% Text title            : Shiva Stuti by Mankanaka and Siddheshvaralinga Varnanam
% File name             : shivastutiHsiddheshvaralingavarNAnammankaNakakRRitA.itx
% Category              : shiva, shivarahasya, stuti
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 34|| -
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shiva Stuti by Mankanaka and Siddheshvaralinga Varnanam ..}##
\itxtitle{.. ma~NkaNakakR^itA shivastutirevaM siddheshvarali~NgavarNAnam ..}##\endtitles ##
IshvaraH \-
tatpratIchyAM mahAdevi prabhAsaM nAma vishrutam |
prabhAse venikA nAma nadI puNyapradA shubhA || 1||
tatra shaivavarA nityaM bhasitoddhUlane ratAH |
tripuNDrabhAlAH satatamanyapuNDravivarjitAH || 2||
rudrAkShakavachAH sarve pa~nchAkSharaparAyaNAH |
rudrAdhyAyArthakathanapravaNAH sharaNA mayi || 3||
mama li~NgArchakAH sarve bilvapatrAdisAdhanaiH |
taiH shivAnarpitaM vAri phalaM vA nopabhujyate || 4||
ShaTsahasraM munIndrANAM prabhAse samavasthitam |
tatra ma~NkaNako nAma purA siddho.abhavanmuniH || 5||
tena siddheshvaraM li~NgaM trikAleShu samarchitam |
bilvapatraishcha kalhArairnIlairnIlotpalairapi || 6||
naivedyaiH phalamUlAdikalpitaiH parameshvari |
sadA mamArAdhanakR^it sa mAM tuShTAva sha~Nkari || 7||
siddheshaM sarvasiddhInAmAkaraM bhuvaneshvari ||
\-\-\-
ma~NkaNakaH \-
siddhesha siddhagaNapUjyapadAbjayugmamadyaitadekamanishaM dayayA dadasva |
mugdhenduchUDa mayi siddhigaNaM tvadIyaiH (?) siddho.asmi mochaya mahAghasupAshabaddham || 8||
buddhiM prasAraya mahesha sukhAya shambho tvatpAdapUjanavidhau dR^iDhabhaktiyuktAm |
saktAM sudAratanayAdidhanAdikeShu dhAnyeShu goShu gR^ihavarNagaNeShu muktim || 9||
dehi prasIda parameshvara pa~nchavaktra lokeshameti nikhilaM sahabhUtavargaiH |
vaimAnikAshcha sakalAH sasurAshcha lokAH kAlastvamIsha vaDavAmukhasannibho.abdhau || 10||
kShetrottamaM munivaraiH sevitaM shAmbhavottamaiH |
tatra siddheshvaraM nAmnA li~NgaM muktipradaM mama || 11||
madbhAsanAkarShaNena prabhAsamiti vishrutam |
haribrahmarudrendrasAmrAjyajAlaM nikR^iShTaM tadutkR^iShTakaShTaikaniShTham |
mameshAnali~NgArchanadhyAnatuShTasya lakShasthalikShAyitA devavargAH || 12||
\-\-\-
IshvaraH \-
iti ma~NkaNakeneshi saMstuto.ahaM mudA tadA |
tamAhUya muniM siddhaM siddhayaste.abhavaMstvayi || 13||
iti matto varaM labdhvA sa tu ma~NkaNako dvijaH |
svakarAtpayaso dhArAM niHsR^itAM dadR^ishe.ambike || 14||
siddhiH prAptesi cha mayA tasya harSho.ajani dutam |
nanarta siddhali~NgAgre karatAlaiH sa shAmbhavaH || 15||
\-\-\-
ma~NkaNakaH \-
svAminnannapate dhanAdhipapate he shailakanyApate he
      kAmAntaka he purAntaka mahAdevesha mAM pAlaya |
he vishveshvara bharga deva bhagavan he chAruchAmIkara\-
      sphArAkArashashIrashobhita mahAsiddhesha siddhiprada || 16||
he bhImAmaranAyakAkhilamahApAperutApaM hara
      rudrogrAmitasha~Nkara tripurajApAravyathAM saMhara |
he kAlAntaka kAlakAla bhavahan kAlAdbhayaM saMhAra
      he ga~Ngottamasa~Ngara~NgitajaTAbhArArdhachandrasphura || 17||
karpUrojvalabhUtibhUSha bhagavan mAM sarvadA pAlaya
      he bhogIshvaraka~NkaNa pramathayAnAthe prasIdAdhunA |
