% Text title            : Shivatattvavimarshah
% File name             : shivatattvavimarshaH.itx
% Category              : shiva, kAshmIrashaivadarshanam
% Location              : doc\_shiva
% Author                : Pt. Rameshwar Jha
% Proofread by          : Ruma Dewan
% Latest update         : August 19, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivatattvavimarshah ..}##
\itxtitle{.. shivatattvavimarshaH ..}##\endtitles ##
|| namaH paramashivAya ||
mahAdevaM divyaM sakalabhavasAraM sharaNadaM
janaH ko jAnIte nijahR^idayagaM vishvavapuSham |
tataH shambhurbhUyAdbhujagapatihArendumukuTa\-
strinetro gaurIsho vimalamatido netrapathagaH ||
nAsIdR^ishastvaM na cha tAdR^ishastvaM
tvaM kIdR^isho.asItyanuyogashUnyaH |
tvaM yAdR^isho.asItyapi naiva vaktuM
yogyosi shambho ! tvamasi tvameva ||
atra tatra cha sarvatra sadedAnIM yadA tadA |
tvamevaikaH sadA shambho ! vibhAsi vividhAtmakaH ||
divyAya devAya digambarAya nitAya shuddhAya maheshvarAya |
rAmeshvarAyAkhilavigrahAya svAtmaiva rocheta shivasvarUpaH ||
|| atha shivatattvavimarshaH ||
OM pUrNamadaH pUrNamidaM pUrNAtpUrNamudachyate |
pUrNasya pUrNamAdAya pUrNamevAvashiShyate ||
atheti saMsparshavihInatattve tadAtmake tatpratipAdike cha |
sadaikarUpeNa vijR^imbhamANe prArambhaparyantakathA kathaM syAt || 1||
svasmAtsvayaM samudbhaya svamalakShyaM vibhAsayan |
shabdaspandamayo dharmaH shivasyAstyahamAtmakaH || 2||
parAvAka prochyate saiva shivashaktiriyaM smR^itA |
yoginAM svAvamarshaH saH kR^itrimA.akR^itrimAtmakaH || 3||
abhij~nAtaH shivo yena svasvarUpatayA dR^iDham |
tasyA.akR^itrima evAsau bhAtyanyasya tu kR^itrimaH || 4||
(pAThAntara \- kR^itrimo mitayoginaH)||
idAnImahamevAsmi tadAnImahameva cha |
atra tatrApyahaM rAje mayi bhedo na vidyate || 5||
janmakAle yathaivAhaM mR^ityukAle.apyahaM tathA |
suShuptAvapi jAgarttau mR^iye jAye yathaiva hi || 6||
bhadavAsanayA grastaM na bhedaH kvApi mu~nchati |
abhedaM pashyato bhedaH svasphuli~Nga iva sthitaH || 7||
mamataikA mahAshatruH putradAragR^ihAdiShu |
bIjaM tasyAH sharIre yA khaprANabuddhigA purA || 8||
yo mUDhaH sthUlabhUtAM tAM tyaktuM nArhati bhinnagAm |
sa kathaM sUkShmabhUtAM tAM shUnyadehAdigAM tyajet || 9||
shUnyapramAtR^itApannaH kramAddehapramAtR^itAm |
prApyApnoti cha mUDhatvaM pashutvaM janmamR^ityudam || 10||
yo dhIro guruto j~nAtvA svAtmAnaM shivamadvayam |
mitapramAtR^itAM hitvA svaM rUpamadhitiShThati || 11||
sa shivo.astyatra bhUloke pa~nchakR^ityaparAyaNaH |
sarvAtmA sarvakR^ichchApi spR^ihAvAnapi niHspR^ihaH || 12||
pa~nchakR^ityaratashchApi nityAnugraharUpavAn |
narAtmAdR^ishyamAno.api chidAnandasvarUpavAn || 13||
svarUpaM shivarUpaM hi svaprakAshamayaM svayam |
asti siddhaM punastasyApekShate mAnameva yat || 14||
asti taddehatAdAtmyavAsanAsheSha eva hi |
deho.api mAyayA.anityaH sha~Nkarasyaiva vidyate || 15||
svAtmasiddhaH svayaM pUrNo.advitIyo.asti shivaH svarAT |
