% Text title            : Skandaproktam Maheshvaracharitam
% File name             : skandaproktaMmaheshvaracharitam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhImAkhyaH aShTamAMshaH | adhyAyaH 5 | 11-51||
% Latest update         : July 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Maheshvaracharitam ..}##
\itxtitle{.. skandaproktaM maheshvaracharitam ..}##\endtitles ##
(shivarahasyAntargate bhImAkhye)
skanda uvAcha |
IshA~Ngasa~Ngo bha~NgAya duHkhAnAmeva kevalam |
bhavatIshaprasAdena bhavanAsho mahAmune || 11||
shambhoH kathAkarNanena karNaudhanyatarau tava |
mama vaktrANi dhanyAni lochanAvalireva me || 12||
shivali~NgAlokanena kailAse sha~NkarAlaye |
tUrNamabhyarNagA muktiraparNApatipUjayA || 13||
pApAraNyamahAdAvaH sha~Nkarasyaiva pUjanam |
na vinA sha~NkarasyArchAM saMsArottAraNaM bhavet || 14||
bhasmA~NgarAgo yo bhUyAdbhAvo bhavapadArchakaH |
bhAvabhAvaM bhajatyeva bhAva eva hi bhAgyavAn || 15||
sha~Ngali~NgArchanenaiva pApabha~NgaH prajAyate |
ana~NgamAta~NgaharapAdArchakajanapriyaH || 16||
bhavatyeva visheSheNa shAmbhavo bhuvi bhAgyavAn |
mahAdevasmR^itiH sadyo vidyotayati taM naram || 17||
suraM vA kinnaraM vApi uragaM yakShameva vA |
gandharvaM garuDaM vApi kITaM patagameva vA || 18||
karoti sha~NkarakR^ipA mokShAyaiva na saMshayaH |
na kiM dadAti sAmrAjyaM prAjyaM bhakteShu kevalam || 19||
yadudArakathAsArasArasAnAM mahAtmanAm |
bhavanti sampado nityaM sarveShu sukhahetave || 20||
bhAvaikasulabho devo bhaktavashyo bhayApahaH |
bhAvagrAhyohyanigrAhya ityAhAtharvaNI shrutiH || 21||
tenaiva sarvamuktyarthaM sR^iShTaM sha~NkarapUjanam |
nAstyanyattAraNaM nR^INAM vinA vishveshapUjanam || 22||
kaH santareta bhavadAmasArAM sAravAsanAm |
tAM mR^ityu~njayapUjArthamupayujya sukhI bhavet || 23||
tAM vinAnyatra dharmejyAkaraNe mAstu te padam |
shrImR^ityu~njayapUjaiva sulabhA mokShadAyinI || 24||
na pUjA pUjakovA.asya svatantrasyeshvarasya hi |
kiM tu sarvAbhayArthaM hi sR^iShTaM vai li~NgapUjanam || 25||
li~Nge.archito mahAdevo dadAti vipulAM shriyam |
vimuktijanakaM j~nAnaM dadAtyeva maheshvaraH || 26||
yaH sakR^idbilvapatreNa dvitrairvA pUjayedbhavam |
bhavo bhavaharo bhUyAdbhAvAnAM nAtra saMshayaH || 27||
yasya sampUjanAdeva brahmaviShNvAdayaH surAH |
sendrAH savaruNA devA nivasanti triviShTape || 28||
asurA yakSharakShAMsi munayo manavastathA |
priyaM li~NgArchanaM shambhornAnyatki~nchinmunIshvara || 29||
na dAnairnaiva tapasA na varNAshramadharmataH |
etaddhi sArthakaM shrautaM shrImahAdevapUjanam || 30||
vishveshapUjayA vishvaM sarvaM sampUjitaM bhavet |
vishvAdhiko mahAdevaH sarvavedAntasaMstutaH || 31||
smR^itaH sampUjito nityaM dhyAto vA muktidAyakaH |
darshanaM sparshanaM la~Nge \ldq{}ayaM me\rdq{} iti mantrataH || 32||
sarvapApakShayAyaiva muktaye bhavate nR^iNam |
