% Text title            : Skandaproktam Shivamahimavarnanam 2
% File name             : skandaproktaMshivamahimAvarNanam2.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhImAkhyaH aShTamAMshaH | adhyAyaH 4 | 1-52||
% Latest update         : July 4, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Shivamahimavarnanam 2 ..}##
\itxtitle{.. skandaproktaM shivamahimAvarNanam 2 ..}##\endtitles ##
(shivarahasyAntargate bhImAkhye)
skanda uvAcha |
vij~nAnAtmA parAtmAyaM sarvAtmA.ayaM maheshvaraH |
yeShAM tu hR^idayArAma eva bhUtapatiH shivaH || 1||
sa eva paramAnando raso.ayamamR^ito haraH |
eSha viprairmahAdevaH sarvadAbhIShTado mune || 2||
enameke vadantyagniM brahmANaM harimindrakam |
eko rudro mahAdevo na dvitIyo.asti kashchana || 3||
R^itaM satyaM paraM brahma puruShaH kR^iShNapi~NgalaH |
UrdhvaretA virUpAkSho vishvarUpo maheshvaraH || 4||
yo vedAdau svaraH shambhuH vedAnteShu pratiShThitaH |
IshAnaH sarvavidyAnAM sarvabhUtAdirIshvaraH || 5||
brahmaviShNvAdi devAnAmadhipo vishvatomukhaH |
janitA brahmaviShNUnAM rudrendrANAM maheshvaraH || 6||
yamAnilAnalArkANAM divaH pR^ithvyA maheshvaraH |
brahmANaM yo vyAdhAdagre tasmai vedAnupAdishat || 7||
vishvatashchakShurIshAna vishvato bAhurIshvaraH |
vishvataH pANipAdo.ayaM sahasrAkShaH sahasrapAt || 8||
atyatiShThadidaM sarvamIshAno.ayaM dashA~Ngulam |
yadbhUtaM yachcha vai bhavyaM vartamAnaM maheshvaraH || 9||
etAvAnasya mahimA.ato jyAyAMshcha pUruShaH |
bhIShaiva pavate vAyuH bhIShaivodeti bhAnumAn || 10||
bhIShaiva agnirindrAdyA mR^ityurdhAvati bhItitaH |
apANipAdo javano grahItA.achakShurIshvaraH || 11||
sa vetti vedyajAtaM cha na taM vettIha kashchana |
tamAhurekaM puruShaM jyotiShAM jyotirIshvaram || 12||
hiraNyabAhumIshAnaM sarvA~NgeNa hiraNmayam |
eSho.antarAdityagato nIlagrIvo vilohitaH || 13||
babhrushchAyaM mahAdeva ugre.ayaM cha suma~NgalaH |
yo vai rudraH sa bhagavAngItashchAtharvaNottamaiH || 14||
annAnAM cha patiH shambhuH kShetrAdhipatirIshvaraH |
mitrAdhipo mahAdevastathA dhanapatiH shivaH || 15||
bhUmAnandaghano hyAtmA sAmagIto maheshvaraH |
eSha brahmaiSha evendraH R^igbhirgIto haro.avyayaH || 16||
namaste rudra ityAdivAkyaishcha yajuShodbhavaiH |
itihAsapurANeShu Isho gItaH purAtanaiH || 17||
mahopaniShadAMsArairayameva hi gIyate |
bhidyate hR^idayagranthashChidyate sarvasaMshayaH || 18||
hR^ittamonAshanaM tasya j~nAnAdeva hi jAyate |
na prANo na manashchAyamasa~NgI sa~Ngivat sthitaH || 19||
sahaiva santamapyenaM na devA na maharShayaH |
na vidurbrahmaviShNvAdyAH sendrarudrArkavAyavaH || 20||
sa dhyeyaH parameshAna AkAshe dahare haraH |
sarve bhItAH pramuhyanti dyAvAbhUmyorya AntaraH || 21||
ananto hyavyayAtmAyaM puruShaH prakR^iteH paraH |
yamaj~nAtvA mahAdevaM mohitAH sasurAsurAH || 22||
AtmAnaM manyate sarve dehAha~NkArasaMvR^itAH |
mAyayA devadevasya chitralIlasya varNinaH || 23||
jitamAyaH sa evesha sa kAraNamumApatiH |
sa nityo nityabhUtAnA chetanAnAM sa chetanaH || 24||
sa kAraNaM kAraNAnAM patInAM patirIshvaraH |
jagataH kAlarUpasya kAlakAlo maheshvaraH || 25||
mahAgrAso.ayamIshAno yasyodanamaharnisham |
brahmakShatrAtmakaM vishvaM mR^ityuryasyopachetanam || 26||
yadA charmavadAkAshaM veShTayiShyanti mAnuShAH |
