
kailAse pArvatI devI mithilAyA~ncha jAnakI |
dvArakAyAM rUkmiNI cha draupadI pANDavAlaye || 34||
gAyatrI veda\-jananI sandhyA.aha~ncha dvijanmanAm |
jyotirmadhye puShA.aha~ncha puShpe kR^iShNA parAjitA || 35||
patre mAlUrapatraM hi pIThe yoni\-svarUpiNI |
hariharAtmikA vidyA brahma\-viShNu\-shivArchitA || 36||
visheShAnugraheNaiva vij~neyA sha~Nkara ! prabho ! |
yatra kutra sthale nAtha ! shaktistiShThati gachChati |
tatraivA.ahaM mahAdeva ! nishchitaM matamuttamam || 37||
shaktimArgaM parityajya yo.anyamArgaM vidhAvati |
karasthaM sa maNiM tyaktvA bhUti\-bhAvaM vidhAvati || 38||
ityeva~ncha mahAdeva ! mayoktaM jagadIshvara ! |
ataH parataraM nAsti nAsti nAsti sadAshiva ! || 39||

iti muNDamAlAtantre pArvatIshvara\-saMvAde saptamaH paTalAntargataH
devIkR^itashivastavaH sampUrNaH || 7||
shlokAni 42\-80

##
Proofread by Aruna Narayanan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}