% Text title            : Shivodvahagamanavarnanam
% File name             : shivodvAhagamanavarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | adhyAyaH 17 shivodvAhagamanavarNanam | 5-74 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivodvahagamanavarnanam ..}##
\itxtitle{.. shivodvAhagamanavarNanam ..}##\endtitles ##
(shivarahasyAntargate IshAkhye)

shiva uvAcha |

nandin madgaNapA yatra samAyAntu madantikam || 5||
viShNo sannahyatAM senA surANAmastrashobhitA |
nadI viShNuH praNamye shakramAj~nApayaMstadA || 6||
hariruvAcha |

sannahyatAM mahAsenA surANAM supatAkinI |
mA vilambo bhavatvatra nirgachChati maheshvaraH || 7||
girIndranilayaM devyAH kartuM pANigrahaM vibhuH |

\- \- shivodvAhagamanavarNanam \- \-

devapatnyashcha yAH sarvA mAtaro bhUShaNAnvitAH || 8||
maNDayitvA svakA~NgAni vAsobhUShaNagandhakaiH |
puShpairdivyA~NgarAgaishcha nIrAjanakarAHstriyaH || 9||
samAgachChantu devesha\-pANigrahaNama~Ngale |
indro.apyAj~nApayAmAsa AnetuM mAtaliM prati || 10||
sa mAtalistvarAyukto devasenAM samAnayat |
shakrasya gaNapA ye cha vajrodyatakarAH shubhAH || 11||
makuTojjvalamastAste yuvAno mR^iShTakuNDalAH |
raktachandanaliptA~NgA vAdyakAstatra chAgatAH || 12||
patAkAvaijayantIbhiH paTahAnakaniHsvanaiH |
tathA yamagaNAstatra kR^iShNA~NgA vikR^itAyudhAH || 13||
karAladaMShTrorushikhA musalAyudhapANayaH |
samAgatA yamenaiva pAshadaNDAyudhena cha || 14||
vAruNA gaNapAstatra haritA bAhushAlinA |
pAshakhaDgakarAH sarve niyutaM varuNena hi || 15||
yakShAdhipena sAhitA yakShAH shikShAvishAradAH |
prayutaM khaDgakheTAdhaiH samAyAtA madoddhatAH || 16||
vAyunA vAyugaNapAstomarAsaktapANayaH |
samAyAtA(?)yutaM tatra gandhasragvarabhUShitAH || 18||
nirR^itergaNapA ye.atra prAsAsivarapANayaH |
devena tenachAyAtA ayutaM bhUShaNAnvitAH || 19||
IshAno gaNapaistatra samAyAtAH sahasrashaH |
niSha~NgibhiH kavachibhirhetitomarapANibhiH || 20||
iShumadbhishchApadhR^igbhirdivibhUmyantarikShagaiH |
athAyAshcha marutaH sahasrANyatra ShoDasha || 21||
vasavo balinastatra triMshatsAhasramUrjitAH |
dvAdashAdityakAstatra sahasreNa pR^ithak pR^ithak || 22||
sudhanvAnasahasreNa dhanurbANakarA gatAH |
ashvinau dvisahasreNa balena sharapANinA || 23||
nAgAH kimpuruShAH siddhA gandharvA vAdyavAdakAH |
pishAchA garuDA yakShA rAkShasA daityanAyakAH || 24||
nAgAshchApsaraso rUpalAvaNyA gItapeshalAH |
pitaro yAtudhAnAshcha DAkinyo yoginIgaNAH || 25
(dhR^itanAnAvidhAstrAshcha DAkinyo yoginIgaNAH) || 25||
kinnarA bhairavAstatra chAmuNDA shAkinIgaNAH |
gAvo.atha mAtarastatra samAyAtAH supeshalAH || 26||
sarvAbharaNabhUShADhyA sruggandhAshcha suvAsasaH |
dhR^itanAnAvidhAstrAshcha nAnAvAdyakR^itAdarAH || 27||
athAditirditirlakShmIrdhenurvANI cha kAlikA |
pulomA vipulA chaiva sihmikA surasA tathA || 28||
siddhirR^iddhiH kriyA durgA svadhAsvAhA danuH kuhUH |