anantashaktisampannaH shAnto.ashAnta iva sthitaH || 16||
ityeva nishchayaH kAryaH paunaHpunyena dhImatA |
nAnyo yatno gR^ihItavyaH siddhasvAtmopalabdhaye || 17||
j~nAtuM draShTu~ncha bhavituM yatante ye tvaharnisham |
bhrAmyantaste svayaM chAnyAn bhrAmayanti bhave.abudhAH || 18||
ashAnto.avidyayA bhAti shAnto vidyAtmanA sthitaH |
vidyA.avidyAvibhAgo.api prakhyopAkhyArthameva hi || 19||
vikalpAtItatattvaM tu brahma svAtmAkhyamadvayam |
vaktuM na shakyate bhedamantarA tu yatastataH || 20||
bhedaH prakalpistatra svasvabud.hdhyanusArataH |
R^iShibhistatra bhede.api vaichitryaM bahudhA sthitam || 21||
yasmAdalakShyarUpAddhi spando nityo.ahamAtmakaH |
nityaM prachalatIvAsti so.ahamasmi sanAtanaH || 22||
nAhaM deho.asmi deho.ayaM mama bhAti pR^ithaksthitaH |
deho.ahamiti buddhiryA sA.avidyA.aj~nAnameva tat || 23||
sadA vikAsamApannaH pUrNa evAsmi sarvadA |
sa~NkochaM naiva gR^ihNAmi tato nA.apUrNatA mayi || 24||
alakShyo.apIchChayaivAhaM vishvaM svasmin vibhAvayan |
bhuvanAnyapyanantAni sthito.asmyadbhutashaktimAn || 25||
pashya.Nshcha svAtmAnamagabhyamanyaistR^iptiM parAmApya punarmite.asmin |
dehe vasannaiva bhajAmi sarvamadvaita evAsmi yataH sadA.aham || 26||
AtmAnamadvaitamavaiti kashchiddehe vasanneva sudhIH sa dhanyaH |
ugrastapobhiH parishuddhachetAH saMvittidevyaiva hi dIkShito yaH || 27||
svAtmasvarUpaM niyataM na ki~nchittadichChyA bhAti yathepsitaM tat |
shuddhasvarUpaM svayameva bhAti alakShyamevAhamiti pratItam || 28||
avikalpe sthito nitye vyApake svAtmani prabhau |
pashchAtpashyati dehAshcha bahavaH santi me sthitAH || 29||
atra dehe yathaivAsmi parichChinne mitAtmani |
ahaM praj~naH prabhutvAto.anyatrApyasmi tathaiva hi || 30||
dR^iDhanishchayavAnitthaM pashya.NshchApi tathaiva tu |
na bibheti na jAnAti janmamR^ityu bhaya~Nkarau || 31||
api deha ivAnyatra dehastho.api bhavatyayam |
nijadeha ivAnyasmin dehe kartA bhavatyasau || 32||
nA.abhyantaraM yatra na yatra bAhyaM nordhvaM na chAdho na cha deshakAlau |
uchchAvachaM bhAti nira~njano yo.ahaM so hyalakShyo.api sadaiva lakShyaH || 33||
asminneva vasandehe smaransvAtantryamAtmanaH |
dehabhAsaparichChedaM hitvApnotyeva pUrNatAm || 34||
pUrNabhAvamupAshritya yastiShThetsarvadA pumAn |
sa sAkShAchChiva evA.asti dR^ishyamAnaH pumAnapi || 35||
sarvatra sarvataH pUrvaM sarvechChAj~nAnataH purA |
tvamasi vyApako nityastiShThA.ahambhAnanirbharaH || 36||
tiShThedambhAnanitarliptastiShThedambhAnanirgataH |
idambhAnamanA nA.aptuM shaknuyAdAtmavaibhavam || 37||
(ahambhAnarato yogI tannAsti yaddhinApnuyAt)||
vikalpanirhrAsatayA vibhAmi bhAmAtrarUpo.ahamidaMvihInaH |
satyeva tasminnahameva sarvamitthaM vijAna.Nshcha maheshvaro.asmi || 38||
na yate bhavituM kashchinnityaM svAtmanyavasthitaH |
yatamAno.anabhij~no.asti prAptIchChAdainyaduHkhitaH || 39||
abhij~nAtasvarUpasya svechChayaivAtmanAtmani |
dehAtmanA sthitasyApi sthitiH sadyaH prajAyate || 40||
