% Text title            : Smaragaurisha Stava
% File name             : smaragaurIshastavaH.itx
% Category              : shiva
% Location              : doc\_shiva
% Proofread by          : Sivakumar Thyagarajan Iyer
% Description/comments  : 48 in Stotrasamuchchaya 1, Edited by Pandit K. Parameshwara Aithal
% Latest update         : September 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Smaragaurisha Stava ..}##
\itxtitle{.. smaragaurIshastavaH ..}##\endtitles ##
(48)
OM shrIgaNeshAya namaH |
bhagavatpAdayatIshvaramamalaM parashivalIlAkalitasharIram |
paramatabhedanirAsanachaturaM paramaM guruvaramAshraya iha tam || 1|| 
smara gaurIshaM smara gaurIshaM smara gaurIshaM pApamate || dhruvapadam ||
yasmAdetad vishvamasheShaM samabhUd yena samanvitamante |
layamapi gachChet paramAnande parashivarUpaparAtparatattve || 2|| 
smara gaurIshaM smara gaurIshaM smara gaurIshaM pApamate ||
mAyAshaktiH samajani yasmAt triguNavyaktiM sR^ijate kAryam |
yadanu kramataH sakalaM janitaM parashivarUpe paramAdhAre || 3|| 
smara gaurIshaM smara gaurIshaM smara gaurIshaM pApamate ||
yanmukhacharaNau haridhAtArau draShTuM yAtau tiryagbhAvam |
divi bhuvi neshau samabhUtAM tau paramaM daivaM nAsti yato.anyat || 4|| 
smara gaurIshaM smara gaurIshaM smara gaurIshaM pApamate ||
yatprAptyarthaM karma samastaM nAlaM yogaH sA~NkhyamataM vA |
bhaktigrAhyaM paramAnandaM bhavarogaikanivAraNachaturam || 5|| 
smara gaurIshaM smara gaurIshaM smara gaurIshaM pApamate ||
li~Nge vArchAM kurute martyo yasya parasya pratipattyartham |
tasya samIrShaM vApyatha gantuM bibhyati dUtAH shamanasyApi || 6|| 
smara gaurIshaM smara gaurIshaM smara gaurIshaM pApamate ||
yasmAd bhItyodeti vivasvAn vAto vAtyapi bhItyA yasmAt |
sarvaM shAsti yadantastiShThannantaryAmishrutikathito yaH || 7|| 
smara gaurIshaM smara gaurIshaM smara gaurIshaM pApamate ||
varNAshramikR^itakarma samastaM yatprItyarthaM kriyate chet tat |
samyag bhavatItyuktamato.anyaH ko vA devo bhavatIshAnAt || 8|| 
smara gaurIshaM smara gaurIshaM smara gaurIshaM pApamate ||
yo vai rudro bhagavAniti yaM shrutirapi sAdhvI sakalAtmAnam |
prAha paresho mokShada iti cha svAhAvachanAdAtharvaNagAt || 9|| 
smara gaurIshaM smara gaurIshaM smara gaurIshaM pApamate ||
shatarudrIyaM japatAM viduShAM sarvakleshavinAshanamUche |
yadanugrahataH sarvanarANAM bhuktirmuktirbhavata iheti || 10|| 
smara gaurIshaM smara gaurIshaM smara gaurIshaM pApamate ||
shiva sha~Nkara hara bhaktasharaNyetyanishaM paThatAM natinutisamaye |
pApavinAshaM kurute bhagavAn parashivabhAvaprakaTanamapi cha || 11|| 
smara gaurIshaM smara gaurIshaM smara gaurIshaM pApamate ||
shrImadvyAghrapurasthitamamalaM chitsukhanaTanavirAjitacharaNam |
devamunIshvarasevitavibhavaM chintakasajjanabhAvitasuShamam || 12|| 
smara gaurIshaM smara gaurIshaM smara gaurIshaM pApamate ||
vedAnteShu yamAhurajasraM vishvAdhika iti sarvamunIndrAH |
mUrtyaShTakavapuShaM kathayante kechit sudhiyaH sakalAtmAnam || 13|| 
smara gaurIshaM smara gaurIshaM smara gaurIshaM pApamate ||
