% Text title : Skandaproktam Parvagrahanadikale Shivarchanopadesham % File name : skandaproktaMparvagrahaNAdikAleshivArchanopadesham.itx % Category : shiva, shivarahasya, upadesha, advice % Location : doc\_shiva % Transliterated by : Ruma Dewan % Proofread by : Ruma Dewan % Description/comments : shrIshivarahasyam | mahAdevAkhyaH ekAdashamAMshaH | adhyAyaH 27 parva(sUryasoma)grahaNapUjAmahimA | 1-86|| % Latest update : October 29, 2024 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Skandaproktam Parvagrahanadikale Shivarchanopadesham ..}## \itxtitle{.. skandaproktaM parvagrahaNAdikAle shivArchanopadesham ..}##\endtitles ## (shivarahasyAntargate mahAdevAkhye) skanda uvAcha | puNyaM parvasu sarveShu grahaNe somasUryayoH | ayane viShuve chaiva ShaDashItimukheShu cha || 1|| purA manvAdiShu mune pUrNimAmAsu sarvadA | sa~NkrAntiShu vyatIpAte vaidhR^itau cha visheShataH || 2|| AShADhe jyeShThashrAvaNyAM mArgashIrShe cha chaitrake | mAghyAM cha pUrNimAyAM tu shivapUjA vishiShyate || 3|| amA somAnvitA yA syAtsarvamAseShu sattama | kArtike.atha visheSheNa puShyAShADhe mahAphalA || 4|| snAnamabhyarchanaM shambhoH vishiShTaH syAtsadA nR^iNAm | kR^iShNapakShAShTamI devi (?) bhUtApyasitapakShake || 5|| ##(? Skanda was meant to be addressing Muni - Jaigīśavya)## mAsikI shivarAtrI cha prashastA shivapUjane | yA mAghe kR^iShNapakShasya bhUtA somArchitA yadi || 6|| sArdrA pAtAnvitA vApi nishi sharvapriyA hi sA | sa yogo durlabho nR^INAM tatra li~Ngodbhavo mune || 7|| ekena bilvapatreNa tasyAM pUjya vimuktibhAk | yA mAghI shivarAtrI cha mahApUrvA vishiShyate || 8|| gokarNe sA vishiShyeta tathA vai gandhamAdane | shrIkAlahastishaile cha shivarAtrirvishiShyate || 9|| viShNubrahmAdayo devAH prArthayanti munIshvarAH | kadA gokarNameShyAmaH shivarAtrau shivArchakAH || 10|| bhaviShyAmo bilvapatrairdvitrairvA muktimApnumaH | tatraiva sAgare snAnaM gokarNeshasya pUjanam || 11|| shivarAtrau shivArchaiShA janmanaikena muktidA | gokarNe cha munishreShTha shivakShetreShu puNyadA || 12|| tasyAmabhyarchanavidhiM tavAgre kathayAmyaham | kArtike shrAvaNe chaiva somavAro vishiShyate || 13|| kR^iShNapakShe.api cha mune sarvamAseShu puNyadaH | bhaktaH shivArchako naktaM tasmin vyaktaM tu muktibhAk || 14|| sarvamAsapradoSho.api prashastaH shivapUjane | tatrApi durlabho j~neyo mandavAre mahAphalaH || 15|| durlabhaH kR^iShNapakShotthaH shivapriyatamo mataH | tatraivArchanamIshasya sarvasampatpradAyakam || 16|| sarvatraiva shivAgAre chare vA sthAvare.api vA | li~NgeShu pUjayA shambhoH muktiH karagatA bhavet || 17|| kimpunastvavimukte.atha trilochanasamIpataH | trilochaneshvaraM kAshyAM mandavAre pradoShake || 18|| pUjya janmAyutaiH pApairmukto muktiM cha vindati | sa dvAdashapradoShANAM labhetphalamayatnataH || 19|| mandapradoShapUjAto labhedeva mahAmune | ekAdashyAM mahAdevaM pUjya bilvairmanoharaiH || 20|| sitAyAmasitAyAM cha rudratithyAM munIshvara | upoShya