nApekShate kriyAj~nAnaM svaprakAshAtmani sthitau |
ichChAmAtreNa tatrastho bhavanniva bhavatyapi || 41||
svasminneva sadA kAryA shraddhAbhaktI ratiH spR^ihA |
eSha mR^ityujayopAyo bhogamokShobhayapradaH || 42||
shivAbhinnaH svAtmA satatamiha dehe.apyahamiti
svashaktyA vyApinyA prakaTitashivaishvaryamahimA |
nirAta~Nko nityo janimR^itivikalpena rahito
nirAkA~NkSho loke viharati cha lokA~nChivayitum || 43||
dehAtmApyasmyadehAtmA mito.apyamita eva tu |
amito.api mito bhAmi mito.apyamita eva hi || 44||
avichChinno.api vichChinno vichChinno.apyasmyavichChidaH |
pUrNo.apyapUrNavadbhAmi bhAmyapUrNo.api vishvabhUH || 45||
shrutvetthaM guruto yastu sadyo.avApnoti pUrNatAm |
pashyatyAtmAnamevaM cha sanaivApnotyapUrNatAm || 46||
janmamR^ityujarAvyAdhirogashokasamanvitaH |
deho.asmi dehavA.NshchApi shivaH pUrNo.avikalpitaH || 47||
pa~nchakR^itya svabhAvatvAtsarvaM bhAti mayi sthitam |
nityo.anugraharUpo.asmi sarvabhAvaprakAshadaH || 48||
sarvataH prathamaM siddho bhAvAbhAvapadachyutaH |
asmyahaM sarvakR^itsarvabhAnarUpo jaganmayaH || 49||
svataH siddho.asmyahaM nityo.ahaM vimarshaprakAshitaH |
hR^idistho vyApakaH svachChaH kriyAkAlAnapekShakaH || 50||
dehodbhUtAM kriyAM chAhaM na pashyAmi kadAchana |
ahaMvimarshamevaikaM mantraM nityaM japAmyaham || 51||
prakAshamAnatAmAtraM rUpaM svIyaM shivasya me |
ahaMvimarshato bhAnamantarmukhatayA sthitam || 52||
mAyAshaktyA sadA bhAtIdantollekhatayA jagat |
prakAmAnaM matastad madbhinnaM na hi bhAsate || 53||
yatki~nchidbhAti tatpUrvaM pashchAdapyasmyahaM sthitaH |
tatkAle.apyasmi tadddraShTA trikAlAbAdhito.asmyataH || 54||
vartamAne vartamAnaH ko na syAt sarvashaktibhAk |
bhaviShyadbhutachintApto vismR^itAtmA na ko bhavet || 55||
dehastha evAsmi shivo.advitIyaH
svachChaH svatantro.avikR^itasvabhAvaH |
svAtantryashaktirnahi dehaniShThA
spandAtmikA sA mayi pUrNashaktiH || 56||
yat kartumichChAmi tathaiva sadyaH
sampAdayannasmyahamIshakalpaH |
svAbhij~nayaivAsmyahamIshadharmA
saMvittidevyAsmi kR^itAbhiShekaH || 57||
pUrNaH sadaivAsmyabhilAShashUnyo
dehAdyahantArahito.asmi nityaH |
kR^ityeShu pa~nchasvabhimAnahIno
brahmAtmajIvAtmashivo.advitIyaH || 58||
parij~nAtastvAtmA vimalatama eko.aparimitaH
sadA lakShyo nityo vashati hR^idaye viShThita iva |
vikalpastasyedaM nikhilajagadastIti vimR^ishan
kathaM kashchiddhIro bhavati cha bhave duHkhabharitaH || 59||
svasthasya sarvadA svAsthyaM nityaM dehe.api tiShThati |
asvasthasya tu yat svAsthyaM tadanityaM bhaya~Nkaram || 60||
jAto.asmyahaM mariShye.apItyevaM te yA dR^iDhA matiH |
dehAtmatA dR^iDhA sAsti yathA satyA tathaiva tu || 61||
(svAtmanyapi dR^iDhA praj~nA kAryA nitye tvayA sadA )||
jAyate mriyate deho nAhaM jAye miye.api na |
pariNAmI sadA deho.apariNAmI tvahaM sadA || 62||
uddhUyodbhUya lIyante shaktayo vividhA mama |
tAbhiH kiM vikriyAmemi svormibhishcha sudhAmbudhiH || 63||
alakShyaM lakShituM nechChA siddhaM sAdhayituM na hi |
