% Text title : shivastutiH 1 shukrakRitA % File name : shivastutishukra.itx % Category : shiva, shiva % Location : doc\_shiva % Transliterated by : Subrahmanyam Yvs yvspmp at gmail.com % Proofread by : Subrahmanyam Yvs, Malleswara Rao Yellapragada malleswararaoy at yahoo.com % Source : matsyapurANa adhyAya 47 sholkAH 128-168 % Latest update : July 21, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shivastutiH by shukra ..}## \itxtitle{.. shukrakR^itA shivastutiH ..}##\endtitles ## shukra uvAcha | namo.astushitikaNThAya kaniShThAya suvarchase | lelihAnAya kAvyAya vatsarAyAndhasaH pate || 1|| kapardine karAlAya haryakShNe varadAya cha | saMstutAya sutIrthAya devadevAya raMhase || 2|| uShNIShiNe suvaktrAya bahurUpAya vedhase | vasuretAya rudrAya tapase chitravAsase || 3|| hrasvAya vyuptakeshAya senAnye rohitAya cha | kavaye rAjavR^ikShAya takShakakrIDanAya cha || 4|| sahasrashirase chaiva sahasrAkShAya mIDhuShe | varAya bhavyarUpAya shvetAya puruShAya cha || 5|| girashAya namo.arkAya baline AjyapAya cha | sutR^iptAya suvastrAya dhanvine bhArgavAya cha || 6|| niSha~NgiNe cha tArAya svakShAya kShapaNAya cha | tAmrAya chaiva bhImAya ugrAya cha shivAya cha || 7|| mahAdevAya sharvAya vishvarUpashivAya cha | hiraNyAya variShThAya jyeShThAya madhyamAya cha || 8|| vAstoShpate pinAkAya muktaye kevalAya cha | mR^igavyAdhAya dakShAya sthANave bhAShaNAya cha || 9|| bahunetrAya dhuryyAya trinetrAyeshvarAya cha | kapAline cha vIrAya mR^ityave tryambakAya cha || 10|| babhrave cha pisha~NgAya pi~NgalAyAruNAya cha | pinAkine cheShumate chitrAya rohitAya cha || 11|| dundubhyAyaikapAdAya ajAya buddhidAya cha | AraNyAya gR^ihasthAya yataye brahmachAriNe || 12|| sA~NkhyAya chaiva yogAya vyApine dIkShitAya cha | anAhatAya sharvAya bhavyeshAya yamAya cha || 13|| rodhase chekitAnAya brahmiShThAya maharShaye | chatuShpadAya medhyAya rakShiNe shIghragAya cha || 14|| shikhaNDine karAlAya daMShTriNe vishvavedhase | bhAsvarAya pratItAya sudIptAya sumedhase || 15|| krUrAyAvikR^itAyaiva bhIShaNAya shivAya cha | saumyAya chaiva mukhyAya dhArmikAya shubhAyacha || 16|| avadhyAyAmR^itAyaiva nityAya shAshvatAya cha | vyApR^itAya vishiShTAya bharatAya cha sAkShiNe || 17|| kShemAya sahamAnAya satyAya chAmR^itAya cha | kartre parashave chaiva shUline divyachakShuShe || 18|| somapAyA.a.ajyapAyaiva dhUmapAyoShmapAya cha | shuchaye paridhAnAya sadyojAtAya mR^ityave || 19|| pishitAshAya sarvAya meghAya vidyutAya cha | vyAvR^ittAya variShThAya bharitAya tarakShave || 20|| tripuraghnAya tIrthAyAvakrAya romashAya cha | tigmAyudhAya vyAkhyAya susiddhAya pulastaye || 21|| rochamAnAya chaNDAya sphItAya R^iShabhAyacha | vratine yu~NjamAnAya shuchaye chordhvaretase || 22|| asuraghnAya svAghnAya mR^ityughne yaj~niyAya cha | kR^ishAnave prachetAya vahnaye nirmalAya cha || 23|| rakShoghnAya pashughnAyAvighnAya shvasitAya cha | vibhrAntAya mahAntAya arNave durgamAya cha || 24|| kR^iShNAya cha jayantAya lokAnAmIshvarAya cha | anAshritAya vedhyAya samatvAdhiShThitAyacha || 25|| hiraNyabAhave chaiva vyAptAya cha mahAya cha | sukarmaNe prasahyAya cheshAnAya suchakShuShe || 26|| kShipreShave sadashvAya shivAya mokShadAya cha | kapilAya pisha~NgAya mahAdevAya dhImate || 27|| mahAkAyAya dIptAya rodanAya sahAya cha | dR^iDhadhanvine kavachine rathine cha varUthine || 28|| bhR^igunAthAya shukrAya gahvareShThAya vedhase | amoghAya prashAntAya sumedhAya vR^iShAya cha || 29|| namo.astu tubhyaM bhagavan vishvAya kR^ittivAsase | pashUnAM pataye tubhyaM bhUtAnAM pataye namaH || 30|| praNave R^igyajuHsAmne svAhAya cha svadhAya cha | vaShaTkArAtmane chaiva tubhyaM mantrAtmane namaH || 31|| tvaShTre dhAtre tathA kartre chakShuH shrotramayAya cha | bhUtabhavyabhaveshAya tubhyaM karmAtmane namaH || 32|| vasave chaiva sAdhyAya rudrAdityasurAya cha | viShAya mArutAyaiva tubhyaM devAtmane namaH || 33|| agnIShTomavidhij~nAya pashumantrauShadhAya cha | svayambhuve hyajAyaiva apUrvaprathamAya cha | prajAnAM pataye chaiva tubhyaM brahmAtmane namaH || 34|| AtmeshAyAtmavashyAya sarveshAtishayAya cha | sarvabhUtA~NgabhUtAya tubhyaM bhUtAtmane namaH || 35|| nirguNAya guNaj~nAya vyAkR^itAyAmR^itAya cha | nirupAkhyAya mitrAya tubhyaM sA~NkhyAtmane namaH || 36|| pR^ithivyai chAntarikShAya divyAya cha mahAya cha | janastapAya satyAya tubhyaM lokAtmane namaH || 37|| avyaktAya cha mahate bhUtAderindriyAya cha | Atmaj~nAya visheShAya tubhyaM sarvAtmane namaH || 38|| nityAya chAtmali~NgAya sUkShmAyaivetarAya cha | buddhyAya vibhave chaiva tubhyaM mokShAtmane namaH || 39|| namaste triShu lokeShu namaste paratastriShu | satyAnteShu mahAdyeShu chaturShu cha namo.astu te || 40|| namaH stotre mayA hyasmin yadi na vyAhR^itaM bhavet | madbhakta iti brahmaNya tatsarvaM kShantumarhasi || 41|| iti matsyapurANAntargatA shukrakR^itA shivastutiH samAptA | ## matsyapurANAntargataM adhyAya 47 sholkAH 128-168 Transliterated by Subrahmanyam Yvs yvspmp at gmail.com/ Proofread by Subrahmanyam Yvs, Malleswara Rao Yellapragada malleswararaoy at yahoo.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}