% Text title            : Brahmakritam Shiva Stotram
% File name             : shivastotrambrahmakRRitaM.itx
% Category              : shiva, stotra
% Location              : doc\_shiva
% Transliterated by     : PSA Easwaran
% Proofread by          : PSA Easwaran
% Description/comments  : From Saurapurana
% Latest update         : December 11, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Brahmakritam Shiva Stotram ..}##
\itxtitle{.. brahmakR^itaM shivastotram ..}##\endtitles ##
(saurapurANe trayoviMshatyadhyAyAntargatam)

brahmovAcha\-
namaste.astu mahAdeva namaste parameshvara |
namaH shivAya devAya namaste brahmarUpiNe || 20||
yasya dyaurabhavanmUrdhA pAdau pR^ithvI disho bhujAH |
AkAshamudaraM tasmai virAje praNamAmyaham || 34||
santApayati yo nityaM svabhAbhirbhAsayandishaH |
brahmatejomayaM vishvaM tasmai sUryAtmane namaH || 35||
havyaM vahati yo nityaM rodrI tejomayI tanuH |
kavyaM pitR^igaNAnAM cha tasmai vahnyAtmane namaH || 36||
ApyAyayati yo nityaM svadhAmnA sakalaM jagat |
pIyate devatAsandhaistasmai chandrAtmane namaH || 37||
bibhartyasheShabhUtAni yo.antashcharati sarvadA |
shaktirmAheshvarI tubhyaM tasmai vAyvAtmane namaH || 38||
sR^ijatyasheShamevedaM yaH svakarmAnurUpataH ||
svAtmanyavasthitastasmai chaturvaktrAtmane namaH || 39||
yaH shete sheShashayane vishvamAvR^itya mAyayA |
AtmAnubhUtiyogena tasmai vishvAtmane namaH || 40||
bibharti shirasA nityaM dvisaptabhuvanAtmakam |
brahmANDaM yo.akhilAdhAraM tasmai sheShAtmane namaH || 41||
yaH parAnte parAnandaM pItvA divyaikasAkShiNam |
nR^ityatyanantamahimA tasmai rudrAtmane namaH || 42||
yo.antarA sarvabhUtAnAM niyantA tiShThatIshvaraH |
taM sarvasAkShiNaM devaM namaste paramAtmane || 43||
yasya kesheShu jImUtA nadyaH sarvA~NgasandhiShu |
kukShau samudrAshchatvArastasmai vyomAtmane namaH || 44||
yaM vinidrA yatashvAsAH santuShTAH samadarshinaH ||
jyotiH pashyanti yu~njAnAstasmai yogAtmane namaH || 45|
yasya bhAsA vibhAtIdaM tadahaM tamasaH param |
tattvaM sadA nirAkAraM chidrUpaM pArameshvaram || 46||
yayA santarate mAyAM yogI sa~NkShINakalmaShaH |
aparAntAmaparyantAM tasmai vidyAtmane namaH || 47||
nityAnandaM nirAdhAraM niShkalaM paramaM shivam |
prapadye paramAtmAnaM bhavantaM parameshvaram || 48||
evaM stutvA mahAdevaM brahmA tadbhAvabhAvitaH |
prA~njaliH praNatastasthau gR^iNanbrahma sanAtanam || 49||
tatastatya mahAdevo nityayogamanuttamam |
aishvaryaM brahmasadbhAvaM vairAgyaM cha dado haraH || 50||

iti saurapurANe trayoviMshatyadhyAyAntargataM brahmakR^itaM
          shivastotraM sampUrNam |

##
Encoded and proofread by PSA Easwaran 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}