nityaM nityatayA pashyan hR^iShyannasmi mahurmuhuH || 64||
sthita eva sthitiM kA~nchit vA~nChan svIyAM sthitiM tyajan |
klishnAsi satataM vyarthaM tiShTha svasmin sadA sukhI || 65||
sthita eva svarUpe sve vA~nChan kA~nchit sthitiM punaH |
tyajan siddhAM sthitiM svIyAM kiM klishnAsi muhurmuhuH || 66||
anIdR^ishe svarUpe sve nityasiddhe.anapekShite |
ahamasmIti vij~nAte tiShThahlAdasunirbharaH || 67||
IshaM chidAnandaghanaM smarAmi
svAtmasvarUpaM jagadekabIjam |
nAhaM shraye vishvamidaM nikR^iShTaM
ghR^iNAspadaM lInamanAH svarUpe || 68||
chidAnandaghanaH shobhe vishvAtItapade sthitaH |
vishvaM dehAtmakaM nAhaM pashyannapi vibhAvaye || 69||
avagachChAmi yadyatta tatadasti na ki~nchana |
bhAti bhUtvA kShaNaM sthitvA gachChatyeva na tiShThati || 70||
vyApakatvAdayo dharmAH santi yAvanta Ishvare |
tAvantastatpradeshai.api kalpite dehato mayi || 71||
yathAkAshasya ye dharmAH ghaTAkAshai.api santi te |
tathA shivasya ye dharmAH santi te mayi saMsthitAH || 72||
gamanAgamane kvApi spR^ihA me naiva vidyate |
nishchitta iva nishchintaH tiShThan dehe.asmi jIvitaH || 73||
kiM nAsmi chAhaM kila ko.asmyahaM na
ko.ahaM na vAhaM na mama kriyA kA |
bhu~nje na kiM vA na vikalpayAmi
nAdhArabhUto.asmi cha kasya kasya || 74||
AtmAnAtmasvarUpo.ahaM mayi jIvajjaDAtmakaH |
bhAsakashchApi bhAsyAtmA janmamR^ityuvivarjitaH || 75||
atyuttamashchApyadhamo.ahameva
mahAn yashasvI cha kala~NkayuktaH |
sarvAtmakatvAdahamasmi sarva
eko.apyaneko.assmi vibhAsamAnaH || 76||
mitrasvarUpo.apyahameva bhAmi
shatrusvarUpo.apyahameva rAje |
prashaMsako.apyasmi cha nindakaracha
svAtmasvarUpo.api parasvarUpaH || 77||
na dR^ishyo nAvadhAryo.ahaM smAryashchApyasmyahaM na hi |
siddhatvAnna pramANAnAM vyApAro mama bhAsakaH || 78||
sarvAdhAraM nirAdhAraM sarvama~NgalakArakam |
vande vishuddhamAtmAnaM deva ! tvAM hR^idayasthitam || 79||
arUpaH sarvarUpastvaM nityA.anityAvabhAsakaH |
sarvashaktisamApannaH prasannastvaM sadA vasa || 80||
mAyAmohAdyasaMspR^iShTo mAyAmohaikabhUShaNaH |
ekAkI bahavo bhUtvA nartako.asi sthiraH sadA || 81||
abhinnaM vetti yo vidvAn svAtmAna~ncha guruM shivam |
tannaumi muktamAtmAnaM vidyA.avidyobhayAtmakam || 82||
yad vA~nChAmi muhurmuhushcha bhavituM j~nAtuM yate.ahaM cha yad |
gADhaM gADhamupAharAmi satataM pUrtyai cha yadvibhramAt ||
tatsarvaM svavikalpajAlamadhunA hitvA svarUpaM nijam |
shAntaM shashvadupaimi bodhamamalaM satyaM shivaM sundaram || 83||
yatpashyAmi punaH punaH pratidinaM boddhuM yate.ahaM cha yad
AdAnakriyayA.a.akalayya yadaho sthAtuM chiraM cheShTaye |
tatsarvaM svavikalpadarshitamidaM svalpaM vinAshonmukhaM
hitvAtmAnamupaimi shAntamamalaM nityaM shivaM niShkriyam || 84||
yad yadbhAti mayi prakAshavapuShi svachChe svatantre.advaye
tattadrapatayA vibhAmi satataM dehAtmanA saMsthitaH |
hitvA kAlakR^itAkR^iteshcha kalanAM tiShThan svarUpe nije
sarvAdhAratayA.atha sarvarahito bhAse.ahamevAdvayaH || 85||
