% Text title            : Shivastutishlokasamnayanam 4
% File name             : shivastutishlokasaMnayanam4.itx
% Category              : shiva, shivarahasya, stuti
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | sadAshivAkhyaH navamAMshaH | shivastutishlokasaMnayanam 2 | vAvRRittashlokAH ||
% Latest update         : July 14, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivastutishlokasamnayanam 4 ..}##
\itxtitle{.. shivastutishlokasaMnayanam 4 ..}##\endtitles ##
(shivarahasyAntargate navamAMshe)
sUtaH uvAcha |
jaTAjUTorushobhA~NkamastakaM bhUtibhUShitam |
rUdrAkShasragbhirAkIrNaM tripuNDrAvalibhUShitam || 25\.21||
kulAlaH uvAcha |
namo.astu te deva dayAnidhe hara
prapannapAlAvyaya somamaule |
vyAlolavyAlAmala hastashUla
nau pAhi sarveshvara kAlakAla || 25\.48||
vaNik uvAcha |
ga~NgAchandrakalAsadullasajharIsArasphuranmauli te
kaNThaM te shitikaNTha kuNThitagara shrInIlakaNThAdhunA |
vahnIndvarkabhavAkShakoNajakR^ipApA~Ngollasatte mukhaM
pAdAbjaM suramaulijAlamaNiyukkAntaM bhaje sha~Nkaram || 26\.57||
kR^iShIvalaH uvAcha |
bho bharga shAshvata vibho trijagachCharaNya
rAkendudhAmavadanAmalachArumUrte |
vishvesha shAshvata vibho shashikhaNDachUDa
mAmadya pAhi karuNAvaruNAlayesha || 28\.42||
pashupatiH (bhaktaH uvAcha) |
namaste rudraM vA shrutishiragamanyo.ahamiShumAn
namaste bAhubhyAM tava shivakhareShUdyatakaraH |
sharavyA hetibhyAM tava varada sa~NkShubdha dhanuShe
taveshasyAhR^idyA tanurapi mano me.adya padayoH || 40\.41||
hiraNyo devastvaM nakhashikhamukhA te nayanayoH
tanuM sampashyan vai bhava shiva namaH soma vapuShe |
ato.aNIya~njyAyAn shrutikalitavAkyArthakalanaiH
namaH sheShI devaH shrutigadita pa~nchAkSharamanoH || 40\.42||
bAlaH (j~nAnasambandha) uvAcha |
shambhobhargabhavAntakAvyaya vibho pAhyambujAkShaNA\-
lokyAmaulisumUla bhAlavilasannetraprabhAbhAsita |
(shambhobhargabhavAntakAvyaya vibho pAhyabjajAbjekShaNA\-
kShyottu~NgashiraHsu bhAlavilasannetraprabhAbhAsita .)
Aloladyuti somasundara jaTAjUTAttaga~Ngottama
vyAlAnaddhasharIrakAnta garajichChIra~njitA~Nga prabho || 46\.38||
dabhragR^ihe shivadarshanavarNanam
somaM somalalAmagA~NgasujaTAchUDaM mR^iDaM sha~NkaraM
somArkAnalalochanaM garagalaM vaiyAghracharmAmbaram |
mandasmeramukhAmbujaM cha sumahAbAhuM prabhAbhAsuraM
shUlodyanmR^igaTa~NkakaM padanatAmartyAvR^itaM sha~Nkaram || 56\.39||
dabhraH uvAcha |
shambho pAhi mahesha somashakalAla~NkAramaule hara
svAmin deva dayAnidhe karuNayA mAM pAhi sarveshvara |
tvaM vishvAdhika vedavedya bhagavan kAruNyavArAnnidhe
dhanyo.asmIsha bhavatpAdAmbujarasAsvAdaikasanmAnasaH || 56\.41||
vaishyaH (uvAcha) |
bho shambho trijagachCharaNya karuNAtAruNavArAM nidhe
pAhIsha pramathAdhinAtha garadhR^ik vishvesha vishvAdhika |
vishvAshAsya vibho vibhUShaNamahAkAkodarAkandhara
somAnaddha kirITakoTivilasadbhasmA~NgarAgAruNa || 61\.31||
vIrashArdUlovAcha
hara hara duritAni dInabandho
kuru mama bandhavimochanaM bhavAdya |
parihara saMsR^itibhAramugrakhedaM
gurugaralAshana deva deva pAhi || 28||

|| iti shivarahasyAntargate shivastutishlokasaMnayanam 4 sampUrNam ||

\- || shrIshivarahasyam | sadAshivAkhyaH navamAMshaH | shivastutishlokasaMnayanam 2 | vAvR^ittashlokAH ||
##
- .. shrIshivarahasyam . sadAshivAkhyaH navamAMshaH . shivastutishlokasaMnayanam 2 . vAvRRittashlokAH ..
Notes:
The shlokas for eulogizing Shiva; that eventuate sporadically in various Adhyaya-s of Shiva Rahasyam Amsa-09, are collated on this page.##
##

Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}