% Text title            : Somanatha Mahima Varnanam by Suta
% File name             : somanAthamahimavarNanamsUtaproktam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 17| 43-71||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Somanatha Mahima Varnanam by Suta ..}##
\itxtitle{.. sUtaproktaM somanAthamahimavarNanam ..}##\endtitles ##
tadutkR^iShTamidaM kShetraM puNyaM someshvarAhvayam |
devyai devena kathitaM payoShNItIrasaMsthitam || 1||
darshanAtsarvakAmAnAM siddhiH syAchCha~NkarAj~nayA |
saurAShTrametaddeshAnAM puNyadesho.ayamuttamaH || 2||
somanAthAkhyali~Ngena punarbhUyo virAjate |
somanAthaM mahAdevaM pradoShe yastu pashyati || 3||
bilvIdalAdibhiH pUjya sa mokShamadhigachChati |
payoShNyAM yaH sakR^itsnAtvA somanAthaM praNamya cha || 4||
sa muktaH sarvapApaishcha modate divi devavat |
indugrahe kurukShetre yo dadyAdvai shataM dvije || 5||
sakR^iddR^iShTvA somanAthaM tatphalaM prApnuyAnnaraH |
mahApAtAdivelAsu ayane viShuve tathA || 6||
parvakAle tathAShTamyAM yo dR^iShTvA praNameta cha |
somanAthaM mahAli~NgaM sa vasechChivalokagaH || 7||
somavAre somanAthaM rAtrau sampUjya bhaktitaH |
bilvapatraiH sakR^idbhaktyA sa j~nAnaM vindate mahat || 8||
so.api rAjA.atha kAlena putraM bhadraguNAnvitam |
prApa nAmApi chakre.atha viduratha iti dvijAH || 9||
so.api chAnte shivaM prApa sadAro.atha bR^ihadbalaH |
pitryaM rAjyaM tadA prApa vidUrathanR^ipastadA || 10||
somanAthamahAli~Nge tasyAbhUdbhaktiruttamA |
saurAShTraM sa jagAmAtha sAShTA~NgaspR^iShTabhUtalaH || 11||
sampUjya parayA bhaktyA nAnAvibhavavistaraiH |
uvAcha rAjA tatrainaM hR^iShTo dharmamathAkarot || 12||
shaivAnnaivedyarAshIbhirbhojayAmAsa koTishaH |
payoShNItIrabandhaM cha nAnAsaMsthAnamaNTapAn || 13||
mahArathaM mahAdeve maNTapodyAnagopuram |
prAkArasaMsthavR^iShabhaM sudhAchitravichitritam || 14||
kArayAmAsa vibhavaiH vimAnaChatrachAmaram |
dhUpadIpAdipAtrANi sauvarNAni tadA.akarot || 15||
shivapUjAbhivR^id.hdhyarthaM dadau grAmAnanekashaH |
dvijAnAM shAmbhavAnAM hi grAmAn vipragR^ihojjvalAn || 16||
kArayAmAsa nR^ipatigR^ihopakaraNAnvitAn |
dadau sa shAmbhavAn dR^iShTvA somanAthasya tuShTye || 17||
sa koTibilvapatraishcha pUjayAmAsa taM sadA |
kR^iShNagoghR^itadIpaishchAdIpayatsa shivAlayam || 18||
dhUpadhUmagaNairmAM sa dhUpayAmAsa chAmbike |
naivedyaishcha ghR^itApUparAshibhirmye nyavedayat || 19||
svAdvannarAshibhirdevi vidUrathasamAhvayaH |
nATyakanyAstu chArva~Ngayastena dattA maheshvari || 20||
veNuvINAmR^ida~NgAshcha sha~NakhakAhalavAdakAH |
kalpitAstena deveshi nAdito me shivAlayaH || 21||
somanAthe mayi sadA tasya bhaktiH parA.abhavat |
tayA bhaktyA chiraM rAjyaM bhuktvA mallokamAgataH || 22||
tasya putrashataM tvAsIt sarvaM madbhaktibhAvitam |
dhanuShmantaM mahAbAhuM paravIryanibarhaNam || 23||
kShayadvIraparaM sarva nAnAshastrAstramaNDalam |
tasya jyeShThusutastvAsInmahAratha iti smR^itaH || 24||
so.api someshvare bhaktaH saurAShTresho.abhavachChive |
pituH shataguNaM tena kR^itA me.apachitiH shive || 25||
tasmin shAsati bhUloke shaivA eva sadA janAH |
bhasmarudrAkShahInA~NgAn shAsti bhUpo.ayamuttamaH || 26||
nArudrAkShadhR^igavAsInna rudrAdhyAyavarjitaH |
pa~nchAkSharavihInashcha shivali~NgArchanojjhitaH || 27||
nAbhasmabhAlastatrAsIttasminrAjani shAsati |
samaryAdamabhR^ittena kShmAtalaM tena sundaram || 28||
yathA vidyotate bhAnuH svAMshubhirnAshayaMstamaH |
tathA vedoditAchArairjagattApamapAkarot || 29||

|| iti shivarahasyAntargate shivagaurIsaMvAde sUtaproktaM somanAthamahimavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 17| 43\-71||
##
- .. shrIshivarahasyam . bhargAkhyaH panchamAMshaH . adhyAyaH 17. 43-71..
Notes:
Suta muni describes the glory of Somanatha Jyotirlinga located in Saurashtra on the banks of River Payoshni; and elaborates about merits of worshipping Someshwara Shiva especially during Ayana, Vishuva, festivals, (Krishna) Ashtami-s, Somavara (Monday) during nights.


The shlokas have been renumbered for readers' convenience.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}