deho nAsmi na chAsmi mAnanivahaH shUnyo.api naivAsmyahaM
nirbodho.asmi nirajano.asmi nitarAM siddho.asmi sAdhyo na hi |
shashvachChAnti samAvR^ito.asmi niyativyApAradUre sthitaH
pUrNaH pUrNakalAbhihAranirataH svachCho.asmi nirvAsanaH || 86||
asmyeva yadahaM nityaM tadbhavan bhAmi sarvadA |
shivashaktyAtmako devaH sthiro nityo.ahamadvayaH || 87||
kechit tvAmanishaM smaranti hR^idaye rAmAdirUpaM vibhuM
kechijjyotirupAsate cha satataM shAntaM paraM chinnibham |
anye brahma paraM vidanti viShayavyAvR^ittachittAstvahaM
deva ! tvAmiha nityamekamanaghaM pashyAmi sarvAtmakam || 88||
vibhAti yadyattadahaM vibhAbhi
vibhAmyahaM yattadidaM vibhAti |
vichChidyamAnaM yadidantayA tat
vishrAntimabhyeti mayi prakAshai || 89||
AtmA yatrAtmanaivAyaM sarvarUpeNa bhAsate |
upAdeyaM cha kiM tatra heyamevAthavA bhavet || 90||
asannivR^ittiM sadavAptikAmaM
karomi nAhaM nijalAbhatuShTaH |
na sannachAsannijarUpamAdyaM
vikalpakallolalayAdhigamyam || 91||
shivo.avikalpitaH svachChaH sarvabhAvasunirbharaH |
svAtmA muktasya mukto.api shiva evAstyasaMshayaH || 92||
meyaM j~neyaM cha me rUpaM na tattyAjyaM kadAchana |
heyopeyamatistyAjyA svAtmavishrAntirodhikA || 93||
samo.asmi viShamashchAhamadeho dehavAnapi |
anityo nitya evAsmi kriyA kAraka eva cha || 94||
itthaM nishchaya samprAptaH gAdhAgAdhavivarjitaH |
svarUpe sarvadA tiShThan loke loko na tiShThati || 95||
ekaH shivaH sarvamayaH (sarvavapuH )samantAd
vidyotamAno mahatAM hi dR^iShTau |
yeShAM hi teShAM na hi janmamR^ityU (bandhamokShau)
krIDAsthalI saMsR^itireva nUnam || 96||
tvameva sarvasya hR^idi sphurantI
vishve.api vishvArtha (sarvArtha)vidhAnakatrI |
ato.abhilaShyannapi ka~nchidarthaM
tvAmeva yAche na hi ka~nchidanyam || 97||
stutaH sarvairdevairvividhavachasAbhIShTaniratai\-
stathA lokairbhrAntaiH sukhamabhilaShadbhishcha bahudhA |
stutivyAjaiH shambhurvata ! nijakR^itau taistunihita\-
stvahaM seve devaM varada ! varavA~nChAvirahitaH || 98||
tvamevaikaH shambho ! bhavavibhavarUpo.asi bhagavan\-
tvamAtmA tvaM devaH suhR^idasuhR^idau mokShanirayau |
kriyA j~nAnaM dhyAnaM tvamasi sakalaM tatphalamaho
svayaM stotA stutyo bhavasi paramAnandavalitaH || 99||
dehapramAtR^itAM tyaktvA hitvA buddhipramAtR^itAM
prANapramAtR^itA heyA heyA shUnyapramAtR^itA |
evaM mitAtmatAM tyaktvA duHkhAbhAsavidhAyinanIM
anirvAchye pade svachChe stheyaM svasmiMshchidAtmani || 100||
lebhe janma sudurlabhaM dvijakule.adhItA cha vidyA.akhilA
j~nAtaM j~neyamashaiShataH samabhavachChAntirbhave durlabhA |
dattaM j~nAnamupArjitaM cha sakalaM shiShyebhya etanmayA
pR^ithvi ! tvaM bhava susthirA tava tamoduShTAnnihanmyAsurAn || 101||
sarvaM yatrAsti sarvatra sarvaM sachchaikameva yat |
tasminnasminnnanekasminnekasmin vA kramaH kutaH ||

|| iti mahAmahopAdhyAya shrImadAchArya shrI paNDita rAmeshvara jhA
praNItaH shivatattvavimarshaH sampUrNaH ||

##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}