% Text title            : Skandaproktam Shivabhaktimahimanuvarnanam
% File name             : skandaproktaMshivabhaktimahimAnuvarNanaM.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | shivAkhyaH chaturthAMshaH | adhyAyaH 2 | 2-36||
% Latest update         : August 20, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Shivabhaktimahimanuvarnanam ..}##
\itxtitle{.. skandaproktaM shivabhaktimahimAnuvarNanam ..}##\endtitles ##
shivArchakajanAnAM charitraM shivatoShakR^ita |
yathA shivastathA shaivA bhedo naiteShu dR^ishyate || 2||
shAmbhavAnAM cha mAhAtmyaM shivo vetti na chetaraH |
shAmbhavaH shiva eveti vij~neyo muktikA~NkShibhiH || 3||
charaM sharIraM yachChambhoH shAmbhavAstanmunIshvarAH |
sthAvaraM ja~NgamaM shreShThaM shArIraM shivasammatam || 4||
charAvarAtmA bhagavAneka eva maheshvaraH |
na shAmbhavAtparaM sthAnaM shambhoH priyataraM mahat || 5||
tatra shAmbhavavaryANAM samAjasatra sha~NkaraH |
li~Nge tu~Nge bilvavane sadAshivakathAsu cha || 6||
nR^ityatyambikayA yuktaH skandaherambapUrvakaiH |
tatkShetraM puNyarAshInAM sthAnaM prItaM trishUlinaH || 7||
shA~NkarA eva devasya sarvadA priyavigrahAH |
na gauryAM naiva vighneshe na nandau skandake na cha || 8||
prItirvai devadevasya yAdR^ishI hArasattame |
manoharAH shivasyaiva hArA rudrAkShadhAriNaH || 9||
tasmAchChA~NgArchanenaiva shivaH prIto bhaviShyati |
shAmbhavAH shambhuvo vipra muktikAntA manoharAH || 10||
teShu prIteShu bhagavAn prIta eva maheshvaraH |
yathA bhaktajanArchAt prIto bhadrANi pashyati || 11||
na tathA shivali~NgeShu pUjito.api maheshvaraH |
tasmAchChAmbhavapUjaiva shivapUjA na saMshayaH || 12||
shivabhaktAH shivAchArAH shivali~NgaikapUjakAH |
bhasmatripuNDrarudrAkShadhAriNo.amalavigrahAH || 13||
rudrAdhyAyajapAsaktAH pa~nchAkSharaparAyaNAH |
shivanAmAnusandhAnakandalIkR^itamAnasAH || 14||
shivadhyAnaparAH shaivAH pAvanAH pAvayantyapi |
teShu prIteShu bhagavAnprIta eva maheshvaraH || 15||
nAnyena karmaNA shambhuH prIto bhavati sattama |
svataH pUrNo mahAdevaH tasya kiM toShaNena hi || 16||
shivabhaktArchanenaiva toShameti maheshvaraH |
shambhuH shAmbhavatoSheNa tuShTaH kaShTavinAshakaH || 17||
aShTamUrtiH svayaM tuShTo muktiM tasya prayachChati |
shivabhakto yatra tiShThettatra sannihitaH shivaH || 18||
tasminbhukte shivo bhu~Nkte tasmintuShTe shivaH svayam |
tuShTaH puShTiM tathaivAsya tasya nityaM prayachChati || 19||
shivArchako yashcha bhaktaH dvijo vA shvapacho.api vA |
bhavabhakto vimuchyeta bhasmarudrAkShadhArakaH || 20||
na varNAshramaniShThA.atra bhaktiniShThAtra kevalA |
nAsyAchAraM parIkSheta na kulaM na vrataM tathA || 21||
na shivAshrayavij~nAnaM parIkSheta dvijottama |
sa muniH sa tapasvI cha sa yatiH sa cha paNDitaH || 22||
tenAdhItaM shrutaM tena tena tIrthe samAhitam |
sa pAtraM tArayetsarvAnhavye kavye surAnpitR^In || 23||
shivabhakte gR^ihaM yAte nR^ityanti pitaraH sadA |
teShu shrAddhaM pradAtavyaM tR^iptAH syuH prapitAmahAH || 24||
shivabhaktAnatikramya anyeShu nihitaM haviH |
dAnaM bhojyaM cha yadvipra tadbhasmanihitaM haviH || 25||
ruShTa eva hi gaurIshastasya kaShTaM dadAti hi |
bhraShTamUrtikR^ipAniShThAH shaivA eva na saMshayaH || 26||
variShThaM pAtramete hi shaivAH pUjyAH shivArchakAH |
gaNAH surA munigaNAH ki~nchichChambhoH prasAdataH || 27||
shivabhaktAH shivaj~nAnayuktA eva dvijottamAH |
tasmAdbhaktAH sadA pUjyAH shAmbhavAH shivasammatAH || 28||
brAhmaNAH kShatriyA vaishyAH shUdrAshchAnye.api sa~NkarAH |
shivabhaktAH shivAkarA bhasmarudrAkShadhAriNaH || 29||
pUjyA eva sadA sarve bhaktishchAtra garIyasI |
shilAshanashcha shailAdishchaNDakesho.atha bhR^i~NgikaH || 30||
riTistuNDaH somanandI mArkaNDeyo ghaTodbhavaH |
upamanyurdadhIchishcha durvAso gautamo muniH || 31||
kR^iShNaH shatArchano raibhyo bhR^igurbANo bhR^igUdvahaH |
ahaM gajAnano gaurI viShNubrahmAdayaH surAH || 32||
indro yakShAdhipaH sUryachandrAdyA grahanAyakAH |
samabhyarchya virUpAkShaM labdhavantaH paraM padam || 33||
gaNatvaM nandikaishAdyAH viShNubrahmAdayo dvija |
sR^iShTiM sudarshanaM devanAyakatvaM surA grahAH || 34||
grahatvaM devadevasya prasAdena munIshvarAH |
lebhire vA~nChitAM siddhiM shivali~NgArchanena hi || 35||
rAjyaM bhuktiM cha muktiM cha lebhire nR^ipAsattamAH |
kechidgaNA munIndrAshcha suganbilvAdikAnapi || 36||

|| iti shivarahasyAntargate shivAkhye skandaproktaM shivabhaktimahimAnuvarNanaM sampUrNam ||

\- || shrIshivarahasyam | shivAkhyaH chaturthAMshaH | adhyAyaH 2 | 2\-36||
##
- .. shrIshivarahasyam . shivAkhyaH chaturthAMshaH . adhyAyaH 2 . 2-36..

Notes: Skanda reveals to Jaigishavya, the merits and glory of devotion to Śiva ##shiva##.##
##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}