% Text title            : Skandaproktam Shatarudriyamahatmyam 2
% File name             : skandaproktaMshatarudrIyamAhAtmyam2.itx
% Category              : shiva, shivarahasya, mAhAtmya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshvarAkhyaH dashamAMshaH | adhyAyaH 28 | 1-68||
% Latest update         : September 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Shatarudriyamahatmyam 2 ..}##
\itxtitle{.. skandaproktaM shatarudrIyamAhAtmyam 2 ..}##\endtitles ##
(shivarahasyAntargate IshvarAkhye)

\-  jaigIShavyaskandasaMvAde \-
skanda uvAcha \-
shatarudrIyamAhAtmyaM punarvakShye munIshvara |
shR^iNShva shraddhayA yukto yadIchChasi bhavakShayam || 1||
shAntyarthaM sha~ncha me sUktaM japtvAdau munipu~Ngava |
prajapa~nChatarudrIyaM samagraM namakaM tathA || 2||
shambhorupAsanA pa~nchavidhA proktA maharShibhiH |
asmin samagranamake nAmAni trishataM dvija || 3||
tiShThanti shrutisArANi bhuktimuktikarANi hi |
etairyo nAmabhirli~Nge sthAvare ja~Ngame.api vA || 4||
pUjayetsA mahApUjA tayA prINAti sha~NkaraH |
mayoktaiH shatasa~NkhyAkairmantraiH sha~NkaradaivataiH || 5||
ChandarShyAdikamuktvAdau jvalite jAtavedasi
svAhAntairjuhuyAdrudrAyedannamama kathyate (?) || 6||
evaM homena gaurIshaH prINAti phaladAyakaH |
tarpayechChatarudrIyamadhyagaiH shatamantrakaiH || 7||
shrIrudraM tarpayAmIti prochcharan susamAhitaH |
upAsaneyamitisyAdyAsA sarvaphaladAyinI || 8||
nyAsaH syAnmantrasannAho nyAsahIno na siddhidaH |
bodhAyanakR^itaM stotraM shatarudrIyadIpanam || 9||
bodhAyanoktamArgeNa nyAsaM kR^itvA vichakShaNaH |
prajapya sha~nchame sUktamAdau vighnanivR^ittaye || 10||
samagranamakasyAsya vedasArasya brAhmaNAH |
savAmadevo yo.aghora R^iShirityuchyate badhaiH || 11||
ChandAMsi chAsya gAyatrI pa~NktyanuShTubha eva cha |
jagatI bR^ihatI cheti devatA kathyate tataH || 12||
japAkusumasAhasrasannibhe sUryamaNDale |
madhyarUpI virADrUpI vidhiviShNushivAtmakaH || 13||
yo.asAvAdityapuruShaH shrIrudrAkhyaH paraH shivaH |
parameshvaraH (shaH) sa vij~neya shivaH satyaM chidAtmakam || 14||
samagranamakasyAsya kathitaM daivataM dvijAH |
prItyarthaM parameshasya viniyoga udAhR^itaH || 15||
R^iShichChandodaivatAni vihitAni samAhitaH |
dhyAyennirAmayaM vastu sargasthitilayAdhikam || 16||
yadeva vyavahArANAmAdhAraM prakR^iteH param |
nirguNaM niShkalaM nityaM manovAchAmagocharam || 17||
paraM tejo.ahamasmIti dhyAtvaivaM munipu~NgavAH |
saguNaM hR^idaye dhyAyedbrahmarandhre.athavA prabhum || 18||
(saguNa dhyAnam)
shuddhasphaTikasa~NkAshaM madhyAhnAdityasannibham |
svasaMvedyamanAdyantaM shvetapadmAyutaprabham || 19||
ga~NgAdharaM shashidharaM jaTAmakuTabhUShitam |
shvetabhUtitripuNDreNa virAjitalalATakam || 20||
lochanatrayasampannaM svarNakuNDalashobhitam |
bimbAdharaM chaturbAhuM muktAhAropashobhitam || 21||
akShamAlAMsudhAkumbhaM chinmayIM mudrikAmapi |
pustakaM cha bhujairdivyairdadhAnaM pArvatIpatim || 22||
