% Text title            : Shukavirachitam Shivamahimna Stotram
% File name             : shukavirachitaMshivamahimnastotraM.itx
% Category              : shiva, shivarahasya, stotra
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | shivAkhyaH chaturthAMshaH | adhyAyaH 20| 15-53||
% Latest update         : August 20, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shukavirachitam Shivamahimna Stotram ..}##
\itxtitle{.. shukavirachitaM shivamahimnastotram ..}##\endtitles ##
pata~NgadR^igapA~Ngato bhavabhuja~Ngabha~Ngo bhavet
      samullasitapallavairbhajati muktivallIva mAm |
kura~NgakiNasa~NgadR^ikprasarato.adya sAMsArikaM
      rujaM hara dayAdhanairvitara dR^iShTivarShaM mayi || 15||
nishApatikalAdharaM kulishapANisampUjitaM
      sushobhijaTajahnujAmR^iDashikhaNDachUDAdhunA |
dR^iDhaM tava padAmbujaM shiva bhajAmi hR^itpadmake
      shivAsakha sukhaM sadA shikhisakhAkR^ite pAhi mAm || 16||
shAntaM dAntahR^idantare suvihitaM yAntaM vR^iShendreNa taM
      svAntasthaM sakaleShu bhAntamakhilaM tAntaM sadA poShakam |
vAntaprAyabhaveShu tuchChitadhiyaM taM muktikAntApriyaM
      devaM dAntashamaprashAntamanasA yAmIShaNAvarjitaH || 17||
ambarakeshasushambaravairin tripuraharAmbarahR^idi vihara |
murahara sha~Nkara dvirajavarAnana sharavaNabhavanuta paripAhi || 18||
ekaivAsmi na saMshayastribhuvane nehAsti nAnA jagat
      mithyaivAhibhayaM yathA marumarIchyArdrIkR^itA bhUrbhavet |
shuktau yatkaladhautavanmR^idi mahAkumbhopamAnaM tathA
      vAchArambhaNameva yuktijanakaM kAryaM na vai kAraNam || 19||
yadbhAsA jagadadya bhAti nitarAM sUryAnalau vAyavo
      bhItyA bhAnti svatejasAmapi paraM jAnanti no mAM sthitam |
ko moho mayi pashyatAM sthiracharaM tvekatvanAnAtvadhI \-
      rbhidyatyeva vibhedabhAvajanakaM tvaj~nAnametatsphuTam || 20||
IshAvAsyamidaM jagachshrutishataiH proktaM cha tadbhedadhIH
      no kashchidvinivartate cha yatate mokShAshrame shrAntiyuk |
tvadbhaktyA vimukhaH sadaiva hi vR^ithA bodhAdbhave bhrashyate
      bud.hdhyA vR^iddhadhiyo bhavanti cha vR^ithA ki~nchAyuSho.ante narAH || 21||
vidyA sudyotate.antarhR^idi jaTilatamo bhidyate khidyate.antaH
      khadyotadyutivatsavidyuta imA no bhAnti chandrAnalAH |
yUkAshUkasamo mayUkhasamahAmAlI cha lIlA hi te
      ghUkAstarkavitarkajAlajaTilA vidhvaMsitAstvaddR^ishA || 22||
sImAbhUmA tvamIsho dR^iDhataramahimA tvatpadAbje kilaiko
      yastvAM dhyAyati dhyAnahInavapuShA sa tvaM tvamAtmA paraH |
no tatra tripuTIkuTIrakuTila chittaM niTAlekShaNa
      lakShyAtmA tvapalakShyalakShitahR^idA tvaM vetsi taM tvAmanu || 23||
shamito mR^igatR^iShNikeva bhUmau mR^igadR^iShTyaiva sa eva bandhahetuH |
subhavodbhavapAdasevinAM sugamA vai nigamAgamorushIrShAH || 24||
padajAtaprakaTaprabhAvabodhairahameva tvamasi kva bhedahetuH || 25||
tantrayantrakR^itamantravibhaktairmAntriko.ahamiti dhIrna vimuktyai |
bhedabhAnakalanAvichArataH tvAM na jAnata ime pashavaH syuH || 26||
yuktiyuktamapi bhuktamakhedaM bhaktameva viguNaM na tu bhuktyai |
muktimArgaphalane shrutisUktA vakti tatvamasi vAkyato.arthavat || 27||
bahutve.apyekatve bhramabhavanatAntAH kila narAH
      na chaikaM dvitvaM vA shrutishirasi vAkyArthakalane |
na bandho mokSho vA na paramavaro nApi hi naraH
      chakAsti brahmedaM paramashiva eko dhruvasukhaH || 28||
