% Text title            : Skandaproktam Bhasmatattvopadesham
% File name             : skandaproktaMbhasmatattvopadesham.itx
% Category              : shiva, upadesha, advice, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 5 | 1-39||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Bhasmatattvopadesham ..}##
\itxtitle{.. skandaproktaM bhasmatattvopadesham ..}##\endtitles ##
(shivarahasyAntargate IshvarAkhye)

\- skandajaigIShavyasaMvAde \-
skanda uvAcha \-
shrIbhAlalochanenaiva bR^ihajjAbAlasambhavam |
bhasmoktaM vimukterhi janma janmavatAM mune || 1||
shrR^iNuShva sAvadhAnena tvamekAgreNa chetasA |
sadyojAtodbhavAt vaktrAt pR^ithivI samajAyata || 2||
pR^ithivIrUpiNI yA sA gaurjaj~ne kapilAkhyayA |
nandA sA nAmato vipra tasyAM bhUtirbabhUva ha || 3||
vAmadevamukhAchChambhorvAryagre samajAyata |
kR^iShNavarNA tato bhadrA tasyAM vai bhasitaM sitam || 4||
prakhyAtaM munishArdUla shUlapANiprasAdakR^it |
aghoravaktrAdabhavat lelihAnanojjvalatprabhaH || 5||
vahnirahnAya jagatAM madhyAhnArkashatopamaH |
raktA cha vai shvetavarNA surabhiH samajAyata || 6||
tasyAM hi bhasma sa~njAtaM bhAsanaM pAvanaM param |
tatpUruShamukhAdvAyuH sarvAyuH kAraNo mahAn || 7||
tasmAchChvetA.abhavadvarNA sushIlA gauH payasvinI |
tasmAtkShAraM samutpannaM kSharastaptakulaM mune || 8||
IshAnavaktrAdAkAsho vyomakeshAdvabhUva ha |
tasmAchcha chitravarNAbhUt sumanA sA payasvinI || 9||
tadgomayotthA rakShA.abhUt sAkShAt tryakShaprasAdakR^it |
vidyA shAntiH pratiShThA cha shAntyatItA manonmanI || 10||
kalAH pa~nchasamutpannAH kramo.ayaM sha~NkarAj~nayA |
vibhUtirbhasitaM bhasma kShAraM rakSheti vai mune || 11||
bhavanti pa~nchanAmAni pa~nchavaktrodbhavAni hi |
aishvaryakAraNA bhUtirbhasma sarvAghabhakShaNAt || 12||
bhAsanAdbhasitaM proktaM kShAraNAtkShAramApadAm |
saMsArabhayabhItAnAM rakShA saMrakShaNAnmune || 13||
agnIShomAtmakaM bhasma samproktaM munisattama |
eko vahniryathA yaj~ne samindhetAdhvare tadA || 14||
bahurUpo munishreShTha tathedaM bhasma pAvanam |
atanordevadevasya aShTamUrteH pinAkinaH || 15||
agnirityuchyate raudrI ghorA yA taijasI tanuH |
somaH shakyA.amR^itamayaH shAntiH kIrtikarI tanuH || 16||
amR^itaM yatpratiShThA sA tejovidyAkalA svayam |
sthUlasUkShmeShu bhUteShu te eva rasatejasI || 17||
dvividhA tejaso vR^ittiH sUryAtmA chAnalAtmikA |
vaidyutAdimayaM tejo madhurAdimayo rasaH || 18||
tejorasavibhedena jagadvyAptaM charAcharam |
agneramR^itaniShpattiramR^itenAgniriShyate || 19||
ata eva haviH klR^iptaM mune sarvamukheShu cha |
haviShA sasyasampattirvR^iShTiH sasyAbhivR^iddhaye || 20||
vistR^iptAH surAH sarve agnIShomAtmakaM jagat |
UrdhvashaktimayaH somo hyadhaH shivamayo.analaH || 21||
AbhyAM sampuTitaM yasmAchChashvadvishvamidaM jagat |
agnirUrdhvaM jvalatyeSha yAvatsaumyaM parAvR^itam || 22||
yAvadasyAspadaM saumyamamR^itaM visR^ijatyadhaH |
ata eva hi kAlAgniradhastAchChaktirUrdhvagA || 23||
yAvatA dahanashchordhvamadhashchAplAvanaM bhavet |
AdhArashaktividhR^itaH kAlAgnirayamUrdhvagaH || 24||
tathaiva nimnagaH somaH shivashaktipadAspadaH |
shivashchordhvamayaH shaktirUrdhvashaktiradhaH shivaH || 25||
taditthaM shivashaktibhyAM (vinA) na vyAptamiha ki~nchana |
asakR^ichchAgninA dagdhaM jagattadbhasmasAtkR^itam || 26||
agnervIryamidaM prAhustadvIryaM bhasma yattataH |
yashchetthaM bhasmasadbhAvaM j~nAtvA hi snAti bhasmanA || 27||
agnirityAdibhirmantrairdagdhapAshaH sa uchyate |
agnervIryaM tu tadbhasma somenAplAvitaM punaH || 28||
ayogayuktA prakR^itiradhikArAya kalpate |
yogayuktaM tu tadbhasma plAvyamAnaM samantataH || 29||
shAktenAmR^itavarSheNa svAdhikArAnnivartayet |
ato mR^ityu~njayAyetthamamR^itaplAvanaM satAm || 30||
shivashaktyamR^itasparshe labdha eva kuto mR^itiH |
yo veda gahanaM yuddhaM plAvanaM cha tathoditam || 31||
agnIShomamayaM jagatsthiracharaM sambhAvitaM sha~NkarAt
sArAsAravichArasAgaramahApArINadhuryA mune |
jAnantyeva gatAgateShu nitarAmutkR^iShTabhAvAbhave
bhAvA eva bhave.api bhAvaparamA bhasmaikabhAvAsadaH || 34||
agniShTomapuTodbhavena bhasitA lokA va bhUShA~NgakAH
shA~NgA eva bhavanti bhAgyaparamAH pApaughabha~NgAshayAH |
dagdhAna~NgamahA~Ngasa~NgabhujagAbhogA~Ngali~NgArchakAH
puNyApArapata~Nga bhAvabhavanAste pAvanA bhUtale || 35||
yo vA kovA vibhUtyA bhavati hi kalito divyadehastripuNDraiH
sarveShAmapi pAvano hi sabhavetsvAlokasa~Ngena hi |
tatsa~Ngena cha khaNDitAghanichayo bhUyo bhavedvai jano
jAnanti shrutiyuktisUktivachanaistadbhasmano.amba prabho || 36||
AryAvartasthitAryAH shrutigaditamahApUtabhasmAdibhirye
puNDraM bhAlatale nidhAya vimalaM sarvAghasa~NghojjhitAH |
sharvasyaiva samarchanapriyatarA garvAdivargojjhitAH |
te vIryairadhikAstaranti bhuvanaM hyAchAryavR^ittisthitAH || 37||
bhasmedaM smarahantR^ibhAlaphalakAla~NkArabhUtaM sadA
pApaughAtulaghasmaraM smR^itikR^itAM budhyAdibodhapradam |
j~nAnaM chApi dishetyume vidhighR^itaM tiryaktrikAleShvapi
sarveShAmavisheShato dvijagaNeShUktaM visheSheNa hi || 38||
samAmnAtAmnAya prabalavachanenAlamitara\-
pramANAnAM sa~NghaiH shrutigaditasImAnusAraNam |
pramAdo no bhUtyai bhavati sukha kItirnavinasha\-
chChivotkarShaj~nAnaM bhavati cha vimuktaH parataram || 39||