rAkA spR^ihA sinIvAlI svarA buddhirmatiH shachI || 29||
arundhatI cha sAvitrIgAyatrIrohiNImukhAH |
gArgI maitrAyaNI chaiva anasUyA pativratA || 30||
lopAmudrA tathA gArgI sannatiH sunatiH krudhA |
rambhA mR^iNAlikA chaiva menakA sahajanyakA || 31||
viprachittirmishrakeshI UrvashI chAruhAsinI |
vishvAchI cha ghR^itAchI cha mitravindA alambusA || 32||
etAshchApsarasAM shreShThAH apsaraHkoTayo nava |
hAvabhAvamanoj~nena tauryatrikayutA yayuH || 33||
sAgarA girayo medhyA nadyaH saMvatsarA grahAH |
somena sahitAH sarve sAmAyAtAstrikoTikam || 34||
manohareNa veSheNa R^ikShANi R^iShayo manuH |
vedA mantrAstathA yaj~nAshChandAMsi praNavastathA || 35||
mantragrAmaM tathA sarvampurANAni cha shAstrakam |
svarUpaveShAbharaNAstatra jagmushcha sa~NghashaH || 36||
udvAhaH sha~Nkarasyeti devadevAj~nayA tadA |
bhAsayanto bhUShaNaishcha shAstrANAM vAdaghoShaNaiH || 37||
triShaShTikoTituragAH rukmabhANDaparichChadAH |
javino balasampannAH saMsthitAH surasAdinaH || 38||
suraghR^iShTAM mahIM chakrurheShAbhUShaikasanmukhAH |
tomarA~NkushabANAgrapatAkAvalibhUShitAH || 39||
gajA mahAmAtrayutA dantaveShTasharAgrakAH |
udyatkumbhAH karNatAlairlambitAlolachAmarAH || 40||
triMshatkoTiryayustatra meghA iva bhuvaM gatAH |
rathAH pa~nchashataM koTyaH sutara~NgAH suchakrakAH || 41||
supatAkAH sAvarodhA sadashvAH samprachoditAH |
rathanemisvanaistatra gajAshvavR^ikabR^iMhitaiH || 42||
dhUyamAnapatAkAgraiH sha~NkhadundubhiniHsvanaiH |
badhirIkR^itadikchakraM pa~NktishaH saMsthitAH surAH || 43||
praNantuM shrImaheshAnaM tatra tatra svakAH svakAH |
gaNendrA vAraNendrAbhA nandikeshaj~nayA gatAH || 44||
udvAhaH sha~Nkarasyeti tatrAjagmuH pR^ithak pR^ithak |
sUryAbhAH sha~NkhavarNAshcha raktanIlAruNaprabhAH || 45||
supItA haritAstatra yuvAno balashAlinaH |
koTyo.atha sa~NkhyA teShAM tu tatra nAmAni vai shR^iNu || 46||
nandikesho.atha dashabhirbhairavo.aShTAbhireva cha |
bhR^i~NgI koTidvayenAtha riTiH koTyA samAyayau || 47||
navakoTyA vIrabhadraH kAlAgnirdashakoTibhiH |
bANatrayeNa vR^iShabhashchaNDIshaH pa~nchabhirvR^itaH || 48||
niyutaM cha mahAnandI somanandI tathA.ayutam |
dashabhiH kesarAkShashcha vidyuto.aShTabhireva cha || 49||
pa~nchabhistu kapAlIshaH pa~Nktibhischa pichaNDilaH |
kumbhakashcha kuhuNDashcha dvikoTibhyAM samIyatuH || 50||
viShTambhaH koTigaNapairbheruNDashchAtra koTitaH |
pippalaH sadrathashchaiva prayutaM niyutaM tathA || 51||
Ayayau cha sahasrANAM navatyA dhundhulIgaNaH |
saptAshItisahasreNa mahAkAlastu koTitaH || 52||
abhIto dashasAhasraiH sumukhaH pa~nchabhistathA |
pi~Ngalashcha trisAhasraiH kumudo.aShTasahasrakaiH || 53||
pUrNabhadro.ayutenAgAt subhadraH saptabhiryayau |
vilomA dashasAhasraiH pi~Ngalo.athAShTabhiryayau || 54||
kumbhANDaH ShaTsahasreNa raNabhadro.atha viMshatiH |
prayudhAno nidhAnashcha aShTAshItisahasrakaiH || 55||
