% Text title            : Skandaproktam Sadashivavigrahavarnanam
% File name             : skandaproktaMsadAshivavigrahavarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 36 | 1-30||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Sadashivavigrahavarnanam ..}##
\itxtitle{.. skandaproktaM sadAshivavigrahavarNanam ..}##\endtitles ##
(shivarahasyAntargate IshvarAkhye)

\-  jaigIShavyaskandasaMvAde \-
skanda uvAcha |
shivenoktaM samAsena devyai devena kIrtitam |
shR^iNuShva munibhiH sArdhaM gaNaiH suragaNaiH saha || 1||
purA kalpAntare shambhuH sR^iShTyupAyamachintayat |
pa~nchAnanaH svayaM jAto mAyAsvIkR^itavigrahaH || 2||
tejorAshiH svaprakAshaH svabhAsA bhAsaya~njagat |
vadanAni maheshasya prAdurAsan samantataH || 3||
prAkpratyakdakShiNodIchyAM UrdhvaM varNaishcha pa~nchabhiH |
tryakShANi chAbhraga~NgendrashekharANi samantataH || 4||
tamapUrvamukhaM saumyaM shuddhasphaTikasannibham |
bAlendumakuTaM tryakShaM susmitaM karuNAdhikam || 5||
virAT tataH prAdurabhUnnakArAtmA prajApatiH |
bhUrabhUchcha tato vipra pratiShThA shAshvatI tataH || 6||
sa eva bhagavAn brahmA lokasarge pitAmahaH |
aghoraM dakShiNaM vaktraM prAdurAsInmaheshituH || 7||
daMShTrAkarAlabhrukuTIniTAlAkShaM jagatprabhum |
indranIlasamAkAraM tryakShaM bAlendubhUShitam || 8||
svarADAkhyastato rudraH shUlahasto vinirgataH |
makAravAchyo bhagavAn jyotiShAmayanastadA || 9||
UdhasadyojAtamukhaM shambho shAradAmbhodasachChavi |
dIptatriNayanaM somadhAmasAmishikhaM mune || 10||
samrADAkhyastato viShNuH shikArAdudbabhUva ha |
ApastasmAtsamudbhUtA loke sarge purA mune || 11||
vAmadevamukhaM shambhoH prAdurbhUtaM tadAvashAt |
padmarAgasamaprakhyaM bhAlendukR^itashekharam || 12||
tryakShaM prasannavadanaM vakArAkhyAdapIshvaraH |
vAyuH prANasharIrAtmA jagatAM sambabhUva ha || 13||
IshAnAkhyaM mukhaM shambhoH parvasharvarinAthavat |
trilochanaM chandrachUDamudabhUdyAdidaivatam || 14||
sadAshivopakArAchcha prAdurbhUto maheshvarAt |
pa~nchabrahmamayAkArA mUrtayo.amI maheshituH || 15||
turIyAchcha tado~NkAraH prAdurbhUto.arthavAchakaH |
pa~ncha sAdAkhyarUpAste shivavaktrAdvinirgatAH || 16||
jagatAmupakArAya brahmaviShNumaheshvarAH |
sadAshivashcheshvarashcha pa~nchabrahmANa ityamI || 17||
sR^iShTisthityupasaMhAratirodhAnAnudarshakAH |
pa~nchAkSharodbhavAshchetthamudbabhUva bhavAn mune || 18||
mukhAdikramataHpUrvaM shambhorambhojasambhavaH |
niyuktaH sR^iShTikaraNe pAlane chAmbujekShaNaH || 19||
rudraH saMharaNe yukto niyuktaH shUlapANinA |
tirodhAne.asya jagata Ishvaro viniyojitaH || 20||
sadAshivo.anugrahaNe jagato.asya niyojitaH |
mahAdevena viprendra bhUtAdikramavarNakaiH || 21||
ete hi pashavaH proktAH patireShAM maheshvaraH |
praNavasyArtha eveha anye sarve krameshvarAH (?) || 22||
prakAshyaH sarvavarNAnAM shiva eva maheshvaraH |
pa~nchAkSharamidaM shrautaM shatarudrIyamadhyagam || 23||
vAmadevo.asya R^iShirAT pa~NktishChandaH prakIrtitam |
sadAshivo.asya devo hi \ldq{}aM\rdq{} bIjaM shaktiruM (\ldq{}uM\rdq{}) mune ||
brahmabIjamidaM mantraM maM kIlaka mudIritam |
a~NgulIdehavaktreShu nyasetpa~nchAkSharaM manum || 25||
OM naM tatpuruShAya maM aghoraM prachakShate |
shiM sadyojAtakAya vAM vAmAyeti vA mune || 26||
yaM IshAnAyeti mune namo.antena nyasetkramAt |
a~NgulIShu hR^idinyAsaM kR^itvA~NgeShu munIshvara || 27||
sarvaj~nadhAmne hR^idayaM tR^iptidhAmne shirastathA |
shikhAmanAdidhAmne cha kavache cha svatantrakam || 28||
aluptashaktidhAmne cha netratrayamathAstrakam |
anantashaktidhAmne chetya~NganyAsaM charetkramAt || 29||
vyAhR^ityA digbandhanaM chaiva kR^itvA mUlena rodhayet |
praj~nAnaghanamAnandaM kalyANaM shivamavyayam || 30||
dhyAyedahamiti svastho svasthAnyakShANi dhArayet |
dhyAyedevaM virUpAkShaM ShaDakSharavidhau mune || 31||
dhyAnam
bibhraddorbhiH kuThAraM mR^igamabhayakarau suprasanno maheshaH
sarvAla~NkAradIptaH sarasijanilayo vyAghracharmottarIyaH |
dhyeyo muktAparAgadyutiramR^itarasApUrNakumbhAttahastaH
trayakShaH koTIrakoTIghaTitatuhinarochiHkalottu~NgamauliH ||