shuklayaj~nopavItena shvetavastreNa shobhitam |
shvetAmbaradharaM shvetaM ratnasihmAsane sthitam || 23||
vIrAsane samAsInaM virADrUpiNamIshvaram |
santaptahemaruchirasva~NgulIyakabhUShitam || 24||
muktAmANikya sauvarNakA~nchIdAmavirAjitam |
yogibhiH sanakAdyaishcha stUyamAnamaharnisham || 25||
dAtAraM sarvavidyAnAM sakalaishvaryadAyakam |
sarvAbhIShTapradAchAraM vaTamUlanivAsinam || 26||
satyAnandachidAtmAnaM sha~NkaraM parameshvaram |
vAmA~Nke saMsthitAM gaurIM bAlArkAyutasannibhAm || 27||
japAkusumasAhasrasamAnashriyamIshvarIm |
suvarNaratnakhachitamakuTena virAjitAm || 28||
lalATapaTaTsamrAjatsaMlagnatilakA~NkitAm |
bhramadbhramaranIlAbhadhammillAlakashobhitAm || 29||
saundaryabhrAjatkAmesha kodaNDabhrUyugAnvitAm |
rAjIvAyatanetrAM tAM nIlotpaladalekShaNAm || 30||
muktAmANikyakhachita nAsikAbharaNAnvitAm |
pakvabimbaphalAbhAsvadadhara dvayarAjitAm || 31||
dADimIbIjasa~NkAshadvAtriMshaddantashobhitAm |
santaptahemakhachita tATa~NkAbharaNAnvitAm || 32||
kuNDaladvayasaMshobhikarNayugmavirAjitAm |
tAmbUlacharvaNaratAM navaratnavirAjitAm || 33||
ADhya(dya)bhUShaNa sauvarNa chitrakAbharaNAnvitAm |
padakAbharaNopetAM muktAhAropashobhitAm || 34||
ikShukArmukapuShpeShuchApabANasharAvaraiH |
divyA~NgulIyakayutaiH keyUrayugalAnvitaiH || 35||
svarNaka~NkaNasaMyuktaishchaturbhirbAhubhiryutAm |
suvarNaratnakhachitakA~nchIghaNTA(NTI)virAjitAm || 36||
saubhAgyabhUShaNayutAM sUkShmamadhyavirAjitAm |
raktachandanasaMliptahemakumbhopamastanIm || 37||
raktavastraparIdhAnAM raktamAlyavibhUShitAm |
tanumadhyAM pR^ithushroNIM shivavAmA~NkasaMshrayAm || 38||
kadalIlalitastambhasannibhoruyugAnvitAm |
suvarNapAdakaTakayugalena sushobhitAm || 39||
santaptahemapAdA~NgulIyakaiH suvirAjitAm |
pUrNachandramukhImambAM susmitAsyavirAjitAm || 40||
brahmaviShNumahendrAdishiromakuTajAtayA |
shriyA virAjitapadAM bhaktatrANaparAyaNAm || 41||
svakAntyA sha~NakaraM devaM punarapyaruNIkR^itam |
sarvAla~NkArasubhagaM yuvAnamatisundaram || 42||
ChatreNa shobhitaM mUrdhni chAmarAbhyAM virAjitam |
brahmaviShNumahendrAdivandyamAnapadAmbujam || 43||
sR^iShTisthityupasaMhArahetubhUtaM sanAtanam |
anyonyAshliShTahR^idbAhuM gaurIsha~Nkarasa.nj~nitam || 44||
sanAtanaM parambrahma paramAtmAnamavyayam |
namAmi jagatAmIshaM paramAtmanamavyayam || 45||
\- \-
evaM dhyAtvA japennityaM shatarudrIyamAdarAt |
namakaM rudrasa~NkhyAkAnanuvAkA~njapettataH || 46||
ekavAraM dvivAraM vA trivAraM chamakAnvitam |
namakaM prajapedeShA japopAstiritIritA || 47||
shivaprItikarA shreShThA shrIrudraikyapradAyinI |
sthAvare ja~Ngame li~Nge samAhitamanAH shuchiH || 48||
nyAsadhyAnAdisahitaM sha~nchame sUktapUrvakam |
prajapa~nChatarudrIyamabhiShekaM samAcharet || 49||
ekavAraM dvivAraM vA trivAraM chamakAnvitA |
upAstiH pa~nchamI proktA shambhoH prItikarI shubhA || 50||
visheShamantrAn vakShyAmi shR^iNudhvaM dvijapu~NgavAH |
japtvA samagranamakaM shatarudrIyamuttamam || 51||
