% Text title            : Shukracharyakritam Shiva Stotram
% File name             : shukrAchAryakRRitaMshivastotram.itx
% Category              : shiva, brahmANDapurANa, stotra
% Location              : doc\_shiva
% Proofread by          : PSA Easwaran
% Description/comments  : brahmANDapurANa | madhyabhAga | upoddhAta | adhyAya 72/163-195||
% Latest update         : October 1, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shukracharyakritam Shiva Stotram ..}##
\itxtitle{.. shukrAchAryakR^itaM shivastotram ..}##\endtitles ##
tadA tiryaksthitastvevaM tuShTuve nIlalohitam |
shukra uvAcha |
namo.astu shitikaNThAya surAdyAya suvarchase || 2, 72\.163||
lelihAnAya lehyAya vatsarAya jagatpate |
kapardine hyUrddhvaromNe haryakShavaradAya cha || 2, 72\.164||
saMstutAya sutIrthAya devadevAya raMhase |
uShNIShiNe suvaktrAya sahasrAkShAya mIDhuShe || 2, 72\.165||
vasuretAya rudrAya tapase chIravAsase |
niHsvAya muktakeshAya senAnye rohitAya cha || 2, 72\.166||
kavaye rAjavR^iddhAya takShakakrIDanAya cha |
girishAyArkanetrAya yataye chAjyapAya cha || 2, 72\.167||
suvR^ittAya suhastAya dhanvine bhArgavAya cha |
sahasrabAhave chaiva sahasrAmalachakShuShe || 2, 72\.168||
sahasrakukShaye chaiva sahasracharaNAya cha |
sahasrashirase chaiva bahurUpAya vedhase || 2, 72\.169||
bhavAya vishvarUpAya shvetAya puruShAya cha |
niSha~NgiNe kavachine sUkShmAya kShapaNAya cha || 2, 72\.170||
tAmrAya chaiva bhImAya ugrAya cha shivAya cha |
mahAdevAya sarvAya vishvarUpashivAya cha || 2, 72\.171||
hiraNyAya vasiShThAya varShAya madhyamAya cha |
dhAmne chaiva pisha~NgAya pi~NgalAyAruNAya cha || 2, 72\.172||
pinAkine cheShumate chitrAya rohitAya cha |
dundubhyAyaikapAdAya arhAya buddhaye tathA |
mR^igavyAdhAya sarvAya sthANave bhIShaNAya cha || 2, 72\.173||
bahurUpAya chogrAya trinetrAyeshvarAya cha |
kapilAyaikavIrAya mR^ityave tryambakAya cha || 2, 72\.174||
vAstoShpate pinAkAya sha~NkarAya shivAya cha |
AraNyAya gR^ihasthAya yatine bahmachAriNe || 2, 72\.175||
sA~NkhyAya chaiva yogAya dhyAnine dIkShitAya cha |
antarhitAya sarvAya tapyAya vyApine tathA || 2, 72\.176||
buddhAya chaiva shuddhAya muktAya kevalAya cha |
rodhase chaikitAnAya brahmiShThAya maharShaye || 2, 72\.177||
chatuShpAdAya medhyAya varmiNe shIghragAya cha |
shikhaNDine kapAlAya daNDine vishvamedhase || 2, 72\.178||
apratItAya dIptAya bhAskarAya sumedhase |
krUrAya vikR^itAyaiva bIbhatsAya shivAya cha || 2, 72\.179||
shuchaye paridhAnAya sadyojAtAya mR^ityave |
pishitAshAya sharvAya meghAya vaidyutAya cha || 2, 72\.180||
dakShAya cha jaghanyAya lokAnAmIshvarAya cha |
anAmayAya chedhmAya hiraNyAyaikachakShuShe || 2, 72\.181||
shreShThAya vAmadevAya IshAnAya cha dhImate |
mahAkalpAya dIptAya rodanAya hasAya cha || 2, 72\.182||
dR^iDhadhanvine kavachine rathine cha varUthine |
bhR^igunAthAya shukrAya gahvariShThAya dhImate || 2, 72\.183||
amoghAya prashAntAya sadA viprapriyAya cha |
digvAsaH kR^ittivAsAya bhagaghnAya namo.astu te || 2, 72\.184||
pashUnAM pataye chaiva bhUtAnAM pataye namaH |
prabhave R^igyajuHsAmne svAhAyai cha sudhAya cha || 2, 72\.185||
vaShaTkAratamAyaiva tubhyaM mantrAtmane namaH |
sraShTre dhAtre tathA kartre hartre cha kShapaNAya cha || 2, 72\.186||
bhUtabhavyabhaveshAya tubhyaM karmAtmane namaH |
vasave chaiva sAdhyAya rudrAdityAshvinAya cha || 2, 72\.187||
vishvAya marute chaiva tubhyaM devAtmane namaH |
agnIShomavidhij~nAya pashumantrauShadhAya cha || 2, 72\.188||
dakShiNAvabhR^ithAyaiva tubhyaM yaj~nAtmane namaH |
tapase chaiva satyAya tyAgAya cha shamAya cha || 2, 72\.189||
ahiMsAyAtha lobhAya suveShAyAnishAya cha |
sarvabhUtAtprabhUtAya tubhyaM yogAtmane namaH || 2, 72\.190||
pR^ithivyai chAntarikShAya mahase tridivAya cha |
janastapAya satyAya tubhyaM lokAtmane namaH || 2, 72\.191||
avyaktAyAtha mahate bhUtAyaivendriyAya cha |
tanmAtrAyAtha mahate tubhyaM tattvAtmane namaH || 2, 72\.192||
nityAya chApyali~NgAya sUkShmAya chetarAya cha |
shuddhAya vibhave chaiva tubhyaM nityAtmane namaH || 2, 72\.193||
namaste triShu lokeShu svaranteShu bhuvAdiShu |
satyAntamaharAdyeShu chaturShu cha namo.astu te || 2, 72\.194||
nAmastotre mayA hyasminyadasadvyAhR^itaM prabho |
madbhakta iti brahmaNya sarvaM tatkShantumarhasi || 2, 72\.195||

iti shrIbrahmANDapurANe madhyamabhAge dvisaptatitamAdhyAyAntargataM
         shukrAchAryakR^itaM shivastotraM samAptam |

brahmANDapurANa | madhyabhAga | upoddhAta | adhyAya 72/163\-195||
##
brahmANDapurANa . madhyabhAga . upoddhAta . adhyAya 72/163-195..

Proofread by PSA Easwaran 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}