% Text title            : Skandaproktam Shivarchanopadesham
% File name             : skandaproktaMshivArchanopadesham.itx
% Category              : shiva, shivarahasya, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mahAdevAkhyaH ekAdashamAMshaH | adhyAyaH 42 skandaproktaM shivaparvapUjAkathanam | 38-66||
% Latest update         : October 29, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Shivarchanopadesham ..}##
\itxtitle{.. skandaproktaM shivArchanopadesham ..}##\endtitles ##
(shivarahasyAntargate mahAdevAkhye)

shivamiShTvA naraH so.api prayAti paramAM gatim |
shivaM sarvatra sampUjya savisheShaM savistaram || 38||
ashvamedhAyutaM puNyaM labhate nAtra saMshayaH |
saritsamudratIreShu parvateShu vaneShu cha || 39||
girikandaradurgeShu gahvareShu vaneShu cha |
puShkariNyAM tathA.anyatra tIrthAyatanasaMshraye || 40||
yatra vA ramate buddhistatraiva shivamarchayet |
sarvayaj~neShu yatpuNyaM labhate nAtra saMshayaH || 41||
yaH samarchayate bhaktyA tasya puNyaM tato.adhikam |
ato vinApi mantreNa puNyarAshiH prakIrtitaH || 42||
syAdayaM mantrasaMyuktaH puNyaM shataguNAdhikam |
tasmAnmantreNa sharvAya snAnagandhaphalAdikam || 43||
bhUmyashvarathavastraM cha hemAdyAdi nivedayet |
japyo namaH shivAyeti mantraH sarvArthasAdhakaH || 44||
sarvamantrAdhikashchAyamo~NkArAdyaH ShaDakSharaH |
shivo nAntarbahiryasmAd vyAptaM sarvaM charAcharam || 45||
jagadamiti yadbrUte tasmAdomiti sa smR^itaH |
ayamartho hi tisR^ibhirmAtR^ibhiH parigIyate || 46||
brahmA harishcha rudrashcha mAtR^ibhistatprakIrtitAH |
dakShiNA~Nge bhavedbrahmA harirvAmA~NgasambhavaH || 47||
hR^idayAnnirgato rudro brahmaviShNuprabodhakaH |
jagatsR^iShTikaro brahmA viShNurlokavimohanaH || 48||
anugrahaparo nityaM nIlarudraH shivAtmakaH |
tribhiretairjagadvyAptaM kAraNairAtmamUrtibhiH || 49||
shivasya mAtarashchaitAH sarvalokaprapUjitAH |
etA eva trayo vedAstrayo lokAstrayo guNAH || 50||
trayo.agnayaH trivargashcha yachchAnyajjagati sthitam |
ardhamAtrAparo rudraH shivaH paramakArANaH || 51||
tasmAdetatsamutpannaM jagataH kAraNatrayam |
sarvayaj~naparaH shuddho namaskAro mahAmakhaH || 52||
namaskArAtmayaj~nena tasmAtsampUjayechChivam |
aj~nAnamashivaM tvasya sarvaduHkhAlayaM yataH || 53||
svabhAvAttadapAyo hi tasmAdrudaH paraH shivaH |
namaH shivAya shAntAya kAraNatrayahetave || 54||
nivedayAmi chAtmAnaM muktyai cha parameshvaram |
uktvA namaH shivAyeti muchyate sarvabandhanAt || 55||
yasmAttasmAtsadA mantramo~NkArAdyaM manuM smaret |
sarvadA sarvakAryeShu kShutaniShTho vanAdiShu || 56||
dhanyo namaH shivAyeti giramuktvA shivaM padam |
yaH sarvavitprabuddhAtmA prANAnte tu sakR^itsmaret || 57||
bhaktyoM namaH shivAyeti sa gachChetparamAM gatiM |
pAThyenApi namaskAraH prayuktaH shUlapANaye || 58||
saMsArastharNabandhAnAmuchChedanakaro bhavet |
apavitraH pavitro vA sarvAvasthAM gato.api vA || 59||
yaH smaretsaMyato nityaM sa bAhyAbhyantaraH shuchiH |
smaraNAdeva rudrasya pApasa~NghAtajaM param || 60||
shatadhA bhedamAyAti girirvajrahato yathA |
sarveShAM shivabhaktAnAmasheShArthaprasiddhaye || 61||
mantramAha shivaH sAkShAdasheShArthanibandhanam |
sadbIjaM sarvavidyAnAmAdyaM brahma parAtparam || 62||
sarvasAdhanako mantraH shivasUtraM ShaDakSharaH |
tasmAdanena mantreNa prakurvIta shivArchanam || 63||
tatra deshe na durbhikShaM na cha mArI pravartate |
nAkAle mriyate kashchit pUjyate yatra sha~NkaraH || 64||
dIkShitaH sUtramantraj~no yo.archayettu sadAshivam |
sa cha yatphalamApnoti tadekAgramanAH shR^iNu || 65||
Ishvara uvAcha |

yaH pUjayechChashikalA.amalamauli li~NgaM
bhasmAkShadhR^it prathitaparvasu sharvamekam |
sarvaishcha pAtakavaraiH sa vimukta Ishe
saMsAraghoraviShasarpamukhAbhilagnaH || 66||

|| iti shivarahasyAntargate skandaproktaM shivArchanopadeshaM sampUrNam ||

\- || shrIshivarahasyam | mahAdevAkhyaH ekAdashamAMshaH | adhyAyaH 42 skandaproktaM shivaparvapUjAkathanam | 38\-66||
##
- .. shrIshivarahasyam . mahAdevAkhyaH ekAdashamAMshaH . adhyAyaH 42 skandaproktaM shivaparvapUjAkathanam . 38-66..


Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}