% Text title            : Shivaproktam Shrutisaranirupanam
% File name             : shrutisAranirUpaNamshivaproktaM.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 51 - shrutisAranirUpaNam | 2-56||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktam Shrutisaranirupanam ..}##
\itxtitle{.. shivaproktaM shrutisAranirUpaNam ..}##\endtitles ##
ahameko.akhilAdhArashchAhaM vishvapravartakaH |
ahaM vishvamidaM sarvaM mayyevAntye vishatyampi || 2||
ahaM dhAtA vidhAtAcha matto.anyo nAstikashchana |
sR^ijAmIdaM grasAmIdaM bharAmIdaMsurottamAH || 3||
yathorNanAbhissUtrAMshcha grasate sR^ijatItyapi |
tathaivedaM jagajjAlaM bhavadbhissurasattamAH || 4||
kAlAtmAhaM brahmakShatramodanaM mR^ityupAdasham |
ahaM jIvaM pravishyaiva sarvabhUteShu saMsthitaH || 5||
sarvabhUteShu bhUtAntarguhAyAM sarvadA sthitaH |
sarvendriyaguNAtItassarvendriyavivarjitaH || 6||
madAdhArA ime lokA lokyA yUyaM surAsurAH |
tapane tApakashchAhaM chandrechaiva prasAdakaH || 7||
anile chalanashchAhamanale hyuShNako hyaham |
indre yame pratApo.ahaM lakShmIshchAhaM dhanAdhipe || 8||
ashvine.api cha bhaiShajyaM marutAM mAtarassadA |
vishveShAM hR^idaya~nchAhaM vasUnAM hR^idgatassadA || 9||
asurANAM surANA~ncha sampadA samavasthitaH |
tamasA sAtvikenaiva munInAM rAjasassurAH || 10||
guNatrayo.ahaM vibudhA guNahIno.asmi kevalaH |
ahaM hi nirguNassAkShAttamaH pAre pratiShThitaH || 11||
apAMrasastathaivAhaM jtotiShAM jyotirasmyaham |
bhUtAkAshechetayitAvyApakashshabdagosmyaham || 12||
pR^ithivyA~ncha tathA gandho guNo devAshcha saMsthitaH |
vAyushvAhaM tathA devA eteShAmAdyasR^iShTayaH || 13||
(vAyushvAhaM tathA devA eShAM sandhAvisR^iShTayaH) || 13||
charAcharamidaM proktaM jagatsthAvaraja~Ngamam |
eteShAmAnulomyena sR^iShTayassyuH pravartitAH || 14||
eteShAM prAtilomyena sthitau pralayasa~nj~nitAH |
eteShAM kAryakaraNe naiva ki~nchidahaM surAH || 15||
nilimpA naiva lopena kintu sAkShI sanAtanaH |
matsannidhAnavirahe jagannaiva prarochate || 16||
ayaskAntamaNeryadvatsannidhau lohasUchayaH |
cheShTanti vividhaM devAstathaivedaM jagatsurAH || 17||
sannidhau cheShTate me.adya sarve krIDanakA mama |
mama rUpaparij~nAnaM bhavatAmatidurlabham || 18||
ShaDUrmirahitashchAhaM pa~nchakR^ityavivarjitaH |
brahmApyahaM sR^ijAmIdaM rajasA kevalaM jagat || 19||
viShNuHpAlayitA chAhaM sAtvikaM guNamAsthitaH |
rudrobhUtvAsaMharAmi tAmaso.ahaM charAcharam || 20||
sadAshivo.ahaM devesho hyanugrahakaro.asmyaham |
manmAyAmohitaM chaiva karomIshvararUpadhR^ik || 21||
pa~nchakR^ityaparashchAhaM pa~nchakoshAtigo.asmyaham |
pa~nchaprANavihIno.ahaM pa~nchabhUtaikavartanaH || 22||
iyaM mama parA shaktirvikShepAvaraNAtmikA |
yayA sammohitA yUyaM jagatsAsuramAnuSham || 23||
sthAsnurgaChatsurendrAshcha parAshaktiriyaM mama |
sR^iShTau sthitau tathA nAshe kAraNamtviyameva hi || 24||
mamaiva shaktiH paramA vividhaj~nAnadAyinI |
enAM praNamata kShiprametasyAH kR^ipayA surAH || 25||
matprasAdAdAvaraNashaktinAshaH prajAyate |
yAvatkarmavipAko hi dehinAM bhavatAM surAH || 26||
vikShepAya cha sA shaktiranuvarteta sattamAH |
mamaivAMsho jIva eva svAj~nAnAtparijR^imbhate || 27||
nAnAyonisharIreShu hyashIrNo duHkhabhAgabhuk |
evaM dvidhA dehagehe vR^ikShe pakShivadAsthitau || 28||
ekaH karmAtmakaM bhu~Nkte phalaM vai sukhaduHkhayoH |
tathAnyassAkShivadbhAti dvAsuparNeti mantrataH || 29||
brahmaiva saMsaratyeSha svAvidyAto divaukasaH |
svavidyayA muchyate cha tapasAkevalena hi || 30||
ahammAnatayApannaH phalabhuksukhaduHkhayoH |
svarge cha narake chaiva sadA vai sampravartate || 31||
