% Text title            : Skandaproktam Tarakaprasangavarnanam
% File name             : skandaproktaMtArakaprasangavarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | IshAkhyaH dvAdashamAMshaH | adhyAyaH 11 manmathadAhaH | 1-34 ||
% Latest update         : December 28, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Tarakaprasangavarnanam ..}##
\itxtitle{.. skandaproktaM tArakaprasa~NgavarNanam ..}##\endtitles ##
(shivarahasyAntargate IshAkhye)

skanda uvAcha |

etasminneva kAle tu tArako nAma dAnavaH |
tArakAtmA mahAtejA babhUvAnandinandanaH || 1||
tasya putrAstrayashchaiva tArakAkSho mahAbalaH |
vidyunmAlI cha balavAn kamalAkShashcha vIryavAn || 2||
tasyAbhavatsuto vIrastAro nAma mahAbalaH |
tapasA labdhavIryashcha prasAdAdbrahmaNaH prabhoH || 3||
so.api tAro mahAtejAstrailokyaM sacharAcharam |
vijitya samare pUrvaM viShNunA cha niShUditaH || 4||
tadA samabhavadyuddhaM tumulaM romaharShaNam |
divyavarShasahasraM tu divArAtramavishramam || 5||
sarathaM viShNumAdAyotsasarja shatayojanam |
tAreNa nirjitashchaiva dudrAva garuDadhvajaH || 6||
tArAchChataguNaM taptvA labdhvA shataguNaM balam |
pitAmahAjjagatsarvammavApa ditinandanaH || 7||
deveshapramukhAn sarvAn jitvA sa ditinandanaH |
drAvayAmAsa vai devAn sarvalokeShu mAyayA || 8||
devatAshcha sahendreNa tArakAdbhayamohitAH |
na shAnnti lebhire shUrAH sharaNaM vA bhayArditAH || 9||
tadA.amarapatiH shrImAn sannivAryAmarAn prabhuH |
uvAcha vAkpatiM devo devAnAmapi sannidhau || 10||
bhagavaMstArako nAma tAreyo dAnavAmbudaH |
tena smo nirjitAH sarve vatsA gopatinA yathA || 11||
bhayAttasmAnmahAbhAga bR^ihadyuddhe bR^ihaspate |
aniruddhA bhramantyete shukuntA iva pi~njarAt || 12||
asmAkaM yAnyamoghAni AyudhAni girAM vara |
tAni moghAni jAyante amarAriprabhAvataH || 13||
dashavarShasahasrANi dviguNAni bR^ihaspate |
viShNunA.a.ayodhito yuddhe viShNunA prabhaviShNunA || 14||
kathamasmadvidhAstasya sthAsyante samare.agrataH |
evamuktastu shakreNa jIvaH sArdhaM surAdhikaiH || 15||
sahasrAkSheNa cha vibhuM samprApya cha pitAmaham |
so.api tasya mukhAchChrutvA praNatiM kamalAsanaH || 16||
devaisheShaiH sendraistu jIvamAha pitAmahaH |
jAne chArtiM surendrANAM tathApi shR^iNu sAmpratam || 17||
vinindya dakShaM yA devI satI dagdhatanuHpurA |
umA hemavatIM jajhe sarvalokanamaskR^itA || 18||
rUpayauvanasampannA sA maheshvarakAminI |
ghoraM tapastapyate.adya shubhe kedAragahvare || 19||
sha~Nkaro.api svayaM devyA viyuktastapasi sthitaH |
ubhayoranayoryogaH kAryaH kAryArthibhiH suraiH || 20||
tayorvIryeNa sambhUtaH skandaH shaktidharaH prabhuH |
ShaDAsyo dvAdashabhujaH senAnIH pAvakaH prabhuH || 21||
svAheyaH kArtikeyashcha gA~NgeyaH sharaShaNDajaH |
senApatiH kumArAkhyaH sarvalokanamaskR^itaH || 22||
lIlayaiva mahAdevaH sabalaM tArakAtmajam |
bAlo.api vinihatyaiko devAn santArayiShyati || 23||
evamuktastadA tena brahmaNA padmayoninA |
bR^ihaspatistadA devaM daivaiH sendraiH praNamya cha || 24||
meroH shikharamAsAdya smaraM sasmAra suvrataH |
smaraNAdeva jIvasya smaro.api saha bhAryayA || 25||
ratyA samaM samAgatya namaskR^itvA kR^itA~njaliH |
sashakramAha taM jIvaM gatajIvo dvijottamAH || 26||
smR^ito.ahaM bhavatA jIva na hantavyo bR^ihaspate |
devaiH sendrairasheShaishcha smR^ita eva nachAnyathA || 27||
gatvA tadAshramaM shambhostayA ratyA mahAbalaH |
vasantena sahAyena devaM yoktumanAbhavat (?) || 28||
tataH samprekShya madanaM sa cha devastriyambakaH |
sa tR^itIyena netreNa madanaM samudaichata || 29||
tato.asya netrajo vahnirmadanaM pArshvataHsthitam |
adahattatkShaNAdeva vyalapatkaruNaM ratiH || 30||
ratyAH pralApamAkarNya devadevo vR^iShadhvajaH |
ghR^iNayA parayA prAha kAmapatnIM nirIkShya cha || 31||
yadA viShNushcha bhavitA vasudevasutaH shubhe |
shApAdbhR^igormahAtejAH sarvalokahitAya vai || 32||
yadA tasyAH suto yaH syAt sa patiste bhaviShyati |
praNamya cha tadA rudraM kAmapatnI shuchismitA || 33||
jagAma madanaM labdhvA vasantena varAnanA || 34||

|| iti shivarahasyAntargate skandaproktaM tArakaprasa~NgavarNanaM sampUrNam ||

\- || shrIshivarahasyam | IshAkhyaH dvAdashamAMshaH | adhyAyaH 11 manmathadAhaH | 1\-34 ||
##
- .. shrIshivarahasyam . IshAkhyaH dvAdashamAMshaH . adhyAyaH 11 manmathadAhaH . 1-34 ..

Notes:

Skanda ##skanda## narrates about the incidence related to the Tārakāsura ##tArakAsura##; whose atrocities cause the Deva-s ##devAH## to look forward to the Marriage of Śiva ##shiva## and Pārvatī ##pArvatI##, that lead to the birth of Skanda ##skanda## (a.k.a. Svāheya ##svAheya##, Kārtikeya ##kArtikeya##, Gāṅgeya ##gA~Ngeya##, Śaraṣaṇḍaja ##sharaShaNDaja##, Senāpati ##senApati##, Kumāra ##kumAra##)  in order to annihilate Tārakāsura ##tArakAsura##.##

##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}