|| iti shivarahasyAntargate skandaproktaM sadAshivavigrahavarNanaM sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 36 | 1\-30||
##
- .. shrIshivarahasyam . IshvarAkhyaH dashamAMshaH . adhyAyaH 36 . 1-30..

Notes:
Skanda ##skanda## describes to Jaigīṣavya ##jaigIShavya## about the Five Aspects of SadāŚiva ##sadAshiva## through which He conducts with His Anugraha ##anugraha##, the key functions in The Universe - viz. Sṛṣṭi ##sR^iShTi##, Sthiti ##sthiti##, Upasaṃhāra ##upasaMhAra##, Tirodhāna ##tirodhAna## and Anudarśana ##anudarshana##.
SadāŚiva ##sadAshiva## manifests with each of His Five Faces adorned with Three Eyes, facing a specific Direction and representing the respective akśara ##akShara## of the ŚivaPaṅcākṣara ##shivapa~nchAkShara## i.e. Namaḥ Śivāya ##namaH shivAya## - that is found in the middle of the Śatarudrīyam ##shatarudrIyam##. These Five are:
Tatpuruṣa - East - Na-kāra ##tatpuruSha \- na\-kAra##,
Aghora - South - Ma-kāra ##aghora \- dakShiNa \- ma\-kAra##,
Sadyojāta - West - Śi-kāra ##sadyojAta \- shi\-kAra##,
Vāmadeva - North - Va-kāra ##vAmadeva \- va\-kAra##,
Īśāna - Zenith - Ya-kāra ##IshAna \- ya\-kAra##.
Skanda ##skanda## describes about Nyāsa ##nyAsa## of the ŚivaṢaḍakṣaraMantra ##shivaShaDakSharamantra## i.e. Om̐ Namaḥ Śivāya ##OM namaH shivAya##; with Om̐ ##OM## being the Turīya ##turIya##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}