vittapittamapanIya chittato hR^ittamo rasadR^ishA paridhUya |
kartR^itAmapi nijAtmavidyayA bhoktR^itAmapi sadAtmadarshanAt || 29||
darshanaM cha hR^idi tatra vilApya prAptakAmakalano dalitAshaH |
mUlakUlajanitAmatha vidyAM hR^idyamena paridhUya avidyAm || 30||
umAjAne jAne tava bhava yadArtaM jagadidaM na
      jAne tadbhinnaM shiva bhajanabodhairgurujanaiH |
ramAjAnerjAniM janimR^itinidAnAdivimukhaM
      mahIjAneH saukhyaM lavashatasurANAM mama kiyat || 31||
tarkaistarkitumapyashaktakaraNairmImAMsyametanna vai
      shabdaishchApi jaDaishcha tantranivahaiH dR^ishyaH kimAtmA bhavAn |
manaHklR^iptAstarkA guNaguNajabuddhipratibhuvo
      vichAraM cheto yattadapi shiva mImAMsakamatam || 32||
yataH shabdo vAgbhUrmanavachanadare tvamasi dR^ik
      na vai jAtaM ki~nchinna cha bhavati sampratyati bhavat |
na vai kAryaM tasya prabhuraNurapi sthUlamapi na
      na rUpaM tvaggandho na rasarasanA vApi bhagavan || 33||
tvamAtmA sve dhAmni sthita iva vibhAsIdamakhilaM
      na chopAdhirbhUtAnyakhilatanavaH kalpitadhiyA |
mahAvidyAmohAdvividhatagshAstrasya viShayaM
      avidyAvatsarvaM bhavati tvayi dR^iShTe paratare || 34||
tadetattvaM chApi tvamahamiti dR^ishyaM cha na hi
      dR^igakhaNDe piNDANDaprabhavavihite buddhikaraNe |
tato jAtaM shAstraM tava shivada bodhe kathamidaM
      jaDaM chetovAgmiH pratipadavimR^ishyaM bhavashataiH || 35||
kumarkairnAneva prabhavasi cha bhaktyaiva sukaraH || 36||
shraddhAM te shrutirAha saumyapuruShetyetatpare nirguNe
      sAmbe rUpaguNaikavAgviShayake nAmnyarchane vA tvayi |
prArabdhAntimasambhavena hi pathA yo.ayaM chakAste yathA
      yAvachchApyadhikArasAdhanapadaM tasya tvamAtmA sadA || 37||
kuTilajaTilashabdatarkajAlaiH shrutihariNIM bhaShanti vAkshramAste |
guNagaNavihitAH shunAM gaNAste tava bhaktyA rahitA.apyAbuddhabodhAH || 38||
mithyA jagadyugabhavAH pratikalpamevaM
      mUDhA guNaprabhavato munayo.api chAndhAH |
shAstrANi tanvata jagatpariva~nchakAste
      pUrvAparoruvachanaiH svadhiyaiva mugdhAH || 39||
tasmAttAnpariva~nchase.adya bhagavannAnArthashAstrabhramaiH
      mithyAvarNanibandhanAshramagaNashrAntAnvitarke ratAn |
tAMstAMstadbhavabhAvabodhasahitAnsvargabhrame duHkhitAn
      yAtAyAtashateShu duHkhabhavane yAmye cha duHkhotkaTAn || 40||
svamatimatakR^itaM vitatya shAstraM parinindatyanishaM vihAya vedAn |
tava mAyAmayapAshabaddhakIshAH phalajAleShu vR^ithaiva vardhitAshAH || 41||
ashanavasanamAtrasAbhilAShAH bhramato.anyonyamupAsakAshcha bhaNDAH |
guNakhaNDahR^idA vadanti yuddhe madhumAdyanmadhupA yathaiva bhaNDAH || 42||
kechinmuNDAH kuTIlajaTilAshchakrataptAstathAnye
      nagnA bauddhAH shramaNanichayAstu~Ngali~NgaM vahantaH |
viprA varNAshramavarabharA hiMsavA svargakAmAH
      kAmArAtau vimukhahR^idayA j~nAnahInA bhramanti || 43||
kura~NgA mohAndhA marujaladhibud.hdhyAtapatapAH
      yathA dhAvantIsha prashithiladhiyA tarShitajalAH |
tatheme mohAndhAH hR^idayadahare tvAmadhivaptaM
      bhavantaM hitvaiva prabhavamaraNairbhrAntivashagAH || 44||
abhedyaM bhedyeShu prakaTarahR^itpadmasadanaM
      avij~nAtaM j~nAtaM niravadhikasachchitsukhavapuH |
bhavanmAyAmohAdbhramati paramAnandavimukhaM
      jagallokAlokaM susasvaratiryaggatadhiyam || 45||
nAhaM na tvaM na cheme bhava bhavabhavaM vai gatabhayaM (?)