shivamabhyarchya kR^iShNAyAM naktabhojanam || 21|| kuryAdeva shive bhakto mahAphala jigIShayA | viShNubrahmAdayo devA ekAdashyAM shivArchanam || 22|| kurvantyupoShaNaM bhaktyA rudratithyAM dvijottama | ekAdashAnAM rudrANAM prItyarthaM garuDadhvajaH || 23|| pakShadvaye.api satataM karotyekAdashIvratam | rudrapriyakarI hyeShA kArtikAShADhagA sitA || 24|| vaishAkhyAM cha tathAShADhyAM chaitryAM mAghyAM maheshvaram | mahAsnAnavidhAnena paurNamyAM snApayennaraH || 25|| pa~nchAmR^itaiH phalarasairmahApuNyamavApnuyAt | nIlotpaladalairbilvaiHpUjayan kusumairapi || 26|| sarvapApavinirmuktaH akShayAM labhate gatim | yo mAghyAM kurute bhaktyA shivAya ghR^itakambalam || 27|| sa vaMshakoTisaMyukto modate shivasannidhau | vaishAkhyAM pUrNimAyAM tu dadhikambalakaM naraH || 28|| mahAkailAsasadane madanAntarakarapriye | bhavennAvartate vipra asmin loke dhruvaM naraH || 29|| phAlgunyAmatha porNamyAM madhukambalado naraH | shivAya vidhivad bhaktyA gANapatyaM labhennaraH || 80|| sa~NkrAntiShu shivaM pUjya kusumairbilvapallavaiH | kShIreNa madhunA dadhnA sitayA cha ghR^itairapi || 31|| abhiShichya shivaM bhaktyA tUryama~NgalavAditaiH | dhUpaM cha gugguluM dagdhvA brahmahApi vimuchyate || 32|| gachChechChivapuraM ramyaM vimAnaiH sArvagAmikaiH | shivaM makarasa~NkrAntau snApya pa~nchAmR^itaiH phalaiH || 33|| tilA~njalishataiH pUjya sudhautaiH pANDarairnaraH | bilvapatraiH samabhyarchya kR^isaraM tilasaMyutam || 34|| sAjyaM nivedya saguDaM kR^itakR^ityo bhavennaraH | haMsakundendusa~NkAshairyAnairgachChechChivAgrataH || 35|| ShaDashItimukheShvIshaM pUjya bhaktyA sakR^innaraH | bilvapatraiH samabhyarchya kShudrapApaiH pramuchyate || 36|| yugAdiShu mahAdevaM sichya pa~nchAmR^itaiH phalaiH | havirnivedya devAya sampUjya kusumAkShataiH || 37|| sarvapApaiH pramuchyeta bhakto muktiM cha vindavi | manvAdiShu virUpAkShaM pUjya bhaktyA sakR^innaraH || 38|| vasechChivapure divye sarvabhogasamR^iddhimAn | vyatIpAte cha sampUjya dugdhAjyaiH bilvasaMyutam || 39|| mArgashIrShe visheSheNa saphalaM tasya jIvitam | aNimAdi guNairyuktaH shivavadvicharechChive || 40|| vaidhR^itau cha visheSheNa sampUjya shivameva hi | kShIrAjyairbilvapatraishcha nivedya cha havirmune || 41|| nishAkarakaraprakhyairvimAnaiH sArvagAmikaiH | yAntyeva sannidhau shambhoH gaNashreShTho.amareDitaH || 42|| sampUjya devaM viprendro yo li~NgamudAgAyane | puShpairdhUpaishcha bilvaishcha nivedya haviruttamam || 43|| bhojayitvA mahAshaivAnekaM vA shivayoginam | prayAti shivasArUpyaM gANapatyaM labhennaraH || 44|| sampUjayannaro bhaktyA yo li~NgaM dakShiNAyane | ghR^itenaivAbhiShichyeshaM bilvaiH sampUjya yatnataH || 45|| kR^isaraM yavasaM saktuM nivedya shivayogine | bhojayitvA ghR^itAnnena sarvapApaiH pramuchyate || 46|| sarvAnkAmAnavApnoti yAti chaiva shivAlayam | amAsvapi cha kArtikyAM bilvaiH somAnvitAsvapi || 47|| sampUjya cha ghR^itaiH snApya labhate gatimuttamAm | naktaM bhaktAno bhakto muktiM