% Text title            : Papamurtirproktam Shivavidyamahimavarnanam 2
% File name             : shivavidyAmahimAvarNanam2.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 6 | 87-101 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Papamurtirproktam Shivavidyamahimavarnanam ..}##
\itxtitle{.. pApamUrtirproktaM shivavidyAmahimAvarNanam ..}##\endtitles ##
shaivavidyAdIkShito.ayaM atra tatpApasAdhanam |
yasyAsti shaivavidyAyAM buddhiH so.api mahAn khalu || 87||
tatra niShThuramuktvAnte narakaM yAti sarvathA |
aj~nAnena pramAdAdvA prasa~NgAdvA kadAchana || 88||
shivaj~nAnAnvitaM dR^iShTvA na namedyaH sa pApadhIH |
shaivavidyAdUpakAnAM narake vasatiH khalu || 89||
ataH paraM tvayA.apyAshu gantavyaM narake dhruvam |
shaivadIkShApUtadehaH puNyapu~nja iti smR^itaH || 90||
tatra niShThuramuktvA.ante yAntyeva narakaM dhruvam |
vibhUtidhAraNe bhaktiH sha~Nkare shA~Nkare.api vA || 91||
yasya syAt sa tu muktaH syAt anyasya tu na sA khalu |
bhasmadhAraNapUtAtmA yaH pUtaH shivavidyayA || 92||
sa eva tAvaduShkR^iShTaH tatreShTaM cheShTabhAShaNam |
shivavidyAdIkShiteShu vinayenAnuvartanam || 93||
sarvapApavinAshAya sadya eva prajAyate |
shivavidyAmaNiH kaNThe yadA yasyAdhitiShThati || 94||
tadA tadvashamAyAnti sarve brahmAdayaH surAH |
kalpAntavahnirUpasya bAlasyAsyAdhunA mayA || 95||
tejo na sahyate soDhuM niShThuroktistu dUrataH |
yastu svApekShayA nIchaH tatra niShThurabhAShaNam || 96||
kadAchiduchitaM tatrApyuchitaM tat kathaM sadA |
svAdhInAM rasanAM prApya niShThuraM yo vadiShyati || 97||
sa nArakIti vij~neyo yatastat pApasAdhanam |
shivanAmochchAraNAya sR^iShTA jihvA visheShataH || 98||
tatastayA niShThuroktiH na yuktA dehinAM khalu |
madhurAnmadhuraM manoharaM sukaraM sha~NkaranAma kevalam |
vadati shrutibhUtipAvano madhurAsvAdanalolajihvayA || 99||
madhuroktibhireva toShaNaM madhurAlApasudhArasaj~nayA |
anayA khalu jihvayA muhuH shivanAmAmR^itapAnamIpsitam || 100||
ArogyaM paramAyuruttamamatiH saubhAgyavR^idviryashaH
shreyo rUpamudAratA ratisukhaM santAnavR^iddhirmahaH |
kAntiH shauryamapArashatruvijayo vidyA.api samprApyate
nityaM sha~NkarapUjayA shivamahAvidyAvatA sarvathA || 101||

|| iti shivarahasyAntargate pApamUrtirproktaM shivavidyAmahimAvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 6 \-
nAradAt rAjabAlasya shivavidyopadeshamahimavarNanam | 87\-101||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 6 -
nAradAt rAjabAlasya shivavidyopadeshamahimavarNanam | 87-101||##
##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}