      sadAnandaM sAndraM viralamapi bhedaM nahi manAk |
akhaNDaM piNDA~NgaM na cha bhavati kAryaM cha karaNaM
      na mokSho no bandho bhavati bhavadAlokanavashAt || 46||
anubhavamidameva vedavedyaM yadi hitvAnubhave bhavodbhavAdyam |
anubhavashatakotthakarmachitraM na hi nAshAya bhavodbhaveShu tasya || 47||
shAntaM vedavachobhirIDitaparaH svAntaM nishAnte sadA
      chintashAntanitAntashAntamanasA kohaM kathaM vai jagat |
nAnAstIti vichArya vedanivahairmuktaH sa yukto bhavet
      tad.hdhyAne.api cha durlabho yadi bhavedrrUpaM tava premakR^it || 48||
svAntaM shAntamanantamavyayamumAkAntaM sadA chintayet
tenaivAshu vinAshitAghanichayo bhUyAtpramodAdhikaH |
kAmArAtipadAmbujArchanarato bhasmAkShadhR^i~Nmuktaye || 49||
yAvatkAyamayAya dAyakamidaM kAmasya yatsAyakaiH
      bhedyaM vedyashataiH chikitsitavayaH pAke upAyairapi |
tasmAdevamumAsAhayamadhunA dhyAye vinAshyaM sadA
      hAyaM janmavinAshabhogarahito yAvaddR^iDhA~NgaH sadA || 50||
dhanagaNagaNanAvinAshakAle viguNaiveha sadA madAya dehe |
gaNagaNavinartaM yadA prapadye triguNAtItaguNastadA mudA.aham || 51||
sharvANIramaNArchanena hi sadA vAtAdbhayaM (pAtAdbhayaM) sargato (svargataH , sargataH)
      garveNApi akharvapAtakavaraiH kiM no bhayaM saMsR^iteH |
mayyAnandapayonidhau surasaritkUlAH prayAntyeva te
      shambhoH shambhuva eva pAdakamalAmodaikamAdyaM manaH || 52||
iti santatamantakAntakaM vimR^ishantaH svahR^idA prakAshamAnam |
shamitetarasa~Ngabha~NgataH svata evAtra bhavanti te hyasa~NgAH || 53||

|| iti shivarahasyAntargate shivAkhye shukavirachitaM shivamahimnastotraM sampUrNam ||

\- || shrIshivarahasyam | shivAkhyaH chaturthAMshaH | adhyAyaH 20| 15\-53||
##
- .. shrIshivarahasyam . shivAkhyaH chaturthAMshaH . adhyAyaH 20. 15-53..

Notes: Shuka Muni ##shukamuni##; who is Graced with Pārameśvarajñānam ##pArameshvaraj~nAnaM## by Śiva ##shiva## Himself, expresses his bhakti and gratitude in form of a Śiva-Mahimna-Stotram ##shivamahimnastotram##.##
##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}