ete gaNeshvarAstatra samAyAtAH pR^ithak pR^ithak |
ete chAnye.apyasa~NkhyAtAstatrAjagmurdhR^itAyudhAH || 56||
sarve bhasmAvadAtAshcha jaTAmakuTadhAriNaH
nIlakaNThAstriNetrAshcha hArakeyUrapannagAH || 57||
niSha~NgiNashcha sarve.api sharakArmukapANayaH |
samAgatAMstAn gaNapAnnivedya surasattamAn || 58||
nandikeshaH purastasthau hariNAjiShNunA tathA |
tAnAgatAnatha j~nAtvA mahAdevo vR^iShaM tadA || 59||
chakre tura~NgamAkAraM shvetAbhrashikharopamam |
ratnapalyANasaMyuktaM sukhalInAsyakaM tathA || 60||
svayaM cha mukuToddAmashobhI chandrArkabhAsuraH |
ratnamuktAlasaddhAro ratnagraiveyakA~NgadaH || 61||
trilochano.aravindAkSho lasaddivyAmbaro babhau |
sumanovarShanikarairabhivR^iShTo maheshvaraH || 62||
dundubhInAM ninAdaishcha vedabandikR^itastavaiH |
japatAM gaNadevAnAM stavairnIrAjanaiH striyAM (?) || 63||
nandino hastamAlambya taNDusandhR^itaChatrakaH |
ratnapAdukapAdAbjo niryayau sa gaNaiH suraiH || 64||
hariNA chAtha shakreNa protsAritasurAsuraH |
Alokanena sarveShAM praNAmAliM pragR^ihya cha || 65||
nadatsu gajabherIShu(?) sha~NkhadhmAtAsu dikShvapi |
varShatsu abhreShu kusumaM nR^ityantIShvapsarassu cha || 66||
nAradastumburushchApi vINayA.agAyatAM tadA || 67||
tu~NgaM tura~NgamadhiruhyapinAkapANi\-
rashvAdhipaH suravarairgaNamukhyasa~NghaiH |
pAdAtibhirharimahendramukhaishcha siddhaiH
sampUjito girivarasya gR^ihaM jagAma || 68||
tva~Ngattura~NgasukhalInavichAlanena
hR^iShyatpadAtigaNasandhR^itapAdapadmaH |
mAyUravIjanasuvIjitachAmaraughaiH
ChatrAvR^itAsyakamalo girishaH pratasthe || 69||
himAchalagR^ihaM yayau suravarairgaNendrairharo
nadatsugajapR^iShThagairvijitakAbdhibherIravaiH |
suvarShitasurA~NganAkusumalAjakArdrAkShataiH
surorusupatAkinIchaladapAravetrAgrake || 70||
nadatsugaNabR^iMhitairhayavaroruheShAravai
rathA~NgaparivartanaiH shrutishirogataishchastavaiH || 71||
dyotanti tatra gaNapAH kila kAmarUpAH
shUlAsibANavarahastadhR^itordhvachApAH |
dehaprabhAvijita taptasujAtarUpA
yUpA ivAgranikarA api bhUparUpAH || 72||
IshAnapUjananirastasamastapApAH || 73||
dhR^itabANagaNA gajeshvarAste
bhagaNeshAnavilAsisatkapardAH |
phaNibhasmavibhUShaNA yayurvai
hara te sharaNaM hR^idA sadA prapannAH || 74||

|| iti shivarahasyAntargate shivodvAhagamanavarNanaM sampUrNam ||

\- || shrIshivarahasyam | IshAkhyaH dvAdashamAMshaH | adhyAyaH 17 shivodvAhagamanavarNanam | 5\-74 ||
##
- .. shrIshivarahasyam . IshAkhyaH dvAdashamAMshaH . adhyAyaH 17 shivodvAhagamanavarNanam . 5-74 ..

Notes:

Śiva ##shiva## mounted on Nandi ##nandi##; accompanied by several Deva-s ##devAH##, Ṛṣi-s ##R^iShayaH## et al, along with an extensive complex retinue commences the journey towards the abode of Himācala ##himAchala##, for the Ceremony of Pāṇigrahaṇa ##pANigrahaNa## of Pārvatī ##pArvatI##.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}