yo maheshaM sakR^iddhyAtvA svahR^idambhojamadhyagam || 33||
umAsahAyaM tryakShaM cha nIlakaNThaM sa satyabhAk |
mAnyaH surANAM sarveShAM munInAmapi vai mune || 34||
manye mahAmanyusamo na devaH karuNAkaraH |
aparAdhiShu bhakteShu sahamAnaH sa eva hi || 35||
chulukaM jalamAtraM vA truTitaM bilvajaM dalam |
dadAti niyamAdyo vai tasmai muktiM prayachChati || 36||
brahmAdidurlabhaM j~nAnaM dadAtyeva maheshvaraH |
vishvanAtho hyanAthaM taM sanAthaM kurute naram || 37||
svabhaktaM manmathArAtiranAthajanavatsalaH |
tasyaiva bhaktyA sulabho mokSho no dharmakoTibhiH || 38||
tasyeshasya prasAdArthaM sR^iShTA hi vividhAH kriyAH |
japahomArchanadhyAnavratakR^ichChrANi sattama || 39||
yogaH sA~NkhyaM cha tantrANi smR^itayo nigamA api |
AgamAshchApi vividhA yantratantraparANi cha || 40||
shrutayaH smR^itayaH sarvA varNAshramanibandhanAH |
bandhanAyaiva sarveShAM na muktyai(kteH) kAraNaM(sAdhanaM) bhavet || 41||
prasAdakAraNAnyeva na prasAdo bhaveddhi taiH |
prasAdakAraNaM shambhorbhaktiryA nishchalA shive (?) || 42||
bhaktyaiva bhavapAshebhyo mochanaM jAyate nR^iNAm |
bhaktireva virUpAkShe sadA kAryA munIshvara || 43||
bhasmAbhyaktatanurbhAvo bhavali~NgaM samarchayan |
kAlamR^ityoshcha muchyeta saMsAroddhatasarpataH || 44||
rudrAkShamAlAbharaNo rudrasUktajapAdaraH |
pa~nchAkSharaparo nityaM sarvadA shivapUjakaH || 45||
sa eva muktikAntAyAH patirIshena kalpitaH |
rudrakShetrAdinirato virato bhavasAgarAt || 46||
jAgarukaH sadA.atandro bhavatIshvarachintakaH |
jarAmR^ityujagajjanma sukhaduHkhAkulaM jagat || 47||
pashyanmA pramado bhUyAdvishveshapadapUjane |
AyuryAtyeva niyatamAmakumbhe yathA payaH || 48||
sampado vipadastA hi svarge dharme tu nashvarAH |
shokamohasamAkrAntAH sasurAsuramAnavAH || 49||
dhanaM kShayAntaM sarveShAM priyANAM viprayogitA |
parIkShya sarvaM duHkhAntaM virajyeteti hi shrutiH || 50||
nAyurAyAti hi gataM dharmAdyarthAnuchintayA |
svastho hR^itsthaM shivaM dhyAyettena duHkhairvimuchyate || 51||

|| iti shivarahasyAntargate skandaproktaM maheshvaracharitaM sampUrNam ||

\- || shrIshivarahasyam | bhImAkhyaH aShTamAMshaH | adhyAyaH 5 | 11\-51||
##
- .. shrIshivarahasyam . bhImAkhyaH aShTamAMshaH . adhyAyaH 5 . 11-51..

Notes:
Skanda ##skanda##; upon being requested by Jaigīṣavya ##jaigIShavya##, elaborates about MaheśvaraCaritam ##maheshvaracharitam##.
Skanda ##skanda## mentions the Śivaliṅga sparśa mantra ##shivali~Nga sparsha mantra## viz. ayaṃ me ... ##ayaM me \.\.\.## - which is as follows:
Ayaṃ me hasto bhagavān ayaṃ me bhagavattaraḥ |
Ayaṃ me viśvabheṣajo'yaṃ Śivābhimarśanaḥ || Ṛgvedaḥ|10.60.12||
##ayaM me hasto bhagavAn ayaM me bhagavattaraH .##
##ayaM me vishvabheShajo.ayaM shivAbhimarshanaH || R^igvedaH\.10\.60\.12 ||## ##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}