chamakasyAnuvAkasya chaikamekaM tato japet |
rudraikAdashinImetAM prajapa~nCha~Nkaropari || 52||
karoti yo.abhiShekaM hi niyamenaikamaNDalam |
sa mahApAtakaistyakto rAjasUyaphalaM labhet || 53||
shatamantraishchaturvAraM juhuyAtpAyasaM shubham |
rudrasa~NkhyAnuvAkaishcha japahomArchanaM tataH || 54||
madhutritayasaMyuktaM mahApApaiH prayuchyate |
abhiShekaM kevalaM vA maNDalaM yaH karoti hi || 55||
iha bhuktvA.akhilAnbhogAn parebrahmaNilIyate |
pUjayAbhyadhiko homo homAttarpaNamuttamam || 56||
tarpaNAchcha japaH kSheShTho hyabhiShekaH paro japAt |
rudraikAdashanIM japtvA prajapechChAntipa~nchakam || 57||
anyathA tasya saMsiddhirnAsti nAsti tapodhanAH |
yadA bhaktyudayo nR^INAM tadopastiM samAcharet || 58||
chaturasraM varaM kuNDaM homakAle vidhIyate |
gaNeshamAdau sampUjya kR^itvA niyamameva cha || 59||
upAsanApa~nchakAryaM kR^itvA niyamamAditaH |
samagraM namakaM prAtaH prajapechchamakAnvitam || 60||
sa mahApAtakairmuktaH shivasAyujyamashnute |
madhyAhne prajapedyastu chamakena yutaM dvijAH || 61||
sa sUryamaNDalaM bhitvA gaNAnAmagraNIrbhavet |
sAya~NkAle japedyastu namakaM chamakAnvitam || 62||
avApya sakalAnbhogAn parebrahmaNi lIyate |
bhUtibhUShitasarvA~Ngo li~NgapUjArataH shuchiH || 63||
namakaM chamakaM nityaM prajapetphaladAyakam |
vedasArANi nAmAni kathitAnyatra tAni hi || 64||
etajjApyamR^ito bhUtvA brahmabhUyAya kalpate |
etena shatarudrIyaM nyAsadhyAnAdikaM shubham || 65||
mayoktaM brAhmaNashreShThAH kiM punaH shrotumichChatha || 66||
(phalam)
ekAvR^ittyA.aghanAsho bhavati girisute taddvaye vai gaNendraH
kailAsaM pravishechchatattritayataH shrIrudrajApI naraH |
ShaDvAraM prajapaMshcha muktiphalabhAgbhUyo bhavechChAmbhavaH
shrIrudrArchanataH subilvakusumairli~Nge cha sAkShAchChivaH || 67||
ChandodaivatasarShikaM manugaNaM japtvA bhavetpAvanaH
naitadveda yadi shrutIshatagataM japtAshcha te niShphalAH |
tasmAjj~nAnata eva vitta tadimaM japtvA vimukto bhavet
hutvA chApyabhiShichya vA dvijavaro vindeta sarvaM phalam ||

|| iti shivarahasyAntargate skandaproktaM shatarudrIyamAhAtmyaM 2 sampUrNam ||

\- || shrIshivarahasyam | IshvarAkhyaH dashamAMshaH | adhyAyaH 28 | 1\-68||
##
- .. shrIshivarahasyam . IshvarAkhyaH dashamAMshaH . adhyAyaH 28 . 1-68..

Notes:
Skanda ##skanda## details to Jaigīṣavya ##jaigIShavya## about the procedure to be followed for worshipping Śiva ##shiva## through Rudraikādaśinī ##rudraikAdashinI##, Śatarudrīyam ##shatarudrIyam## etc., and talks about the sequencing and number of times the Namakam ##namakam## and Camakam ##chamakam## are meant to be recited for such procedures.
Skanda ##skanda## mentions in detail about the Saguṇa Śiva Dhyāna ##saguNa shiva dhyAna## in Śloka numbers 19 to 45. He concludes about the Śatarudrīya Māhātmyam ##shatarudrIyamAhAtmyam## by highlighting the phalam ##phalam## of Rudrārcana ##rudrArchana##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}