majj~nAnAnmuktimApnotinAnyathAkarmakoTibhiH |
jIvApetammriyatyetannajIvomriyatesurAH || 32||
ShaDUrmirahitashchAhaM sarvadeheShu sattamAH |
ShaTkoshakamidaM dehaM pravishyAkhilabhAsakaH || 33||
ShaDUrmirindriyorthaishcha kAmayAmi charAcharam |
(ShaDvargairindriyArthaishcha kAmayAmi charAcharam) |
satyakAmashcha sa~NkalpassarvalokAntsR^ijAmyaham || 34||
sa~NkalpAtpitarodevAupatiShThantimAmiha |
nameshoko.astimohovAjighR^itsAchapipAsakA || 35||
asharIrashsharIreShu hyanavastheShvavasthitaH |
mahAMshchAhaM vibhushchAhamAtmAshIryo.ahameva hi || 36||
avasthAtrayadUro.ahamasa~NgaH puruShastvaham |
sarvAkAshassarvabhAsassarvAvAso.ahamIshvaraH || 37||
yo mAM veda sa vededaM yo mAmaj~nAnamohitaH |
parAdAtsa parAdedaM j~nAtvAnandaM vibheti na || 38||
shAnti parAM gachChati cha na kAmI bhavati sthiraH |
brahma mAM veda sa brahma mAM vetyeva surAsurAH || 39||
(brahma mAM veda sa brahma bhavatyeva surAsurAH) || 39||
astibrahmetimAMvedatasyAhaM mochako.asmi cha |
nAntaHpraj~nashchana bahiHpraj~nAnaM brahmachAsmyaham || 40||
eShontarmAyicha sadA hyamR^ityormR^ityurUpataH |
ahameva sadA brahma sAkShyasAkShyAdivarjitaH || 41||
ayamAtmA sadA brahma deshakAlasthito.apyaham |
tatvametatsarvamasItyAdivAkyaikarUpataH || 42||
ahaM vAkyeShu sarveShu chAhamevAsmi bhAsakaH |
AnandaM paramaM j~nAtvA taratyeva bhavArNavam || 43||
upAsyaM mAmabhij~nAtvA shokamohau taratyapi |
yUyaM mAmeva jAnIthApyanyatsarvaM vR^idhaiva hi || 44||
satyaM j~nAnamananto.ahaM asatyAtsatyatA jagat |
(satyaM j~nAnamananto.ahaM matsatyAtsatyatA jagat) |
matsattayaiva hi jaDaM chetate vividhaM jagat || 45||
mahAnandAmbudhessarve shIkaraM jagadeva hi |
raso.ahaM sarvabhUteShu rasatAM jAnate tu ye || 46||
rasAstenandamAtra~ncha jIvantyevasurAssadA |
kovAnyaHprANitisadAmadAkAshaMvinAsurAH || 47||
na tatra gachChati mano navAggachChati chendriyam |
paramAtmAhamevAdya sa evAdya sa ushvakaH || 48||
asa~NgastvarasasparshohyaghrANo gandha eva hi |
apANipAdakAryAdiH pAyUpasthAdivarjitaH || 49||
pramAprameyarahitastarkadUro.ahameva hi |
ahaM jAnAmi sarvaM hi na mAM jAnAti kashchana || 50||
parA~nchi khAnyakR^iNavaM tasmAnmA~ncha na pashyati |
matprasAdayutaH kashchijjAnAtyeva hi vA na vA || 51||
draShTAhaM dR^ishyarahito darshana~nchAhameva hi |
ShoDasho.ahaM surashreShThAshshrotA ghrAtAhameva hi || 52||
buddherboddhA manashchApi prANaprANo.ahamIshvaraH |
sarvA eva kalA dehe chendriyANyahameva hi || 53||
sarve mayyeva lIyante nAhaM teShu vyavasthitaH |
(sarve mayyeva lIyante tenAhaM teShvavasthitaH) |
eka evAhamadvaitashchaturthashshiva eva hi || 54||
majjaM malla~ncha madanaM jagadviddha surAssadA |
bhUmAhaM paramAnando mAM na jAnAti kashchana || 55||
eko.ahaM bhuvane jaDAjaDagatissvairaM hi nAnAjagat
nAstyeva pratibhAti ki~nchidapi vai tanmArgatR^iShNopamam |
tenAdrI na bhavetkShamA suragaNA nAstyeva ki~nchijjagatsarvaM
shambhUtayA vibhAti sakalaM kasyasvidetatsurAH || 56||

|| iti shivarahasyAntargate mAheshvarAkhye shivaproktaM shrutisAranirUpaNam ||

\- || shrIshivarahasyam | mAheshvarAkhyaH prathamAMshaH | adhyAyaH 51 \- shrutisAranirUpaNam | 2\-56||
##
- .. shrIshivarahasyam . mAheshvarAkhyaH prathamAMshaH . adhyAyaH 51 - shrutisAranirUpaNam . 2-56..

Notes:
Śiva ##shiva ## elucidates to Devī ##devI ## the Essence of Śruti-s ##shrutisAra##; whereby, He details about His Presence in all that is manifest and non-manifest, as told by Him to the Deva-s ##devAH##.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}