he vishvAntaka vishvametadadhunA tvatto vibho niHsR^itaM
      pAhi tvaM parameshvaresha kR^ipayA tvanmAyayA kalpitam || 18||
he li~NgArchanajAtananditanijAnandaikamodaprada he |
bilvAdidalottamA~Nga bhagavan matsiddhidAtArchane || 19||
\-\-\-
IshvaraH \-
itthaM nanarta sa muniH siddhivismApitastadA |
tena vR^ittena sakalaM jagannR^ittaparaM bhavat || 20||
sodvignAstridashAH sarve muniM te dadR^ishustadA |
nimIlitAkShaM dhyAyantaM sAnandajalalochanam || 21||
brahmopendrendravibudhAnnaivApashyattadA.ambike |
siddheshvarAgrataH sarve stuvantaM mAM surAstadA || 22||
sadA sabrahmakAH sarve siddheshaM mAM praNamya cha |
bilvaiH sampUjya mAM sarve prArthayanti tadA surAH || 23||
\-\-\-
devAH \-
bho shambho tripurAntakAntaka mahAdevesha vishvAdhika
      vishvAshAsya dayAnidhe trijagatAM nAtha prasIdAva naH |
bho bhargAmaradhIra vIra bhagavan pAhIndumauLe surAn
      nR^itye tena munIshvareNa bhuvanaM nR^ityanvinamyeddhruvam || 24||
ayaM ma~NkaNakaH siddhaH siddhesha tava darshanAt |
siddhiM paramikAM prAptastena nR^ityAni mohitaH || 25||
taM nivAraya lokesha lokAnAM sthitihetave |
tadbrahmaNo vachaH shrutvA siddharUpyahamAgataH || 26||
\-\-\-
IshvaraH \-
jaTAmaNDalashobhADhyastripuNDraniTilollasan |
rudrAkShahAravalayaH ka~NkaNAdyaishcha shobhitaH || 27||
bhasitoddhUlitavapuH svarNavetralasatkaraH |
sha~NkhakhaDgAdikalitakuNDalaiH shobhivaktrakaH || 28||
pAdukAvilasatpAdo mekhalAM pAdalambinIm |
dadhaDDamarukaM devi nAdayanDarabaro.ambaram || 29||
pAdaka~NkaNabhUtasya phaNinaH shvAsaphUtkR^itaiH |
vainateyamahApakShakR^itapIDo maheshvari || 30||
tasyAgrataH sthito devi siddhesho.ahaM munestadA |
sa munirvismayAviShTo mAM praNamya tadA sthitaH || 31||
pashyatastasya me.a~NguShTho devi santADito mayA |
tasmAchcha bhasmano rAshirudabhUta parvatopamaH || 32||
devA ma~NkaNakaH shaivA adbhutaM dadR^ishustadA |
nR^ittAdupAramadvipro mayA proktaH sa ma~NkaNaH || 33||
gachCha ma~NkaNa siddhiste matprasAdAtparA tava |
maiva te vismayo bhUyAdetalli~NgaM hi siddhidam || 34||
prabhAse pAvane kShetre yo vA ko vA.api mAnavaH |
niyataH saMvasedatra tasya siddhiH parA bhavet || 35||
siddhipradamidaM li~NgaM siddheshAkhyaM tu kAmadam |
darshanAdasya li~Ngasya sarvAH sid.hdhyanti sid.hdhyaH || 36||
prabhAse matprasAdena siddhali~NgamudIkShya cha |
matsAyujyamavApnoti devi satyaM vadAmi te || 37||

|| iti shivarahasyAntargate prabhAsakShetramAhAtmye ma~NkaNakakR^itA shivastutirevaM siddheshvarali~NgavarNAnam ||

\- || shrIshivarahasyam | bhargAkhyaH pa~nchamAMshaH | adhyAyaH 34|| \-
##
- .. shrIshivarahasyam . bhargAkhyaH panchamAMshaH . adhyAyaH 34.. -
Notes:
Prabhas Shiva Kshetra, is abode to Siddheshwara (Siddhesha) Linga and is located on the banks of River Venika (Vena). The story of Siddha Muni Mankanaka is narrated here; whereby, Shiva granted that worship at Siddheshwara Linga in Prabhas Kshetra would result in prompt acquisition of Siddhies and benefit of Shiva-Sayujya.

The shloka numbers have been maintained per the source text.

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}