|| iti shivarahasyAntargate skandaproktaM bhasmatattvopadeshaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 5 | 1\-39||
##
- .. shrIshivarahasyam . IshvarAkhyaH dashamAMshaH . adhyAyaH 5 . 1-39..

Notes:
Skanda ##skanda## speaks to Jaigīṣavya ##jaigIShavya## about the origin of Bṛhajjābāla ##bR^ihajjAbAla##.
He explains about the origin Pañcatattva ##pa~nchatattva## from ŚivaPañcamukha-s ##shivapa~nchamukhAH##; viz.
Pṛthivī ##pR^ithivI## - Sadyojāta ##sadyojAta##
Vāri ##vAri## - Vāmadeva ##vAmadeva##
Vahni ##vahni## - Aghora ##aghora##
Vāyu ##vAyu## - Tatpuruṣa ##tatpuruSha##
Vyoma ##vyoma## - Īśāna ##IshAna##
Five types of Bhasma are described i.e. BhasmaPañcanāmāni ##bhasmapa~nchanAmAni## viz., Vibhūti ##vibhUti##, Bhasita ##bhasita##, Bhasma ##bhasma##, Kṣāra ##kShAra##, Rakṣā ##rakShA##.
The AgniṢomātmaka ##agniShomAtmaka## and ŚivaŚaktyātmaka ##shivashaktyAtmaka## Nature of The Universe, and the Nature of Kālāgni ##kAlAgni## is defined in context of Yoga ##yoga##.
ŚivaRahasyam daśamāṃśaḥ ##shivarahasyaM dashamAMshaH## has several chapters devoted to Bhasma ##bhasma## - it’s preparation, application, related mantra-s etc.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}