% Text title            : Skandaproktam Shivamahimavarnanam 1
% File name             : skandaproktaMshivamahimAvarNanam1.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhImAkhyaH aShTamAMshaH | adhyAyaH 3 | 10-32||
% Latest update         : July 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Shivamahimavarnanam 1 ..}##
\itxtitle{.. skandaproktaM shivamahimAvarNanam 1 ..}##\endtitles ##
(shivarahasyAntargate bhImAkhye)
skanda (uvAcha)
sa gaurIhR^idayAnanda AnandAmbunidhiH svayam |
bhaktyA bhaktaiH stuto nityaM vedavedyo maheshvaraH || 10||
dadAti mokShasAmrAjyaM prAjyaM devashikhAmaNiH |
rAjyaM vA shivabhaktAnAM mannAmAjyaplutaM sadA || 11||
vANIpaterayaM prAdAdvedajAlaM kR^ipAbalAt |
sharvANIpatirevAtha chAruchandralasachChirAH || 12||
ramAramaNahArIshaH sa gaurIramaNo haraH |
dadAtyeva hi bhakteShu shAmbhaveShu kR^ipAvashAt || 13||
sa eva gIyate vedairvedAntairapi sha~NkaraH |
sa eva sarvadevesho mR^ityu~njaya umApatiH || 14||
sa eva bhagavA~nChambhuH shrutashchAtharvaNe shivaH |
yasyaishvaryasya nAnto.asti sarvagaH sarvadA prabhuH || 15||
yaddhyAnena parA muktiH sulabhA shAmbhavottame |
sa gaurIramaNo devaH kAlakAmAndhanAshanaH || 16||
sa tu mR^ityu~njayo nityamapAravibhavAshrayaH |
yasya prasAdaleshena viShNubrahmendrapUrvakAH || 17||
dhiShTitAni vR^itAH sarve shipiviShTapadArchakAH |
udArataragambhIro bhavamAyAmalApahaH || 18||
sarvaduHkhaharo devo rudro vai nIlalohitaH |
ya enaM vidurIshAnamamR^itAste sadA mune || 19||
athetare duHkhameva prApnuvanti pade pade |
yasya vAmA~NkagA devI yA sA sarveshvarI shivA || 20||
yanmAyayA mohitA vai brahmendrAshchApyadhokShajaH |
yasyAH prasAdaleshena na jAnanti maheshvaram || 21||
svAtmAnaM sarvagaM shAntaM sachchinmayamumAdhavam |
yasya putro gaNAdhIshaH sarvavighnanivArakaH || 22||
yasya putro.ahamevAdya sAkShAjj~nAnAtmako mune |
yasya nandyAdayo vipragaNaH shA~Nkarapu~NgavAH || 23||
yasya dharmo mahAbAho yugapAdo.amitadyutiH |
yasyAShTamUrtibhirvyAptaM jagadetachcharAcharam || 24||
yasya li~NgaM sadA kAlaM pUjayanti marudgaNAH |
balapramathanaM sAmbaM bhaktasaMsAramochakam || 25||
kAraNaM jagatAmIshamAnandaghanamadvayam |
yo vai rudro mahAdevaH sha~NkaraH shashishekharaH || 26||
yo vai rudro mahAdevaH bhUtaM bhavyaM bhavajjagat |
vishvaM bhUtaM cha bhavanaM vichitraM sa hi sha~NkaraH || 27||
bhImo rudro maheshAno gItashrutiShu sa sthiraH |
sarvAbhayaprado vipro vishvAdhika umAsakhaH || 28||
patitvena stuto vedaiH sarveShAmeva sha~NkaraH |
bhayApaho.ayaM bhakteShu shAmbhaveShu mahAtmasu || 29||
sarvopAsyo hyameyAtmA sarveShAM hR^idayAntaraH |
sarvabhUtaguhAvAso vAsitAjagatAM traye || 30||
IshAvAsyamidaM sarvaM jagat tribhuvanAtmakam |
yasya rUpaM cha pR^ithivI sUryachandramasau mune || 31||
pR^ithivIdevatAH sarvA na vidanti maheshvaram |
priyo.ayaM sarvabhUteShu nAstyasmAjjagadeva hi || 32||

|| iti shivarahasyAntargate skandaproktaM shivamahimAvarNanaM 1 sampUrNam ||

\- || shrIshivarahasyam | bhImAkhyaH aShTamAMshaH | adhyAyaH 3 | 10\-32||
##
- .. shrIshivarahasyam . bhImAkhyaH aShTamAMshaH . adhyAyaH 3 . 10-32..

Notes:
Skanda ##skanda## expresses about ŚivaMahimā ##shivamahimA## while speaking to Jaigīṣavya ##jaigIShavya##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}