yAti na saMshayaH || 48|| divase tu samabhyarchya vArarkShatithiShu kramAt | ekAhamapi yo bhaktyA sa muktaH sarvapApmabhiH || 49|| prAtaH sampUjaya.Nlli~Nge naishaM pApaM vyapohati | sa~Ngave.ana~NgatApotthaM pUjya li~NgaM sakR^innaraH || 50|| pApaka~nchukamutsR^ijya shivaloke mahIyate | aparAhNe shivaM pUjya garbhabhA~Nnaiva jAyate || 51|| madhyAhne hayamedhasya phalaM sampUjako labhet | sAya~NkAle shivaM pUjya sarvapApaiH pramuchyate || 52|| nishIthe manmathArAtiM pUjya bilvairnapApabhAk | aruNodayavelAyAM pUjya devaM R^iNI na tu || 53|| ShaTkAlaM pUjayelli~NgaM trikAlaM vA dvikAlataH | ekakAlaM mune bhaktyA sa rudro nAtra saMshayaH || 54|| prahare prahare nityaM harameva samarchayet | yato nityaM jIvitaM hi nAshvasetkShaNamatra hi || 55|| yaH saptamI pradoSheShu shivali~NgaM samarchayet | bilvapatraishcha kusumaiH na tiryagyonimApnuyAt || 56|| chaturthyAM tu pradoSheShu pUjayitvendudarshane | shivali~NgaM bilvapatrairna durgatimavApnuyAt || 57|| sa pradoShastridhA proktaH shivena paramAtmanA | mAheshvarastrayodashyAM saptamyAM cha mahAmune || 58|| sArasvatastato vipra chaturthyAM cha gaNAdhipaH | sarveShvapi pradoSheShu pUjya eva maheshvaraH || 59|| mAheshvarastrayodashyAM pradoShaH sArvamAsikaH | tasminnabhyarchanaM shambhoranantaphaladaM mune || 60|| mandArayuto yaH syAtpradoSho rajanImukhe | tatrApi kR^iShNapakShe cha prApto daivena labhyate || 61|| tasminpradoShe li~NgArchA doShAdribhidurA bhavet | grahaNe somasUryANAM snAnadAnArchanaM vibhoH || 62|| kuryAjjapaM cha mantrANAM tasmin kAle cha siddhaye | sUryagrahe kurukShetre snAnaM dAnaM shivArchanam || 63|| prashasyate munishreShTha puShkare tu shashigrahe | yamunAga~NgayoH sandhau ga~NgAsAgarasa~Ngame || 64|| o~NkAre bhR^igutu~Nge cha tathaivAmarakaNTake | narmadAsAgaropAnte gokarNe pashchimAmbudhau || 65|| kAveryudadhi sa~Nge cha tAmrAsAgarasa~Ngame | dhanuShkoTau munishreShTha kanyAtIrthanimajjanAt || 66|| sUryendugrahaNe puNye snAne teShu prashasyate | vidhiM cha te pravakShyAmi sUryendvorgrahaNe mune || 67|| nitye naimittike kAmye japahomAnumajjane | shivArchane cha vidhivanmahAdAnamanantakam || 68|| kUpAchChataguNaM vApyAM nadyAM snAnaM tato.adhikam | sAgare.api tato vipra nadIsa~Nge tato.adhikam || 69|| shivasya sannidhau snAnaM tato.api guNavattaram | atulaH koShNatoyena snAyAdgrahaNayordvayoH || 70|| vaiShNavAn skAndagANeshAn shaivA~nChAktAn japenmanUn | mantrasa~NgrahaNaM kuryAdgrahaNe somasUryayoH || 71|| ekAvR^ittyApi mantrANAM lakShAvR^ittiphalaM labhet | pitR^In santarpayechChrAddhairnaktaM chApi munIshvara || 72|| sarvaM ga~NgAsamaM toyaM sarve shivasamA dvijAH | sarvaM merusamaM dAnaM grahaNe somasUryayoH || 73|| mantrasiddhikaraM sthAnaM nadyAM parvatamastake | vipine cha shivAgAre devabrAhmaNasannidhau || 74|| bilvamUle bilvapatrairgrahaNe li~Ngamarchayan | tatra sampUjayan labhyet phalaM tallakShahAyanam || 75|| rudreNa chaiva gAyatryA tathA pa~nchAkShareNa