vijayI bhava he parameshvara bho vishvottIrNa vibho paramAtman |
mama hR^idi bhAsita ma~NgalamUrte\rdq{} kuru tava chintArasikaM hR^idayam || 14|| 
smara gaurIshaM smara gaurIshaM smara gaurIshaM pApamate ||
guNavaitR^iShNyaM paravairAgyaM guNachintAnAM yamaniShThAnAm |
yatkR^ipayAtmashivaikyaparANAM na bhavejjananIjaThare vAsaH || 15|| 
smara gaurIshaM smara gaurIshaM smara gaurIshaM pApamate ||
kaNabhugvAdaparishramato vA jaiminitantrakR^itashramato vA |
na bhavati janmashateShvapi muktiH shivacharaNaM bhaja muktinidAnam || 16|| 
smara gaurIshaM smara gaurIshaM smara gaurIshaM pApamate ||
nityaM shuddhaM buddhaM muktaM tvakSharamanubhavagamyaM pUrNam |
yaM shivamekaM pashyanto.amI sa~NgachChante kR^itakR^ityatvam || 17|| 
smara gaurIshaM smara gaurIshaM smara gaurIshaM pApamate ||
indraM viShNuM brahmANaM vA dhyAyantaste yatkR^ipayaiva |
kramato.avApya sadAshivabhAvaM paramodArAH syurbhayahInAH || 18|| 
smara gaurIshaM smara gaurIshaM smara gaurIshaM pApamate ||
sAmAnyAtmatayA hi samastaM pravilApyaitat svapnasadR^ikSham |
yaM pashyanti j~nAnasamAdhau shivamadvaitaM pratyakpravaNAH || 19|| 
smara gaurIshaM smara gaurIshaM smara gaurIshaM pApamate ||
jIvanmuktatayA kR^itakR^ityA api vidvAMsaH parameshasya |
prArabdhakShayaparyantaM te bhaktiM kurvantIti hi shiShTAH || 20|| 
smara gaurIshaM smara gaurIshaM smara gaurIshaM pApamate ||
anvahametat parashivabhajanaM budharamaNIyaM bhavatItyAhuH |
shrutayaH smR^itayaH sudhiyo loke kalitaraNAdisamastapumartham || 21|| 
smara gaurIshaM smara gaurIshaM smara gaurIshaM pApamate ||
kAshIpuravaravAsaparANAM kalikalmaShaharatIrtharatAnAm |
pradishati bhagavAnantimasamaye bhavabhayatArakatArakabodham || 22|| 
smara gaurIshaM smara gaurIshaM smara gaurIshaM pApamate ||
saviturdevasyAntarhR^idaye tiShThan bhargo buddhiM no.asau |
IShTe so.akShiNyekatayokto gAyatryAkhyachChandovachasAm || 23|| 
smara gaurIshaM smara gaurIshaM smara gaurIshaM pApamate ||
na shivAdadhikaM shrutishAsanato na shivAdadhikaM smR^itishAsanataH |
na shivAdadhikaM munishAsanato na shivAdhikaM gurushAsanataH || 24|| 
smara gaurIshaM smara gaurIshaM smara gaurIshaM pApamate ||
bhajagovindastutiriha kathitA bhagavatpAdayatIshvaragurubhiH |
tatkR^ipayaiva shivastavanaM me kR^itamiti santaH karuNAM kuryuH || 25|| 
smara gaurIshaM smara gaurIshaM smara gaurIshaM pApamate ||
somakalAdharashambhoretat stotraM yaH paThatIha manuShyaH |
sa hi bhuvi dhanyaH sa hi bhuvi mAnyaH sa hi bhuvi bhaktaH sa hi bhuvi muktaH ||
smara gaurIshaM smara gaurIshaM smara gaurIshaM pApamate || 26||

iti shrIsmaragaurIshastavaH sampUrNaH |
bhajagaurIshastutiH

##This stotra is on the model of the Bhajagovindam
(also known as mohamudgara) of Shankaracharya,
as is expressly stated in the last but one
verse of this stotra.
It also resembles the updeshashikhAmaNi of
Tyagaraja, disciple of AnandanAtha.##

##
Proofread by Sivakumar Thyagarajan Iyer

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}