% Text title            : shrIshivastutikadambam
% File name             : shivastutikadambam.itx
% Category              : shiva, sachchidAnanda-shivAbhinava-nRisiMhabhAratI
% Location              : doc\_shiva
% Author                : sachchidAnanda-shivAbhinava-nRisiMhabhAratI
% Proofread by          : PSA Easwaran
% Description-comments  : Brihatstotraratnakara 1 newer, Narayana Ram Acharya, Nirnayasagar, stotrasankhyA 225
% Latest update         : November 7, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIshivastutikadambam ..}##
\itxtitle{.. shrIshivastutikadambam ..}##\endtitles ##
shrIgaNeshAya namaH ||
AhlAdajanakasyAdya sAnnidhyAttava sha~Nkara |
chandrashchandratvamApede jAne chandralasajjaTa || 1||
kAlakUTaM nIgR^ihyAdAvarakShaH sakalaM jagat |
ko vA.atra vismayaH shambho kAlasyaikasya nigrahe || 2||
abhavastvaM sUchayituM lokAnAmardhanArIshaH |
ardho vetyAmnAyaH svArthaparo nArthavAda iti || 3||
jaDatAvidalanadIkShita jaDatApahR^itiM karoShi no chenme |
dIkShAbha~Ngo na bhaveddAkShAyaNyAshritA~Nga kimu tena || 4||
pashupatimava mAM shambho pashupatirasi girisha yasmAttvam |
shrutirapyevaM brUte kartavyA hyAtmarakSheti || 5||
shIrShopari chandraste loke shAsre cha vikhyAtaH |
kaNThoparyakala~NkaH pUrNaH ko.ayaM nishAkaro brUhi || 6||
kavitvavArashisharannisheshaM jaDatvanAgendravibhedasiMham |
mR^igatvagAbaddhakaTipradeshaM mahattvadaM naumi natAya shambhum || 7||
yada~NghripAthoruhasevanena prayAti sarvottamatAM jaDo.api |
tamambikAmAnasapadmahaMsamupAshraye satvarachittashuddhaye || 8||
bahUnAM janAnAM mano.abhIShTajAtaM susUkShmaM vitIryAshu garvAyase tvam |
maheshAna yadyasti shaktistavAho mahanmanmano.abhIShTamAshu prayachCha || 9||
apAM puShpArdhasya pratidinamaho dhAraNavashAt
prabho kiM nirvedAddharaNigatapuShpAlimadhunA |
rasAddhatse shIrShe shashadharakirITAgatanayA-
sahAya prabrUhi praNatajanakAruNyabharita || 10||
bahoH kAlAtkiM vA shirasi kR^itavAsaM tava vidhuM 
viyogaM kiM patyurbhR^ishamasahamAnA svayamaho |
samAli~NgantyetAH patimatirasAtpuShpamiShataH 
prabho tArAstasmAdasi sumakirITastvamadhunA || 11||
bhaktAnAM hR^idrathAnAM nijanijapadavIprAptaye pArvatIshaH 
kAruNyApAravArAnnidhiragapatijAsaMyutaH sambhrameNa |
AruhyaikaM hi bAhyaM rathamiha nikhilAMshchAlayan kiM puroktAn
garvaM pakShIshavAyvorharati karuNayA shIghranamreShTadAyI || 12||
matpApAnAM bahUnAM parimitiradhunA.adhIsha nAstyeva nUnaM 
tvadvatpApopashAntipradamiha bhuvane nAsti daivaM cha sadyaH |
tasmAnmatpAparAshiM daha daha tarasA dehi shuddhAM cha buddhiM 
srotaH shreShThAvataMsa praNatabhayahara prANanAthAgajAyAH || 13||
kAmaM santu surAH svapAdanamanastotrArchanAbhishchiraM 
dehaM karshayate janAya phaladAstAnnAshraye jAtvapi |
yo jAtvapyavashAtsvanAma vadate lokAya shIghreShTadaH 
so.avyAddhetuvihInapUrNakaruNaH kAntAyitArdhaH shivaH || 14||
nityAnityavivekabhogaviratI shAntyAdiShaTkaM tathA 
mokShechChAmanapAyinIM vitara bho shambho kR^ipAvAridhe |
vedAntashravaNaM tadarthamananaM dhyAnaM chiraM brahmaNaH 
sachchidrUpatanorakhaNDaparamAnandAtmanaH sha~Nkara || 15||
mannIkAshatanuM pragR^ihya karuNAvArAnnidhe satvaraM 
shR^i~NgAdrau vasa modataH karuNayA vyAkhyAnasiMhAsane |
kurva.NllokatatiM svadharmaniratAM saukhyairasheShairvR^itA-
madvaitAtmavibodhapUrNahR^idayAM chAtanvaparNApate || 16||
yatpadAmbujasamarchanasaktaH saktimAshu viShayeShu vihAya |
sachchidAtmani vilInamanaskAH sambhavanti tamahaM shivamIDe || 17||
rajanIvallabhachUDo rajanIcharasevyapadapadmaH |
rAkAshashA~Nkadhavalo rAjati ramaNIgR^ihItavAmA~NgaH || 18||
karavANItanubhiste karavANIshA~NghrisannatiM modAt |
karavANItanushuddhyai karavANIshrIvahutvAya || 19||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIshivastavakadambaM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}