% Text title            : Skandaproktam Manmathadahakathanam
% File name             : skandaproktaMmanmathadAhakathanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | adhyAyaH 11 manmathadAhaH | 35-46 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Manmathadahakathanam ..}##
\itxtitle{.. skandaproktaM manmathadAhakathanam ..}##\endtitles ##
(shivarahasyAntargate IshAkhye)

skanda uvAcha |

satIkAntachittaM pralobdhuM vasanto
mudA tatra chakre vanaM tatsukAntam |
girau mandare mandirAbhe shivasya
kundAravindAdisubhaiH prakAmam || 35||
prabhAkarakarasphuratkamalakoshalInAlayaH
parAgarasara~njitAH paripatanti puShpadrumAn |
palAshakusumAvalImiva shukAsyabhAge tadA
shukA api mukhAgatAn vigalayanti jambUmiva || 36||
puraNTakuTajAvalI vidhR^itapuShpasatkorakaiH
shamIkusumapATalIpaTalagandhabandhAnilaiH |
subilvakusumotkaraprabhavagandhasanmeduro
vibhAti kila mandaraH kusumashAkhisachChekharaH || 37||
sumandarasarovaraprathitatIramandArajaiH
vikAsitasumodgatairvimalavAtagandhAyitaiH |
suparNasumaguchChakairvarasukarNikArodbhavaiH
kanatkanakapuShpavachChikharamatra bhAbhAti vai || 38||
krau~nchAkrAntabakorupakShachalanairlInAshchamInAshcha te
sArasyAH sarasIruheShu madhupAH shrAmyanti bhrAmyantyapi |
evaM tatsumagandha gandhitavanaM dR^iShTvA prahR^iShTo haraH || 39||
ratipatiratilAghavena shambhuM
hR^idaye saMvibhede.atha puShpabANaiH |
kusumeShaM kusumAvalIDhadehaM
yamaghorAndhakashAsano dadarsha || 40||
analAkShikoNalakShyamIsho
garakaNTho vyadadhAdana~NgasaMj~namenam |
bhasmIbhUtamana~Nga sundaratanuM dR^iShTvaiva tatpR^iShThagAva
sAsrAkShI ratirIshamastuvadasau shokAkulotkaNThitA || 41||
ratiruvAcha |

he vAsudevanayanArchita kAmadeva
bhasmA~NgarAga varabhUShita vAmadeva |
shrIvAmadevyamaratoShita bhUmideva
pUjya prasIda parameshvara deva deva || 42||
mahAdeva devAdhideva prasIda
prasIda prasIda prabho kAlakAla |
patyA vihInAM kR^ipApArasindho
patyA sanAthAM kuruShvesha mAM tvam || 43||
vibhau mArasarvasvamapyantara~NgaM
sadAkharvagarvAdhirUDhaM pramUDham |
mR^iDAnIpate gUDhapAdbhUShayoShA\-
visheShA~Nga kAmA~NganAsha prasIda || 44||
sUta uvAcha |

satyAH stutyA cha tuShTo girivarashikhare satyavAchA vihR^itya
pAtivratyAnubhUtyA sa kila puraharastAmana~Ngena yojyAm |
kAle devyAH kaTAkShaistava patiramaro jAyate ityashAttAM
shAntAM kAntapradAnAdgirishavarakR^ipApAtrabhUtAM ratiM tAm || 45||
devAste prayayuH sabhItihR^idayAste kAndishIkAH prabhoH
krodhAndhIkR^italochanasya purataH sthAtuM na shekustadA |
indrAgnI yamanirR^itI cha varuNaH somAryamAdyAH yayuH
prakhyAtuM varamanmathA~NgadahanaM devena tadbrahmaNe || 46||

|| iti shivarahasyAntargate skandaproktaM manmathadAhakathanaM sampUrNam ||

\- || shrIshivarahasyam | IshAkhyaH dvAdashamAMshaH | adhyAyaH 11 manmathadAhaH | 35\-46 ||
##
- .. shrIshivarahasyam . IshAkhyaH dvAdashamAMshaH . adhyAyaH 11 manmathadAhaH . 35-46 ..

Notes:

Skanda ##skanda## narrates about the incidence about Manmathadāha ##manmathadAha## via the Fire from the Third Eye of Śiva ##shiva## as there is an attempt made by Kāmadeva ##kAmadeva## to disturb His Deep State of Dhyāna ##dhyAna##.

Rati ##rati## tries to appease Śiva ##shiva## and requests Him to bring her husband back to life, and He kindly grants her the wish.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}