cha | rogArta AyuSho vR^iddhyai homayechcha galUchibhiH || 76|| sahasraM paramaM shreShThaM shatAShTottarameva vA | nadItoyena sampUrNaghaTaM saMspR^ishya shobhanam || 77|| rudrAvR^ittyA jalaiH snApya rogaiH pApaiH pramuchyate | mantrAn pa~nchAkSharaM vApi gAyatrIM vedamAtaram || 78|| yAvadgrahaNamokShaM tu tAvannadyAM samAhitaH | japetsamudragAminyAM purashcharyAphalaM labhet || 79|| chare vA sthAvare vApi tu~Nge li~Nge shivArchakaH | grahaNe somasUryANAM yo mahAsnAnakArakaH || 80|| pa~nchAmR^itaiH pa~nchagavyaistathA phalarasairapi | ghR^itAbhya~Ngo ghR^itasnAnaM grahaNe.atIva puNyadam || 81|| shivasya toShadaM vipra gANapatyapradaM param | tauryatrikaM dhUpadIpa puShpagandhAnulepanam || 82|| bilvamAlArchanaM shambhoH puNyaM nIrAjanaM vibhoH | kuryAdyo grahaNe vipra sarvAnkAmAnavApnuyAt || 83|| kashchitpUjayate bhaktyA kashchitpUjAM prapashyati | tayoH samaphalaM j~neyaM grahaNe li~NgadarshanAt || 84|| brahmahatyAdibhiH pApairmuchyate nAtra saMshayaH || 85|| sa~NkrAntiShu shrIshivamarchya loke naivApnuyAtkrAntirujaM janiM vA | patettathA no niraye.adhR^itiM vai\- dhR^itIShu sampUjya shivaM labheta || 86|| || iti shivarahasyAntargate skandaproktaM parvagrahaNAdikAle shivArchanopadeshaM sampUrNam || \- || shrIshivarahasyam | mahAdevAkhyaH ekAdashamAMshaH | adhyAyaH 27 parva(sUryasoma)grahaNapUjAmahimA | 1\-86|| ## - .. shrIshivarahasyam . mahAdevAkhyaH ekAdashamAMshaH . adhyAyaH 27 parva(sUryasoma)grahaNapUjAmahimA . 1-86.. Notes: Skanda ##skanda## delivers Upadeśa ##upadesha## about worshiping Śiva ##shiva## during Parva ##parva## including Soma and Sūrya Grahaṇa ##somasUryagrahaNa##, Ayana ##ayana##, Viṣuva ##viShuva## and Saṅkrānti ##sa~NkrAnti## - especially those of Ṣaḍaśītimukha ##ShaDashItimukha## and Makara ##makara##; during various tithi-s ##tithiH## especially Pūrṇima ##pUrNimA##, Krṣṇa Aṣṭamī ##kR^iShNa aShTamI##, Trayodashi ##trayodashI##, etc. of various and specific māsa ##mAsa##; during Amāvasyā ##amAvasyA## especially of Somavāra ##somavAra##; during yoga ##yoga## like Vyatipāta ##vyatipAta## - especially Sārdrāpāta ##sAdrApAta##; during Māsika Śivarātri ##mAsika shivarAtri##; during Pradoṣa ##pradoSha## - especially those of Mandavāra ##mandavAra##, Caturthī ##chaturthI##, Saptamī ##saptamI##, Ekādaśī ##ekAdashI## (Rudratithi-s ##rudratithiH##) and Trayodashi ##trayodashI##. He also mentions about specific offerings for various such observations, including Ghṛtakambalam ##ghR^itakambalam## on Māgha Pūrṇimā ##mAgha pUrNimA##, Dadhikambalam ##dadhikambalam## on Vaiśakha Pūrṇimā ##vaishAkha pUrNimA##, Madhukambalam ##madhukambalam## on Phālguna Pūrṇimā ##phAlguna pUrNimA##; Tilāñjali ##tilA~njali##, Kṛsaram ##kR^isaram## etc. on Makara Saṅkrānti ##makara sa~NkrAnti##; Pañcāmṛtam ##pa~nchAmR^itam## on Yugādi ##yugAdi## etc.## ## Proofread by Ruma Dewan \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}