tadA shivamavij~nAya duHkhasyAnto bhaviShyati || 27||
yadA tamastanna divA na rAtriH sa shivaH svayam |
sa chAkSharo nityamAtmA vidhAtA paramo.asadR^ik || 28||
prapa~nchapa~nchIkaraNe niratA ye shivaM vinA |
te va~nchitA maheshena sarve chaiva surAsurAH || 29||
parava~nchaka IshAno devadevastrishUlabhR^it |
ya enaM vidurIshAnamamR^itAste bhavanti vai || 30||
athetare duHkhayuktAH saMsAravashavartinaH |
jarAmaraNasaMyuktAH ShaDvairiparimohitAH || 31||
dehAtmavAdinaH sarve dUShaNAbhirvimohitAH |
tApatritayamadhyasthA bhrAntimohasamAkulAH || 31||
jAyante cha mriyante cha kITA iva surA narAH |
vAnarA iva sarve.api pAmarA duHkhabhAginaH || 32||
yasya rUpaM mune sarvaM jagadetachcharAcharam |
bhUmirApo.anilo vAyurAkAshaM vyomakeshabhAk || 34||
kehi taddevadevasya mahimAnaM pinAkinaH |
yajanti yAgairniyatA yajamAnA maheshvaram || 35||
bhikShavaH kakShavatsanti vedAntaishcha vijAnate |
yogino yu~njate yogaM yadvij~nAnArthameva hi || 36||
nAnAvarNAshramairdharmairiShTApUrtairupAsate |
mantrairmantravidaH sAmbamupAsante maheshvaram || 37||
lebhire svapadAnyeva yasya li~NgArchanena hi |
brahmaviShNvAdayo rudrA munayo manavaH surAH || 38||
asurA nR^ipavaryAshcha gandharvApsarasoragAH |
vipadbhiH(dbhyo)mochitA eva sampadbhishcha niyojitAH || 39||
sarvaM vishvAdhikasyaiva niHshvAsAjjAyate jagat |
jAtaM cha vardhate nityaM sthIyate lIyate.asti cha || 40||
yasyAShTamUrtibhirvyAptaM jagadetat trishUlinaH |
agniH shiva umA somo AbhyAM vyAptaM jagat trayam || 41||
agnIShomAtmakaM vishvaM jAnanti paramarShayaH |
na devA~NkayutaM chaiva bhagali~NgA~NkitaM sadA || 42||
pumprakR^ityoridaM rUpaM tasmAchChivamayaM jagat |
ana~NgamAta~Ngaharo hArANAM hR^idaye sthitaH || 43||
sa paraH puraShaH prANaH paramAtmA sadAshivaH |
advaito.ayaM chaturtho.ayaM pa~nchakoshAtigohyayam || 44||
yasmAdbrahmA tathA rudro viShNurvishvaM prajAyate |
sarvamanyatparityajya dhyeyaH sAmbastrilochanaH || 45||
umAsahAyo bhagavAnmAyAyA Isha IshvaraH |
ma~NgalApatirIshAno bhaktAnAM ma~NgalapradaH || 46||
ama~NgalaM haratyeva bhaktyA bhaktairupAsitaH |
sarveshvaro mahAdevaH sarvaishvaryasamanvitaH || 47||
jitamAyo mahAdevastanmAyAvijitAH surAH |
kShetrANAM cha patirdevaH pashupAshavinAshakaH || 48||
mAyA pAshairnibadhnAti jagatsasuramAnuSham |
mochayedambikAnAthaH pashubhyaH sacharAcharam || 49||
bhaktyA prasAdito devaH sAkShAtpashupatiH shivaH |
yasya niHshvasanaM vedAnAmananti munIshvarAH || 50||
yaH somabhArairijyeta somaH somArdhashekharaH |
pArvatInAyako netA sthAvarasya charasya cha || 51||
yasyAMshaleshaM hi jagat bhUtaM bhAvi bhavattathA |
sarvaM shivamayaM vishvaM nAshivaM vidyate mune || 52||

|| iti shivarahasyAntargate skandaproktaM shivamahimAvarNanaM 2 sampUrNam ||

\- || shrIshivarahasyam | bhImAkhyaH aShTamAMshaH | adhyAyaH 4 | 1\-52||
##
- .. shrIshivarahasyam . bhImAkhyaH aShTamAMshaH . adhyAyaH 4 . 1-52..

Notes:
Skanda ##skanda## expresses about ŚivaMahimā ##shivamahimA## while speaking to Jaigīṣavya ##jaigIShavya##. He highlights that the entire Universe comprises of Śiva ##shiva##, and that nothing exists that is not Śiva ##shiva##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}